睡覺

好多人都會問我做乜成日都訓覺，返學時候係咁放假時候都係咁，我只會答因為我鐘意訓。

今日我終於明白訓覺既道理。訓覺係我既避難所，有咩煩惱唔開心，只要大被蓋過頭睡十幾個鐘就唔使諗。到起身既時候，當然問題仍然存在，但至少我的感覺已經冇十幾個鐘前咁強烈，如果可以訓左唔使醒就好咯！

　

  密集式特訓~

 13-09-2006
第一個星期番工

Mon:第一日就好似人地開學第一日咁，派野啦，介紹公司啦，介紹自己啦，聽下唔同dept既高人講下佢地既高見啦… 雖然好似好輕鬆，但係朝八點九晚五點三坐響度仲要扮到好留心咁聽加埋要俾反應，真係精神上同腰骨上都好累…

Tue:第二日開始入正題，又坐到腰骨痛，不過下晝我地可以去遊街，所以都係上左左半晝堂，但就行左成個下晝…
today topic (introduction to customer service, quality assurance, introduction on airlines accountable documents + airport tour)
今日去左好多做乘客時冇去過的地方，當然啦，好多地方都係staff先入去架啦，今日第一次渣住張禁區證過xray入禁區遊街，由於我係airside的人，呵，日日都要咁樣番工，唉，番工落車入禁區再行去locker我諗都要行三個字…god,,,,

Wed:第三日，簡直令你死去活來，由於唔慣早起身，搭車訓覺又唔可以ai個頭去後面因為個"計"頂住，精神上又累，條頸同條腰都唔係好妥啦… 今日只係上左一個topic就已經可以玩成日…係 basic fare & ticketing induction....即係咩？咪就係教你睇機票囉！唔好以為好簡單，好多好多野要小心要留意，所以我好慶幸我唔係landside的同事…佢地就辛苦喇…日日都要做check in…
九點半就教到五點十，教完即刻黎個open book exam，個個個樣都已經硬膠膠咁，係一隻隻硬膠膠的田鴨，塞完就要即刻嘔番出黎，溫書時間都冇… 結果今日七點先離開… 我條頸同條腰呀!!!!!!!!搭巴士時好頭痛，個頭唔ai得又要dum低訓覺，好辛苦呀!!!!!

聽日就要去機場跟師傅做野喇，仲可以知道跟邊間airline跟邊個師傅同邊個做partner同呢個星期的更表呀!!!!!!!!!!!!! 好緊張呀!!!!!!!!!!!!

　

  靚~

 05-09-2006
呢個星期好多野做，今朝一早番工前約哂d末來同事同學仔一齊去度身造制服。
嘩！好多已經做好既制服響度，好多唔同公司既制服喎！我好似咁大個女都未試過俾人度身造衫，今次係第一次，好新奇呀！

佢仲俾左件現成的制服我地試出黎再度身，好似去G2000買suit咁…
我d男同事仔笑我一拎起條裙就拎埋鏡併下靚唔靚好似出去行街買衫咁喎…哈哈

唔，點解件西裝褸要長過petpet喎，搞到個人好矮架嘛，又冇領喎，好似校褸呀 )))))

後日去埋做bodycheck，希望我順利過到啦，飲多d水先！

　

  2nd in~

 04-09-2006
請了半日假來了個 2nd in，又係一大清早起身去晨運咁，但係要化行粧，又係interview time…

喔！諗住過到2nd in 就一定過埋 final in啦，不過又要黎多日好q麻煩架嘛，邊度有咁多假喎！嘿，佢好似知我點諗咁樣，2nd in 得好唔正常，人地有role play我冇，人地會俾個扮客的interviewer罵我冇，人地要黎多次final in我冇，咩都冇？

問左我一大堆問題，都係關於我自己同份工，結果…
佢最後唔係約我番黎再final in…

佢居然同我講…
"我而家俾個offer你，你出去出面坐低等陣啦！"

我呆左，我覺得我聽錯野囉~(唔使咁急請人下話…)
坐番出去時仲係好奇怪，點解咁突然，人地黎final in請好正常丫，我黎2nd in 都請？

就係咁，等左一輪人in完之後齊人就拎哂d form番屋企填，影埋職員證，通行證… 依然覺得係發緊夢…

問題黎喇…下星期就黎料，要番公司resign…
我最怕resign，感覺好難受，又唔知點開口，唉…

打完封resign letter，掙扎左一輪，終於拎起電話打左俾academic head，唉，好似好對唔住公司咁…

哈哈，響公司乜都唔想做，pae哂！

　

