大棠荔枝園

今次我地係有七個人去玩架,一如以往都係一齊去食早餐,跟住就搭車!!!

不過今次我地分開左車,因為唔夠位坐,唉.............

而我地坐個架車就先入左去Hong Kong U 接多廿人先入大棠,所以我地就去左遊車河呀^^

不過今次安仔佢壞槍都黎玩,我問佢點解,佢話因為阿俊,所以先去玩......(真係唔話得呀)

我地差唔多十點半入到大棠,跟住就大家有大家係到整野,差唔多十二點先開game......

今日個場好黑仔呀,因為發生左好多事呀,話說係玩銅場個陣時,突然之間有兩架白車出現,

原來有人整親個頭,因為佢個頭撞左落塊鐵板到,所以爆光!!!

而另一個就因為整親隻腳,點解整親我就唔知la...... (不過呢d都係另一班人發生既!!!)

但係原來唔係架,我地班人都有人受傷,事發地點係山上,

上次去玩個陣時,阿sir講過話有一個草叢係唔入得去,因為有蜜蜂,但係今次阿sir無講,

所以我地以為已經無哂d蜜蜂,點知......

無錯,就係有人比蜜蜂針到囉,真係唔知講咩好呀,之後阿sir咪即刻叫人黎囉=.="

都唔知隻蜜蜂有無毒添???

希望下次唔會有咁多意外啦^^

今日全日我地唔係打左好多場,因為大家都打得好慢......

講左咁多唔好既野,講番樣先,都唔知算唔算好呀......

話說我地係lunch個陣時,等左成半粒鐘都無飯食,我地心情開始煩躁,

原來係因為唔夠飯,之後佢地就即刻再煮,不過我地就唔係食排骨飯,

而係食~~~炒飯加豬扒,都唔知算唔算好呢???

到左五點鐘我地就走人,係回程途中個都好tired,所以好多人都有訓覺.......

之後出到旺角之後,其他人都走lu,走淨阿俊,安仔同我,因為阿俊同安仔要陪我買<槍>同其他裝備!!!

之後大家就走lu,不過因為阿俊唔識搭巴士,所以要我地陪佢搵車搭先走^^

本篇由VincCi寫出^^非常感激,所以本人會一字不改她寫的記事^^ (本頁由VincCi製作)