※∞黃貫中一生中的熱愛∞※
| Band壇老大哥 Beyond休息了八個多月，雖然他們堅稱這次「分手」 ，是因為需要新的空間，找更多音樂新元素，令將來 的「復合」更為精彩，可惜每次談到「復合」，答案也是 未知，感覺像是遙遙無期。 Beyond雖「暫 停營業」，但阿Paul、世榮、家強各人除了接到不少新 工作外，三人還會以個人名義推出全新大碟，彷彿 Beyond仍然「運作」，亦可見他們對音樂熱愛的精神 永不死。 |
| 阿Paul簡單地道出自己的大計：「我嘅大計好簡單，就係繼續做音樂，繼續我嘅音樂事業，咁亦都可能係我本身自己鍾意做音樂，第二就係我除咗音樂做唔到第二樣嘢，我可以咁講，我最叻就係做音樂，就算而家Beyond暫停，我都好希望同音樂喺埋一齊。其實冇嘢做嘅時候我都係做緊音樂嘅嘢，作吓曲、揀歌，而家我籌備緊自己嘅個人大碟，但係我手上嘅歌已經足夠做到兩隻碟。」 |
| 不死的樂隊信念 |
|
自數年前開始，一直傳出他們分開獨立發展，但每次也是只聞樓梯響。追溯樂隊分開發展的淵源，原來一早已埋先機。 「坦白講，我喺一九八八年同我哋本身嘅經理人傾，想獨立發展，覺得將我哋拆開做可能會好做啲，啱香港嘅市場多啲，因為嗰時啲樂隊出幾隻碟就玩完。但係我俾佢哋嘅答覆就係，千祈唔好話個價錢俾我知住，因為就算你俾幾多錢我，我都一定唔會去同你哋簽約，我入呢行都係因為可以俾我繼續做音樂、繼續玩Band，喺嗰個階段我完全唔諗，我同佢講我只係會喺樂隊裏面出現。」一個堅持的信念，令Beyond在香港Band壇蹤橫十多年。 |
| TVB垃圾製作 |
| 早前謝霆鋒及樂隊LMF炮轟電視台的垃圾製作，印象中舊日的Beyond與電視台的關係也不是很好，數年後對於這班後輩的睇法，可會認同？ |
| 阿Paul說：「以前可能會覺得佢哋咁樣搵啲歌手玩啲咁嘅遊戲好無聊，唔知做乜，但係而家嘅心態唔同咗，反而會可憐佢哋，而家呢啲音樂遊戲節目，咁少收視，只係得番啲靚仔同師奶阿嬸睇，我曾經講過、批評過佢哋嘅節目製作，所以足足七年未上過TVB嘅節目，而家佢哋邀請我，我梗會上去啦，柴娃娃攞吓獎品幾好呀！」 |
| 貫徹Beyond精神 |
| Beyond於年頭簽了新樂隊Tat-Flip，搖身一變由樂隊轉為經理人，Tat-Flip五月時推出第一隻大碟銷量理想，很多人也說Tat-Flip帶著不少Beyond的影子，阿Paul稱：「其實Tat-Flip一啲都唔似Beyond，佢哋好有自己嘅個人風格，如果你要話似，我反而會覺得LMF仲似，我好欣賞呢隊Band，佢哋兩隻碟我都有份彈。好多時啲人都鍾意攞Beyond同其他新出嘅樂隊比較，都見慣不怪，最好笑有啲樂評人聽完我作嘅歌之後，話我好有Beyond嘅影子，梗係啦！我喺Beyond出嚟，我根本就係Beyond一分子，乜嘢我似啫，我根本就係Beyond。」 |
| 資料來源: http://www.3weekly.com/volume/issue045/ent/060/content.htm |
| 撰文》Kale 攝影》李敏軒 場地提供》香港拼圖 美術》阿娜 |
| ※∞HOME∞※※∞NEXT∞※※∞BACK TO INTERVIEWS∞※※∞TOP∞※ |