地點: 深水埗球場,
活動內容: 潮僑XX會o既盂蘭節派米
人物: 有我同cpl2029, 仲有YMCA
o既師兄幫幫手, 仲加埋有3個油麻地o既師姐添~
嘿! 點解咁多人? 因為有見於上次黃大仙盂蘭盛會, 清晨7點鐘就有個唔知係路人定係等派米o既婆婆暈o左, 仲pass埋, 上頭就增派人手, 以防萬一. (不過呢個活動實在大多人, 點都要多d人手o既!)
實在太大雨喇, 迫住唔行得快, 行得快條褲會濕架嘛~ 結果係遲d少少到, 一去到, 有個職員就俾o左條毛巾我........咦, 呢條毛巾好緊要架!
Cpl2029一見到我, 同我個大藥袋就問我:「你做乜帶呀?」「又係尋日我問你帶唔帶, 你話好o既!!?!」我想放低d o野果時, 就嚇o左一跳. 唔係卦?! 一共黎o左5個人, 就有4個大藥袋(2個A00. 一個係我帶, 一個係Cpl自己; 仲有一個綠色, 係KYMCA 個Cpl 2144自己O既; 最後一個就係油麻地Cpl N1120既, 係Paramedic 袋黎架, 我睇電視睇過;), 一個Airway management既大箱, (係ERTU架, 仲有一枝氣添!!!), 有一個平時好少見o既野------就係Heart 3000 AED一大個!!!!!!!! 我當然係要開開眼界睇下佢o地d野啦!!!
KYMCA個Cpl仲打趣講:「喂, 師姐呀, 不如你買部7人車, 再買埋d York 4同鏟床, 咁就成架救護車架喇!」哈哈~
不過雨都仲有咁落, 而我o地個position又唔係太多位...(因為太多野), 結果主辦單位就幫我地搵o左個更好o既地方. 果度係放d米呀, 餅呀咁o既! 地方就大好多添!! 之後佢地仲搬走埋d餅. 嘩! 俾我地發現有張床.........床舖呀!! 仲話無床?! 機場有事o既話, 第一時間就入到去呀!!
無耐, 又黎多個師姐同KYMCA o既師兄. 等o左一陣, 又無聊o左一陣. 有個婆婆切親手指........ 有case做, 即時幫佢止血, 不過佢切得好深 , 止唔到......結果要用間接壓法先流得慢d......最後都call o左sj59送佢入院, 不過個婆婆好似唔痛, 仲話我要等派米, 唔走住..............結果都係送o左佢走.
期間有個人成日煩我o地, 俾我o地封o左做「南葵王子」.因為我o地真係懷疑佢係schizophrenic.......
中午, 我o地以為要食齋o既同時, 佢o地就話怕我o地食唔慣, 問我o地食乜飯. 佢地太好喇!!!!
到o左下午, 油麻地個madam黎o左, 仲同我地講下係北京世界大學生運會既野.
1. 北京已經有晒全市定位, 方便追綜d救護車.
2. 佢地有分救護車同搶救車(即係香港o既EMA車)
3. 佢地係計住d錢出車o既! 好似的士o咁o既!
4. 大運會入面d醫生只係for運動員架咋, 市民有事, 係要自己睇醫生. 因為大陸入面係無first aider o既概念.........咁今次st
john上去, 仲可以買o下廣告添!!!
再晏d, 有個police 2粒1橫走過o黎問我o地可唔可以開多兩個post, 過旁邊兩間學校. 因為果邊有好多婆婆等緊派米, 怕有起事上黎搞唔掂.
我同一個師姐即時過o左去set post. 個邊有個commander係一個雞仔餅(即係警司), 剛好我o地過黎, 仲問我o地飲唔飲水, 好熱情.......
無事發生, 又一日. 7點臨走果時, 主辦單位又留o左我o地食飯. 真係好, d餸茶都係潮州食品. 算係唔錯架!
分別係9號同15號
先講9號先~
又係果個好煩好煩既人做司機..........shitshit
成晚都係得一個case, 由PMH(瑪嘉烈) 轉去仁濟,
好悶, 又係1點度就上床.....一覺到第二朝......7點起身, 都好耐無試過喇.....之後就同人一齊食早餐喇
15號就搞笑d
成8點都未齊人, 因為出面大塞車.......到齊人喇, 10點就有個case, 不過搵極都搵唔到果個地址, 就係呢個時候, 果個人打黎話消防到o左囉喎......哈, 唔通又俾人玩?!!
最後又係一個case, 不過就成2點先接......呢次就係有個婆婆肚痛, 仲係痛o左好耐..........二話不說, 送o左去聯合UCH
地點: 大環山游泳池
內容係九龍城區水運會。9點鐘到步, o岩o岩開始! 本來有一個兄弟, AM2011同我一齊當值, 點知仲見到多2個師兄(佢地原本係係大環生當泳池更o架!), 結果就有4個st john係度喇。
上晝有個開幕禮, 我o地仲有錦旗添!!!(由孖一出去領取)當時仲要有個AMS o既大sir係度喎!好緊張呀!
上晝都係d小兒科case(不外係擦傷手腳)
中午同孖一食飯, 食完飯之後, 就見到AM2008(阿和)到o左, 佢係下一更泳池o架!但係就遲遲唔見另一個師兄喎。
等到2點, 終於見喇! 原來係KYMCA o既師姐N529(我o地問極, 佢都唔講佢個名........)。師姐仲教o左我o地點整棉花球~
6點, 佢地泳池更走晒lu。咁就有大件事發生喇!! 有個比賽者被更衣室個木門撞到, 仲有嘔吐, 兩腳無力o既徵狀。大件事啦! 我同佢做o左d 測試, 仲知會o左場地負責人, call 車送佢入醫。
就係咁, 我平安更o既record就咁改寫o左lu!
