《愛是…》 by 紫雨

 

《第九回》                                               5 May, 2003

 

　

< > 類心想   << >> 筑紫心想   <<< >>> 真紀心想

 

上回提要：筑紫與類去了函館，類更向筑紫示愛，可惜被她拒絕了。
…………………………………………………………………………………………
~類的別墅~

 

當類與筑紫剛進入大門，傭人便向類說：「少爺、牧野小姐，你地返o黎喇，西門少爺o黎左搵你地呀。」

 

類：「咁佢而家響邊呀？」

 

傭人：「西門少爺而家響大廳等緊你地。」

 

類：「待喇，你去做其他野。」

 

<究竟西門搵我地有咩事呢？>

 

~大廳~

 

西門：「你地終於返o黎喇，我等左你地成個下晝呀。」

 

筑紫：「你o黎搵我地又唔事先通知我地。」

 

西門：「我想俾個驚喜你地丫嘛。」

 

類冷冷地問：「西門，你搵我地有咩事呀？」

 

西門收起掛在臉上的笑容，一臉認真地說：「嗯，自從筑紫走左之後，阿司已經變得怪怪的。之後，連你都失埋蹤，我同美作就估你兩個係咪響埋一齊啦，阿司聽到就發晒脾氣咁。而且，之後幾日他都周圍搵人o黎發洩，而家英德D人都好驚佢呀。」

 

筑紫：「咁你想我地點丫？」

 

西門：「我想你地返去攪清楚件事。」

 

筑紫並沒有回應，只是自顧自地陷入一片沉思之中。

 

類見筑紫沒有回應，便說：「而家都好夜喇，有咩等到聽日先再講啦，筑紫，快D去訓啦，聽日仲要返工架。」

 

之後，他們便返回各自的房間。

 

~筑紫房中~

 

<<點解道明寺會咁o既？佢係唔係恢復番記憶呢？而家o既我，又應該點去面對佢呢？>>

 

突然，房門推開了，原來是類，他因為擔心筑紫，所以來了她的房間看看她。但筑紫並沒有發覺類入了她的房間，還繼續沉沒在自己的思緒當中。

 

類：「筑紫。」

 

筑紫：「……」

 

類：「筑紫。」

 

筑紫：「丫！類，原來係你呀，你做咩行路無聲架？」

 

類：「係你自己諗野諗得太入神，無留意到我唧。」

 

筑紫：「可能啦。」

 

筑紫臉上又閃過一絲悲傷的神情。

 

<筑紫，見到你咁樣，我真係好心痛架。>

 

類：「筑紫，唔好再逃避喇，要面對o既始終要面對。」

 

<希望你可以諗清楚究竟應該點做。>

 

類說完便走了，留下筑紫一個人在房中想著。

 

<<類講得o岩，要面對o既始終要面對，我係咁逃避都係解決唔到問題。或者我應該返去同道明去講清楚，咁我先可以過番D正常生活。>>

 

~第二日~

 

類與筑紫一同去旅館打工，在途中，筑紫對類說：「類，我諗清楚喇，我唔會再逃避，我決定返去東京。」

 

類：「好，就明天回去。」

 

筑紫：「嗯，仲有一件事我想你幫我架。」

 

類：「咩事呀？」

 

筑紫：「我無返學差唔多兩個星期，我又無請假，我一定會被停課架，所以…」

 

類未待筑紫說完便說：「所以你係想我幫你同校長講，俾你復課，係唔係呀？」

 

筑紫：「嗯。」

 

類：「你放心啦，我一定會幫你o既。」

 

筑紫：「類，多謝你呀。」

 

~阿寒湖溫泉旅館~

 

筑紫：「美雪，我同類要辭職。」

 

美雪未及開口，便被一直站在一旁的真紀搶先說了：「什麼？你地要辭職，點解呀？」

 

筑紫：「我好多謝你地在這段時間內咁照顧我，但係我有一D事必須要返去東京處理，希望你地會明白。」

 

美雪：「你既然已經決定左，我會尊重你o既。」

 

筑紫：「美雪，好多謝你呀。」

 

美智留：「美雪，不如我地今晚幫佢兩個搞個歡送會，好唔好呀？」

 

美雪：「好呀，咁就由你去準備啦。」

 

美智留：「OK！」

 

正當眾人都在興高采烈地談論著今晚的歡送會時，真紀黯然地離開了旅館，漫無目的地在街上遊蕩。

 

<<<筑紫要走喇，我究竟應唔應該同佢表白呢？>>>

 

《待續》