過兒台灣之旅
2004年3月26日
今次我的台灣之旅是5天的行程，是我3次台灣之旅之中，行程最短的一次，其實我前2次去台灣都逗留14天，哈哈，今次係最短線，冇法啦，要上班。其實今次有得去台灣是要感恩的，
原因是我出發前一星期才有時間去訂機票及sleep
place，我的sleep
place 要到左台灣先至confirm。而且我仲病左, 因為同我以前的傷風的病徵不太一樣，出發前4日去左睇醫生，請左出來工作中第一次病假，其實出發前的確有點擔心的，因為sleep place 未confirm，公司的事還未解決，久病未癒，還有第一次自己自由行到台灣，雖然我已去過2次，都好似好記得路，但係我的國語在這差不多2年中完全是投閒置散，Listening還可以，但係Oral就唔得, 因為根本係工作中唔會用國語. 心理壓力很大, 自己完全頂唔住，不過全都祈禱交托，在有一天的晚上靈修時，"人在最小的事上忠心，在大事上也能忠心；在最小的事上不義，在大事上也不義"(路16:10)，在神的眼中，我的旅行簡直是小事中的小事，所以心情平靜下來。
星期四晚上才有時間收拾行李，星期五一早起身去機場，去到機場大約10點半，我的飛機在12點半起飛，所以係機場行左一陣，就去左check-in court check in，入閘時我看看我的體溫是多少，是34.6℃，哈哈，沒有發熱！！
入到機場禁區的shopping mall，好似比我2年前有些改變，多左一些品牌，不過有一種item係新的，就是免費上網服務。當然我有用這個服務啦，因為太清閒。上左飛機後，真係唔full，有好多空位，基本上任君選擇。起飛不久空姐就派飛機餐，今次我坐港龍，所以好期望個飛機餐，因為我知道港龍飛北京有雪糕食，所以我諗飛台北應該不差吧，空姐派了一盒東西及一包食物，登登登登，原來個盒放了一盒維他橙汁，一隻杯及一包紙巾。那包食物是叉燒飽。……..無奈…….
1小時飛行時間很快過，大約2點到達台北中正機場，哈哈，安全到達，Good，下機後發覺個入境大堂好新，完全唔似我以前去開的那個，不過是單程路，好快就到了辦落地證的地方，當我填form 時，突然覺得有人望住我，好似好熟口面，但係唔記得係邊個，不過算吧！
過了關，取了行李後，先在機場找電話公司買SIM卡，個Sale話台灣的電話費係逐秒計，所以不用買張太多錢的，而且原來台灣的手提電話供應商之間，收費是有分別的，例如A公司用戶打去B公司用戶，收費和A公司用戶打去A公司用戶是不同的。不過都好便宜，大約3仙一秒。然後去坐巴士去台北車站，可說是台北的中心，車程原本應該1個多小時，但係因為天雨關係，結果花了3小時才到目的地，在車上看了「極速的士」，哈哈，不錯不錯。
到了台北車站附近的地下商場，逛一逛，順手找一找臨時Locker位置，因為我的朋友瑋瑋表示台北車站附近的商場有臨時Locker可以放行李，哈哈，It’s so good. 不過大約找了30分鐘都搵唔到，最後係10號出口有一排Locker，不過好似唔係好得，算吧。係時候打電話給瑋瑋啦，佢係我前2年參加台灣交流營時所認識的，而且係我認識的台灣朋友之中，廣東話說得最好的一個。今次我的Sleep place 由佢幫我安排的，哈哈，先打她Working place，鈴鈴鈴鈴，「你剛才打的電話未能接通」未能接通??這裡不是在台北不用打字頭嗎??再打一次，Bingo，有人聽，哈哈，當然找到我要找的人啦，好，6點係公館等，公館係一個捷運站，捷運站=MTR in HK，基督教出名書室—校園書房就係公館，我每次去台灣都會去公館。係地下商場行左一段路就到台北捷運站，買左一張悠遊卡=八達通，Face value TW$400
plus TW$100 按金，就去公館，5點到左公館，仲有成粒鐘，肚又餓，就去左KFC食Tea，order一個好似係咖哩豬排飽餐+一個沖繩焦糖葡撻，惠TW$148，食完後就去左校園書房看書，不知不覺到左6點，我的手提有來電，個電話唔熟口面喎，「喂」「你知道我是誰呀?」她的聲音有點耳熟，我的腦袋開始Searching who is she??電話顯示係由一個台灣的電話「知道我來台灣的只有2個人」第一位當然是瑋瑋啦，第2位係邊位??係大雄的女友—靜儀，也是在2年前參加台灣交流營時所認識的，後來我Stand-behind多留台灣2天，就去了她在基隆的家玩玩。其實仲有2個人知道我在台灣的，就是佩璇同毛毛，不過我想她們不會咁早就打電話給我，因為我們約了遲些見面。她聽了我這樣說就笑了，哈哈，她一定是靜儀吧，她還在工作中，多辛苦!!「晚些再找你吧」好，星期六見。
瑋瑋的電話到了，「我到了公館了」，「我在校園書房門前等你啦」，瑋瑋果然很快就到，「你終於來台灣」，係，我有一年九個月沒有來台灣，其實上年3月時我想去台灣，但係SARS，跟住工作繁忙得沒有時間。「我們現在去那裡??」，毛毛的教會，next my working place，「next??」係呀，好一個舟車勞頓，坐公車，bus呀，原來台灣d公車都有好似Roadshow，but just have 7
Adv. Yes, only 7 Adv, very boring。當然係架公車上同瑋瑋chat 啦，所以好快就到左目的地，係一間三層高的教會，好似係宣道會，入到教會就放下重擔—行李。係教會可以有咩做?? Of course praying and singing la。原來今晚查經，但係8點先開波，現在先係6點半，「去食野啦」，good idea，but where we go??
