寫得出就唔怕你睇!Chan's daily
２００４ 一月 二月
寫得出就唔怕你睇!
一月一日 晴
送左你番屋企∼
點知你仲好精神喎∼
咁就又同你chat下啦~
chat到三點幾就訓lu~~
訓醒~哈~~又同你再出過去~~
本來諗住去唱k~~不過又只係唱到三點幾~
之都唔知去邊好~咁就冇唱lu~
同你周圍行下~~
諗落~都好耐冇同你出去旺角行lu~
行下食下~~
之後同你搭車塊去觀塘~~
點知就搭左去寶琳~~哈~~
又行左一陣~~
行果時~你又話比個pan我~~
要你拎黎拎去..好似唔係幾好~~
點知你又有d唔開心lu...
呢一年一開始就可以見倒你~~
感覺...好好~~^-^
一月二日 晴
今日起身~~執左d野~~
就番左中大啦~~~番宿之前就去開會~
之後番到宿~~放底d野~~
攪一輪野~~咁就出去找你啦~~
哈~~鬼叫你咁遲先打比我咩~~
抵你要等我ge~~:p
諗住同你早d食完野~~根住可以行下~~~
點知最後係~~周圍行~~行左好耐先食得~
冇啦啦去左黃埔~>.<
之後就同你去找ka yuk慶祝~~(續)
一月三日 晴
之後就~去左ust~~
行完果條路~~我同自己講~~
我唔會比你自己一個人番去的~~~
諗住睇vcd~~點知睇睇下d人都訓曬lu~
咁之後都訓啦~~
朝早陪你番宿~~買早餐比你食~
之後就番我宿~~哈
車~~仲諗住有d咩dessert添...
哈~~今次d野食好似唔多好食呢~~
我望你~你望我~
突然諗起一句歌詞~
'被我愛又愛著我~需要什麼~'
真係冇野要呀~~
見倒~望倒~聽倒~~
都已經足夠啦~~
一月四日 晴
今日真係一訓不醒呀~~~
訓到成十二點~你打來我先識醒~~
根住落左街買左d野食~~
睇下電視~~
咁就夜晚啦~~
如果日日都係咁喎~
咁真係好似有d無聊呢~~~
夜晚補習~~哈~~
仲諗住今日可以有錢收添~~
補完send message比你~~
點知你都唔應人ge~>.<
一月五日 晴
今日係第二個SEM ge第一日呀~~
諗住會有個好開始啦.......
中午果時send message比你~~
玩得好開心ga~~
點知之後上完堂發現唔見左個銀包呀...
呀~~好灰呀~~~
d身證証~中大通~lab卡~冇曬....
仲有張拎介指ge單....
最緊要ge仲有...我同你影ge相....
果幾張貼紙相...我當係寶ga....
每一張我都覺得好有意義
如果比番d貼紙相我...
已經夠啦~~唔該啦....
今日一由唔見左到番到宿都冇事....
唔知點解一打diary....就忍唔住了.....
一月六日 晴
今日十點倒起身~~反正都冇咩做~~
咁就諗住去sit mat啦~~
不過行行下又想找下個銀包~~
咁又周圍行左一陣~~
冇收獲~~~死心lu~~
之後去番na can食野~~仲要係坐番同一位添~:p
上課果時無聊~又冇野教~
咁就同你玩sms~打電話比你~~
吋下玩下囂下~~開心~~~~
番到宿~~又攪下個網~~
同你chat左一陣~~
就去左思源館啦~~~
唱唱下k又打下電話比你~~
哈哈~~~你開心就好啦~~
我幾怕你因為我ge事而令你都唔開心呢~
一月七日 晴
今日諗住早d起身食早餐~~
點知都係失敗...
上pe~~突然feel倒有d難度~
上完d堂~~就約左你陪我出去補領身份証啦~
冇咩人~好快就走得~~
亦都好快咁冇左$395......
之後去銀行入數~
入完就同你行左陣沙田~~
咁就送你走啦~~
宜加同你一齊~~有種好自然ge感覺~~
不過你~~太可惡了~
聽日~~yeah!
一月八日 晴
咁今諗住起身去sit堂~~
點知太眼訓~~冇去....
之後冇啦啦我阿媽打來喎~~
第一句就問我係咪唔見左銀包...
真係嚇得我丫..
原來保安組幫我搵番個銀包啦...
呀~~四百蚊買左個教訓!!
之後約你出來~~
呀~~一大堆野食~~
都係果句~我又係唔會好捨得食ga...
