~個人飼養心得~

~個人飼養心得~

^{以下全屬個人意見.....只供參考之用}

<1>. 要養貓貓就一定要保持屋企乾淨呀......如果唔係就會搞到佢地有蝨架啦>.<"

<2>. 但係如果不幸真係有蝨呢..就用一D可以殺蝨既沖涼液幫佢沖涼啦...如果都唔得呢...就要買杜蝨藥或滴係頸度個D殺蝨液啦^^

<3>. 貓貓鍾意乾淨架^^所以要保持D貓砂清潔呀.....如果唔係佢就唔肯係貓砂度痾......會周圍痾架....小心....小心^^

<4>. 但如果佢真係周圍痾呢....就一定要用消毒藥水抹乾淨佢痾過既地方....如果唔係佢聞到自己D味就會係個度痾過架啦>.<"

<5>. 如果見到貓咪嘔呢.....唔需要太緊張....因為佢可能只係吐毛咋^^但如果佢嘔極都嘔唔到呢....你可以買D吐毛膏比佢食架^^

<6>. 不過如果貓咪嘔既同時.....佢又冇胃口食野, 冇心機玩呢!!你就要留意啦!!因為佢可能係唔舒服呀...知道冇^^

<7>. 係啦^^如果你想幫隻貓咪絕育呢........記住要到佢差唔多八個月先好做手術呀^^

<8>. 仲有呀......貓咪飲既水記得要經常換呀!!因為佢地D毛同塵會係D水度架!!

<9>. 貓咪細個既時候千萬唔好比佢習慣咬你呀......如果唔係佢大個既時候佢都會成日咬你架啦(呢個係我經驗之談呀>.<")

<10>.如果佢想咬或咬緊你既時候.......就要大聲講NO.....如果佢乖呢....就要讚佢同獎佢(例如比D野佢食啦).....如果佢仍然唔聽呢!!就要罰佢啦....拎個噴水壺噴D水落佢塊面,又可以拎D橙或白花油比佢聞啦...但一定唔好打佢呀!!

<11>.記住唔好比D油膩同鹹既野食比貓咪食呀.....因為對佢身體唔好架!!

<12>.貓咪好奇心好大架...你唔係屋企記住唔好開窗呀....如果唔係佢會跳落街架(我隻貓咪成日都望街架^^)

<13>.仲有呀~~記住唔可以比朱古力貓咪食呀...如果唔係佢地就會中毒架啦>.<"

如果你地有D咩問題可以E貓或留言比我架^^