班長吹水樂園
李惠利篇
頸巾的故事
前言：
呢個故事發生係11年前(1993年), 我第一年讀李惠利光學基本技工證書0既時候; 主要主角有三個: 男班長Eric, 我同班好友Carmen, 當然仲有我la!
主角簡介：
故事0既男主角 ~ 男班長Eric, 係一個幾有幽默感, 成日都令到我笑到合唔埋嘴0既男仔. 佢有一個肚腩仔, 帶住副黑色膠框眼鏡, 都幾高大ga, 樣就ok la, 但唔靚仔.
另一位女主角 ~ 我同班好友Carmen, 係一個鍾愛漫畫同好鍾意笑， 又怕吱0既女仔.(我都係因為漫畫,而同佢成為朋友咋!) 無論樣貌, 身材&皮膚都好過我!(除左讀書之外hehe)
故事背景：
由於Eric被當時0既女班長＆佢男友(成個黑社會0甘ga)排擠; 而且差不多有半班都係女班長0既人, 佢地試過用火燒Eric's locker, 火攻完又水攻，仲打佢；而Carmen＆我就係小數中立0既人，見到0甘0既情況，同情心作祟，理所當然出手幫佢la!!
由於女班長同佢男友＆ｄ兄弟，都要靠我d notes做人.所以，我地出手幫Eric，佢地都唔敢去得0甘盡！ 更係la,佢地成日走堂,當時d notes全部都要用手抄，您估好似而家0甘print埋比您地ar；而全班只係得我有齊所有科目之notes, 兼肯借功課比佢地抄咋！
故事內容：
慢慢我地三個就愈玩愈埋，愈玩愈癲.
我同Eric知道Carmen怕吱，就成日去吱佢．習慣成自然，大家都唔洗講左右，就一人企一邊，一個眼神，就一齊吱Carmen．久而久之，培養出一份默契，可能因為0甘我對佢開始有ｄ
feel嘞！
就係聖誕節前一個月到，被Eric見到我係到織頸巾，佢又叫我織一條比佢，我呆左0甘望住佢，佢慌死我唔制，仲話織完之後比翻＄＄我．其實當時我係到諗，佢有阿媽＆家姐，做mud要我織呢？ 不過，我都答應左．
到最後，雖然我織好左，但呃佢話爛左，無比到佢ar! 因為我覺得自己織得唔好（但織到無漏窿ga!)，始終缺少勇氣去比條頸巾佢．
後來，我將條頸巾拆左再織過第二種花紋，一戴就十年幾．為左填補呢份遺憾，我每一年都會買同一款冷織頸巾．近呢兩三年先開始買其他款0既冷去織.
其實我最後悔係我同佢一張相都無影過！所以，我之後個幾年攞住部相機係又影，唔係又影！希望可以有ｄ質感0既回憶．
係98年0既時候，我再見翻佢；佢比之前肥左五十幾磅，但風趣依然；佢已經無做眼鏡，而轉行做地產lu!
唔知佢而家點呢？正所謂，十年人事幾翻身！就算比我係街到見到佢，都未必認到佢ar！不過，希望佢生活得快快樂樂啦！！
~~~ 完 ~~~
back to the top