泳池更
今日係同阿邦 2027 一齊當更
地點: 九龍公園 (同葵盛各有各好)
一去到, 就講o下大家placement d o野先啦~
成日都係得2個case, 分別係抽筋同埋都係抽筋........
聽果度d職員講, 九公有好多基佬o架!!!!!!!!!!!!!
協和ball更(唔係足球果d喎.......係party果d呀)
點解? 因為協和係我老細個母校嘛!!
2007, 2023, 同2032出更!!
成晚都好平靜, 係除o左老細到步同走果一刻..........
老細到步果一刻, 真係呢, 未見過老細咁fit囉~
走果時, 就有小妹妹同我打下招呼咁囉~ 都係俾阿連多架喇~^^
Reebok 半馬拉松
一早6點幾就要出到去九龍公主道, 上救護車出發 (好早呀!!!!)
果日好多人呀! Cpl 2029, 2007, 2023, 2044, 2045之外, 仲有3個nurse同2個車隊司機添~ 好少見到咁多人囉!!
果日跑完之後, 好多老抽呀~ 做到停唔到手............仲有d係趺親咁啦
沙田源禾路室內運動場
時間: 10:00-22:00 (接o左之後覺得有d傻)
活動: 原來係太極比賽, d時間過得好慢慢慢慢慢慢慢慢慢慢慢.........
想死, 好慢.....上晝係2個沙田既師姐, 佢地去到2點就走o左...之後係北區既師姐. 2點之後就係N855 同另一個師姐(唔記得o左, 只係知一個叫Jeoy囉),得我同2038一直做足10個鐘, 不過38佢病病地.......
沙田馬場更
正!!第一次入馬場!!!! 仲有好多人添!!!
有幾個st john o既staff同我地隊一齊入!!
TSTAD有 阿馮sir同阿曾sir, 帶住一大班師兄. 仲有KYMCA nurse添
我一開始就駐守係G1 post, check晒野, 練o左一陣first-aid, 跟住就俾人調o左去G2.
無耐, 又要跑過command post, 走出去守「烽火台」, 嘩, 一跑馬果時同d馬仔好近呀, d馬仔好有氣勢呀!!!
全日賽事完畢! 無事發生!!!
又係沙田馬場更
都係正, 又係馬場~ 即係今個季度唔會再有馬更~
今次同北區一齊出更
一開又係去G1, 不過係行緊去G1 o既中途, 就見到一個舊同學(佢係果度做緊電話投注, 唔怪之得啦!)
07做G1 ic, 我去到果時, 佢已經check晒野喇!! 好!!
成大班新人一齊係G1練行first-aid先~ 又玩鏟床, 又玩defibre~ 哈~最後連fittness test都玩埋~
過o左一陣, Joey調o左過黎G1, (唔駛講, 好多師兄隻眼都好似識得發光咁啦~) ^^ 之後我都出o左去巡, 無乜留係G1 lu~
今日都好多case做, 有頭痛, 有暈, 有仆親, 有俾水蒸氣燙傷咁啦~
車站
今次係上水車站呀~
仲有聖誕節party添~ 佢地就開心囉, 我同2013, 2035就要check車,
仲有個由加拿大過黎o既 st john參觀, 我地又介紹一下個車站啦, 所以都無乜點玩過~ ^^!
11點多d, 佢地就散o左, 不過我地就仲要執o野...哈哈~
執o左一陣, 就坐係度傾下計, 一傾就傾到3點幾, 呢個時候電視做緊午夜凶鈴, 嘩!!!! 電話真係響呀~
3點18分出車, 25分到, 4點00返到車站, 食o左個麵就訓lu~
一訓就訓到第二朝9點幾, 成個車站無晒人! 呀, 佢地去晒香港總部接收新車, 正~ 可以同一架要報銷既救護車映下相添~
有相睇~
黎明演唱會
有2035, 2013Vincent, 2044Sam, 仲有KYMCA 既nurse~ 合共6人~
開場唔錯呀, 幾有新意, 之後就係睇dancer
再之後就.....悶..........我都走番落去first-aid room算喇........呢個時間只不過係開場3至4個字.........
今日去會展當值, FunFunShow
拍深水埗師姐
自己隊就有AM2025, AM2038,
AM2039權
個post係眾多攤位之中, 不過就大大隻字寫o左救傷站囉~
同場仲有st john association o既Madam們係度宣傳sts john~
成日都無乜野高潮, 係陳器官到o左果時, 成個post外面都係人囉~
臨收工, 仲可以去買o下野添~
今日係沙田當值, 晨早8 至6 . 好長呀!!
棒球賽~ 正正!!!
自己隊有Cpl2019偉賢, AM2032,
AM2042, AM2044Sam
拍沙田師姐, 有個好似叫阿yen, 係之前同2007阿連拍過o既~
一早就有野做lu, 擦傷!! 但係佢又趕住出去再打喎, 我就用最高o既速度搞掂佢啦~ 叫佢之後再入番黎~
打到十幾點, 有個人俾個波打中個頭, 我就同阿Sam即時拉o左張床出去, 送o左佢入first aid room之後, 同佢做o左全身檢查, 無嘔無凍, 只係腫o左少少。
一路睇到6點, 收工~
今日係除夕, 都要做, 無法, K&NT 第三聯隊係多d野做~
不過呢, 我套制服就因為PolyU提早收工之下, 被鎖o左係Locker之內.....要問人借
呢更係 除夕舞會(老人家), 一去到只係見到Cpl2019偉賢坐係度, 因為呢更係會過12點o既, 所以唔會有師姐到~
坐落之後, 聽番偉賢話呢度d parttime staff(即係d未夠廿歲o既康文署parttime,
做睇場~)好串, 未開場都唔俾佢係入面食飯, 但係佢地自己就係咁食野!!
