《我的守護天使》 by 紫雨

《第十一回》                                          18 April, 2003

時間過得很快，距離類與雪見訂婚的日子，已經過了兩個月。自從他們訂婚後，便開始過著同居生活，而雪見的心臟病，也醫好得七七八八了。其他事情也一切如常，只是在英德學院內，再找不到道明寺司的蹤影。

~英德學院‥後花園~

F3、雪見、和也與纓子坐在草地上傾談著。

美作：個個都忙住拍拖，大家好耐無一齊出o黎玩喇。

西門像是有言外之意地說：和也、纓子，你地話係唔係呀？

纓子明白西門是話中有話，說：你點知架？

西門：我昨晚見到你地手拖著手一齊行街。

雪：和也，你真係唔夠朋友呀，拍拖都唔同我地講。

和也：因為我同纓子係上星期先開始交往，感情未係咁穩定，所以咪唔話俾你地聽住囉。嘻，Sorry呀。

美作：既然大家都忙住拍拖，不如我地每隔兩個星期，就出o黎聚一聚，大家覺得好唔好呀？

眾人：好，就咁決定。

突然，雪見感到好唔舒服，好想嘔吐。

緊張的類便關切地問：阿雪，你有無事呀？不如我帶你去睇醫生。

雪見為了讓類安心，於是將手搭在他的膊頭上，說：類，我無事架，去一去洗手間就得架喇。

纓子：草摩前輩，我陪你去呀。

~洗手間~

纓子：前輩，你近排係唔係成日嘔架？

雪：纓子，你點知架？

纓子：前輩，你嘔得咁犀利，這些可能是孕吐呀，你快D去檢查o下啦。

雪：嗄，孕吐!?纓子，咁我係咪即係有左。

纓子：唔知係唔係呀，所以咪叫你去檢查囉。

雪：纓子，放左學你可唔可以陪我去呀？

纓子：你做乜唔叫花澤類陪你去呀？

雪：我唔想佢擔心呀。

纓子：咁好啦。

雪：纓子，唔該你呀。

放學後，雪見對類說，好要和纓子去行街，所以不和他一起回家。其實，她和纓子是去了婦產科診所度檢查，但係報告要到明天先至有，所以雪見也只好回家等候消息。

~家中~

類：阿雪，咁早就返o既？

雪：唔舒服咪早D返o黎休息。

類：咁你快D沖完涼去休息啦。

雪：類，明天我唔想返學，你幫我請假呀。

類：嗯，不如我都唔返學，留係度照顧你。

雪：唔駛喇，我識得照顧自己架喇。

其實，雪見根本無唔舒服，只是因為她想自己一個去拿報告，才欺騙類的。

~婦產科診所~

醫生：草摩小姐，你的報告已經出左。

雪：醫生，咁個報告講咩呀？

醫生：草摩小姐，恭喜你呀，你就o黎做媽媽喇。

因為雪見肚內有著類的孩子，所以她覺得很感動，於是哭了出來。

醫生：草摩小姐，每個女人第一次懷孕，心情難免都會有起伏。不過你以後要小心D呀，因為而家已經多了一條小生命在你肚內。

雪：我會架喇，醫生。真係唔該晒你呀。

~家中~

雪見知道自己懷孕之後，就好開心的在家中等待著類回家，告訴他這個好消息。但等到傍晚時份，類還未回家，雪見的心中有一種不祥的預感。

突然，電話響起，雪見想必是類。但她一拿起聽筒，聽見的是一陌生男子的聲音。

《待續》

作者的話：

究竟在類與雪見身上，會發生D咩事呢？嘻~嘻~下一回就自有分曉。