  1st in~

 01-09-2006
既然首要的目標已經化灰，向次要的目標進發，原來我係唔可以無目標的… 有目標可以令我唔再諗唔想諗的事…

一大清早起身，老遠去見工，雖然心情仍然十五十六，知道呢份工一定比現在的"校務處文員"辛苦十倍多野做十倍，人工就… 多勞多得啦…

不過一諗到果種滿足感一定比現在的工勁勁勁勁勁！而且仲好challenging，現在份工係俾唔到我的。

講個名出黎都好聽d啦~

我的預感冇錯啦，直接約左我2nd in啦，我會努力，一定得！

　

  過期~  20-08-2006

太過傷心的時候，需要自閉一段時間…

希望各位會明白…果個消息真係令到我對所有事都提唔起興趣喇…

我真係抱有好大期望，plan好往後大半年要做的事，所有都化灰喇…

終於都可以下決心要自己離開痛苦的日子… 唔想再知，唔想再聽，唔想再見…
　

　

  傷心~  18-08-2006

收到喇…

知結果喇…

過唔到…

好傷心…

好想可以有人俾我攬住係咁喊…

不過…
　

　

  忙~  01-08-2006

八月咯！

呢兩日終於都開始忙喇，兩日返工全日都冇停過手，連食飯都繼續做，都好既，又同同學熟左咯，不過，就響熟熟地時，又要開始追佢地交學費喇，丫丫~ 下個月開學又好多野做喇，都好既，忙到死都係一件好事。

幾時先到十月呢，好期待，應該話好期待想快d知結果，知道左我就可以去電頭髮喇，睇下染咩色？剪幾短？點電法？希望可以過到啦… 過唔到的話，真係唔想咁快到十月十一月十二月…
　

　

  出糧~  29-07-2006

第一份糧第一份糧~!!!!!

唔，好似唔係好夠用，下個月先買定係買左用左先好呢~好心急，買左就洗突份糧咯喎… 好貴啊… 點好呢… 等多一個月好似好耐咁…
　

　

  五十個月快樂  26-07-2006

SINCE YOU HAVE GONE I'M SO ALONE
SO COLD SO HARD TO BE STRONG
BUT LIFE IS GOING ON AND ON

PICK ME UP TAKE ME TO A PLACE I'VE NEVER BEEN BEFORE
IN MY HEART I'VE FOUND A PLACE
TO KEEP YOUR SMILING FACE
DON'T YOU KNOW YOU SHOULD BE HERE
AND YOU'RE HOLDING MY HAND
 
JUST LIKE WE USED TO BE BEFORE

PLEASE PLEASE PICK ME UP....
　

　

  點解？  25-07-2006

昨天，因為supervisor要過尖沙咀了，我就接了他的公司鎖匙，以後番工有壓力啊，番早就要開檔啊！

- - - - - - - - - - - - - - - - - - - -

今天獨自坐巴士，想著想著，忽然覺得每一對一起搭巴士的男女，總會女的坐窗口位，男的坐外面個位，想到了四個原因︰

1)女仔總喜歡坐窗口位望街
2)男仔總會想保護女仔，而女仔總喜歡被喜歡的人保護，所以坐裡面感覺安全些
3)男仔高大一點，所以坐外面唔會咁頂腳，唔會咁夾身
4)落車時男仔可以首先起身幫女仔開路，幾好

坐窗口位的我再望一望坐我隔離的，是一個釣緊魚的女仔…
　

　

  第一個星期天  16-07-2006

今天是我番工後的第一個星期天，在家…

人很好　求不到　
若找不到對象　好處怎麼數
明知道　求不到
大家於派對內　得我不跳舞

姻緣都講求因果　愛情有幾何
於身邊穿梭　最後留下我

不為何　全部都因我
心眼小　想法多
如沒法像最愛的那個　寧願白白讓對象遊蕩過
不為何　其實都因我
給某位　感動過
仍自覺被困上個　仍沒法輕言下個
　

　

