|
無時間去玩~~好慘v_v 八月十一日-- 八月十三日 呢幾日都無乜特別事發生，係唔係反映0左我的生活圈子好細呢?可能都係，好 想去旅行，本應月尾可以同0的friend去台灣玩，不過無時間，嗚嗚....無法啦， 出0左0黎做0野就唔可以成日去玩，所以會考0的同學，有得讀就讀啦，升唔到 都唔好搵0野做住，讀下0的校外課程，享受下人生先得0架，慢慢諗下自己將 來想做乜，諗到就諗下有乜途徑可以入呢行做仲好啦。 前排買0左幾隻dvd都未睇，濬灝又唔比人上佢屋企睇，一齊睇開心0的嘛，邊 個禮拜日得0架?單聲比我聽，等我執齊「架生」衝上0黎啦!! |
|
終於都可以用部腦0勒 七月十五日-- 八月十日 我又掉底0左個網幾個禮拜0勒，無法啦，前排病到死死下，之後又比阿哥霸住 部腦無得用，我都唔想0家.....講起呢幾個禮拜都真係幾好玩，出0左海三次， 一次夜晚去釣墨魚，我好成功咁釣0左隻上0黎呀....犀利，第二次去玩滑水，都 好好玩，不過就最高記錄就只係滑到一兩米....v_v，第三次就真係出0左去游水 0勒，我都係第一次0係個海度游喳，0的friend0係隻船上面玩跳水，真係大膽 ，不過佢0地跳完有無後遺症就唔知0勒，出完呢三次海，真係好想考個船牌， 買隻艇仔玩下，得閒出下海，一個人靜靜地諗下0野游下水，都不知幾好，不 過呢0的高檔0野都係諗下就算。 前幾日悶悶地，彈結他都彈到隻手起晒根都覺悶，無無聊聊出街買0左部game boy advence，可能壓力大啦，要搵0的0野輕鬆減下壓至得。 |
|
好好好眼訓呀x3倍呀~~ 七月十四日 今日真係好好好辛苦呀~~~，訓得兩粒鐘，床都未訓暖就要起身0勒，約0左濬 灝、阿馬同斌仔0係老地方見啦，點知熱都痺，風都無一滴，迫於無耐就去0左 0也早餐先啦，唔知點解，呢幾日個腸胃唔係幾好(真係多病痛)，食乜都會係 度狂嘔胃氣，無食0野都會狂嘔，會唔會我唱歌唱得多0左，0的氣留0左0係個 胃度先至有咁多胃氣呢??食完早餐就緊係飛撲返教會啦，有冷氣呀嘛!! 崇拜完0左、食完晏晝飯之後，就要準備聽日0既暑期聖經班0的0野0勒，不過 我0地都好快手咁攪掂0左，至後同0的弟兄姊妹傾下偈，真係好耐都無咁坐底 傾過啦，好多分享，真係好。之後我又緊係去搵$$$啦，唔知點解，個口話倦 ，不過又好似唔係咁眼訓咁，可能都過晒眼訓時間啦，無乜睡意，教完之後 join埋瑞安去大會堂睇下斌仔擺畢業作品展，估唔到佢又做得唔錯喎~~抵讚抵 讚，將來我0地新教會就靠晒你啦，之後我0地去0左尖沙咀睇下0野吹下水， 過0左今日之後，聽日就係一連兩周0既暑期聖經班0勒，希望聽日起到身啦。 |
|
好眼訓呀~~ 七月十三日 而家就0黎凌晨四點0勒，基本上係禮拜日，先至打日記，因為要編譜，所以做 到咁夜，陣間要六點幾醒去早禱會，對我0黎講可能會變0左早抖會都未定，兩 粒鐘....邊夠訓，又無食晚飯，我驚我遲早會好似報紙講0個個老師咁，因勞成 疾，患0左肺癆.....，都係唔講0勒，好眼訓v_v |
|
今日有好多人掛住我呀 七月十二日 點解咁講??我今日狂打乞嗤，阿貓阿狗都比我0的乞嗤嚇親，無法啦，感冒係 咁0架0勒，我仲好叻咁包0左好多雲吞，又朝包到晚，都唔知點解0的材料出 極都有0既!!! 噚日聽0左一首jazz歌叫做My Favourite Thing，聽完之後深深咁愛上它，真係 好聽，絕對係推介。 今日終於send0左0的歌0黎0勒，我0既工作又開始啦，緊係即係拿拿臨編0左佢 賺$$$啦。仲有個好消息呀，就係下個禮拜可以同0的舊同學仔出0黎釣下墨魚 ，好開心，一0黎真係好耐無見0的同學仔，二0黎我未試過釣墨魚0架，唔知佢 0地最近點呢，希望見到面唔好無0野講啦，我最驚呢0的場面0架0勒 ^_^||| |
|
放假一天 七月十一日 今日都係呢個月之中最得閒0既一日0勒，既然無0野做，又諗起遲0的都唔得 閒，就偷下懶係屋企打下機啦，經過一晚0既昏迷，今日0既精神都算唔錯， 希望快0的病完啦，我唔想下個禮拜一路病一路返暑期聖經班呀!! 今晚阿媽話要食多幾粒感冒藥，打死我都唔食，食完第二朝起唔到身學結他 點算呀!!! |
|
病到七彩 七月十日 今日我特別斯文，點解??噚晚食0左幾粒感冒藥囉，攪到今日手腳都無力，訓 到成十二點幾先起到身，雖然病到蒙蒙地，不過都攪好0左過留底幾兩同埋流 言板，整得咁辛苦，你0地緊係要留下言啦!! 整得咁上下，夠鐘去學結他，死火，練0左一陣喳，點算呢，無法啦，死就死 ，結果都彈得唔錯，不過學完仲要上樂器學，仲要挨多個粒鐘先返到屋企抖 ，好慘~~~~x_x |
|
我返0黎0勒 七月九日 好耐都無打日記得，無法啦，忙都唔得閒呀嘛~~~(藉口)，又要返工又要返學又要攪教會0的0野，分身術都唔掂，救命呀~~~邊個可以救我出火海!! 講返依家先，雖然有暑假放，不過都報0左幾個course讀，0岩0岩噚日開始，都幾有趣，知道0左一種叫Schenkerian Analysis 0既樂譜分析法，呢種分析法最攪笑0既地方係將一首歌簡化到得返幾個音，哈~~咁樣我0地學緊0既傳統分析有乜用呢?真係諷刺，不過都要學0家，要畢業就要讀0架啦，鬼叫人0地要考咩!! 都係講返今日0勒，一早就落0左教會開會0勒，慘啦~~病病地添0架，都無法啦，硬住頭皮都要落，好彩都開得好順利，之後緊係去0也0野啦，竟然唔比人叫星州炒米，太可惡啦，我0既至愛之一0黎0架嘛，食完0野，佢0地就留守教會，我就要出去搵$$$0勒，一路搭巴士一路昏迷，好辛苦呀~~~x_x，今日0的學生都幾乖，可能我教得好啦(又讚自己添)，教完又要返教會同牧師傾下興趣班0的0野，傾完就緊係返歸啦，仲邊有体力同0的病魔鬥，返到屋企都係wingwing地，不過都好有職業操守咁開著部腦睇下有無人send歌0黎比我編，好彩都無0者，既然無歌到，就緊係攪下自己個hp啦，荒廢0左成半年啦陰公，話晒都係自己一手一腳攪0既心血，都唔想見住佢變0左網上垃圾，唯有珍有時間執下佢啦!! |