自我中心
我承認我係一個好自我中心既人。
我只係想嚮呢度寫一Ｄ關於自己既野。
童年
對於小學或更之前既事，其實都唔係太記得。
媽咪話我細細個已經我好頑皮。
到我大個之後睇返幼稚園同小學老師既評語，都係話我活潑好動，唔專心上堂之類既野。
最記得既係小學四年班，參加過班際故事演講比賽，班主任力薦我參賽。
當時我班有另一個同學候選架，不過班主任覺得我較淡定ｄ，決定俾我上台。
好采我都不負所托，勇奪亞軍。
而呢個獎亦係我小學唯一一個上台攞既獎。
Puppy Love
Puppy Love，都係戀既一種。
那一年我只得十一歲，而他，是我參加童軍既領袖。
許多年之後，我卒之承認我係有鍾意過佢。
但我已經分唔出呢種鍾意同個種鍾意係唔係一樣。
中學五年
中學既生活係我最快樂既日子。
嚮母校既懷抱之內，我經歷了許多，成長了許多。
荔天既一點一滴，時時刻刻都充斥於腦海之中。
一向對讀書冇咩興趣既我，體育科理所當然地成為我最愛既科目。
每年既陸運會更係我發揮所長既地方。而我既主打項目係 － 短跑。
其實，我自覺真係冇咩天份。
我只係識得一味向前衝。
腦裡面只係想我要跑第一。
不過又好好釆地跑得贏囉。
中五個年勇奪五金一銀，但遺憾既係未能攞到女子甲組全場總冠軍。
呢個係我一生人裡面既第一個遺憾。
雖然唔鍾意讀書，不過我都要應付會考既。
考左出黎既成績都估計得到，睇完成績單個下，想喊，但不敢。
其實我都幾後悔冇好好讀書架，尤其係而家想再去進修既時候，咩都要最低學歷而我又冇囉。
因為成績太差，所以去左明愛重讀。
亦即是結束左我五年全職學生既生涯。
初戀
初戀那年，十五歲。
就好似所有天真女孩般的初戀，沒什麼特別。
他是我一個朋友的大佬•
見過幾次面，之後就拍拖，三個月之後就分開左。
你問我起初鍾意佢ｄ咩，我答唔出。
你再問我之後唔鍾意佢ｄ咩，我都答唔出。
不過初戀就係咁‥‥‥
朋友之道
中學時期既朋友會係一生既朋友，我一向都咁樣相信架。
圍內既好朋友已經相識十載，我地一齊經歷過好多野，見證住對方成長。
我地曾經好接近，曾經又好陌生。
雖知道大家都有唔同既際遇，繼而唔再好似以前咁天真，
但嚮我心目中，你地一直都會係我最好最疼愛既知己。
眼見好朋友都搵到自己既路，祝福你地，在可見的未來！！