  很滿足的一天  15-07-2006

今天，星期六，番了半晏工，點半放工，但就叫了外賣在公司食，還有大既請我食飯，哈哈，開心！

去了灣仔，做了很重要的事，初初好緊張，但原來可以很輕鬆~
心情非常好，搭了地鐵，係地鐵去了銅鑼灣，我咁慳，都唔去搭叮叮，係咪好出奇呢！做咩去銅鑼灣？只係因為想買對耳環，哈哈，上星期行過睇中對耳環，諗住好貴所以冇問價錢就行左，今日就專登去買番佢先！真係買到啦~~開心，好靚呀！仲買左隻杯杯響公司用，正！

要快d整番d文件先！
　

　

  最後一day @ Ocean Park  11-07-2006

繼尋日轟炸式interview之後，我發覺我應該好快會有offer，所以今日番工帶埋辭職信番去，以備不時之需。
點知番到去無耐，九點九，就收到電話叫我聽日番工… 下？如果我要七日通知，聽日點番到？又唔肯講人工…

做野完全心不在焉，唔知道做唔做份工，因為interview之後覺得唔係太好，又唔知人工幾多，但一諗到我好需要好需要一份工的時候，我覺得點都要accept左先…

跟住就拎住封信入房俾我的supervisor，佢就笑笑口問我係咪搵到工，結果在好經鬆的情況下做左我成世人的第一次辭職，感覺好難受。

整日做野都好唔開心，又覺得好唔抵，我仲未拎住張職員證免費入場玩過一日就走，連水母都未睇過，曾經有人應承過陪我去，結果都係扮唔記得…

佢地仲要響我面前執定張枱俾聽日番既新同事用，好過份…

感到安慰既係，第二大manager主動話出去食lunch，仲俾埋我果份，有點感動…
仲有就係，我終於都用我張證買過七五折飛…

搵到工應該好開心，但就係一點開心的感覺都沒有…

放工專登搭纜車上山睇一睇水母，我睇左水母喇…

　

　

  說話的藝術  10-07-2006

在公司其中一個同事的枱頭我見到一張紙仔釘左響度，好奇望下，《說話的藝術》

急事，慢慢的說
大事，清楚的說
小事，幽默的說
沒把握的事，謹慎的說
沒發生的事，不要胡說
做不到的事，別亂說
傷害人的事，不能說
不開心的事，找對對象說
開心的事，看場合說
傷心的事，不要見人就說
別人的事，小心的說
自己的事，聽聽別人怎麼說
尊長的事，多聽少說
夫妻的事，商量著說
孩子們的事，開導的說

很簡單的一些句子，就是每天提醒我們應該怎說話
對著家庭、工作、朋友、情人也適用，好好維繫大家的感情，好好珍惜身邊的人…

　

　

  大梅沙  09-07-2006

大梅沙遊記整理好了，很簡單的，請用心觀看。
　

　

  請給我一份工  06-07-2006
各位朋友，相信大家都知道我好需要一份full time，求求你地如果有朋友有工介紹你地又唔想做的話，請給我啊~真係冇時間喇，我要有工，咩工都唔緊要，人工都唔緊要，請大家給我留意一下，仲要即時上班最好。謝謝

　

  德國對意大利  04-07-2006
今晚我睇左第一場世界盃的球賽，係德國對意大利的準決賽，好好睇，意大利踼得好好，抵羸，希望佢決賽拎埋冠軍啦！今晚有你同我一齊睇好開心呢，好耐好耐都未試過咁樣過一個夜晚，好舒服，好唔捨得呢！

灰裇衫著得舒服嘛？哈，喜歡你著灰色，好靚~
你要內疚呀，我始終係最愛你的人呢，呵，記住，係14.5/32呀！

　

  四十九個月快樂  27-06-2006
今天見到你媽，知道她身體比以前差了，有點不高興，可以的話希望可以見多她幾面。

　

  慶祝？獎勵？  30-05-2006
今天買了渴望已久的nsdl，是慶祝自己畢業，還是獎勵努力過的自己，都沒關係，只是它能夠在這段漫長的日子裡陪伴著我，消除空虛的感覺便夠了…
現時只是養下狗仔，渣下車仔…

　

  四周年快樂~  26-05-2006

今天過得很開心，煮了飯仔，到了濕地公園，吃雪糕，呵呵，晚上還有豐富晚餐+糖水，飽飽~

感覺很好，很喜歡~

雖然今日不是做了很多東西，但就做了很久沒做的東西…
要珍惜…外面吃不到的…豉椒排骨
　

　