我等左載介指好耐ga~~
點知你又唔至在咁~~急死人>.<
帶左介指就係落左訂ga啦~~
冇得比你走~~~~
我會買過一隻更加靚ge~
等我!
一月九日 晴
玩啤玩到成六點幾~~~
根住訓到十點幾~咁就去左洗房啦~~
洗完就去上assembly~~
打個電話比你~~點知你都係未醒呢~~
番到hall~~又同你chat~~~
chat左成個下午~~
之後諗住訓下~~不過都係冇訓~~~
攪左一陣野~根住打電話比你~~
訓覺?傾計?icq?
迫人去訓ge.....
有d累ga~~不過我想珍惜同你chat ge時間嘛~
一月十日 晴
今日一早就起左身~~
約左你去食早餐~~
點知你冇啦啦打電話黎~~
話我冇打比你叫你起身~~
睇番message~~真係有message呀~~
不過我完全冇記憶呢~_~
根住就同你番工啦~~
好衰呀~~~唔可以同你一齊做..
真係番工等放工呀~~原因?自己估啦~:p
放工啦~~終於有錢~~同你去食許留山 ^-^
真係豐富~~
搭車~~望住隻介指~~只係覺得好靚靚~~~~~
一月十一日 晴
大昏迷呀~~要你打電話黎我先識醒呢~~~
同你傾完~~仲係想訓~~
不過又要同人補習~~
唯有起身啦~~點知又要遲d先補喎~~
早知就訓耐d啦~
補完習之後你send message話你同你屋企打mj~
我心諗...又冇得傾lu.....
之後九點幾就番左宿~~
諗住upload個網啦~~~
點知upload完竟然唔得喎~~~
攪左好耐呀~~
一定要盡快攪掂呀~~
唔係比人插就好唔得掂~
整整下你又online啦~~
我唯有忍心咁叫你等等先啦~~
最後整好啦~~原來係一d權限ge問題.....
點知之後你冇啦啦又話唔理我...
真係有d灰..>.<
一月十二日 晴
唔願起身呀~~不過要上PE~~
冇計啦~~~~
件衫竟然唔乾喎~~唯左去熨啦~~
之後上果D堂~~呀~~全部都好悶~~
同你send message玩好過啦~~
點知你又係同我一樣咁悶~_~
有我幫你解悶~~益左你啦!!嘿~~
之後上個無聊ge lab
攪到冇得參加環shaw跑....
之後開會~~攪左一輪就番宿~~
又整下個web~~soc紙~咁就好夜lu~~
知你部電話冇電~~好怕~~
因為怕會找你唔倒呀~~
又唔知你買左d乜東東比我....
一月十三日 晴
今日一開眼見到ge就係自己部電話~哈~~
上左個gee~~又覺得佢講得唔錯呀~~~
之後你突然話ka yuk有事~~
你要出去找佢~~唔知點解有d擔心你呢~~
哈~~~宜加鐘意上三師兄ge堂呢~~
上得好鬼開心~~
六點幾你就來~
同你食過中文最貴ge餐~~
根住就去左shaw個國慶逸~~~
仲以為你會話玩呢樣玩個樣添~_~
點知完全相反~~
冇啦啦拎曬d野出來~~
扮下嬲都要啦 >.<
點知你又唔開心咁~~~~
去送完你番去~~去左食宵~~
見倒有隻狗好好好得意呢~~~
組爸真係慘啦~~~
希望千人宴果日你冇事啦~_~
一月十四日 晴
今日'拿拿林'咁上曬d堂~~
咁就出去啦~~約左你嘛~~
諗住可以去拎張eps~~
點知就遲左少少...攪到又拎唔倒...
之後求其行~~冇啦啦去左寶琳~
根住又去左西貢~~
好鐘意可以靜靜地咁同你傾計~講下笑~^-^
等埋你d friend~~咁我就走lu~~
要你地陪我去搭車~~真係好唔好意思呀....
知你仲係西貢未走~真係怕你會凍親呢~>.<
一月十五日 晴
上完soc~咁就飛奔出去拎卡~~
之後番到cu~又冇人話我知要洗房喎~~
都係sonic啦~>.<
上上下三師兄堂~突然話走火警喎~~
哈~好呀~~~去食tea~
夜晚去左na個糖水會~~
好full ^-^
之後去左na個夜讀室打牌~~
哈~~打左八圈
由贏好多到贏得好少~哈~~
好過冇啦~~~
因為打牌而唔可以同你傾呢......
