| ＰＳ放係頭：下面好多說話都是引用和我傾過計的朋友和一些較私人的ＬＯＧ，未經你們同意就用了，非常抱歉m(_
_)m 但我沒有開名的，我相信不知道的人就真是不知道的:D.....
如果接受唔到我公開私人ＬＯＧ的對話，同我講聲，我可以ＤＥＬ的m(_ _)m
之後請大家細心欣賞在我角度所得到的睇法
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
我很想圓滑咁幫你們解決問題，但是原來我沒有我想像中咁偉大，面對一個認為自己岩哂而講唔通的人，一個將尊嚴看得比天還要高的人，一個已經向女方SAY左SORRY但認為自己對男方冇錯的人，一個維護自己女朋友的人，4個都是難攪的人。
攪掂左其中兩個，另外2個就攪唔掂，原來導火線只不過是出賣與被出賣的問題。
下面是一些節錄的對話，我是冇品的啦，唔公開大家都唔知對方想甚麼的／． ＼
（當中加了一些個人的睇法）
在洛的角度睇：水做得最錯既，係我信佢先講俾佢聽既野講返俾其他人聽，even果個人係自己既男朋友。
在水的角度睇：咁我覺得豬可以令佢開心D，先同豬講，女朋友有事我唔可以講比個男朋友知？佢覺得豬p同佢有咁多野唔知得，咁我唔知佢o地咩環境。
洛：對於我黎講，我講心事俾你聽，你話返俾人知，已經係口梳，好無道德。
（我而家做緊的事真是好冇道德／． ＼）
洛：chaos得幾多個，信得過佢地所有人先會咁講，但都會有人出賣我講既野俾人聽，呢樣已經好嬲了，不過無諗過原來個二五仔係水je
俾我可能唔會問ＧＰ，因為洛的問題都唔係剛開始，加上自問和佢其實不熟的，我唔想俾人覺得我是多事八卦，但假若洛換左是小林，小林又有男朋友，咁岩我又識的話，我都會咁質問他的。
２個不同的角度，得到的都是唔同的結果。
洛：個問題係....你為咩野鬧佢?有咩充分既理由?件事佢無做錯過喎。
水：成件事都係佢講你知，佢冇可能唔知發生咩事，但佢就好似乜事都唔知咁問我同你發生o左咩事，我都唔知佢同你講乜，仲要問我同你發生乜事。你嬲我時，我一句都冇同你講過野，連豬p同你講過咩，我都唔知，你就嬲o左我。
錯就錯在水水太過熱心了，起先是因為水以為洛唔開心是因為ＧＰ，第二日水在同洛溝通之前，ＧＰ已經同洛講左好多野，２個女仔根本是沒有坐低傾。水傷心的是洛在沒有聽到她的解釋之前已經將她定罪。
洛：件事跟本就唔關樹事，佢憑咩加把口落去講呀？件事係我，你同GP三個既事，唔關樹事，佢一出聲佢就有問題。
如果出聲的是我，我是不是就是有問題果個？接受不了他人的睇法，接受不了第四者的胡言亂語。
洛：得罪聲講句，我地之間既事你都好難插到手啦
這句說話我看了真的是很難過，令我懷疑多管閒事和關心真的是成正比的嗎？
ＧＰ：嬲水係佢點都唔認佢對我做錯∼
誰對誰錯對你來說根本不重要，你從來要的都不是ＳＯＲＲＹ。
節錄的部分對話比較亂，一個同我講對方點點點之後，我再去問那個人，原來意思根本是不同的。大家都可以自己研究一下。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
其實我唔想話邊個岩邊個錯的，在我的角度睇，水錯在太天真，將佢的關心放左係錯的地方，唔應該衝動的走去一開口就鬧人；樹錯的是出ＰＯＳＴ出得太快了（等我出左先咁個衰人就會是我啦）；洛是將一個小問題放大左（認為是錯就是錯）；ＧＰ是將佢的壓力發洩錯左。
始終我的方向都是認為，每個人都有自己的想法，一個人好難去改變其他人的，就是因為這樣，衝突先會成日發生，我們是不是應該心平靜氣的想想，做人是不是應該可以更圓滑一Ｄ？
我不是想講咩大道理，而是本身都是朋友，真是有必要攪到咁僵？就只是為了一件小小的事，大家都堅持己見，毫不退讓。沒有退讓的爭執是沒有結果，沒有先低頭的，結果只會一直僵下去。