  考完試喇！  25-05-2006

終於都考完試，又要plan下下期要做d咩，放學後同同學食埋飯，就番屋企喇，好似好無聊，其實好多野做…
　

　

  又遲到…  17-05-2006

尋晚心情繼續低落，同樣三點先訓，今日返十一點，三號風球，行動緩慢…

今日繼續黑仔，明明知道屯門公路大塞車，係唔信邪走去搭巴士以為塞都趕得切，結果… 十一點三，還在汀九，我的一千六百季尾沒了…

好唔開心好唔開心…恨自己明知沒有機會都要博，博到損手爛腳時才後悔

十一點九先返到去，幸好好多人遲到，應該可以豁免掛…
　

　

  遲大到…  16-05-2006
　

尋晚考完試，食埋飯差不多十二點先返到屋企，好眼訓好累，聽到朋友的哭訴，心情低落…

唔想訓，坐在電腦前，三點了，知道要六點半起身番工，請了兩位好朋友六點半叫我起床，還在手提較了五次鬧鐘，心想︰一定起到身吧！一定要起到身，今天我要為我的未來鋪路，不可遲到…

六點半至七點，兩位好朋友給了我十五次來電，一個都沒聽，鬧鐘響了五次聽唔到…點解? 都是考試惹的禍，原來尋晚手提較了"無聲"，係無聲唔係"震機"… 連震機的dee dee聲都冇，結果就訓到九點，被狗吠聲嘈醒…

醒來從我口中第一句是︰"呀~~~~~~~~~~~~~~~~~"是奪命狂呼
第二句是︰"十五個未接來電?? 點解我聽唔到電話響架?"

我家姐好鎮定咁答我︰你個電話都冇響過…

下???????? (根住就記得…電話較左無聲…)
死死地氣打電話番公司話唔舒服，晏晝先返… 唉好唔開心
晏晝返工又差d遲到，好嬲…

臨收工死死地氣走去問同事關於份工的野，希望我順順利利啦…
　

　

　

  成功左一半喇！  10-05-2006
　

各位親愛的朋友，關心我的朋友，我無辜負到你地對我的支持同期望，我得左喇！！！！！！！！

響我好激動好激動仲未控制到自己情緒時，我只係打左俾三個人話佢地知呢個好消息，雖然我腦裡面不經意地浮起左另外兩個人…但我知我唔應該話俾佢地知，因為佢地知道左之後反而會令到我唔開心，對唔住。

雖然我依然覺得成功仲係離我好遠，好可能要一年後先可達成，而且仲未係100%一定得，希望我可以大步檻過啦，應該話希望我個大話唔會被悉穿…希望上天知道我係幾咁有決心去做，唔好給我任何阻滯，求求你…我真的很期待這份工作。

　

　

  一個人  05-04-2006
　

今天我想講一個人，一個很特別的人，要跟他說聲謝謝。
這個人在我身邊和我相處的時間只有短短一個多月，那段最沮喪最難過的日子裡他給了我最大的支持，只有他知道我每天是怎樣渡過，而我亦只會將所有發生過的事說給他知道，因他並不認識我身邊的人，一個也不認識，因此我願意將我的心底話告訴他。
只要一聽到他的聲音或和他見面，我就會不停地哭，而他總會給我關心、安慰和鼓勵…
還記得聖誕節那天他親手送來的一盒奶和朱古力，我並沒有親手收下，他不但沒有介意，還要我好好休息…
若不是他在我身邊，今天也許我已經不會在這裡謝謝他。
就在我可以再照顧自己的時候，他就功成身退離開了，我對他的記憶所有片段都是不愉快的，但並不昃因為他，這樣真的對他很不公平…
今天我收到了他的來電，又是同樣的感覺，又再訴說著自己的不快樂，他永遠只會聽我訴苦，突然害怕再聽到他的聲音，或許我仍然活在痛苦中，他會令我再重溫一次我的痛苦記憶…
他接受我的情緒失控、忍耐我的發洩，但從來沒有半句怨言，從來沒有發過脾氣…現在的我卻怕他令我記憶重新，我對不起他，這個任勞任怨的朋友。

　

　