一月十六日 晴
打到成朝早六點幾先打完~~
之後就番左宿訓啦~~
訓左幾個鐘就起身啦~~
因為約左中同去唱k~~
開頭好灰呀~~去錯左k房~_~
去到唱~~唔知係咪唔夠訓呢~~
好似唔係好投入咁...~
走果時~~忍唔住呀~~
根住去ust幫你搬野~~~~
好似好快就過咁ge d時間~_~
番到cu~~時間岩岩好~~
約齊人~~沖去千人宴~
d野食都ok呀~~
好鬼多嘉賓呀~~
林嘉欣真係黎唔黎都罷啦~~~
古巨基真係正呀~~
live~原全冇問題~~~正正正~~
我同佢握倒手呢~呵呵~~~
係當你有d咩事想找人傾ge時候~~
打比我啦~唔好理我得唔得閒~~
一月十七日 晴
今日又係大昏迷~~
唔係你send message比我~~
我都未必會起身~~
攪左一輪~~二點幾~~終於出來啦~~
係沙田行左一輪~~你話整甜品喎~
咁咪比你表演下囉~~
一般啦~~唔係話唔好食ge~~
不過..下次要再整過呀~~哈哈~
搭車果時同你玩sms~~
叫你坐前面又唔坐~:p
不過覺得好好玩~~
記住有咩都話我知啦~
唔好話覺得我會唔開心就唔講呀~
一月十八日 晴
今日再次大昏迷~~
又係你打來我先識起身~~~
我都想出來呀~~
最衰d時間又唔係好岩....
下午補完習~
同阿媽去左買野食~~
番到屋企~~
攪下部電腦~~溫左陣書~
食完飯~~咁就番宿啦~~
jack突然send message係話冇一蚊~~
佢用左個好低能ge方法黎拎一蚊~~哈哈~~
笑死我~~~
打錯左比你~~哈哈~
一月十九日 晴
今日起身真係幾凍呀~~~
仲要係去上pe添呀~~
好彩係0係室內~都冇咁凍~
上賤con~哈~~訓左一堂:-p
上完csc番左宿訓~~~
突然掛住喎~~send message~~冇人應...
夜晚去左睇交職~~
d食物~~頹到爆~~
諗住可以食飽飽啦~~
點之最後都係要出去再食過~~~
沖番宿online~~見你~想你~
一月二十日 晴
今朝九點幾醒左呀~~
諗住去上堂~~
不過又凍又眼訓喎~~
內心交戰左好耐之後...
都係繼續訓~~嘿~
點知一訓就訓到成一點~~
哈~訓醒~~先知你send左好多個message比我~~
上完堂~~就沖左出來啦~~
點知你又來驚嚇啦~~
你做左我本來想做ge野...
好可惡!!
同你出完去~~
咁我就番宿啦~~
試衫~~好靚呀~~~仲好warm添~
番宿前~突登去買左d野送比你~~嘿~~~
十一點幾就出番來~~接你番屋企~~
順便送ka yuk走~~
送你番屋企前同你係街食蕃薯~~
覺得好warm好warm~
臨走都撞倒咁多人~~犀利!!
一月二十一日 晴
近排都好凍呀~~攪到我都唔多願起身~
宜加反而係你叫我起身呢~~哈~
感覺..都唔錯喎~~
下午就去補習~~有d唔想去補呀~~
因為想約你來~~來不過又有錢賺~~~
又可以買野比你~~咁就算啦!!
夜晚~係屋企食團年飯~好好'送'呀~~
飽飽~~
之後就約左你去行年宵~~去到維園~~
嘩!!好好好多人呀!可以話係迫入去ge~~
行果時係比人推住行~~~
一路都攬住你慢慢行~~好想一直都係咁呢~:-p
你就大豐收啦!!買左好多花~~
不過我都有個電話座~~~
走過時~~差d想送埋你上樓呀~~
因為..唔捨得~
一月二十二日 晴
大年初一~~反而唔去拜年~~
又係0係屋企坐~~
溫下書~睇下電視~~同你send下sms~~
咁就一個下午lu~~
夜晚食完飯~又係坐...
阿媽冇啦啦話玩pair牌喎!
咁咪陪佢玩下囉~
仲一路玩一路同你玩sms添!
最後嬴左十幾蚊呢~~哈~哈
夜晚冇得online...睇左陣電視...訓lu
突然知道自己ge路應該點行~~
知道自己ge目標係咩!!
一月二十三日 晴
今日要去麻麻果道食開年飯~~
入到去,....真係超無聊~~
真係得個坐字~
知你又打牌~~咁就費事同你send sms啦~~
你冇啦啦話夜晚出來~~~
好開心ga..不過又好似唔係咁好咁...