永和夜市，好，「但係好遠」，ok la，let go。
行呀行，行呀行，行左成20分鐘，「到未呀??」，未呀，瑋瑋就推介了一種類似燒餅的東西，5個大洋，好抵! 我就要左一個奶油味，唔錯。當我食完個燒餅後，就到左永和夜市，瑋瑋問我想食咩，「有咩好介紹??」，「有冇食過蚵仔餅??」一種類似蠔餅的食物，「好似未」，「就叫啦」，跟住仲叫多種食物，不過我忘記它的名，係好似放大版的潮州粉果。食完之後我完全有滯脹(stagflation )，哈哈，之後仲食左半碟臭豆腐同一枝燒糯米，飲左一杯益力多檸檬茶，利害利害，「現在8點3」o下，遲到?? 所以即刻飛的。10分鐘就返到教會，不過好未人齊，哈哈。
各人自我介紹後就開始查組，不過想分享一下我對台灣人的姓名的感覺先，就是如果將他們的姓名用廣東話發音，係好難理解，因為我覺得唔會有人用這些中文字的組合，因為真的好奇怪，同埋係好得意。不過用國語發音都OK，所以以後改名時是諗諗在不同言語的效果。哈哈，查經內容有3章，無錯，係3章，歷代志上27-29章，「我們希望在9點完」，一次過查3章聖經已經令我吃驚，仲要係30分鐘內完仲驚。Possible? 睇下點查先，原本已定好每章的經文中問3條問題，不過我覺得唔似查經，因為唔係以經文解經文，例如問大衛的Management Skill，而且好似有點準備不足，如點解神not allow 大衛起聖殿，其實係有得在聖經中有解釋的，不過好似佢唔預備到，算吧，不過覺得唔似查經，因為在聖經知識上冇咩收穫。
查完經係時候去Sleep place啦，有位弟兄開車車我同瑋瑋去Sleep place，係瑋瑋的學妹的出租屋，利害，好似好多台灣人都有屋出租俾人，因為瑋瑋有Extra House，當然啦，其實台灣的住宅都好平，起碼平過香港N倍啦，而且地方又大。因為瑋瑋要趕住坐一架成粒鐘先有班的公車返Extra House，所以我就一個人同瑋瑋的學妹—拉結(Rachel )上去我的Sleep place，基本上好似係3房的屋，有toilet、有kitchen 、有露台，唔錯，而個3間房都係分別出租俾唔同的女生，女生??係，無錯，女屋男生，男生實有損失，不過通常我都係早出晚歸的人，所以都安心一點，而且有2間房是暫時空置，因為承租者未到，而且其中1間係我Sleep 的地方，so good，Rachel一面很努力地四處張羅，很快地把1把風扇、2張被、1個枕頭、1袋食物及1包紙巾為我預備，多謝多謝，同時我也了解我現在的位置，原來我一直搞錯，因為我以為係忠孝敦化站附近，原來我係距離忠孝敦化站蠻遠的地方，要行10-15分鐘。OK啦，起碼現在都知道自己係邊先。
整理好行李後，After bathing then sleeping la。
2004年3月27日
Actually
I feel sick，but the outside was raining，所以好嘈，仲俾蚊狂咬，佢地不斷咬我塊面同手，搞到我在早上６點前，只睡了半粒鐘，跟住因為真的好累，忘記痛楚，睡吧，直到靜儀的morning call，因為我冇帶鬧鐘，而且間房好黑，我根本唔知時間，好左尋晚叫左靜儀早上俾個morning call 我，如果唔係我一定唔知醒，因為今日佢會帶我四處去，其實佢想到我的sleep place接我，但係我連我自己都唔知係邊，我點講俾佢聽個地址呢，而且佢住係基隆，一處我覺得好遠的地方，而且我地會去一處叫北投的地方，係捷運站，係個度等就可以啦，還有一個原因，就是我不太喜歡女生接送我，除非我完全迷路，或是要去一處我完全唔知係邊的地方。因為我覺得沒有理由由女生做這事情。
