《我的守護天使》 by 紫雨

《第十三回》                                          19April, 2003

< > 類心想

之後，她不再說話，只是默默地看著類。忽然，她驚覺一顆眼淚已從他的眼角流到腮邊來，她把它接住，而且還感覺到它是溫暖的。

雪：阿類，你流眼淚，你係唔係聽到我同你講野呀？類，我係阿雪呀，我就係你身邊咋，你快D醒啦。

雪見看見類的眼瞼有點抖動，他似在掙扎著，於是她急得慌亂起來，說：阿類，，我而家去叫醫生o黎，你一定要快D醒番呀。

正當雪見步出病房的門口，她看見西門、優紀、美作、小滋、纓子和一個熟悉的身影—道明寺司，全站在病房門外。其實，他們一早已經來到，只是不想騷擾到雪見，所以他們才站在門外等候。

西門：和也已經去了叫醫生來，你快D返入去繼續叫阿類啦。

雪：多謝你地呀。

於是，雪見便返回病房裡，繼續與類一起和命運搏鬥。

<我不知道自己身在何處。我已經死了？抑或仍在夢中？我一片迷糊，但我知道阿雪就在身旁，她緊握著我的手。>

<我記起，自己原本在回家的途中，因為擔心阿雪，所以我駕駛得比平時快了少許。之後，有一輛客貨車衝紅燈，我剎唔切制，所以就撞左車。>

<又不知過了多久，我依稀聽到人聲。我想起床，但遍身痛楚，動彈不得。良久，我聽到有人叫喚我，我嘗試輕微移動頭部去追尋聲音。>

類喃喃低喚：阿雪，阿雪！

但回應類的是優紀：花澤類，你覺得點呀？

類：阿雪呢？她走了？

西門：佢而家在沙發睡了，已經撐左幾日喇，下晝見你醒過，醫生又o黎檢查過，她才肯去休息。

雪見聽到西門與優紀的談話聲，但除了他倆，還有一把熟悉的聲音，於是便醒了過來。

雪見輕撫類的手臂，說：類，你終於醒喇。

類嘗試睜開眼，說：阿雪，你是不是一直在叫我？

因為類甦醒了，雪見現在已經淚流滿面，哽咽的說：係…係我一直…在叫你。

類：我有聽到呀。

雪：你點呀？

類：全身都好痛。係喇，而家我是什麼模樣？

雪：你的臉腫到像豬頭。

類：豬頭!?你記唔記得，你以前係英德天台度鬧過我地F4係豬頭四，而家我真係做左豬頭喇。

雪：嗯。

類：阿雪，你返屋企休息啦。

雪見低頭不語，像是受了委屈般。

類見她難過得想哭，便連忙道歉：對唔住呀，我一定係將個腦撞壞左，所以先會亂說話。

雪：你知唔知呀？我等左你咁多日，先等到你講多兩句話，你而家竟然要我走！

類：原來你鍾意同豬頭講野。

雪見終於笑了，說：你無事就太好了。嗯，我……

類：有咩事呀？

雪有點面紅說：我…我有左BB，已經兩個月喇。

類：真o既？太好喇。…但係我而家咁，點樣同你結婚呀？

雪：咪等你好番先囉。

類：但係等到我好番先，你見肚架喇。

雪：咁咪生完先結囉。

類：咁你咪要做未婚媽媽。

雪：唔緊要啦，未結婚唧，但係我地訂左婚呀。

類：咁都係唧。

雪：你幾時變到咁煩架？我話左得就得啦，你而家最緊要養好傷先，乜野都唔好諗住。

類：知道，未來老婆大人。

雪：呀，你……

《待續》

作者的話：

應該仲有一至兩回就完架喇，好多謝大家一直咁支持我！！

得閒去o下我個留言板度留言…..(^.^)…..