唉唉, 香港一定得!!!
無耐, 阿Sam就羅o左個大藥袋A900黎, 又坐o左一陣, 傾下計。
10點幾, 偉賢同我都好悶, 就係呢個時候, 有個做photo o既staff 羅o左d snack俾我o地食, 佢話係souvenir黎, 叫我o地唔好客氣~ great!!
到o左12點, 倒數lu, 同偉賢講o左聲新年快樂~ 等d老人家走晒就換衫走lu~
旺角大球埸, 波更!!
AM2027邦, AM2032, AM2044Sam
6點去到, 但係未有飯食。開波lu, 要坐落去埸邊, 都幾凍o架.......
第一埸係南華對花花, 成埸都聽住南華個教練(外籍)係度用唔鹹唔淡o既廣東話講野,
幾好笑~
中埸, 食飯
食完飯, 又開埸, 係流浪對晨曦。下半埸, 好多人受傷, 抽筋, 係咁跑出去抬人~個感覺好正呀~
深水埗楓樹街球場
交通安全運動日
自己隊有AM2008阿和,AM2032,AM2039阿權
拍窩打老師姐
好多人呀! 仲有警察交通部, 同交通安全隊(唉........小朋友)
仲有裝甲車同最新o既BMW motorbike~
坐落無耐, 就話要出去羅錦旗, 俾ic點o左出去羅....一企就企o左成個鐘先有得羅...............嗚嗚~
成日都無乜野好做;, 不過就有好多禮物~
仲有同埸加映 青少年當住成人st john面前調戲 交通安全隊妹妹~
收工果時, Sgt2029同Cpl2034過o左黎睇下我o地, 仲收起o左一d禮物添~
好凍呀, 又好掛住Sgt2029!!!!我件內膽呀~
馬料水單車徑救傷站 9點至5點~
我同AM2039
呢個站真係好難搵.......
呢個站係係秤車站入面, 同d交通警一齊~
師姐一早就到o左lu~ 好悶, 成日都係溫書同睇雜誌......
其中發生o左蛇王事件喎!!!
10點幾, 有位阿sir敲門, 話俾我o地知:「廁所有蛇呀,
唔好用住呀」
我o地梗係出去睇下啦~ 條蛇原來係躲係個木地板地基果度, 仲會郁o架~
有人話見到佢個頭係呈三角型~ 咦~好o野黎喎~
即時同大家溫一溫點樣處理中蛇毒先~
12點, 蛇王奉召到埸。就係捉緊果時, d阿sir同我o地一樣, 圍o左去前面睇,
突然有位好鬼馬o既阿sir用手扮蛇去咬佢o既另一位同事, 被(假)
咬果位阿sir即時大叫, 我o地就係咁笑~
之後, 鬼馬阿sir個頭盔俾人放o左入去廁所, 佢驚到要蛇王叔叔幫佢羅番出黎~嘿嘿~
12點半, 蛇王叔叔話無發現, 要收隊, 硫璜都無俾到~
鬼馬阿sir話:「捉唔到就煩喇, 第日開大果時先出返黎, 你眼望我眼果時, 都唔知點算好呀~」
跟手, d阿sir就借食飯離去~
成日都無乜做過野......平平安安~
九龍站車更
拍Sgt 2029, 同深水埗師姐N551Fanny
早o左d去到, 見到2039阿權, 傾o左陣, 仲見到上一更個師姐N600~ 阿權好似話我呢更個師姐靚d喎~
去到無耐, 好彩有2008阿和d制服o者, 唔係我就無皮帶用....係呀....我唔記得帶呀.......嗚........29話我係咪想俾佢打~
check車果時, 因為呢架係新車, 唔係好熟d位, 而且師姐又好少當車更, 好彩有阿權上o左車幫幫手check, 唔係有排check~
1點45分, 要去車喇!! 阿婆頭暈無力!! SJ70 全力起航~
師姐好興奮咁....原因係去車(兩年一度)!!!
去到, 阿婆講o既話, 我o地3個人係聽唔明.......好彩佢個仔聽得明o者
我開頭估佢係中風, 不過上到去又唔係好似, 算啦, 送到醫院就掂。
因為車籠入面只係有3個位, Sgt2029坐係IC位, 師姐幫家屬羅緊資料,
我就企係度monitor住patient, 29就話我好似搭巴士咁.......哈~
5點45分, 精神病patient, 再去車。呢單野call o左, 又cancel, 不過都係去o左先!
司機係樓下等我o地, 我o地3個人上樓.......
上到去, 29叫我小心d, 要睇住師姐,
哦~
一入屋, 個patient就唔想去, 29講又講o左一輪, 搞又搞o左一輪, 我就係29後面cover住佢, 都驚佢劈我o地o架, 等師姐羅o左簿上黎
cancel o左, 走得~
6點半, 入o左馬場o既staff都返到車站lu, 仲係無線電話 SJ70號機,
已經清理好一號跑道, 係可以降落喇, 重複, 你可以係一號跑道降落喇!
無得頂啦~ 我又同29、師姐開o下玩笑:
「多謝乘搭SJ70號班機,
我o地而家要降落喇, 祝大家旅途愉快; 請大家保留票尾, 一年內累積到100,000里飛行里數後, 可以一年免費乖搭本機構所有班機」
今日唔係當更, 不過呢....做到隻卒咁, 好多文件要交.......
