《愛是…》
by 紫雨
< > 類心想 <<
>> 筑紫心想 ( ) 動作
上回提要：
筑紫、類與西門返回東京，筑紫第二日便會回到英德上課。
…………………………………………………………………………………………
~英德學院~
今天早上，類去了筑紫的家接她一起上學。他們一回到英德，便受到很多人的注視。
學生甲：「果個窮人牧野又返o黎喇，還以為她已經退學了。」
學生乙：「道明寺而家失左憶，唔要佢喇，真係大快人心呀。」
學生丙：「你睇嗄佢，道明寺唔要佢，佢又去勾引花澤類，真係一個不知廉恥的醜女人。」
這一切都聽進類與筑紫的耳內。
類忍受不了別人這樣說筑紫，所以忿怒地斥喝著：「你地講夠未呀！」
在埸的所有人，都被類這突如其來怒氣所嚇倒，包括筑紫在內。
<<我從未見過類咁嬲架，佢而家竟然為左我發咁大脾氣。又係果種感覺喇，同佢向我表白果次o既感覺一樣，都係一種甜絲絲o既感覺。莫非，我對類o既感情唔單止係朋友咁簡單？>>
筑紫：「類，你放心，我唔會理人地點講我架，我去上堂先，陣間見啦」
類：「嗯。」
~筑紫課室~
老師：「今日有一個轉校生o黎到我地班。」
此時，一直站在門外的學生便進入課室，筑紫一見到這個轉校生，不禁為之錯愕。
小滋：「大家好，我叫大河原滋，我係由永林學園轉過o黎讀架，以後請大家多多指教。」
老師：「大河原同學，你就坐響……」
小滋未待老師將話說完，便說：「老師，我可唔可以坐響果度呀？」(小滋的手指著筑紫旁邊空出的位置)
「可以。」因為大河原集團的總資產在日本的排名，只是僅次於花澤物產之後，而且小滋又是F4的好朋友，所以老師也不敢逆她的意思。
之後，小滋走到筑紫旁邊的位置坐了下來。
筑紫：「小滋，點解你會轉左o黎英德讀書？」
小滋：「因為我擔心你呀，琴日西門同我講你地返左o黎，我驚你得自己一個人響學校，唔知你應唔應付到，所以我咪轉校o黎陪你囉。」
筑紫：「小滋，多謝你呀。」
小滋：「好喇，有咩野等落堂先再講啦。」
<<就算我失去左道明寺，我仲有一班對我好好、好支持我o既朋友。>>
~午飯時間~
小滋：「筑紫，我地一齊食飯丫？」
筑紫：「唔得呀，我約左人喇，下次先啦。」
小滋：「筑紫，咁我點呀？」
筑紫：「你去學生餐廳搵美作佢地陪你啦。」
筑紫說完，便走到去逃生樓梯會合類。
~逃生樓梯~
筑紫來到逃生樓梯的門口時，便已經見到類在那裡等著。
筑紫：「類，對唔住呀，要你等咁耐。」
類：「唔緊要，我都等左你咁耐啦。」
筑紫聽不出類這樣說是別有用意的，所以繼續說：「都係小滋阻住我囉。係喇，你知唔知小滋轉左o黎我地學校讀呀？」
類：「唔知呀，我地去餐廳食飯先，之後再慢慢講啦。」
筑紫：「嗯。」
<而家有小滋陪住你，咁我就放心喇。>
~學生餐廳~
司：「你地有無見過類呀？都唔知佢究竟做咩架？第一日返o黎，都唔去搵我地。」
西門：「我地都無見過佢呀，佢今朝都無去到上堂。」
此時，小滋來到餐廳，一見到F3便向他們招手，然後走過去坐下來。
司：「死猴女，點解你會響度架？」
小滋：「道明寺少爺，我有名你叫架，係大河原滋而唔係死猴女呀。」
司：「本少爺鍾意點叫你就點叫你。」
美作：「好喇，唔好嘈住。小滋，你點解會響度出現架？」
小滋：「由今日起，我就係英德o既學生，以後前多多指教。」
西門：「你點解會轉校o既？」
小滋：「因為我擔心筑紫，所以我o黎陪佢囉。」
美作：「你話你係o黎陪筑紫，咁筑紫而家響邊呀？」
小滋：「我都唔知呀，佢話佢約左人就走左喇。依？！花澤類呢？」
司：「我都好想知呀。」
就在此時，他們四人看到類與筑紫正走過來餐廳。
《待續》
