我的朋友

歡迎黎到我既網頁!

我的朋友

billy

亞B雖然同我識唔係好耐，不過佢係我最關心既朋友。好多時，佢好多野都好令人擔心。由以前既感情問題，都而家既將來問題，佢都令人擔心。不過唔緊要啦，而家都唔駛人講佢既感情問題啦，係咪？亞B都叫做搵到個好歸縮啦。對人好D呀，死仔。至於將來問題，講真，其實都叫做解決啦，係咪？唔好成日因為咁而唔開心。績極咁面臨，時間就會過得好快架啦。其實佢好多時唔係唔識諗，只不過，係好多因素令到佢諗埋一邊。有時我都唔明，點解你要咁受你屋企既束縛？你有反咁快個人，無理由唔識得諗，唔識得去反抗架麻。好彩佢都仲識得問人意見。起碼仲識得去聽下人地點講。亞B，講真，做兄弟，乜都唔怕講架。我仲好記得我地初初點樣相識，點樣決裂，點樣又成為好兄弟。講真，而家我地分開兩地，我唔想你成為第2個JERRY。佢已經俾金錢收買。我唔係話現實唔好，不過我同你真係無計。你會清楚。點都好啦，你同我，無得計架。

alan

我都唔知點解會同ALAN做到朋友。其實我同佢年齡都相差好大，相識既途徑都係好特別。不過出奇地我地又非常咁合拍喎。ALAN，我可以話佢係一個不折不扣既酒鬼。只要係酒，佢都得架。其實我同佢經歷過好多好多野，仲要係次次都唔小野。不過，過去既，都唔好再提啦。我地而家囉反舊時D野黎講，都成日會笑得好開心。佢把口又係唔識得收架，成日都係度串咀，我由唔夠佢講喎。妖。成日都俾佢食住。有時真係嬲架。不過都算啦。佢電腦好叻，我成日都想學，不過唔知點解，次次見佢走埋部電腦度，我就好自然咁想行開架啦。我自己成日覺得，我欠佢實在係好多好多。係心入面，有時對住佢，自己都覺得唔係咁好受。只有一聲，兄弟，多謝你一路既照顧。無你，亦無今時今日既我。唔係你，可能好多野我自己解決唔到。你係我心目中，有一定既地位。無論點，你都係我好朋友。

sam

亞SAM，唔覺唔覺，都識佢成年幾兩年。我可以好清楚咁話俾大家知，佢真係一個好人。好到我成日都搵佢笨。有時呢，我係度諗，我話到明係搵你笨架啦，點解你仲要黎？唔多唔少，令我有D內疚架。不過，我又係好開心識到佢架。好多時，只要我講話唔開心，不論幾點，係邊度，佢都會黎陪我。其實，做人做到有你咁既朋友，都無乜點囉。開心死啦。好多野，我唔敢做，你又夠薑去幫我做架喎。都唔知點解佢可以咁既。不過呢，佢花心到死。成日都話鐘意邊個邊個，想溝邊個邊個。唉，收心啦，SAM。你都有個女朋友啦，好心唔好成日諗第2個啦。仲有呀，佢有D好激既性經驗架，不過就費事係度講啦。亞SAM，好人。不過呢，我成日都唔知你諗乜架喎。個樣成日都好多諗咁。如果有一日，見到你咁既樣，你又肯話我知你諗乜，我實高興死，同埋我一定會幫你。你都幫我唔少啦。呵呵。

恩恩

恩恩呢，都識佢成兩年架啦。我覺得佢係一個好得人鐘意既女仔，細細個，成日笑，又白痴喎。呵呵。同埋呢，對D電視呢，就陶醉到死，好似"流星花園"咁丫，可以睇完又睇，每次都可以睇到哭哭啼啼。仲有呀，佢可以白痴到呢，因為覺得"流星花園"好睇呢，走去學人地講國語喎，又呢，又耶咁，嘩!你話點頂丫。同埋佢都同我一樣，好死鐘意唱歌架，又唱得好聽過我，唉，睇黎我都係要收山架啦。不過呢，每講到愛情呢，咁就死架啦。佢係個D呢可以為愛情愛到死去活來呀，驚天動地個種黎既。咁就死啦，成日都諗埋一邊，又成日係人面前俾個堅強樣人睇，淨係將D心事收收埋埋。我最唔鐘意佢咁。有時做野又唔經大腦，諗到想點做就去做，成日闖禍。你知唔知係你唔開心既同時，都有人因為你做既野而擔心你架？唔好再係咁啦。又容易發癲，雖則你個樣生得又靚又可愛，不過唔係人人都頂得你順架。同埋呀，自己做人小心D呀，我成日覺得你好容易俾人講下就做架，耳仔軟，又唔識去反抗，好蝕低架麻，女仔人家。不過呢，我而家就當正佢係我個妹咁架啦。我好錫佢架，佢係我個寶貝黎架。邊個蝦佢都唔會有可下場，知無？

david

DAVID仔，係一個我好欣賞既人。佢係音樂方面真係好叻。同埋佢真係好好人，不過就係蠢D，成鬼日都俾我地搵佢笨。其實我有時都覺得會係有D過火架，趁係度，講聲對唔住啦。不過，因為某件事，令到我地既友誼增進好多好多。佢係我識咁多人之中最純品既一個。好純架。拿，各位女士，我大力推薦DAVID仔做你地既男朋友，因為我覺得好似佢咁既人呢，係地球跟本就絕種架啦。唔，係好色E樣唔係咁好啦。講個秘密你地聽啦，佢做咁多年人，都未試過同女仔一齊架。呵呵。如果你地睇中佢，要對佢好D呀，唔好蝦佢呀，知無？唔係我唔肯過妳地架。

jerry

反回首頁