《愛是…》
by 紫雨
《第十八回》
6 July, 2003
< > 優紀心想 << >> 司心想
上回提要：筑紫為了讓類知道，現在她最愛的是他，而不是司，於是決定去找西門等人，告知他們交往的事。
…………………………………………………………………………………………
~學生餐廳~
司、西門、美作、小滋、櫻子及和也都在餐廳內用餐，還在討論類與筑紫交往一事。
櫻子：「你地估牧野前輩係咪真係同花澤類一齊呢？」
小滋：「剛剛落堂果時，我見到花澤類企左響課室門口等筑紫，我諗佢地真係拍緊拖。」
美作：「類同筑紫以前既關係已經係好特別，如果佢地真係拍拖都唔出奇丫。」
和也：「我相信花澤類一定可以俾到幸福筑紫架，(望著道明寺)唔會好似某D人咁傷得佢咁深。」
司：「暴發戶個仔，你咁講係咩意思呀？」
和也：「我而家講得唔岩咩？唔係因為你，之前筑紫就唔會連我地呢班朋友都唔講一聲就去左北海道。」
司氣沖沖地說：「佢去又關我咩事呀？」
和也：「你敢講話唔關你事？」
西門：「好喇，唔好再嘈喇。」
司：「你估我好想同佢嘈架。」
此時，類與筑紫正站在餐廳門口四處搜尋西門他們的位置，櫻子看見便向他們揮手示意過來。
櫻子：「牧野前輩，呢邊呀。」
筑紫：「我地黎，係有野想同大家講，我同類而家正在交往中。」
美作：「類，真係難為你喇，呢個一D都唔可愛兼且咁暴力既女人你都肯要呀。」
小滋：「美作，你再咁多野講，小心筑紫打你呀。」
筑紫：「小滋，連你都咁話我，我真係咁暴力咩？」
司聽到筑紫與類正在交往後，顯得有點不是味兒：「類，估唔到你鍾意既類型都幾特別喎。」
「我鍾意就得啦。」雖然類在理智上知道，司是因為失憶才會對筑紫說出那些傷害性的說話，但類始終不能原諒他，也不想與他再作任何無謂的交談。
小滋：「不如我地今晚開個party，慶祝花澤類同筑紫拍拖好唔好呀？」
櫻子：「小滋，你呢個提議好好呀，就響花澤類屋企開啦。」
筑紫：「小滋、櫻子，你地都未問過我地既意見就自己亂作決定啦，而且你知道類會俾你地響佢屋企開party咩？」
小滋：「花澤類，我地可唔可以響你屋企開party呀？」
類：「我無所謂。」
小滋：「而家花澤類都應承左我地喇，咁你就無野好講啦。」
筑紫：「類，你做咩唔阻止佢地呀？」
類：「我覺得無咩所謂，大家開心咪得囉。」
櫻子：「所有野交俾我同小滋準備得喇，你地只要準時出席。」
美作：「咁今晚幾點呀？」
小滋：「七點鐘去到花澤類屋企，ok？」
眾人：「ok。」
小滋：「筑紫，叫埋優紀一齊黎丫，多D人玩開心D架。」
~放學後~
櫻子：「筑紫，我同小滋去買野食先。」
筑紫：「你地識唔識去呀？駛唔駛我陪你地呀？」
小滋：「唔駛，我地自己去得喇，唔好唔記得你仲要去搵優紀架。」
筑紫：「嗯，咁陣間見啦。」
待小滋與櫻子走後，筑紫便對類說：「類，我地而家去市立高中搵優紀丫，佢應該未放學架。」
~市立高中門外~
筑紫與類來到得時候，剛好是放學的時候。他們在門外等了沒多久，優紀便出來了。
筑紫：「優紀，呢邊呀。」
優紀：「筑紫？！你黎搵我做咩事呀？」
筑紫：「今晚我地會響類屋企開party，你都黎一齊玩丫。」
<再過多四日我就要走喇，呢個係一個好機會，咁我就可以同西門講清楚。>
優紀：「好呀，但係我唔識去花澤類屋企喎。」
筑紫：「唔緊要，我地而家送你返屋企擺低D野，之後一齊去咪得囉。」
優紀：「咁麻煩晒你地喇。」
~司家~
司回到家中，便不斷地想著類與筑紫交往的事情。
<<點解當筑紫話佢同類拍拖果時，我會有一種難過既感覺既？佢明明同我係毫不相干，但係……>>
正當司想得入神之際，他一不小心踏錯階級，便從二樓的樓梯滾了下來。在他失去知覺前的一刻，所有昔日與筑紫一起的記憶都浮現在眼前，有他與筑紫第一次相遇時的情景，有他們拍拖時發生過的種種趣事等等。
玉嫂：「少爺暈左呀，快D叫醫生黎啦，搵人扶少爺返房。」
~醫生診治後~
醫生：「道明寺少爺已經無乜大礙，抖一陣就無事，不過最好去醫院再作一次詳細既檢查，以察安全。」
玉嫂：「唔該你呀，醫生。」
一會兒後，司醒了過來。
玉嫂：「少爺，你醒喇，我好擔心你呀。」
司：「玉嫂，我……都係無野喇。」
<<我恢復記憶喇，但係筑紫同類又……我可以點做呀？>>
《待續》