  失敗..  02-04-2006
　

我要再次同自己講，我係唔會放棄你…
為左你我聽你說話嘗試去愛另一個人，結果我做唔到…
為左你我將自己的工作活動排得密密麻麻，做多份工，希望自己沒有空檔時間找你，我唔想自己有一刻停落黎，唔想自己精神，只想每一天累得要即刻上床即刻睡著…
今晚我做錯了，我又再俾自己停落黎，坐了在窗邊半小時，又再一次失去目標…
好像bb一樣，不停哭不停哭，希望媽媽會抱起他安慰他，給他一個奶咀令他好好入睡…

　

　

  行山(二)  01-04-2006

今日係山藝班既第二日實習日，因為前日的辛勞、尋日六點半起身番工然後仲要出左街食飯，今朝五點半起唔到身，好彩五點九突然醒左發現自己就遲到…

又係七點五去到彩虹， 因為呢排個個趕功課關係，個個都沒精打彩咁，同上個禮拜好唔同呀！今日八點半到了大網仔，等齊人，九點鐘準時出發！今日有十個check point，以上次的行程估計，今日最多行到四個check point，一直行發現今日既路唔係太難行，好順利咁搵到第一個check point，太開心喇，我地沿河邊行，喔！居然有位同學仔"sir"左落水個pat pat濕左…小意外又係一個小笑話啦~
旅程一直都好順利，我地決定上雷打石山頂，嘩好斜呀，望住山頂一直爬上去，一鼓作氣！因為我地要上山頂食lunch呀，好餓！哈哈，上到379米高的雷打石山頂，又見到蟻行者的標記，呢度地理環境好得意，係俾好多個山圍住的，雖然好靚但…要即刻拎野出黎食啦！食飽我地影下相，阿sir又教下我地cross bearing，我地就落山繼續行喇！
今日我帶第五去六既check point，好開心無帶錯路仲可以響預計時間內到達，不過去到第八個check point時已經係五點三喇，我地唔可以繼續行程，要改路返歸喇，點知就係最後呢一程行錯路喇，好彩我地有上次既經驗，行錯路唔緊要，只要按住你要行的方向一直去就一定行得到去目的地，結果兜兜轉轉之後七點番到終點，行足十個鐘，個個又累又口渴，之後響士多買完野飲，分享下感受之後散隊喇，己經係八點幾…
我地搭番巴士去西貢食飯，然後番屋企喇…好累呀~~~~~仲要曬到頸面耳手都燶左，好慘~~~隻手變左黑白配喇…快d白番就好喇…

而家我正式宣佈，我拎到山藝一級証書喇！

今日好得意事件︰俾牛啤，俾狗追，跌落水
　

　

  放下大石的一天  29-03-2006
　

近幾日都好擔心這件事，其實唉，唔得又無咩影響，可能自己期望好大，而且一直認為有人幫助所以一定要做到啦，但心入面又唔想只係靠人地的力量，所以都俾自己好大壓力，尋日晏晝得好同學相伴練習，心裡定了一點點…
但那邊傳來的不幸消息又再令我更加膽心自己的能力，不能靠別人又要全靠自己，好在這一兩星期都有做少少溫習，因為我從馬會裡學到一件事『凡事都係靠自己好，唔好旨意人』，結果今天這句說話又再靈驗。

多謝八點多就send sms支持我的好姊妹、多謝陪我練習的好同學、多謝背後幫我聯絡和給我鼓勵說話的人…

今朝早表現不差，很順利… 晏晝表現還可以，沒有預期中那麼差，好彩得友人給我一點問題的預測，真的tip中題目，幾條有既定答案的題目都答得中，多謝多謝…

今日個樣又太行政喇，仲要扎埋個pro look，搞到周圍的人都話唔認得我，唔知幾多個人話我今日完全唔同哂，好似成左焦點咁，個個都問我今日做咩去邊…唔想講又唔知點答，所以唔同人就會聽到唔同的答案，答案有present(for師奶同唔熟的人)，interview(for某d師奶同朋友)，真正的答案(for熟人)…

今日發現自己喜歡上打扮得成熟有女人味的自己，加上一個做出來的事往往與外表相反的自己，今日已有不少人因此比左個O形咀加句"下？唔係呀？你都唔似會去做呢d野既人…"俾我
　

今日真係好累好累，七點幾就醒左因為太緊張怕自己訓過龍，一輪運動加一輪心理壓力，再加上晚上的繁忙工作，十二點半回到家，好累好痛喇，要休息，聽朝第一堂恐怕都番唔到喇…

　

　