靜儀的morning call係９點半，收到call後立即bathing and cleaning，15分鐘後出門口，不過由sleep place 去捷運站都要１０多分鐘，而且我係第一次自己行去，不過好在係機場，Customer Service Center 職員俾張map我，跟住張map行，好快就到了捷運站，原來係國父記念館站，而唔係忠孝敦化站，因為我住的地方係佢地２個位的中間，Thank God I landed the station，坐左大約４０分鐘車，終於到左北投站，當然打電話俾靜儀啦，佢話佢係站內，佢話佢會找我，ｏ下，個站咁大，點搵呀??不過佢話可以，由她吧，結果係搵我唔到，因為我落左地下個層，佢係月台找我，當然找不到啦，佢再打電話俾我，叫我去往新北投站的月台，哈哈，好方法，當然結果我地終於見面啦。
佢冇咩大的改變，只是電了頭髮，換了手提電話，同埋有ｄOL feel。哈哈，唔知係唔係出來工作的女生都是這樣子??No idea about it，哈哈，去新北投的那段捷運原來要等一段時間才有，即使有車，都要等5分鐘才會開車，因為少人搭。開車後就不過好快到達目的地。
到達了新北投，第一個目的地是全家便利店，因為我太趕出門口，所以未食早餐，當然食早餐先啦!!是日早餐係壽司同草莓奶茶。講起便利店，台灣的比香港出色N倍，人家的食物種類，特別是食品同微波爐食品，起碼多過香港3-4倍，唉…….點解人家的會有咁多選擇，好似微波爐食品，我地只有區區3-4款，台灣的有意大利粉、漢堡。而且真係行2步就有1間，台灣有起碼5-6間便利店公司，香港只有2家。
食完之後就去第2個景點，溫泉博物館，係一幢有90年歷史的建築物，Japanese Style，因為日本人起的，所以入屋要除鞋，而且要穿拖鞋，佢地有拖鞋供應，間博物館style都唔錯，好classical，仲有movie睇，不過係台灣式粵語殘片，有興趣可以不妨看看。走時職員叫我地將對拖鞋放回原處。放回原處??不用清潔??不用!!……
看完溫泉博物館就出發往陽明山看花，因為只有一架車去陽明山，所以靜儀事先就Check好時間，不過仲有時間，就順手看看露天溫泉，入場費平日只是20個大洋，假日就TW$40，真的很便宜，哈哈，平日好少人會去的。去到巴士站等車，等了又等，等了成30分鐘仲未有車……有冇搞錯??再望望時間表，過了預定時間都未有車……再等了大約10分鐘，有車了。「這車係去北投，去陽明山係對面站」o下，唔係掛??明明巴士站張map唔係咁寫。唉，因為剛才我地見到對面架車剛剛走，不妙。「不如坐的士啦」「當然唔好啦，好遠，的士費會好貴」
終於等到有車啦，車程大約30分鐘，去到陽明山已經係2點幾，人都幾多，因為假期，好多成家人一齊去，今次係睇海芋，其實香港叫做馬蹄蘭。全個山頭都植這種植物，好正，因為每年3-4月都會舉行一個好似香港的花卉展覽的東西，不過佢地只display馬蹄蘭，而且仲可以即時採花，無錯，你可以落田自己採自己喜歡的花，而且價錢很便宜，好似TW$100有7朵。靜儀就買了5支馬蹄蘭，我?沒有買，又唔可以帶回香港，係台灣又冇位放，3點幾就坐車返新北投，不過架車係可以係北投落車，所以就係北投落車，去士林夜市。
去到士林都成4點幾，我諗靜儀都幾肚餓，因為早上到現在都冇食過野，所以去到士林就問佢想吃什麼，佢通常會反問我想吃什麼，而我也會答無所謂，於是佢說想吃炸雞排，但係一個人會食不完，「叫啦，我地一人一半」，於是就叫，不過要等，OK啦，士林這家的炸雞排都幾出名，因為成日都人排隊，間公司個招牌最吸引我，因為佢寫明它的成本比別人多幾元，所以品質比別人好，哈哈，這種Promotion 手法我都係第一次見。大約等左10分鐘，就有得食，我地邊食邊行，見到有家10元店，台幣10元=港幣2.5元，究竟會有咩賣，我好好奇，「不如入去看看」，賣的東西同香港的10元店沒有太大分別，OO……當然有買東西啦，我買了一排髮夾同一排磁石，然後再到旁的20元店，賣的是東西在香港的10元店也有售，不過有些東西真的很便宜，例如10枝原子筆、1支塗改液等等，不過我就沒有買東西，然後就去一間鞋店逛逛，係士林一間比較有規模的鞋店，價錢和其他店也算是便宜。而對面就開了一間扭蛋機店，全店有20台以上的扭蛋機，款式也有很多，價錢由30-60不等，我就扭了2個當紀念品。扭完之後又去食，不過今次係靜儀食阿亮麵線，係一種好似米粉的東西，佢地係用匙去食這麵的。然後我就去買了一杯飲品，之後再前往新士林夜市，但係其實係劍潭捷運站，新士林夜市似一間好大的Food court，因為賣食品的店很多，但係食品的種類其餘不多，因為有好多係重複的，我記得有一家係賣火雞的。
