香港50樣經典小食

06廉價富豪 - 碗仔翅

碗仔翅雖不是真魚翅，但起源卻真的來自魚翅。四五十年代在廟街榕樹頭一帶，街邊檔用俗稱「倒餿水」，即酒家食剩的翅頭翅尾，開豆粉水、落味精、豉油等去賣。今日的碗仔翅當然已由鋪頭自己煲自己調校，沒有魚翅，卻有粉絲。

現時許多碗仔翅入了鋪，呂仔記做的湯芡很薄，不會起粉糰，入口滑膩，湯味鮮，重要是味精下得較少，食完不會渴足一天。

另外呂仔記生菜魚肉的魚肉標榜沒有增加彈牙口感的化學物質，咬落的確不甚彈牙，但魚鮮味夠，魚肉真實感百分百。

很多人都愛把碗仔翅和魚肉兩溝，最終成為街頭小食經典配搭。

07三點三 - 菠蘿包

菠蘿包因有塊凹凹凸凸似菠蘿的脆皮而命名，由細路食到而家，是香港人至愛的麵包。

正的菠蘿包脆皮要脆，包要夠香和鬆軟。樂園就特別做得出色，用糖、雞蛋、牛油、麵粉做成的脆皮，香脆鬆化；包身香味夠，是雞蛋足和加入豬油的效果，包粉筋性夠，非常鬆軟。

樂園在灣仔已有十二年歷史，是不少打工仔「三點三」的蛇竇。樂園的菠蘿包除是香港旅遊協會飲食指南所推介外，明星如鍾鎮濤、許冠文都是捧場客。

08爽甜 - 豬皮蘿蔔

豬皮蘿蔔是五十年代街頭哪喳麵的傳統。五十年代香港經濟未起飛，哪喳麵一毫子有交易，又平又飽肚，大受工廠妹歡迎。

正的豬皮蘿蔔是不會浸得太腍，豬皮爽口，蘿蔔鮮嫩。靚靚的豬皮軟硬適中，彈牙爽脆。蘿蔔嫩口唔起渣，清爽清甜，配合其秘製麻辣醬更惹味。

09港式甜薄餅 - 糖餅

在香港至少有八十年歷史，它之所以叫糖餅，因夾在薄餅的糖有如一段段白，是幾十年前小孩子的平價零食。

糖要由經驗豐富的師傅才做得好。做法是將麥芽糖加熱融化，以棍棒持續拉扯，令它由金黃色逐漸轉成白色，當糖拉至條狀時就以剪刀剪成一段段，冷卻後的糖就會變成脆身。

黃大仙的甜絲絲懷舊美食店的糖餅入口脆卜卜而唔黐牙。薄餅日日新鮮做，又薄又軟，加上糖和椰絲花生食，能重拾童年回憶。

10鬆化香甜 - 蛋撻

蛋撻陪住我們幾十年，相信好多人小時候都梳過「蛋撻頭」髮型，可知幾深入民心。

檀島蛋撻已有四十幾年歷史，由當年每個三毫子個賣到今日的$4個。檀島的蛋撻有128層酥皮，比普通的100層多，咬落果然特別鬆化香酥。蛋漿蛋味夠，又滑膩，最得人心是甜度適中。

（註：小吃排名不分先後）

第一至五樣

目錄

第十一至十五件