隊中o既家誠上緊NCO course呀, 努力呀, 家誠~
大路之王
九龍車站 0700集合!!
同KYMCA拍 , 仲有KYMCA同深水埗o既師姐, 好多人呀~
坐62號車(16人van)入去, 記得上次新仔入去都係咁~
分post, 無得守車....2007同2013守......
同Sgt2019仲有Cpl2035一齊~
平安.....只係一開場要搵個暈o既patient以外, 一切正常. command post果面就煩好多, 有人collapse, 有人仆親,
仲要即時送院
1000 尖沙咀天星碼頭, 樂善堂賣糖.....
又係Sgt2019~
成日都係企啦
仲做o左香港o既旅遊大使, 兩文三語樣樣得~ 問路呀, 搵我啦~
0600 九龍站
兩項鐵人
今次要坐頭班車出發, 一早5點就起o左身, 仲要叫2007起身~添~
又有Sgt2019 Sgt2029 Cpl2034 Cpl2011 2007 2045 2028
2008etc(記得咁多....)
仲有師姐, 又要出動62van
入到去....先知....大雨......大會取消....................
30/3/02(微雨) Saturday
1600-2200 香港酒店
Easter 嘉年華
得我同2039阿權........2個人............悶悶
好彩有維港(哦~)美麗的夜景解悶~
13/4/02(晴)
Saturday
1500-1800 深水埗運動場
青少年足球比賽
Cpl2034 2008 2039 (2044探班), 拍深水埗師姐
好難搵果個入口.........
去到, 無耐就有case做, 成個眼角腫o左.....
仲有好多抽筋...擦傷...
仲有patient話對方好茅添.........「打波定打人呀?」(呢句我話o既)
1500-2100 香港仔運動場
飢饉三十
0545 九龍站集合.............又係咁早
又係.......兩項鐵人
1900車站, 呢個係自從不和之後o既第一次車站.....................
35做ic, 我同25仔一齊, 29同阿sam都有落下黎添~
一句講晒, 有我o既地方, 都係好平安o既~
結果就梗係睇下VCD捱時間啦~
今日唔係當值......不過都要著制服....仲要係長袖(大熱天時.....)
今日同PAO曾sir, 2034阿倫一齊去
地址係聖約翰座堂, 係法定古蹟黎o架....
今日好有face添, 有銀樂隊開路, 仲有警察叔叔開路俾我o地慢慢操落去, 好有氣勢. 個教堂好正, 好莊嚴.
用o左一個鐘就完o左, 氣氛好好~ ^^
有機會要去o下....當然唔係當值咁去啦.........
今日去o左 PTS (police training school), 做乜? 有特殊檢閱囉~
好熱呀!!! 我行入場果時, 我覺得我對鞋個鞋底好似有d想融咁............
今日係特區成立日, 不過都要當值.........尋晚仲玩到好夜添....><
斧山道嬉水池...同39阿權一齊當值.
好悶, 好彩有冷氣....
又係泳池更, 梗係啦, 唔會有師姐做o既, 一定去~
今次係佐敦谷, 拍42阿軒
8,10/7/02 Mon, Wed
京士柏曲棍球球場
都唔駛講係乜function啦~
當睇波咁睇~ 都唔錯o架~
同場加映第三救護聯隊差d出現三胞胎一齊當值............
仲有vincent同阿倫一邊叫God
Damn一邊食飯......><
Training camp!! 今次係我第一次入training camp呀~
入面d飯就真係......普通又唔夠食.........次次都要偉賢扮AMS member過去人o地張檯羅人o地d餸 >.<
14日晨早起身做運動同跑800米, 好彩平時自己都有跑開o者~ hehe~
20/7/02 (Sat) ~
22/7/02 (Mon)
呢次就係一年一度o既Bookfair喇, 又係會展呢一個咁好o既地方~
點好?
1. 時間好, 一定要係早睡早起
2. 車程好, 行晒香港九龍同新界先去到
3. 膳食好, 頭果兩日都有玉子豆腐食呀!!!!!! o-i-shii~
今次都好大陣仗o架, 前後投入o左廿幾個師兄同十幾個師姐(深水埗, KYMCA, 窩打老都有, 不過我都係分唔到邊個打邊個, 有興趣就問07阿連同39阿權啦~)
仲投入o左好多equipment o架~ 有Oxygen啦, AED啦, Collar....係無床同Ambulance囉..........
幾日以黎都過得幾好(因為飲食好, he~)
等我講o下幾日以黎所發生o既事啦~
話說孖一阿聰同佢個朋友仔(仔o者, 就唔一定係真係一個仔o黎o既~)一齊當值喎, 咁當然係被我o地係咁話啦。之後佢仲要同佢個朋友仔早走o左, 結果, 梗係俾我o地係佢背後係咁講笑啦~ 嘿嘿, 阿聰師兄, 你有無成日打噴嚏呢?
到o左第2日, 阿聰師兄因為你尋日早走o左4個鐘呀, 所以你今日要補番全日呀~嘿嘿~ 唔知係邊個諗去o黎o既呢?!! (我就當足咁多日, 唔驚~)
第2日好忙, 好多人有事, 仲要出外救援, hall2仲差唔多吉o左成個first aid post添~
而我, 身為hall1 o既 st john一份子, 就自自動動咁走o左上hall2補位喇....(點知一上到去, 就無晒case....無得做下添~唉....)
到o左第3日, 平日更呀~
今日就好多case做喇, 唔知點解..............
hall1個post入面, 有人突然暈o左...........pulse好低, 但BP正常......都係叫車安全d........就係咁就一直忙到3點幾.......
