《我的守護天使》 by 紫雨

《第七回》                                         16 April, 2003

< > 西門心想

~帝國酒店貴賓廳~

草摩智也和花澤源(類的爸爸)一早就已經來到了，而類與雪見卻遲遲未到。

也：花澤先生，不如我地邊傾邊等佢地，好唔好呀？

源：好呀。

也：恕我唐突，其實，我今次約你出o黎，係想同你傾傾小女同令郎o既事，我想幫佢地搞個訂婚酒會，唔知你意下如何呢？

源：我當然無問題啦，世界首富居然向我提出要犬兒與令千金訂婚，我開心都o黎唔切添呀。不過，要睇o下阿類應唔應承，我至可以答覆你，不竟這些都是關乎他自己的終生大事。

也：其實我都未同雪見講過，所以我先至叫埋佢地o黎。

此時，貴賓廳的門打開了，站在門外的類與雪見齊聲說：對唔住呀，因為塞車，所以遲到。

也：唔緊要。

源：類，快D介紹你女朋友俾我認識啦。

類：哦，佢個名叫草摩雪見。阿雪，佢係我爸爸，花澤源。

源：你好呀，草摩小姐。

雪：世伯，你好呀，叫我雪見或者阿雪得喇。

雪見說完，便向花澤源報上一個燦爛的笑容。

也：剛才我地傾緊幫你地搞個訂婚酒會，唔知你地想唔想呢？

雪見聽到草摩智也要幫自己與類搞個訂婚酒會，她的反應當然是很高興，但迅即滿面通紅，害羞地說：爸爸呀。

也：唔駛怕羞喎，你大個女喇，咁你想唔想同阿類訂婚？

雪見低下頭、紅著臉說：唔知呀，唔好問我啦。

源：阿類，咁你又想唔想呀？

類也罕有地紅著臉說：我……一切由爸爸你話事啦。

源：哈哈，而家D年輕人都咁怕羞。草摩兄，咁我地要開始籌備喇。

也：好呀。

一個星期後，草摩智也和花澤源聯合開了一個記者招待會，宣布類與雪見訂婚的消息。

~記招後第二日‥英德學院~

日本四大家族之一~花澤物產與世界第一大集團~草摩集團結為姻親，這消息定必烘動全城，所以一大群記者已一早來到英德學院門前，守候兩位主角~花澤類與草摩雪見。當記者看見類的跑車駛近英德時，便紛紛擁上前，欲訪問兩位當事人。類與雪見見狀，便識趣地下了車，任由記者們影相。

類：各位記者朋友，而家我地只係會回答大家三條問題，大家可以發問喇。

記者甲：你地拍左幾耐拖呀？

類：半個月。

記者乙：咁你地這次是否一場政治婚姻呢？

類：當然唔係啦。

記者丙：唔係政治婚姻，但係你地只係拍左半個月拖，咁快就訂婚？

類：我地係一年多前已經相識，在我地相處這段日子以來，我地彼此已經好了解對方o既一切，而且我地o既感情一向比朋友還要深，所以我覺得，就算我地只係拍左半個月拖，但係要訂婚都唔係問題，因為訂左婚之後，要等到我地畢業先至會結婚，咁我地可以係這段時間再慢慢培養更深o既感情。各位記者，我地已經答左你地三條問題，我地亦唔會再發表其他野架喇，如果大家仲有咩問題想問，麻煩到左酒會個日先再問過啦。請大家離開，唔好再留係度等我地喇，咁會影響到校內其他學生上課。

語畢，他們便上回跑車，駕駛到停車去。

~後花園~

美作：喂，你兩個到底當唔當我地係朋友架？訂婚咁大件事都唔一早同我地講，唔係昨晚睇到新聞都唔知呀。

雪：Sorry呀，因為爸爸叫我地唔可以係開記者招待會之前同人講住，就連朋友都唔準呀。

美作：哦，原來如此。Anyway，我要恭喜你地。

西門：類，估唔到你係F4咁多個入面，最快要入這個戀愛墳墓。

類：我自己都估唔到。

雪：花澤先生，而家要你同我訂婚好難為你咩？

類：當然唔係啦，我而家都不知幾幸福呀。

美作：喂，你地兩個唔好係度打情罵俏啦，真係骨都痺呀。

雪：哼，你唔恨得咁多架喇。

類：西門，阿司呢？

西門：今朝打電話俾佢，佢話有D唔舒服，所以唔返學。

<其實，阿司佢係唔知點樣面對你地，先至避開你地。>

美作：不如今晚一齊去Season度慶祝你地訂婚，好唔好呀？

雪：我好想去呀，但係唔知阿類俾唔俾我去呢？

類：你應承我唔飲酒，咁咪俾你去囉。

雪：我應承你。

美作：你咁快就咁聽阿類話喇。

雪：我地係尊重對方o既意見。

美作：咁今晚七點Season等，我會約埋小滋佢地。

雪：好呀。

~司家~

玉嫂：阿司少爺，你做乜一早就飲到咁醉呀？

司：我以為我可以好似阿類以前咁，一直在她身邊守護佢，但係我做唔到，我一知道佢要同阿類訂婚，我成個人就好似崩潰咁。玉嫂，我究竟要點做呀？

玉嫂：阿司少爺，你以前係個敢愛敢恨o既人o黎架，你係鍾意人，就要去追，而唔係係度借酒消愁呀。

司聽到玉嫂咁講，暗自在心中下了一個決定。

《待續》

作者的話：

唔知大家想我俾雪見同阿類一齊，定係同阿司一齊呢？快D去我個留言板度發表o下意見啦！！！