夜晚食飯~~唔知點解..好似年年都係果d'送'ge..
夜晚諗住唔online呀...
一來真係唔知幾時有得online
二來唔想你咁夜訓呀~
去到二點幾~終於有得on~~
咁就即刻on啦~
好似好多野想同你講..不過又講唔出~~
有時諗...見你下已經夠啦~~
一月二十四日 晴
今日初三~~本來約左同人補習~~
點知去到..竟然冇人!!
等左一陣~~都費事等落去lu~~
甶正又未夠鐘約你~咁就自己出左去旺角先啦~~
旺角好多人呀~~而且又多左好多小眅~~
約你出來...由頭食到尾都係食d街頭小食~
加埋真係貴過食din呢~~~
根住同你睇戲~~又幾好睇喎!
有時問你想點~~都係諗住睇下你想要咩咋....
一月二十五日 晴
朝早起身睇琴日買ge DVD~~
好'攪笑'不過又幾好睇~~哈~
冇啦啦打來又叫我補習喎~~
梗係去啦~~唔通有錢唔賺咩~
之後番屋企~~等左一陣~~咁就去柴灣食飯~
原來我做左表叔~~
犀利~~哈哈!
睇住表哥同佢個女玩~好開心~~
突然覺得自己有好多野要達成!!
一月二十六日 晴
朝早起身番中大開會~~
之前就去左火炭先~~
哈~~智能身分證喎~~呵~
開完會~~咁就約埋你~~
去左執野先~咁就去ka yuk屋企食飯啦~~
哈~~佢地全家都好攪笑~~
坐左一陣~~咁就走lu~
搭車果時講講下~~
哈~~又去左ust~~去幫你拖地~
走果時搭錯車喎...攪到好夜先番到屋企....
阿媽都好似相當滿意份野呀~~
一月二十七日 晴
今日朝早約你係觀塘~
之後就番宿~~進行我ge染髮大計!
點知比個九流染髮師染到我成頭係...
好彩洗倒咋~~
最後...竟然冇咩色呢~_~
染髮大計宣布失敗..
同你睇魔戒~~睇左一隻~~
唔係太好睇咋~~
同你坐係床睇~都幾舒服^-^
之後好快就到六點啦....
咁就送你走~~~
諗住唔送你到旺角~~
不過到最後都係忍唔住呢~~哈哈~~
夜晚食火鍋~~好飽好飽~~
哈~~~今次冇飲到酒呢~~
一月二十八日 晴
又係要爭札一番先起倒身呀~>.<~
同jack鬥怒踩十公里~~嬴左~~嘿~
你又發揮你懶床ge本領啦~~
遲遲都唔起身~~:-p
攪到想傾下計都唔得~_~
下午看soc房~~做下功課~吹下水~
d時間都好快呀~~
之後去睇超聯~~
打得好好呀~~不過最後都係輸左~
等左好耐呀~~~
換左係等第個..我彩你都傻呀~^-^
一月二十九日 晴
今日又走左堂~~不過係soc~~唔緊要啦~~哈
夜晚係春茗ge日子呀~~
一上完堂~就去na staff can準備啦~~
攪左一輪~~開始啦~
都總算係熱熱鬧鬧呀~~~
開頭都有食野~~~
之後又幫手影相~~攪下呢樣~攪下第樣~
咁就完左啦~~
老闆好好人呀~~炒左d野比我地食呀~
之後突然講下自己之後ge出路~~
都唔知會點~
你話唔開心..我又唔知發生咩事.....
一月三十日 晴
十一點起身~~沖完涼~
就去上assembly~~
哈~~竟然見倒中學miss呢~
仲係上台表演呢~~
之後你來~~
又實行大計~~
點知又一次失敗.....呀~~~
根住要去開會~~有d唔想去~~
因為唔想留你一個係宿...
開左二個幾鐘~~都差唔多開完~~
咁我就走先啦~~~~
因為仲要同你去ust整部電腦!!
咁你真係大吸引力咖...
至少對我黎講係!!
一月三十一日 晴
本來諗住八點起身去踢波咖~~
不過太眼瞓啦~~~最後都係放棄左~
下午補習~真係有少少擔心佢呀~~~
買唔到想買ge野~~可惡!!
夜晚溫下書~~睇下電視~~send下sms~
又一晩lu~~
知你又打牌~~所以都係唔on lu~
廢事一陣你又好夜都唔訓~~~