3點幾之後, 就到我自己好忙, 因為我要買書嘛~
2044阿Sam
2008,
係咪好型呢?
7點, 收工lu, 而34阿倫就為我o地開o左佢部朋友二號過o黎~ good!!!
點知..........................我o地將d equipment放晒上佢o架車之後, 我o地7個人又上晒車之後.........意外就發生喇!!!!!
當時係咁o既, 阿倫開車, 29同阿和就坐頭排,
但係阿和就無seat belt, 我同阿sam,
厚仔, 31就4個人坐2個位.....>< (阿sam同31就坐位,
厚仔坐地下, 我就背住29坐地下......)
係我o地上o左車之後, 就發現o左........個火咀有d問題.......開唔到引擎.....
要落車推呀?! 阿倫你唔係呀.......
大家努力呀!!
唔好停!!
結果要推o左成200幾米先得, 29仲話神早就得o左.......駛乜200幾米.....
有得上車喇~
後座(中座先o岩)就係咁迫喇.......
上o左車之後, 阿倫仲要唔係好識點行, 而周圍又好多police哥哥喎.......點好呢?! 阿sam就話羅個對講機扮伙記, 之後我o地梗係發o左癲咁亂講野, 如:
大家快d搵d黑襪「粒」頭扮SDU啦, 有人砵我o地呀!!(砵? 砵車隊呀?)
喂, 司機呀, 有車係咁跟蹤住我o地喎, 師兄call總台check check佢呀!
資料上無呢架車喎!!!
(因為阿倫開得太小心o既關係........所以我o地後面....)
喂, 成車巴士望住我o地呀, 繼續扮SDU啦~
34你唔好放手呀, 我無安全帶o架.................(果時34玩野, 放手唔揸軚)
卒之返到九龍站同總部放低d equipment........點知上返車, 又係開唔到車喎..........又要推?!!
推o左成半個鐘, 終於開到車喇.....唔該, 旺角、油麻地、佐敦都有落呀~
都係唔好喇, 唔知你部朋友二號開唔開得番......都係集中係油麻地落啦!!
就係去緊油麻地o既時候, 我就話:「小心d呀, 唔係俾人抄牌呀....」阿sam:「熄匙、車牌、身份證」29:「大佬呀, 唔好熄匙呀, 分分鐘開唔番o架!!」
係唔係好多野呢?
九龍站前大合照~
今晚又係熱切等待的車更呀~
本來係拍19偉賢同02,
但係02無o黎喎, 由孖四補上~
不過都係9點幾次後o既事
好準時咁到o左車站, 又好準時咁check埋車. 7點45分, o岩o岩想飲杯o既時候, 電話就響喇!!
工業意外------有工人趺到並撞傷背脊, 我o地當然唔會掉以輕心啦~ 不過為安全計, 都係打多次check check先!! 正確無誤~
鄧戥登燈 SJ47出車,
地點尖沙咀, 工業意外, 聽到請按回應制.
就係咁, 我o地加埋車長三個人開晒響號, 落埋collar, 用埋long board load o左個patient上車, QEH唔該~
R房(搶救室)好快就到, 不過我o地就等o左好耐都未得.......個long board呀, 你快d俾番我啦.............烈火雄心就開始映喇........
偉賢話今日QEH好靜, 有同感. 9點15分, 好多車到場, 有TA發生, 成個QEH即時多晒人......
到o左 9點9, 都係未得.......而期間我o地有2個call都唔去得.......等唔到喇, 返車站先啦.......
10點幾, 有婆婆見唔舒服, SJ47又去車. 今次阿Sam join o左我o地喇.
一到步, 就見到fire有車到場, 一落車問o左問, 原來係同case, 嘿.......唔緊要啦, 上埋去睇睇先.
Fire師傅做啦, 我o地收車. 點知!! 一落到大堂, 又見到另一批Fire師傅....又係同一個case.......又點知, load完個patient上車,
又聽到另一個響號........又一Fire到場!!!!!
厲害厲害!! 一個case, 4架車到場.......仲勁過TA~
12點, 諗住食d野就訓, 就係呢個時候, 無錯! 個電話又響~
今次係撞穿頭. 30分鐘唔駛就做完, 又係QEH~
3點, 又有case, 但係太遠, 仲要係急症, 叫o左佢call fire 穩陣d.
5點, the same...........不過我就唔係好夠訓.......
不過今次車站真係唔錯, 用到好多平時學o左 o既 technique. 唔知大後日係點呢~
中大, 聯合書院 水運會
拍住阿sam一齊上~
呢更係頂vincent o既...........唉...好倦...........
不過我都好耐無當更lu.......
上到去就坐o左係度, 好倦, 唔想郁....
一邊同阿sam研究去旅行o野(佢o岩o岩去完長江三峽,
好想去......), 一邊睇emergancy o既書, 好乖o架我o地~
突然阿sam叫我望o下12點方向, 嘩!!!!! 好大塊牛扒豬扒..........嗚
成個更都係度傾計~ 最後得o左一個結論就係去旅行果時, 食玩同住都唔可以慳, 要慳o既就慳係買o野果度啦..................
(Sun)
沙嶺.......好遠呀, 一早起身..............7點15分到達九龍站......
07阿連, 44sam,
我........3個人........仲有一架上水救護車(SJ23)
「早安 , 以下係由oscar為你提供o既『叫床(morning call)』服務, 現在的時間是上午6時30分,
外面天氣清涼, 祝你今天愉快。」用一口頗流利的普通話叫o左2位拍當起身~
去到, 無o野做, 係救護車坐坐坐........有d涼快...好舒服..........咁就過o左一個上晝~
中午係羅湖禁區職員餐廳食飯, 第一次~
又有蛇王奇遇記........不過今次果d係蛤蟆....仲要一大窩....果度d職員話「滅門」添....
