《愛是…》 by 紫雨

 

《第十回》                                               8 May, 2003

 

　

< > 類心想   << >> 筑紫心想

 

上回提要：筑紫決定返回東京面對一切，第二日，她和類向美雪請辭，但真紀聽後若有所思地離開了旅館。
…………………………………………………………………………………………
~晚上~

 

美智留：「終於都做完喇。」

 

美雪：「咁你快D去佈置啦，我同花梨準備食物呀。」

 

筑紫：「駛唔駛我同類幫手呀？」

 

美雪：「你要幫手o既話，就幫我打俾真紀，叫佢快D返o黎啦。」

 

筑紫：「好呀。」

 

「嘟…嘟…嘟…」

 

真紀：「喂，邊位呀？」

 

筑紫：「我係筑紫呀，我地個個都等緊你返o黎開歡送會架。」

 

真紀：「我就返到喇，你地開始先啦。」

 

筑紫：「咁我地開始先喇。」

 

一會兒後，真紀回到旅館，臉上掛著一個心事重重的樣子。但沒有人察覺得到，因為每個人也忙著為筑紫、類開歡送會。

 

美雪：「人齊喇，咁歡送會而家正式開始。」

 

每一個人都好投入在這個歡送會當中，只有真紀一個悶悶不樂的樣子。突然，他走到筑紫旁邊，說：「筑紫，我有D野想同你單獨傾，你可唔可以出一出o黎呀？」

 

筑紫：「嗯。」

 

之後，他倆便走到旅館內的小花圃中。

 

筑紫：「真紀，你有咩同我講呀？」

 

真紀：「筑紫，我…我鍾意你。」

 

筑紫聽後起初有點愕然，但很快便回過神來，說：「你話你鍾意我，咁你講一個理由俾我聽丫。」

 

真紀想了想，認真地說：「我鍾意你爽朗o既性格。」

 

筑紫幽幽的說：「爽朗o既性格！？你知唔知我點解會o黎北海道呀？」

 

真紀：「……」

 

筑紫：「我o黎北海道o既目的，係因為我想逃避，我唔係你想像中咁好架。」

 

真紀：「但我真係鍾意你架。」

 

筑紫：「真紀，愛，係必須要經歷了解架，我同你只係認識左兩個星期都唔夠，大家跟本都未了解到對方。你咁唔係叫做鍾意呀，只係喜歡。」

 

真紀：「對唔住呀，突然同你講埋D咁o既野。我明架喇，我會祝福你同花澤類架。」

 

筑紫：「你誤會喇，我同類無野架，我地只係朋友。」

 

真紀：「但我睇得出佢係好鍾意你架。」

 

筑紫：「我都知，而且我對佢都唔係無感覺，但係而家我真係無心理準備去接受佢，因為我剛剛先同以前果個男朋友分手。」

 

真紀：「你要好好把握呀。好喇，我地返入去啦。」

 

之後，這個歡送會就在一片歡笑聲中渡過。

 

~第二日‥成田機場~

 

筑紫：「終於返到o黎東京喇。」

 

類：「筑紫，你聽日就可以返去英德架喇。」

 

筑紫：「類，唔該你呀。」

 

類：「西門，你返去先，我送筑紫返去。」

 

西門：「嗯。筑紫，聽日英德見。」

 

~筑紫家~

 

筑紫：「類，多謝你送我返o黎呀。」

 

類：「筑紫，聽日返去英德，你一定會遇到阿司架，你要面對佢，唔好再逃避喇。」

 

筑紫：「你放心啦，我唔會再逃避。」

 

之後筑紫向類報以一個微笑，目的是為了讓類安心，但類還是很擔心。

 

類：「聽朝我o黎接你返學丫。」

 

「好呀。」筑紫知道類的心意，所以也沒有拒絕。

 

<希望你真係可以面對阿司。>

 

<<類，若不是一直有你在我身邊，我諗我連返o黎東京o既勇氣都無。為左我自己，亦都為左你，我唔會再逃避。>>

 

《待續》