《我的守護天使》 by 紫雨

《第八回》                                            16 April, 2003

< > 類心想    << >> 司心想

~ Season內~

小滋、優紀、纓子、和也：恭喜他地呀。

雪、類：多謝。

優紀：花澤類，雪見係我個好朋友o黎架，你要好好地對佢，俾幸福佢呀，唔係我一定唔會放過你架。

類：你放心，我一定會好疼愛她的，因為她是唯一一個我想保護o既人。

小滋：嘩，好sweet呀，如果我有個咁好o既男朋友就好喇。

小滋說此話o既時候，雙眼不以為然地望著美作，而美作也看到小滋望著自己，一時感到不知如何是好。其實一向敢愛敢恨的小滋已經向美作示愛，但還未得到美作的回應。

美作見狀，便順勢說：小滋，咁你願唔願意做我美作玲o既女朋友呀？

眾人都以為美作是在說笑，唯獨得小滋一個感動得哭了出來，還不斷地點頭。

美作見小滋喊得越來越犀利，便上前抱住她，說：你做乜無端端喊呀？

小滋：因為我開心囉。

美作：傻瓜。

之後西門對著優紀說：唉，連美作都搵到女朋友，我就無咁好福氣喇。

優紀明白西門這句話，是有點言外之意，但她卻裝作什麼也不知道般，繼續與雪見傾談。

時間過得很快，眨o下眼就到了二月十三日，即係類與雪見訂婚o既前一日，他們都很積極地籌備酒會的事宜。忽然，雪見的手提電話響起。

雪：喂，搵邊位？

司：我係阿司呀。

雪：阿司!?你搵我有咩事呀？

司：你而家可唔可以出o黎見面？

雪：可以。

司：咁半個鐘後，係我同你第一次約會o既地方等，不過唔好俾阿類知。

雪：嗯，陣間見。

雪見收線後，神色有點凝重的對阿類說：類，我而家要出一出去，好快返o黎。

雪見未待類的回應，便即刻走了。類因為擔心雪見，所以緊隨其後。

~表參道~

類看見雪見在表參道的百貨公司前停了下來，為免被她發現，於是便躲起來看著她。不久，有一熟悉的身影來到雪見面前。

<為什麼雪見要瞞著我與阿司見到？>

雪：你搵我有咩事呀？

司：我有D野想同你講……雪見，你跟我返去紐約呀，其實我跟本無失憶，我媽媽表面上話俾一年時間我地，但私底下就要脅我，話如果我要同你係埋一齊，佢就會對你不利，所以我先至將你激走。本來我都想在旁默默地祝福你同阿類，但係我一聽到你地要訂婚，我先發覺，原來我係唔可以無左你架。

雪：阿司，對唔住呀。我承認我係鍾意過你，不過已經以前o既事……阿類，我知你係度架，你出o黎啦。

此時，尷尬的類走了出來。其實，雪見一早就知道類跟著自己出o黎。

雪：阿司，我而家鍾意o既人係阿類，恕我難以接受你o既錯愛。

司：我明白喇。

雪：阿司，希望你會出席我地明天個訂婚酒會。

司：嗯，再見。

當阿司離開後，雪見便問類，說：你做乜跟住我呀？

類：因為我擔心你呀，你一傾完個電話，神色就變得很凝重，你又唔講發生乜事，咁我咪跟住你囉。

雪：Sorry呀，我唔知你會咁擔心架，我應承你，以後我去邊，我都會同你講。

雪見和類相視而笑，之後他們便返回家中，繼續忙著打點訂婚的事宜。

~司房中~

司回到家，便鎖住自己在房中。

<<我唔可以怨任何人，怪就只可以怪我自己放棄她在先。>>

司之後便去了道明寺楓的書房找她，說：媽媽，我後日返去紐約。

楓：你終於諗通喇。

司：嗯。

楓：咁你一過到去就要開始接受培訓。

司：你話點就點啦，我出返去先。

《待續》

作者的話：

眨o下眼就作到第八回喇，唔知大家覺得我作成點呢？快D去我個留言板度俾D評語我呀！！...(^.^)...