  行山(一)  25-03-2006
　

今日係山藝班既第一日實習日，今朝五點半就起身出發去北潭涌，係五點半…天都未光
七點五先去到彩虹，仲要搭小巴入西貢再搭巴士先到北潭涌，九點鐘briefing一下，十點出發！
話說今日的行程有十二個checkpoint，看看地圖，一定行得哂啦！點知…因為我地睇唔慣地圖，又唔知原來行山係真係行個山唔係行山路，結果搵左個幾鐘先搵到第一個checkpoint，今日又係落雨天，條褲同對鞋已經拈哂泥，好污漕呀~~~~~~~
我地一隊十人又再出發去第二個checkpoint，點知就迷路了，有地圖有指南針但係都唔知自己響邊，好無耐…
教練知道我地已經唔可以搵到第二個checkpoint，所以決定落山，好，都好… 唉，落到半路… 發現我地響一條雨季時應該係小溪地石堆中，但無其他路行，只好一直爬落去，頭頂身旁有好多好多樹枝呀籐枝呀，又有生滿尖剌的樹，好危險，響披荊斬棘的途中…竟然落大雨！！
成身濕哂，仲要響好滑的石頭向下行…好辛苦…
終於都行到喇，但最後居然要沿引水道爬落地面，有無搞錯！話說當時已經係中午兩點，擔住傘吃我們的午餐，教練再編排路線，一條好容易行而且可以響一個鐘行哂既山路，終於完成今日既旅程…

今晚好開心，我地又再一齊慶祝喇，四十六個月喇，我覺得今晚的時間係完全地屬於我地兩個，我又可以再聽到你只會對我一個說的話，好開心在你心中我依然能夠擔當一個聆聽你心底說話的人，有時候看到你柔弱的一面，心入面會有點酸…

　

　

  首日開工@海洋公園  17-03-2006
　

今日開工的時間係九點，係九點呀…六點半就起身準備出門口，第一日唔可以遲呀！七點四上了961，因為早的關係，中環未係太塞車，所以八點一就到金鐘了，到了統一搭平快巴士，成為$4.7，八點三上車八點半就到了黃竹坑，行過公園只要五分鐘，結果八點半就到了海洋公園，仲以為可以去麥當當食少少野，點知九點先開，結果坐左響度睇am730睇到搭十一，今日睇到尖咀警員槍擊案，好驚又有d唔開心，唔知自己第時會唔會遇到危險…
帶住戰戰兢兢 心情入到office..嘩，我個位就只係office入面淨番的一個位，最衰既位，兩個manager間房門口對正個位，成個dept都係女人，除左五十幾歲的hr manager...
先簽約，開工啦！第一份工作係將05年8月的糧單及稅單奇番俾已經完左contract走左既員工，點解8月既糧單而家先寄番俾人既呢…
點知俾人fake左，要拆過哂一半既信再入過，咁就搞到3點幾…整埋9月果批之後就收工咯！
今日試過員工canteen，幾平但質素成正比… 下次可以食下麥當當，員工買包送汽水呢！

　

　

  馬會日  15-03-2006
　

正當我剛剛要開工的時候，電話dede震，唔，即走入廁所聽啦！

哈哈，一個熟悉的電話號碼，即係有消息咯！電話傳來那位hr dept小姐的聲音︰.....我地係海洋公園打黎既，你之前咪黎in過hr clerk既？想通知你我地已經請左你喇，請問你有冇問題架？.....咁你呢個星期五可以番到工嘛？...
即時精力充沛

但成晚番工都做錯野，好多事發生…

　

　

  見工  13-03-2006
　

今朝早七點起身為左過海見工，在床上不斷淨扎， 去好唔去好？去左唔請我的話side心機side時間side精神side車錢喎…請我的話係好…但番工又遠又貴又辛苦…

掙扎過後，始終貫徹自己的理念，『任何機會都係自己去爭取，唔爭取就係自己放棄無得怨』，結果九點半準時到達，interview我自己認為表現平平，回想自己經常問非所答，而且其中一個interviewer似乎唔太like我，又話仲有幾個candidate要in，一個星期先有通知…

機會都係一半一半啦，等消息…

　

　

　

  增磅  04-03-2006
　

自從體重不斷下跌…每日都膽心唔夠重，不斷不斷狂食野…
今日的我，重番兩磅，連衫褲足足多了二點二公斤，很順利，開心！