下晝4點做回航準備, 果度d師傅好好人, 又好好傾~
4點15分, SJ23號班機可以起飛, 並途經上水天平村作小量下午茶補給~
九龍站, 請清理跑道, 我o地會係6點前到達
(Mon)
又係沙嶺 0730-1800
都係拍07...........仲有29梁耀光先生同25仔~ 當然仲有一位Y記師姐同上車站o既車長啦~
又係坐2650 o既車入上水......................
去到上水站, 咦~見到阿Joe呀~
我o地要等埋29先可以出發, 咁我o地就同阿Joe吹o下水.....就係呢個時候,
29就由大門口施施然咁行入o黎, 仲要未換衫.............><
「喂, 係唔係叫救護車呀?」上水站要覆call車, 呢個時候, 我o地幾個人就閃o左lu~
去到沙嶺, 又係行o左, 巡o下~
成班人係車入面做o下自己o野, 吹o下車, 好開心呀~
去o左北區醫院食lunch之後, 又開工lu~ (食果時, 好多nurse望住我o地, 放心啦, 唔係做大case呀........)
晏晝終於有o野做, 有細佬整損, 又有位阿生俾火輕微燒親, 仲有一位老先生俾黃蜂針親, 冰敷完都係咁, 29!!
要走一轉車去北區喇!!!
(Thur)
林子祥演唱會
紅館, 拍44阿sam, 01權哥, 50
無o野好做, 係上面企o左一陣又聽o左一陣, 就落返去first aid room
平安更........
(Sat)
尖沙咀文化中心外的嘉年華會
拍08阿和
無o野做到呢.........係海旁行o黎行去消磨時間......
文化中心入面就有東華三院o既籌款活動
見到cookies.........架車, 仲有好多TVB o既車, 同埋....mn.....我估仲有d係明星o既車掛..........
同阿和無乜o野好做, 唯有扮o野, 係cookies架車度開o下玩笑......
呢度唔俾泊車o架喎!! 唔好講咁多, 羅個牌o黎先!
cookies?! cook乜kies呀?! 唔識你喎!
曲奇餅唔check得身分證呀?!
就係咁好開心咁過o左一個上晝........
下晝就悶死喇..........
大路之王2004
一向我都好熱衷呢d更o架喎~
今次係YMCA做莊, 尖咀做支援。尖咀果邊有阿sam, 29, 19偉賢, 08阿和同幾個師兄。
講開就醜lu, 因為我訓過龍......要自己入去....
0830入到機場, 係離境大樓茖客位等佢o地, 仲好記得呢一度...
0840 阿joe(當日佢係staff)同29一齊, 開o左架細van過o黎接我, 佢o以高速駛接, 車都未停定, 我就半跳半被拉o左上車(希望當時d旅客無俾我o地嚇倒...),
我就係咁係車上面上裝備...同埋去post。
0900開工, 同19, 49同post, 係成個比賽路段o中間, 我叫turning point。有我呢個平安大使係度, 都唔會有乜好做。結果就係咁完o左大半個function。
就快收工o既時候, turning point同finsih point之間有patient, 我個post派出我同一個師姐做 rescue
team。跑o左好耐, 一去到見到個女patient訓o左係路中心...
打爆oxygen, check pulse, Bp...
call turning point 做 repeater, 駁過command post call車過o黎。
command post call過o黎, 不過係手提...呢個係我地尖咀o既高科技...
報番 location俾ambulance, 地點離turning point 1000m, 你o地可以係12號入口進入, 比patient情況.....
送o左patient上車, 之後大致平安。收隊~
九龍站, 拍29, 11阿聰, 車長係staff阿基。
我9點先到步, 佢o地已經走緊車, 我唯有用秘密方法入站。
等到佢o地返o黎, 坐o左一陣又話出車, 原來佢o地已經走o左幾轉仁濟, 嘿~
鄧戥登燈
走o左幾次都係轉院, 都係仁濟同瑪嘉烈專車。次次都係我想訓就出車....
到o左凌晨2點先有得訓。5點Neway有call, 上到去, 係個醉酒少姐...唉...不過佢d對答好過癮, 「做乜要答你」「你唔好搞我,
我自己除啦...」, 真係爆笑...去到QE, 遇到d fire救護員, 佢o地第一句就串我o地:「Collapse點解搵你o地?」o下,
點知呀, 你o地自已問Neway囉!!
上水站, 拍11阿聰, 14阿袁
一見到阿聰, 第一句就話「我聽日已經請o左Annual, 今晚同你走幾多轉都得」....嘩!!!咪你咁毒呀....我聽日仲要返8點呀!!!
今次同九龍站, 一想訓就要出車...
同樣都係北區轉車, 去那打素, 去大埔...無乜特別, 最後一轉係去廣華。
呢轉可以媲美二萬五千里長征... 阿婆又好重...load上load落都幾係...
都係上水站, 拍29, 19 , 阿joe做staff~ 華航翻機三人組....
未到上水站, 就已經俾人話我遲到, 可惡!!!!!!
係站外面TA, 可惜我未到, 得29同阿JOE, 咪都做唔到...嗚嗚...早知我早d到.....
今日都係奇奇怪怪...
先係北區去東尤...成個香港走一轉, 個patient係國內已經COMA o左...成程都唔會有o野做...
第二轉, 北區去青山, 個patient打staff, 我係車上面兩旁對峙, 唔好亂o黎...
之後係新城街食宵夜, 成架救護車放係街。如果fire 有call話係正新城街, 仲要係哽塞都唔知點解畫...
