巫蠱教室
叫得做巫蠱精，當然要講下有關巫蠱既野啦。巫術其實早在先秦時代已經流行啦。巫者，古代能稱能以請神降臨的人也；蠱者，為一種由人工培養成的毒蟲。把多種毒蠱放在器皿裏，使互相咬殺，最後剩下不死的毒蟲叫蠱，多用來害人。
哈哈，點解我叫巫蠱精？咪因為我YEAR 2 同YEAR 3 分別做左2 條有關巫蠱既功課囉。
YEAR 2 情況：
博士囑余作有關巫蠱之論文。小女子對秦漢史素無認識，實感無奈。惟博士心意已決，儘管各學長勸余改題目，余也不敢更改。後得上任巫蠱精LAWRENCE幫助，謂只需於馮平山(港大圖書館五樓) 閉關三十日三十夜，便可成精。小女子亦發誓不成巫蠱精不出馮平山。果然，於馮平山修練甚有成效。最後前後用了四月，才將萬五字之論文寫成。雖謂辛苦，不過此論文實為小女子三年大學之代表作也。
YEAR 3 情況：
YEAR 2 條ESSAY 其實係“秦漢史”呢個COURSE 既功課。做既題目係“試探漢武帝是否有意於巫蠱之禍中除去衛太子”。呢條題目係用政治角度出法。至於YEAR 3 ，就係為“文化史”而做。所做既方向完全唔同，純粹用文化既角度去探討中國古代既巫蠱巫術同埋解蠱既方法。題目就係“從解蠱之方法探討中國巫蠱文化”。
不過呢D 咁學術既野，我唸冇乜人有興趣。不過中國古代確實有好多好搞笑既巫術。雖然話係搞笑，但係都希望大家用尊重既態度去睇番古代既文化。始終巫蠱巫術係當時黎講，唔係玩玩下，全人類都認定呢樣野係害死人既。下至民間，上至宮廷政變，巫蠱都有其影響力。相當於而家既養鬼仔，落降咁上下。
事先聲明，如果有興趣造巫蠱既人係按我提供既方法既話，我係唔會負責任GA。哈哈，有無事都與我無關。當然，呢D 方法信不信由你。(我梗係搵D 你地做唔到既材料啦，搵得到我咪死？哈哈)