就我而睇，洛好注重屬於自己的私隱，佢認為佢講出黎的只可以在場的人知道，誰講出去都是金手指。這種想法會不會有點兒偏激呢？一直都覺得，洛是一個堅強的人，但就是因為堅強，亦比一般人脆弱，佢重視尊嚴，我佩服這些人，因為這些人的意志都好堅定，但都接受不了失敗！所以他們迫自己是迫得好緊，而且大多不懂得減壓，會有傾心事的對象，但多數都是自己吞下，我怕，有一日洛會承受不了這種壓力而崩潰！
講返出賣的問題，好老實講，有幾多個人真是可以做到完全保密？因為關心，因為口疏而在不經意間洩露，我覺得是可以接受的，因為你沒有講明是唔可以講比其他人知的（？）
而且，你認為這些是出賣，但水水”出賣”你之後甚麼好處都沒有得到，她得到的是冇左一個好朋友。我覺得，你這是拒絕人地的關心。”出賣同出於關心，好易分的吧？沝根本沒好處，何來出賣?”某人的說話，妳覺得對嗎？
有時換個角度想，得到的可能更多。我想，我講的野其實都唔岩洛聽的。
你覺得對他人人格係有建設性亦都有評論的說話，你認為講比佢知是冇問題，但甚麼是”有建設性亦都有評論”的說話？每個人的睇法唔同，完全是觀點與角度的問題。水認為你講的說話可以令ＧＰ更加覺醒到你的難過，所以佢同ＧＰ講了。洛知不知道，就算你的不開心是因為其他事，在其他人眼中，一個有男朋友的女仔，個男朋友是有責任令女朋友開心的，儘管錯不在男的，但外人第一時間一定是想起佢。所以其實你都是有責任的。
ＧＰ成日講佢對你點好，你都話佢作為一個男朋友是滿分，但在我這個外人眼中，你仍然是不快樂的。如果你的快樂只可以維持ＧＰ在你身邊的時候，那你會不會真的是太悲劇了點？
ＣＨＡＯＳ的人不會將你的野講出黎，是因為他們和你都唔係太ＣＬＯＳＥ，唔講守唔講ＫＵＬＡ唔講樹唔講卡，只是講依，係ＩＲＣ，我覺得佢都是一個你幾好的朋友，但是以我對佢膚淺的認識，就算佢熟你，佢都唔會同ＧＰ講Ｄ咩，咁是因為佢唔熟ＧＰ。但水唔同，佢熟你又熟ＧＰ，你知水的性格，佢會咁做完全是關心你，唔係出賣你。
洛鑽不出自己的牛角尖，你認為是錯的就一定是錯ＷＨＡＴＥＶＥＲ其他人點講，你明白水的關心，但不可以體諒佢的關心侵犯到你的私隱。
另外想講的是ＣＨＡＯＳ方面，ＣＨＡＯＳ就好似一個縮小了的社會，得幾個人但發生的事可以媲美出面的世界。之前的事，到現在，眼看目標就到了，放棄真的不覺得可惜嗎？我明白ＡＬ是非常繁重的一個課題，為學業放棄我贊成。但是只是為了爭吵，值得嗎？
”君子不受o差來之食，就算係工作上遇到無法容忍既事，我都唔會考慮留低”（好有理想大志，那時我真的是不知怎樣應妳才好）講得真是好聽，不是嗎？好一句”君子不受o差來之食”！如果你只是一個人餓死，只不過是你一個人的事，但不要忘記你還有一個媽，相依為命的真是咁容易放低？你不甘心年輕就被家庭縛住，就要記得這個世界是現實和殘酷的，不受o差來之食？可以。同事之間的有磨擦犯到你就不做，都可以。老闆的風格同你格格不入，不屑與之為伍，你也可以不做。但每一個行業的圈子都是很小的，你今日的名聲得不到別人的稱讚，只留下倔強，驕傲的同時，你就會明白你其實是不應該在這個世界生存。你體會唔到屈服，咬牙忍不了挫折，現實很快就會將你打低。無論你幾有才華都好，你的伯樂一定唔會咁容易就出現。
為理想而奮鬥是好事，但理想完成之前是一個充滿挑戰的荊棘的曲折地圖，克服不了，理想只會愈來愈遠。
人事是世界上最難處理的問題之一，當你現在連同輩的磨擦問題都不可以處理好的時候，我不敢相信你將來的逆來順受會捱得到好耐，出面的冷嘲熱諷絕對比妳現在所受的委屈強過千倍萬倍。以你的性格，不是不做就是咬牙忍下，但忍又可以忍到幾多次？始終都會有爆發的一日，我唔想睇住你走向自我毀滅的未來。
我唔能夠叫你唔好介意其他人點睇你／點講你，你應該是要想辦法將自己的情緒處理得更好的。樹的事就是一個好例子。你可以覺得，樹沒有立場插入你們３個的爭吵，而且又在未明事實的真相前，講一些你認為攻擊到你的野，這個情況又何嘗不是另一個社會的縮影呢？
試著不要介意太多的事吧。
