九四年十二月十七日,星期六,天陰~詩詩o係醫生批准之下可以離開醫生一日,亦都係最後一日~

[玲玲你地一定要好好睇住詩詩,記得今晚十點半帶佢返黎!]詩詩亞爸好緊張~

[我地會喇!你放心~]玲玲佢地懷住一個好沉重既心情同詩詩一齊離開左醫院~

詩詩同我約定左o係尖沙咀地鐵站等,我一早就到左~

[.....對唔住,我遲到左~]五個女仔一齊行到我身邊,同以往一樣,對白亦都一樣~唯一唔同既係我同詩詩一見面就覽埋一齊~

[唔係~只係我早左到咋~唔關你事~]我對住詩詩講[點呀,瘦左好多喎,功課係咪好多呢?應該好辛苦!]

[係呀!功課真係多左好多~]詩詩一早同玲玲佢地夾定口供~

[咪係~真係好多~]

[咁今日你地柅去邊玩呀?]

[冇所謂啦~]我一早知道佢地會咁答

[不如先去尖沙咀同尖東行街,黃昏再去山頂好冇?]

之後佢地同以往一樣,一邊行一邊笑,詩詩,玲玲,翠翠,Cat同埋YoYo全部都將唔開心既野暫時唔諗,因為佢地個個都好清楚呢次係佢地最後一次行街,所以佢地非常珍惜每一分,每一秒,希望留低最美好既回憶~(最衰我冇帶相機....唉)

而我,亦都同以往一樣,只要詩詩o係我身邊,我就咩都唔怕,充滿自信,活潑,開朗,同平日既我絕對係兩個人,咁先至係雙魚座既人嘛~雖然我唔知道詩詩出左事,但我亦都好珍惜每一分每一秒,因為我地已經差唔多成個月冇見~自從八月我地岩岩識果陣,我o係詩詩既鼓勵之下我冇再同果班豬朋狗友聯絡,每日放左學之後都去補習,我既生活亦都作出左一百八十度既轉變,冇左出夜街蒲既習慣,因為我每晚都要同詩詩傾電話~

我地o係尖沙咀行東行西,行完呢度行果度,好快就到左差唔多四點喇,都係時候食lunch~

[差唔多四點喇,係時候食lunch喇~]我最胃食,所以絕對唔會唔記得食lunch既~嘻嘻~

[係呀~我都有d餓~]詩詩最鍾意和議~

於是我地六個人就走左入尖東既日航酒店CoffceShop~

[我出去拎沙津,你要d咩?]我就算最胃食點都唔會唔記得詩詩果份ge~

[我同你一齊去啦~]

之後我地兩個出左去拎沙津,真係好sweet,剩低玲玲,翠翠,Cat同埋YoYo~

[真係唔將事實話比Derrick知?]Cat問

[對Derrick黎講,呢個打擊實在太大,佢改變左咁多都係為左詩詩一個人,我怕佢會受唔住~]玲玲.......

[係~~一定唔可以比佢知道,比佢地兩個留低最好既回憶啦~]翠翠同YoYo都同意~

[我地返黎喇,你地都係咪要沙津呀?我幫你地拎埋啦~]我係咪好有紳士風度呢~

[唔洗喇,我地自己出去拎得喇,你地兩公婆慢慢食啦~嘻嘻~]

[呀~~~玲玲你~~多事~~]詩詩臉紅喇~

食完左lunch之後,我地沿尖東海旁向尖沙咀碼頭漫步,睇聖誕燈飾~之後搭天星小輪到中環,再搭纜車到山頂~到左山頂,我地行到小徑睇夜景~(係黃昏景掛~而家先至六點幾咋喎~=.=)

[香港好靚呀~Derrick,係咪呀?]

[當然啦~不過我覺得最靚既始終係你~係喇~我有d野比你,將隻手伸出黎~]詩詩將隻手伸左出黎~

[咩黎ga?]

[唔好問,你呢埋眼先~]詩詩聽我講合埋隻眼,但仲問我:[係咩黎ga?]

我將一隻預先準備好既戒指帶o係佢手上面~

[得喇~你睇下~]詩詩睇到之後好開心~[Derrick!]

[呢隻戒指係一對ga~你帶住既有我個名.我呢度都有一隻,刻左你個名上去,我諗只有你先值得為我帶上呢隻戒指~]講完之後我就將隻戒指交比詩詩隻手~

[Derrick,你呢d叫求婚呀?]全部都比玲玲佢地見到哂~

第 7 集完