哈哈，下一個景點係到台北車站的站內商場找Birkenstock，好似好出名，今次受人之託，從台灣買一對London款式的鞋，其實我都唔知有這品牌，不過女生都這品牌好有認識，當然，靜儀都認識這個品牌，所以她帶我到台北車站的站內誠品書店找，部分誠品書店有其他的物品賣，例如上辦公室的服飾、手提袋等，去到台北車站時，時間為5時多，車站的人很多，因為在總統府的集合剛完結，有很多人都拿青天白日滿地紅旗，因為台灣總統選舉的問題，引起了政治風波，其實今次我來台灣，有些人建我到總統府參觀一下，百年難得一見嗎，不過多人的地方我不太喜歡，算吧。
去到誠品，店員說沒有，然後給了一張卡片給我們，我地就跟著卡片上的地址找，有3個地址，有2個係敦化南路，又一個係公館，我當然選擇去敦化南路啦，坐捷運去忠孝敦化站，再行去敦南誠品，因為其中一間Shop係敦南誠品內，今次就找到了London，不過out budget，so I made the phone call to the buyer，「不如找一個地方坐一坐吧」我諗靜儀都有點累，當然我也有點累啦，所以去到B2 的Food court，我就問靜儀要不要吃一些東西，她很少地說好，而我真的不太肚餓，所以就打算叫一個生果盤，但店員說售完，o下??售完??唔係呀，「不如點果汁」果汁??不太好，算吧。後來我點了一個布丁，付款後找她，原來她點了拉麵，當我想替她付款時，店員因為靜儀說我是旅客而不收我的錢。天理何在??難道旅客就不能請客嗎??而且我需要零錢，原本一舉兩得，就被店員破壞。
當靜儀在吃東西時，我就問Buyer was willing to buy or not，She said no，because the price
is higher than in Hong Kong，「so not need to
buy la」OK啦，「時間稍早，不如去其他地方」她當然會說好，然後會問我去邊??「去邊?不如去New York New York」New York New York係一幢shopping mall，都有點名氣的，「坐的士去吧，因為同捷運站的有一段距離」我知道靜儀是不太喜歡坐的士，但她就遷就我就坐的士去。落車時，那個的士司機竟然沒有錢找，可惡!!
New
York New York係一幢賣名店的商場，不過好似百貨公司，因為有好多counter，只是逛了一會，然後就到旁的Taipei 101，裡面有一個shopping mall，一個好似又一城的shopping mall，品牌也較New York New York高級很多，不過101也是新開幕，有些店仍在裝修中，所以靜儀就帶我去一間書店，好似叫Page One，真的好大，藏書也很多，因為靜儀的工作是同書籍有關的，所以時常要看書，而且也時常要到不同書店，因此她對書店的位置很熟識。在Page One我沒有買書，因為可以遲些買。我們大約逗留了30分鐘就走了。
我知道靜儀一直想送我回家，因為我認識她就是這樣子，但係外面下著雨，而佢又唔多識路從我家到坐車的地方，加上只有她一個人，我又怎會讓佢送我回家??即使是我自己回家，我也情願選擇坐的士，因為天黑下雨、而我也不太確定從忠孝敦化站步行回家的路，所以我對靜儀說我會坐的士回去，她帶我去的士站，我上了車她就走了，連掰掰也沒說，打電話給她她沒聽…….我想好生我氣…….。
的士回到我家，因我沒有零錢，他也沒錢找給我，所以我到7-11買了奶茶，得了零錢給司機，回到房後，沖涼後吃了一些藥，便睡，因為全日我的咳嗽及鼻涕+鼻血不停。