第三轉, 要去落馬洲。報稱TB, 我都係第一次咁樣入禁區...去到禁區, 報俾POLICE知, 佢o地仲驚過我o地, 最後搞o左好耐, 仲要上晒保護袍上橋。
嘩!! d車係咁係我o地身邊經過, 果條橋又上上下下咁震...你都咪話唔驚, 好似遼寧果條咁咪死...有乜事都唔會有旗喎....平平安安返到北區。無乜事, 不過事後要消毒o者....
第二日一起身, 就見到29換兩個熨斗同我做defibre.........<詳情>
HKCEE會展
一年一度的書展
1點到場, 果日....其實我只係想做陪人兼打手....可惜, 可借~
拍住WTL, 有好多人, 有好好笑容o既N1132~ 哈哈, 我都唔記得笑乜, 只係係咁搵佢借題發揮, 不過呢位小妮子又係幾開朗。
九龍灣國際展貿
煤氣林內家屬奧林匹克會(即係家屬聯誼會....)
而家先知林內原來係日本o架!! 仲只係提供爐俱o既~
第一次做 acting IC...
當然要份外小心啦 ~
我拍14, 每人手上有至少3部radio~ 係我開o左post之後, 我行o左成個場, 都有HKCEE hall 5咁大.....
畫o左張地圖, 方便一陣做o野, 我兩個就做d好有意義o既活動,
追大會個raido channel!!!!
無錯, 即係監聽!
馬料水砰車站避靜
真係好靜....上一次做呢一度己經係2年前。人面全非了。
今日拍2006....
基本上, 成日都係訓、訓、訓, 同埋玩貓.....d 相仲係06度, 未有~ 各位等等先。
紅館, 睇Andy去~
拍2029, 2038, 2044, 仲有最緊要o既靜宜姐!!!!
8點, 未開場前到步, 好彩唔駛俾人打!!!
好型咁show warrent, 大大聲報"St. John!!", 行大門入去, d sercuity仲未有反應, 我已經行o左入去~
有百老匯歌劇式的表演, 最後仲有希臘軍服呀!!!
不過成更都無特別....
最緊要係無人遲到。
2點接更, 得2OO7&38同靜儀師姐。
下晝唔夠3點就因為地滑而不是因為「天雨」問題而終止。下次繼續。
12點接19偉賢同38更,
仲有丫MT師姐11111111同11113333,
下晝只得我同孖一阿聰(可惜我俾人誤認作阿驄)。
基本上無大事會發生,有我呢個平安大使係度。今日風和日麗, 絕對唔駛終止比賽, 但係曬到七彩,因為「風」和「日麗」嘛!!
做到好悶, 幫D師兄師姐睇o下頸、睇o下手...
6點打後, 估唔到會遇到一位同我都有好多旅遊資訊的師姐, 由司馬臺到承德避暑山莊, 由九寨黃龍到棉花堡, 真係無o野做之餘都一樂也。
二月第二次當車更!!
今日去車站係頂SSP深水土步o既更, 我同2008阿和做special duty,
預o左做2人車, 仲有2044阿Sam同14、38兩個孖寶走正車。早o左到車站,
仲見到阿基哥、大師兄同波叔。
7點10就嚮電話, QEH去St Teresa, 尖東9區去馬頭涌9區, SJ70聽到後按回應制。
途中成日要用RT contact SJ47。阿和做ic, 我做crew仲成日玩RT!!去QEH接個細路女, 1個鐘回站, SJ47已經出o左站。無咩好做之際,
emergency, 黃埔California有人抽筋, 開siren啦!!到場時, 阿和俾果個fittness instructor 點到呢......又話要check
hexs, 又話要吊糖水。Sorry, we’re not EMA ambulance, we got no EMA equipment at
this site!
真係點到你暈.....
10點10, 以為無事走人之際, 公主道旺角勞工子弟學校發生小型交通意外(開口中添...)。正更徒步前往, 阿錦爺就屈架車前出, 記住係直出而唔係轉左再屈返去旺角勞工子弟學校喎!! 之後受傷司機只係包o左手, 但拒絕送院, 其餘事交由警方lu~
6:45 stand-by Kln depot, 只得29在場, 38出o左車未返。
我o地走車很難嘛! 未Check都要應付突發災難!
拍2029, 2038 兩大黑仔。8號, 即聽日全日拍2015阿Joe哥仔, 一定多野做, 放馬過來啦!!
第一轉, 2010, 收到可靠消息(一位熱心off-duty staff基哥報料),
馬頭涌7區亞皆老街天橋近勝利道有交通意外。SJ 47閃住燈咁去, 2分鐘內到場, 屬輕微碰撞, 未見有police同fire到場,
當ic及車長上前查看時, 我38已經著晒反光衣(29當然都有啦, 我o地做crew o既梗係第一時set好野俾佢),
2015交警鐵馬到場, 行車天橋封閉。
2016 2部FS amb到場(TA出親都兩部)。由於部私傢車係copule style(即兩門), FS AM話無法從後做頭鎖.....
車長提佢一句:「可以由另一邊門『捐』到入後座做野架。」(嗯.....不予置評=)轉交FS處理後, 2025, 接到FS control, 紅磡有小童跌倒後腰痛,
又再閃燈「劈」住去(車長們口吻....)
2032到場, 做晒全身survey, 2055轉交QEH。
2103回站, 已有途人在門外求助, 咁就又多一單眼角擦傷, 不需送院。
入站正想坐o下, 電話又響!!
