得知Lok Lok找到新工作，祝工作順利! 今晚執相，原來自己起南生圍影既相都未至於太差...偷笑!
17 Nov 05
今日收到一份禮物 - "辭職去旅行"。相信係好書一本，多謝Derek。
14 Nov 05
這個日記將不定期更新，想留多點時間與空間給自己。
12 Nov 05
何罪可畏?
人言可畏。
10 Nov 05
有點身體不適...回到公司沒有即時開始投入工作，而是同人展開"沒完沒了"的罵戰...這樣其實挺沒意思，且看事態會怎樣發展。
哈!今日公司冷氣壞了，大家心神渙散沒法專心工作。老細大慈大悲，濟世為懷放我地三個鐘lunch出外抖抖。成班爛玩精第一時間閃人衝去Green Box來個K lunch!有得食有得唱，唱足三句鐘都只係$45，正!
放工約了Carol到SOGO換golf手套，佢之前幫我買的那對手套似乎細了一點。但因為買左成兩個月，都只係去搏下，好彩補錢都有得換，否則拿著一對唔岩size既手套都唔知戴好定唔戴好...lucky!
09 Nov 05
十年人事幾番新。與一位認識了十年的老朋友重聚，那些十年前的回憶幾近被遺忘，但又好像慢慢地想起來了...
他，樣子沒變，身形也沒變，妙語連珠猶勝當年。今晚機緣巧合，有幸上他的書法班。論書法，自問雖然是個文盲但手字都見得下人。不過認真拿起筆寫寫看，原來每個字都可以好講究。今晚寫了"無、絲、遊、陳、世、水"幾隻字及自己的名字。自問寫左成晚可以見得人既幾粒字真係寥寥可數... 文字的結構與比例，的確是門有趣的學問。希望下次再有機會上"舜禧老師"既書法堂。
落堂後謝謝肥禧(最順耳的叫法)充當校車司機車我同肥成返荃灣!
遇上"舜禧老師"這本真人發聲歷史寶典，當然要把握機會求教。故得知本人今年5月走過的"司馬台長城"乃戰國時代的長城，後經明朝修輯而得現貌。明白晒!之後同肥成食左個喬麥冷麵及檸檬普洱，淡淡的中國茶味與檸檬出奇地配合!Yummy!
與老朋友重聚當然高興，但今日加插一件頗無奈的事。事件內容不作詳述，導致這件事發生相信是溝通出現了問題...Well，雖然第一次拍攝那輯人像照已煙消雲散，無奈是無奈，就當經一事長一智。
08 Nov 05
今日係我起呢間公司剛剛做夠一年既大日子，唔經唔覺咁又一年喇...時間可唔可以行得慢一點?
07 Nov 05
一起身，感覺全身勁唔協調...冇乜邊忽唔痛...
其實真係有諗過請假，不過本著八掛心態，都係頂硬上返工睇下邊個攰到要咋病!結果整整齊齊，一個都冇少...好彩有返工咋!
06 Nov 05
尋晚2:30am先訓，今日6:45am就要起身當兵。
05 Nov 05
今晚到旋旋新居BBQ。原來我都好耐冇BBQ喇!今晚見到好耐冇見既Lok Lok & Yat Lam，言談間完全感受到佢地對工作諸多不滿及壓力之大，慶幸自己工作風平浪靜，生活無憂，終日只顧玩樂，早已忘記今夕何年...haha!不過出黎玩都放唔開心情其實幾悲哀...
唔發嚕騷，可以品嚐美食。
今晚有：1. 網燒大眼雞 - 灑上鹽花及香草已經鮮甜野美。
2. 燒青口 - 加上蒜茸及日本清酒，當然美味無窮。
3. 燒粟米 - 原隻粟米連葉燒，可以保持本身水份，原汁原味。
4. 燒大閘蟹 - 聞所未聞，原來只係將熟左既大閘蟹罄熱，haha。
5. 日本清酒玉乃光 - 酒味不太濃，香甜易入口，抵讚!
原來起屯門要走都唔易。夜麻麻搵巴士，不果。結果要搭亡命小巴回家...
04 Nov 05
品嚐美酒佳餚，就是這麼一件賞心樂事!大閘蟹當灶，宜家唔食又要等到明年秋，故上星期剛吃完兼爆左兩粒瘡都唔理得咁多，今晚到雪園再刷一餐!
02 Nov 05
回到公司，Vincent對我們說有人報串話design team有人在工作時間做freelance。邊個會咁明目張膽?邊個咁衰仔報串呢?
今晚進入sleeping cycle的最後一天，可能訓7個鐘對一般人來說是正常的睡眠時間，但對我來說就有點奢侈了。
01 Nov 05
原來果3個miss call係OT既同事打黎查詢war game事宜，仲以為製作中既YeahBible有咩阻滯呢! 返到屋企繼續sleeping cycle，有得訓好訓喇...過兩日想訓都冇得訓囉...
Oct 05