有人的地方就會有爭吵，就會有攻擊，就會有為左自己支持的事而盲目，你不開心是正常，但你唔可以從另一個角度去體諒樹，雖然樹本身講的事是很難明（我都唔明，但我問左佢點解）但我想講的是，樹想寫的人唔係你是ＧＰ，佢認為：”篇日記係話GP鬧小洛係佢地自己處理得唔好，唔係水既責任。”你們唔能夠將所有責任都放係水身上。不同的人有不同的睇法，不是話不是佢的事，佢都不可以理，知道的人，不論清唔清楚，他們都可以批評，問題是公開與否而已。樹的出發點是為水，錯在他寫的野太高深了。
洛你講過，第二日就收到ＧＰ的ＩＣＱ ＭＳＧ，ＧＰ其實可以唔使俾個ＩＣＱ ＭＳＧ你的，佢可以有第二個方法將這件事處理得更好。但他仍然同時選擇不分青紅皂白的鬧你（我唔知你們真實的情況是點，在我的角度去睇，既然你們有吵過，這會令我覺得一開始大家的語氣都唔會好）ＧＰ講過，他是一個成熟的人，這件事的人，年齡最大的都應該是ＧＰ，最懂事的都應該是ＧＰ。我不是話佢錯哂，而是一個自認成熟的人，在處理別人的關心，在處理自己的感情上面，是不是應該可以用婉轉間接的手法，而不是聽人地話小洛因為咩唔開心，就即刻走去同洛講：有事做乜唔同佢講，去同其他人講 這些說話！
我明白，每個人都有自己的壓力，我不可以要求ＧＰ在每件事情上都可以處理得好好，我真是覺得這件事都是因為大家受不到壓力而爆發出黎。
１．水個晚的語氣是唔好，我承認，但ＧＰ的態度和語氣都唔係好，這個亦是事實，之後的電話不予置評。
２．ＧＰ頂唔順工作和家庭壓力，咁岩水係果個時候用洛去煩佢，火一起，就留ＩＣＱ ＭＳＧ俾洛，仲要是好重語氣個隻。
３．樹為了自己女朋友加上對ＧＰ一直都冇好感，就出言相勸，結果愈吵愈烈。
４．洛因為依然未能走出２個好朋友離開的傷痛，ＡＬ的壓力，理想的阻礙，水的”出賣”，加上又是維護自己男朋友，所以就變成而家咁啦。
呢Ｄ就是我見到的情況，大家都堅持自己岩的話，好難可以再有進一步的溝通。
好講真，我唔會是偏幫邊個，我亦想盡量客觀咁令大家都明白。有時真是雙方不同的性格，不同的態度，不同的面對就可以做到很多不同的結果。
我聽過你們４個講，聽過其他人講他們的意見，對不同的人都有不同的睇法，然而，他們大多認為最錯的ＧＰ。
不要問我他錯係邊和其他人講過乜野，一路看下來，不出聲的人反而會是看得最透徹的一個，你可以話，沒有了解過就沒有資格說些甚麼，可是，第三者通常都是看得最清的一個。
我並不是想攻擊ＧＰ，但是這個情況像不像以前魔寨和美夢的情況？沒有絕對的對錯，大家堅持的都是自己的信念，得不到共識找不到和平共處的辦法就唯有敵視。
大家都需要反省。
我支持小洛的選擇，你話ＧＰ是１００分的選擇，我相信。然而，２次去你家，不經意見到你和ＧＰ講電話的表情，我有時會懷疑，你們是真的快樂嗎？
仲有一樣我想講的是，ＧＰ要的不是水的道歉，他需要的從來不是甚麼道歉，而是行動上的改變，在我覺得，ＧＰ對改造他人的行為真是樂此不疲。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
打完之後的感覺是，原來我是有做社工的條件的／Ｖ ＼
下面是一些今日的雜感
１．早上６點幾才訓，１１點半起身絕對是一個新鮮的感受
２．下午在有線看了一個舊的綜藝節目，一對好朋友因為小誤會而絕交，但半年的時間中大家又會關心對方的消息，直到在這個節目上，大家又和好如初。時間可以改變很多事，我是相信堅定的友誼經得起考驗的。
３．ＧＰ真是需要改下先以為是，自我中心的性格，昨晚的對話，我有點兒覺得他是不明白我表達的是甚麼。或者是明，但要改變一些不討喜的性格是需要時間的。
４．洛要聽多一點不同的意見。
５．水現在出來工作，是時候了解多一點人情世故，吸取多一點處事的經驗。
６．為什麼在我最燥的一日，要我打咁多字，理咁多野？
７．我打稿都唔會通頂打的呀。
８．我真是一個非常八卦的人呢，但這些又是做記者的基本條件，所以……我唔八都唔得／ｖ＼ |
