東魅新人勁歌熱舞闖樂壇
東方魅力新人大晒冷，EO2、E-Kids和SiSi（張詠詩）合唱一首跳舞歌曲《魅力移動》，以迎接這個炎炎夏日，兩隊組合、一個個體，合成八仙匯聚，除了合唱一曲之外，「八仙」並會一起於五月十日推出一張雜錦碟，一於齊心合力共闖樂壇。今日下午一點會於奧海城舉行《勁跳勁唱樂壇新力軍大激鬥開幕禮》暨《魅力移動》MV首播禮，MV中八仙會大跳高難度勁舞，今日亦會即場大唱大跳，以展示八人勁度十足的舞蹈功架，絕對不能錯過，屆時校長譚詠麟和阿叻亦會出席為這一班後輩打氣，而除了八仙外，東魅另一重點新人李蘢怡（Tiffany）亦會參與表演。
張詠詩為譚校長手震
張詠詩是八人中唯一一個女仔，會否有特別待遇？SiSi表示：「唔會喎，反而仲辛苦啲，我有一Part要做高危險動作，班男仔會將我拋上近兩層樓高，然後要凌空打觔斗，好似啦啦隊咁，練咗一日，只係瘀咗少少。」SiSi果然是舞蹈藝員出身，練得一身好舞功，所以一啲都難唔到佢，但原來都有嘢難到SiSi，佢最怕表演期間校長踩場。SiSi說：「上次喺校長的歌迷聚會表演，校長喺台邊睇實，我隻手不停咁震，好緊張呀，好大壓力呀﹗」
昨日一向活潑開朗的SiSi竟苦着臉到來，原來她在的士遺下了銀包，唯有希望好心的司機可幫幫忙，SiSi無奈地說：「冇咗錢唔緊要，但個銀包係朋友送，銀包仲有珍貴的細路仔相，唉！好慘呀！成個人Down晒，公司已經幫我請電台DJ幫忙呼籲，希望可以失而復得。」
E-Kids時刻尊重譚校長。」
E-Kids三人男子組合分別是Tommy、Tim和Alan，讓人認識三人是於去年在譚詠麟演唱會任表演嘉賓，所以和校長感情好好，不過有時亦會向他們訓話一番，Tommy說：「不過校長都係為我哋好，校長好留意我哋的演出同訪問，然後會畀意見我哋，所以我哋好尊重校長。」Tommy表示在球場踢波時，校長Mark住個波，冇人敢埋身。
對於今年特別旺男子組合，會否對三人做成威脅？Tim謙虛地說：「我哋只做好自己。」台灣F4和WeWe來勢洶洶喎？Tommy表示：「香港的觀眾好特別，好少接受外來的人，有幾多個周杰倫？所以我哋唔怕。」
。」
EO2扮動物挑戰F4
台灣F4因拍劇集《流星花園》而走紅，這股旋風更席捲香港，但原來香港方面亦有一隊四人男子組合EO2，成員包括Otto、Osman、Eric和Eddie，他們希望可以颳起一股風暴直搗兩岸三地，EO2四子更自創一套劇集以迎擊《流星花園》。最多鬼主意的Otto還親自為劇集改名，他笑說：「就叫《宇宙動物園》，我哋各自做唔同嘅動物。」Otto率先表示自己做長頸鹿；比較沉默的Osman表示想做樹熊；Eddie選擇做馬騮；而貌似馬的Eric則搶住做馬。
Otto又說：「故事以《青蛙王子》做藍本，我哋本身係人，不過做錯事俾天神罰做動物，不過一到夜晚會變番人，時代背景係古希臘時期，（古希臘人咪要裸露上身，只有一塊樹葉掩住重要部位？）我哋可以為藝術犧牲，女主角會搵番自己人，BoBo、SiSi同Tiffany啦。」他們愈講愈興奮，為了令故事中的動物和人拉埋一齊，他們表示三位女主角會飾演做愛護動物協會員工，而E-Kids則做動物管理員……（下刪一百字），四子創意十足，必定令香港樂壇大放異彩。
