※《TAT FLIP》
為音樂唔食飯都得※曾是
beyond提攜並簽約成為「二樓後座」的首支樂隊TAT FLIP, 大家可能唔係好識 , 無錯! 一行三人嘅佢哋已經唔再活躍於樂壇 , 唱碟係靠自資 , 作曲、作詞 , 自己一手一腳搞掂, 閒時佢哋都唔會上電視節目, 因為佢哋搖身一變成為全職音樂人, 為咗音樂無收入無飯食都覺得值得。食麵包慳錢
人總要食飯, TAT FLIP三位成員許嘉威、許嘉榮、曾懷恩為咗音樂, 投資咗唔少喺音樂、STUDIO及新碟製作上, 要平衡開支就只得靠節衣縮食。「我哋唔係要出名, 唔係要搵百萬袋袋, 為嘅只有音樂, 雖然我哋都好明白靠唱片好難維持生計, 第一張碟 <<吹WHAT>>銷量五千、繼後 <<古靈精怪>>雖然數字未返, 但預計同開支平衡得到, 至於新碟 <<SIMPLE LIFE>>當然希望銷量好啦!如果銷量唔好都唔緊要, 因為我哋各自有PART TIME, 閒時教打鼓、教結他、做SALES嚟補貼番條數, 如果再差啲話咪唔食飯食麵包慳番啲錢囉!」
TAT FLIP無人簽
要名正言順玩音樂賺錢𡃁最好方法就係簽約給唱片公司, 真真正正進軍樂壇, TAT FLIP同意嗎?「當然同意, 而我哋從來無介意過要出鏡, 要係電視前表演, 只係香港嘅唱片公司話就話支持樂隊, 但實際呢?哈哈哈。現今主要支持組合至真。」
※∞HOME∞※※∞NEXT∞※※∞BACK TO INTERVIEWS∞※※∞TOP∞※