《我的守護天使》 by 紫雨

《第六回》                                        15 April, 2003

< > 草摩智也心想

~英德學院~

道明寺司今日起開始復課，他一踏進校園，便聽到很多女生在討論類與雪見拍拖o既事，她們你一言、我一語的談過不停，司聽後面無表情般地繼續走，這是因為昨天西門已預先告訴了他，而且司也成熟了，若換上以前的他，司一定不能控制到自己的情緒，到處找人發洩。

美作：阿司，你終於返o黎喇，哥哥我好掛住你呀。

司：你欠打呀？我幾時有個咁o既哥哥架，你好噁心呀。

西門：歡迎你返o黎呀，阿司。

類：阿司。

司看見雪見正坐在類的身旁，心裡有些酸溜溜的感覺，但很快便回復正常。

司：草摩雪見，點解你會係度架？

雪：……

類看見雪見有點難為的面色，便說：司，我有D野同你講。

司：類，你個樣咁凝重o既，到底有D咩事呀？

司其實已經知道類要說些什麼，但亦要假裝什麼都不知道。

類：司，我同雪見正在交往，我地好希望得到你o既祝福。

雖然司早知道他們正在交往，但從類的口中說出來，難免有少許打擊。不過，他依然要裝出一副若無其事的表情。

司：恭喜你地呀。

類、雪：多謝你呀。

司：草摩雪見，事先聲明呀，類係我個好朋友，你要好好對佢呀。

雪：我會架喇。

阿司祝福類與雪見，他們當然好開心啦，但又有無人知道，其實在阿司他倆時，他的心就像撕裂般痛。

~第二日~

今日一朝早，雪見本想不打擾類，自己一個人去接佢爸爸落機。當她出門口的時候，她看見類已經站在車子旁邊等候著她。

雪：點解你係度o既？你唔係應該目訓緊覺o既咩？

類：我點可以俾你自己一個人出街架。

雪：多謝你呀，類。

類：你呀，以後都唔准再同我講多謝。你係我女朋友o黎架，我咁做係好應該架。

雪：嗯，知道喇。

之後，類便輕輕地吻在雪見的額頭上，然後說：仲唔走，夠鐘去接機喇。

~機場~

雪：爸爸，歡迎你返o黎呀。

類：世伯，你好呀。

也：嗯，你有無好好照顧我個女呀？

雪：爸爸呀！

也：好，我唔問喇。係喇，我上次叫你幫我約花澤總裁，你有無約到呀？

雪：我辦事你放心，我約左世伯今晚八點係帝國酒店貴賓廳度等。係喇，你有咩事同世伯傾呀？

也：緊要事囉。今晚你同阿類都要o黎呀。

雪：點解呀？

也：去到你咪知囉。

之後，類便車了草摩智也和雪見返回草摩家。

~草摩家~

雪：我好耐都無返過o黎喇。

類：而家世伯返左o黎日本，不如你返o黎陪佢住啦，我諗你地兩個都好掛住對方架喇。

雪：類，但係……

也：雪見，你連陪o下爸爸都唔得呀。唉，我知係你心目中，類一定緊要過你爸爸我架喇，真係女大不中留呀。

雪：爸爸呀！

類：阿雪，以後我一樣會接你返學、放學，同埋陪你去覆診。所以，你可以放心留係度住。

雪：類，多謝你呀。

類：我今朝咪同你講過，以後唔准再多謝我架，咁快你又唔記得啦。

雪：嘻，一時改唔到口嘛。

也：喂，你兩個唔好再係度打情罵俏喇，快D返去上堂啦！

類：世伯，咁我地走先喇。

也：嗯…你地記得今晚約左我架，要準時呀。

雪：得喇。

<類這個男仔人品唔錯，雪見真係有眼光。>

《待續》