FS Control 深水步警署報案中心有孕婦不適。2200終可回站。
不過由明愛回站之間, 緊張救護服務電話都係俾人佔用.....一名市民同我o地大講咩叫「聖約翰」,
又話佢俾人滋擾, 最後又唔該我o地長話短說, 嘿。我同38由29o既無奈o既表情再加上回應, 都已經覺得好笑!
休息o左一個小時, 2307街料, 地點土瓜灣球場。Left 2nd PIP deform, 嚴重串魚蛋, 2316到場, 用雪條棍加包紮, QEH呀車長!
12點返站睇o左陣Matrix, 又要出車, 九龍塘老人院。呢轉掂呀, 成個西九龍無d車都係局, FS都照叫我o地出車.....阿control師姐真係「益」我o地。去到老人院,
d staff十問十唔知......有TB又唔講, 最後俾我o地睇病歷知道囉! QEH呀! 今次由我報返FS
control, 事件編號xxxxxx, ARA 01xx, E10 ARH 01xx, 尖東九。control回覆:「可以o架喇,
暫時未有call, 唔該晒師兄。」
是夜宵夜食腸粉....唉, 無人探班, 又無糖水食, 算啦......
1點多有得訓, 真好, 我鍾意上半晚係咁做, 起碼有得訓呀嘛。
0431 黎Newway, 唱好K! 一星期至少三單Newway call車。懷疑玻璃碎入眼, 沖洗後已減少不適。油麻地9區。
8號早上........
離開休息室, 好多街坊人呀! 佢o地有兩個officer帶duty! 走47同上水76。
我o地日間走70號。今次我俾人train做charge。
第一轉0817, 係FS Control, 旺角道OAH, E-case fever。又要閃燈去, 去到塘尾道口, 遠遠見到FS amb都閃住燈,
但車速則慢得可以....
車長係咁跟住架FS amb, 逼佢o地走, 哈哈, 閃o左就唔好行咁慢啦!
上到OAH, patient 39度, 食o左Panadol都係咁。0856ARH 油麻地九區 KWH。事後消毒兼check車, 車長話架車好似牛肺咁聲(開車術語,
即係踏油門時個engine太嘈)。報完control, 都係未有call, 但control就問我o地北潭涌係咪執o左個case。o下????
我報俾佢知, 你call錯車, 唔係我呢架車。
0926街料, 沙田乙明村西醫診所, 有病人LOC。我建議佢call消防, 但個姑娘話醫生認為St John最近。無野講......為patient著,
阿joe哥仔即時報埋上FS control。
0926開閃燈驚號入沙田, 0930過隧道, 0933 ARA。
同一時間, 田心cycle到。Load床、大袋入到去, 拍阿伯, 醒o既, 好彩!! 姑娘遠距離話patient LOC兩分鐘後先醒(唔見醫生,
姑娘亦無行出o黎), take vital sign, EMA車(A315新車)到場, 交俾佢o地, load埋patient做晒野, police到場....仲問我o地patient呢?
上o左車lu。
回站途中, control打黎, 轉院。馬頭涌九區KH ward delta轉QEH。去到等o左輪先搞掂。係QEH見到有個救護madam做charge, 1140AVB回站。
因為落雨 1140 SJ70由QEH AVB, 因天雨關係, 由衛理道回站。
途經衛理道巴士站時, 見前方有警車打斜封路, 近處有一輛的士停下, 車頂飛脫,車頭玻璃碎裂。
車長隨即停在路邊, 並由IC及車長下車察看, 司機告之因撞到樹枝後感到頸痛。車龕成員於此時已帶同頸托及A500前來支援。確定車輛無危險後便上車替該名的士司機固定其脊椎。
1145 YMT F302, F195及A330到場支援。由IC確定司機脊椎穩定後, 與FS amb合力將該名司機移至長脊椎板上(FS的,
因為70車無人手load床)。
轉交FS amb後, SJ70車又再接到救護服務電話, 繼續thing燈去了。
牛頭角西醫診所有人頭暈, 情況穩定後, 送院UCH。
一出院上清水灣道時, 電話又響了。竹園北村, 右腳扭傷。最後都係返QEH。 又見到madam了。A60個charge見到我o地, 打了招呼後問車長做乜連塌樹都做埋, 哈哈!!
係QEH食飯, 當車長回車返正門時, 見到一個好壯觀o既場面--12架amblance泊滿完QEH正門!!!
由於無位, 70號車唯有屈去第度泊(另一方面亦唔想俾其他車掃到我o地....)
食緊飯果時, FSCC打黎, 師兄麻煩做轉call呀!
阿師姐, 我o地lunch break緊呀.....
(上面咁多車, 又聽唔到佢o地報食飯, 不如你call佢o地啦~)收線後, 車長話其實12分到場唔係難, 一晝做6-7轉唔係難, 我o地又沙田又觀塘都係咁,
但係消防做倒咁, 好多時都係自己做成, 好似食飯呢個case就可見一斑。你蛇佢蛇個個蛇, 蛇唔到o既就做到死, 唉。
午膳後換54車。換車後好得閒, 補o左眠....1643先再出車, SOB。上到去, patient SOB, SpO2得93, RR40,
BP221/110.......開氧氣, 等patient stable先走, ascult patient肺多痰。都係要等, 電話又響(一係就唔響,
一係就一齊黎), FSCC。
師兄麻煩做轉U case呀!
師兄, 我o地係彌敦道處理緊一轉
上車後, 情況轉差, 通知QEH留位, 姑娘話唔駛喎, 睇睇先啦.....嗯, 你話事啦, 我o地報又報o左, 做唔做就由你決定。去到QE,
。頭先聽電話果個原來係學護姑娘....
7點off duty。
今次真係難得咁轉, 又TA, LOC。二人三人車都有問題掛, ^^!