thoughts

Last Updated：13/2~05:25pm

好耐無update啦~但係唔係溫書溫得好忙,唉!我真係未溫書呀!!算啦...過左新年先啦~哈哈...

新年啦~好似無嘜氣氛,我一家人番左鄉下呀...淨番我同我家姐係屋企~日日打麻雀~全部變賭鬼~哈哈...

聽日情人節~呵呵~我哩日無人要既,梗係留係屋企過啦~＊05:25pm 13/2

你扣到無晒分啦!唉~我唸清楚點答你啦~

今日終於收到獎學金啦~好開心~唔係600蚊~但係今日入左,要下星期一先囉得,睇黎我個掃貨行動都係要遲d先進行啦~紀念冊仲未攪~哈~

今日見到呀joe(同我同月同日生既人,30幾歲架啦~好老!)佢話我肥左呀~仲話我再發"肉"呀~yee~激死我啦~我都唔想咁肥架~前日磅,成105磅呀!!!死得啦~!我又鍾意食野~唔知點減呀~救命呀~~!!(減肥中......)＊08:30pm 25/1

獎學金仲未到呀~好激氣呀~~o\_/o仲唸住聽日買好多好多野添!yee~衰人miss X!

今日件事,我唔會嬲你既,不過會扣分啦!你反口喎!下次我就會嬲架啦!

今日唔知點解唸起遲d要走,心情唔係太好,數下都只不過仲有1個月考mock,,3個月考會考,仲可以番多4個月學,5個月放暑假,7個月離開啦~有d覺得好似好快...太快啦...有d怕...怕......＊10:12pm 24/1

今日又係嘜都無做,一點幾起身之後,有個friend上黎整電腦(其實都唔可以叫friend,佢係我家姐個friend,叫亞聰哥,仲有佢個friend,但佢就玩AOE),之後update左個網,就無野做啦...我真係好無聊,但d friend 叫我出街我又唔想出,總係覺星期六日應該留係屋企唔用腦架~哈哈~~我尋晚發左同一個夢3次呀~見高太呀~哈哈~我唸我都係痴痴地線架啦~哈哈~

真係唔經唔覺Charlie已經去左美國5個月啦~有d掛住佢添~過多7個月後我既死期都到啦......但係中間仲隔左兩個大exam(mock&hkcee),死啦~.......不過唔好理啦~哈哈~遲d先算啦.....新年又快到啦~哈哈~＊06:50pm 20/1

今日係星期六,點幾起身就比媽媽叫我同佢買米(好重呀),之後用左我好多好多個鐘黎完成我篇欠左老師好幾個月既世紀Essay(歷史論文),之後再做左英文 Newspaper-cutting,得番半條人命,"暈拖拖"......唉,仲有好Q多功課欠左好耐,我唸我都係有心無力架啦......好想快d到星期一,見高太呀~嘜事?.....哈哈.............＊05.50pm 19/1

今日又係番左屋企之後嘜都無做,雖然知道要溫書,但係都係嘜都無溫...我好享受唔洗用腦既時候,嘜都唔洗唸,好舒服~但係咁樣係只會浪費日子,唉...不過今日放學都幾好玩~打"ping pum"波(因為下堂PE要考呀),同呀Kar一齊打,好Q好笑~仲可以見到......"佢"(佢對眼真係好大呀!)~雖然我覺得佢幾靚仔,但唔係對佢有意思架~我只係欣賞~但呀Kar係唔係就唔知啦~~~呀!好Q鍾意A.O.E.同Rainbow6呀~哈哈~ ＊09:07pm 17/1

哩排"無哩啦更"玩rainbow6,原來都幾好玩個番~哈哈,我係打機白痴~都唔識打機,d friend打呢我都唔想打,但哩排發現原來佢都幾好玩~哈哈~個個都溫書我竟然成日玩電腦,唉~~~＊ 08:12pm 15/1

今日同左我細佬出街,原來出面好熱架~買左d杉同裙,但唔知點解唔係咁開心,或者太熱掛...唸起真係好耐無同我細佬出街啦,但今日d感覺又同上次唔同,同佢出街幾舒服,可能係佢順得人掛~我覺得我自己好似個細路咁,有時佢同我講一d野會令到我有d領悟,自己點解唸唔出呢,就係自己唔識唸囉...成日都長唔大,為d唔應該既野放太多感情同時間,或者真係有小小"side"時間,日子係咁過,但係我就原地踏步,好失敗...會考又唔知點...下年點可以一個人生活呢...?連自己都唔放心自己呀,仲叫亞媽放心我.......＊ 04:22pm13/1