《愛是…》
by 紫雨
<<< >>>
小滋心想 <<<< >>>> 西門心想
上回提要：類揹著筑紫步行回家，途中被一名英德學生拍下照片。另外，優紀決定在移民之前再次各西門示愛。…………………………………………………………………………………
~類家~
今天，筑紫一早便起床了。她梳洗完後，便走到廚房準備煮早餐。起初傭人也不情願讓筑紫煮早餐的，但礙於她是少爺的客人，所以到最後還是得讓她親自為類煮早餐。
筑紫一煮完，便來到類的房間，當她入到類的房間時，類已經梳洗好，倚著窗台而站。
筑紫：「類，你今朝咁早起身既？」
當類聽到筑紫的聲音後，便回過頭來說：「因為你應承我，今朝會煮早餐俾我食，咁我咪早D起身囉。」
筑紫：「咁仲唔快D出黎食？」
~飯廳~
類：「好食呀。」
筑紫：「當然好食啦，你鍾意食既話，咁以後我煮多D俾你丫，好唔好呀？」
類：「好呀，咁一言為定喇。」
之後，他們便好好地享受著這一頓溫馨的早餐。吃完後，類便駕著他的跑車與筑紫一同上學。
~英德學院~
昨晚拍得類與筑紫的照片的學生，將那些照片張貼公告板上，還標上了主題《花澤類與牧野筑紫正在熱戀中，昨晚公然在鬧市中耍花槍》。
在類與筑紫還未回到英德之前，所有在校內的師生都看了那些相片。
當類與筑紫一下車，便成為眾人的焦點所在。
筑紫輕聲地對類說：「類，你覺唔覺得所有人都好似望住我地咁呀？」
類已經習慣了這種被注視的目光，所以不以為然的說：「唔覺呀，咪同平時一樣。」
之後，類便送筑紫回到課室。
~課室~
類：「陣間我黎搵你丫。」
類說完便走了，之後筑紫便回到座位坐下，她聽到鄰座的同學的對話。
同學甲：「你地睇下，花澤類同埋牧野筑紫呀，佢地又響埋一六喇。」
同學乙：「今朝我見到牧野同花澤類一齊返學呀。」
同學丙：「你估佢地係咪真係拍拖呀？」
同學乙：「仲會有假咩，都搬埋一齊住啦，而家仲送埋佢返學添。」
同學丙：「佢有咩好呀？點解F4先後會有兩個成員鍾意佢？」
此時，小滋急步地來到筑紫的跟前。
筑紫：「早晨呀，小滋。」
小滋喘著氣說：「筑紫，係…係唔係真架？」
筑紫大惑不解的說：「小滋，你問咩呀？」
小滋：「我係問你，公告板上面所寫既野係咪真架？」
筑紫：「公告板？我無睇過呀，究竟有咩事呀？」
小滋：「有人貼左你同花澤類既相上去個公告板，仲寫左個標題，《花澤類與牧野筑紫正在熱戀中，昨晚公然在鬧市中耍花槍》。」
筑紫：「嗄？！邊個同我開咁大既玩笑呀？」
小滋：「咁你而家係咪真係同花澤類拍拖？」
此時，上課的鐘聲響起，於是筑紫便立刻說：「要上堂喇，落堂先再傾啦。」
小滋亦很不情願地返回座位。
~草地~
司：「你地知唔知類同果個窮女人一齊呀？」
西門：「你做咩無端端咁講呀？」
司：「你地無睇過個告示板咩？」
西門、美作：「無喎。」
司：「有人貼左佢兩個好親密既相出黎。」
美作：「唔係呀？！」
司：「我一早就話佢係類既女朋友架啦，唔知你地之前點解係要話佢係我女朋友。」
<<<<希望類同筑紫可以順順利利咁響埋一齊啦，如果而家阿司恢復記憶，咁件事就會變得更加複雜。>>>>
~午飯時間~
小滋：「筑紫，你快D答我個問題呀。」
筑紫裝作甚麼都不知道的模樣：「咩問題呀？」
小滋：「好，我再問過你，你係咪同……」
在小滋還未問完的時候，筑紫見到類就在課室門外，像是見到救星一樣，與他交換了一個眼神後，便立即拿起背包往門外走。
筑紫：「小滋我走先喇。」
小滋：「喂，筑紫，我仲未問完架。」
小滋說完之後，便看見類站在門外，而筑紫亦正向著那個方向走去。
<<<筑紫，睇黎你真係已經放得低阿司喇，希望你同花澤類會得到幸福丫。>>>
~課室門外~
筑紫：「類，好在你早左黎咋，唔係我都唔知點應付小滋既問題呀。」
類：「小滋問你咩問題呀？」
筑紫：「佢問我係咪同你拍拖。」
類：「咁你咪話俾佢聽囉，唔通你唔想人地知道我同你拍拖？」
筑紫很緊張的說：「類，我唔係咁諗呀，只不過……」
類：「我知，你係因為阿司，我唔緊要架，如果阿司有一日恢復記憶既話，我願意退出。」
筑紫：「類，你唔好將我睇成係一個咁既人，我一定唔會拋棄你架，而家既我只係鍾意花澤類你一個人。我地而家即刻去搵西門佢地，同佢地講我地拍拖既事。」
《待續》
