《我的守護天使》 by 紫雨

《第五回》                                           14 April, 2003

< > 西門心想

~英德學院~

類與雪見一回到學校，便吸引了很多目光的注視，大家都在討論到底他倆是否在拍拖，皆因他們臉上的甜蜜笑容出賣了他們。但類與雪見並沒有理會他們的目光，繼續走到去後花園搵西門、美作、和也及纓子。

~後花園~

雪：大家，早晨呀。

和也、西門：早晨。

纓子：早晨呀，草摩前輩。

美作：早晨呀，大美人。

雪：唔好講笑啦。

美作：唔係講笑架，你真你靚左好多。

西門用半開玩笑的語氣說：早知你係個大美人，以前我都追你啦。

雪：多謝你o既賞識喎。

雪見自從回復草摩雪見的身份後，便注重番自己的儀表，人也變得比以前漂亮，其實她本來是個大美人，但以前因為不想太過招搖，所以刻意打扮得醜樣D。現在有了愛情滋潤的她，就更加美麗動人添。

雪：係喇，今日阿類有D野想同大家宣布。

語畢，雪見便向類打了一個眼色，於是類便有點不好意思，說：我同阿雪正在交往中。

眾人：嗄!?

纓子：點解昨天問你地係唔係拍拖，你地又否認呀？

雪：因為我地係今朝先開始架。

他們這段對話，剛巧被一個經過後花園的女生聽見，之後這名女生便四處同人提及類與雪見拍拖的消息。不消一個早上，全校的師生都知道這消息了。

~午飯時間~學生餐廳~

美作：犀利喎，一個朝早就成校都知你地拍拖。

雪：都唔知係邊個周圍傳架。

類：無所為啦，反正D人遲早都會知道。

西門：類、雪見，阿司明天開始復課，你地打算點呀？

類：當然係話俾佢聽啦，我地唔會逃避。

雪：因為我地都好希望可以得到佢o既祝福。

西門：咁就得喇。

<我究竟好唔好話俾佢地知，其實阿司根本無失憶呢？>

~司家中~

西門因為擔心，若果阿司明天回到學校才知道類與雪見拍拖，恐怕他一時間會接受唔到，於是放學後便去了找阿司。

傭人：西門少爺。

西門：阿司係邊呀？

傭人：司少爺在睡房中。

西門：唔該。

~司房中~

西門：阿司。

司：西門，咁好o黎探我呀。

西門：我o黎係有D野想同你講。

司：咩事呀？

西門：類同雪見拍緊拖。

司：咁咪好囉，類一定可以俾到幸福佢。

西門：你真係唔話俾佢地聽，你無失憶呀？

司：唔駛喇。以前如果唔係我，佢地可能已經一早就係埋一齊。

西門：或者啦。無其他事喇，我走先。

司：Bye-bye.

當西門離開後，阿司的眼淚便像失控般流下來。或者對他來說，哭是唯一可以發洩情勢的途徑。

~紐約‥道明寺楓辦公室中~

楓：宇田，點解以前我叫你查牧野筑紫o既時候，你查唔到佢係草摩智也個獨生女？

宇田：對唔住，道明寺總裁，我承認係我失職。

楓：算喇，你而家即刻同我去約草摩智也，話我有緊要事搵佢。

宇田：知道，道明寺總裁。

~草摩智也辦公室~

楓：草摩總裁，你好呀。

也：道明寺總裁，客套o既說話唔駛講咁多，快D講你今日o黎搵我的目的。

楓：草摩總裁，咁我就入正題啦，既然我個仔同你個女拍緊拖，我地做父母o既不如成人之美，幫佢地搞個定婚酒會，你話好唔好呀？

也：好…如果佢地真係拍緊拖o既話。不過據我所知，小女係同緊第二個男仔拍拖，而且我正準備幫佢地籌備定婚酒會。道明寺總裁，到時記得早D到呀。

楓：好呀。唔好意思，阻左你咁耐。

也：道明寺總裁，仲有呀，下次記得查清楚D先呀。

楓：多謝你提點，再見。

道明寺楓雖然被草摩智也激到七孔生煙，但在他面前，又要扮得很大方。

待道明寺楓離開後，草摩智也立即打電話給雪見。

也：喂，雪見，我係爸爸呀。

雪：爸爸，你搵我做咩呀？

也：我後日返o黎日本，今次我會留底大約兩個月。另外，我有D事要同花澤類的爸爸傾，你可唔可以幫我同佢約個時間出o黎呀？

雪：當然可以，等我約實左個時間，我就通知你。

也：Thank you. 係喇，你近排點呀？花澤類有無好好照顧你呀？

雪：我近排好好呀，有定期去覆診，醫生話我進展幾好，再過多兩、三個月，就應該會好番。

也：嗯，咁無事喇，等我返o黎先再講。

《待續》

作者的話：

希望大家去我個留言板度留言，因為大家o既留言係我創作故事的原動力。

留言網址：http://gb1.hiweb.com/afgb.php?A=a217-purplerain