歡迎光臨
| 2009年3月7日 |
星期六
|
|
呷醋...誤會 A:嘩...我儲左好多錢呀 C:勁wor, 唉, 我用哂 d 錢la! A:唔怕丫, 我又唔會買野, 我買隻鑽石介子比你丫! C:sh....唔好嘈 A:吓...咩事呀? C:你咁大聲, 你阿媽聽到架! A:聽到咁又點呀? C:你阿媽會嬲你買鑽介比你架! A:哈哈哈哈哈................ 其實我只係講facebook PET Society 入面買隻介子比佢之ma, 諗諗下又係wor, 比阿媽聽到, 佢真係會以為我......... 哈哈哈哈哈................ 笑屎我la! | |
| 2009年3月4日 |
星期三
|
|
周街都聽到供唔供LEE 三個字 近日都只係聽到匯豐供定唔供, 由專家話當 d 錢比匯豐銀行吸左大部份之後, 經濟會更加差, 淨講零售同飲食業都會被受影響, 有專家又話當匯豐完成供股之後, 強化資本能夠達到約 9.5%-10%, 當大市好轉既時候, 到時就會成為大贏家, lee d 話題簡直係街市, 超市, 巴士, 餐廳, 周圍都聽到, 就係 lee 個金融海嘯令我開始接觸到! 股票對於我黎講只係小學階段掛, 當初都係因為大家都話匯豐 100蚊好平呀, 快 d 買啦, 當然我都中左小小招啦, 但係多得lee 個金融海嘯令我開始比心機睇書睇新聞, 接近半年黎的由零開始, 到現在, 即使只旁觀, 唔參與, 都覺得好有趣, 或者就好似我睇住公司, 同鋪頭既感覺啦! 講番匯豐, 個個講股佬都話如果唔怕坐貨既話, 由 $40 開始每差$5蚊, 分3-5注資金吸納, 平均價都係 $33蚊左右啫, 如果匯豐唔爆 d 大獲野, 加埋佢肯減少歐美既業務, 應該都唔怕掛, 反正放響銀行都冇息收既! 不過有幾個專家又話GM 同 AIG 如果真係頂唔順既話, 匯豐都會被受拖累, 真係唔知聽得邊個講! 今晚同呂老師食飯, 佢除左係我大老闆之外, 仲係一個好好既老師, 佢叫我將 100 減去我既年齡後的百分點用來做投資, 即是 70% 啦, 而我講到我心中的每一個憂慮時, 佢就話"唔行出第一步, 往後既事係冇人知既, 我 30 歲時都曾經蝕錢蝕到灰啦!" 多謝一個充滿刺激感既課堂, 多謝老師的 lee 餐飯, 好好味! | |
| 2009年3月2日 |
星期一
|
|
扣喉 今早起身食左個麵 + 荳苗餃, 番到鋪到執倉, 4 點鐘又開始肚餓, 餓到我個胃好唔舒服呀, 食埋個冬陰公豬扒米之後, 真係唔知自己係餓定飽, 明明個胃已經漲到唔可以再食野, 但係又覺得好肚餓, 都唔知自己想點, 好辛苦之下, 我入左廁所扣喉, 除左阿媽幫我扣過喉之外, 今次係第一次扣喉, 口水, 眼水, 鼻涕飛哂出黎, 嘔左兩獲之後先好番 d 咋, 都唔知咩事! | |
| 2009年3月1日 |
星期日
|
|
今晚辛苦你自己一個攞料la! A:今晚你幫我出去太子, 睇下人地賣緊乜, 定價如何啦 C:好呀, 咁我今晚番阿媽度訓, 聽晚先番wor! A:好呀! C:不如......你陪我出去行啦! A:吓, 唔得呀, 今日 D 親友黎啦, 要同佢地食飯wor! 下次同你去啦! C:哦...... A:我晏 d 會番黎鋪頭架, 等你可以早 d 出去行街, ok? C:好呀, 咁你 5:30-6:00 番到黎啦! 6:00 番到鋪頭 C:咦, 你番黎都咩袋既? 出一出黎就唔好帶埋個袋啦! A:係呀, 慣左丫ma! 喂, 執野走la! 送你去搭車啦! C:吓, 你唔係幫我睇鋪咩, 咁快執野? A:係呀, 依家執啦, 阿姨行緊街, 佢唔識番去架, 我送完你, 就要帶佢番去酒樓食飯架la! A:喂, 去到邊呀, 應該差唔多時間落車個 lor bor! C:係呀, 你咁叻既, 我依家落車la! A:梗係啦, 成日搭丫ma! 唉, 又要你自己一個悶tim! C:都唔會既! A:不如我一陣出黎搵你啦! C:唔洗啦, 費事你走出黎啦 A:咁唔洗你一個咁悶丫ma, 同你一齊食飯開心 d 丫ma! C:好呀, 咁你幾時出到黎呀? A:依家law! C:吓...依家... 我跟住佢後面行左一條街, 後佢 3 個身位到啦, 響佢後面見到佢講野個背影, 好搞笑呀! 事後有人懶叻:我都覺得其怪, 你冇埋由會咩袋家ma, 我走果時冇埋由見你唔到家ma, 冇黎由你同我講兩句又會有電話入咁橋家ma, 我都諗你會唔會坐響樓下果層呢, 不過諗諗下又覺得你唔會, 哈哈, 點知原來係會個 bor! | |
| 2009年2月27日 |
星期五
|
|
靜到... 今個月既生意真係差到呢...... 不過都有預期係咁差架la, 始終都係第一次做零售經過lee 個季節, 如果捱得住我話, lee 個數據就可以比我作參考la! 希望各方面都能掌握, 都能到達預期啦, 如果可以的話, 下一步目標可唔可以係大鋪呀! | |
| 2009年2月21日 |
星期六
|
|
記錄 Y.M.K 好多野都特價, 見到個袋 $96XX, DISCOUNT 之後 $3980, 嘩真係好想買, 又驚佢唔 like, 另外果個岩款, 又怕簡單得滯, 落左訂, 都係帶佢黎簡啦, 佢問我又冇特別節日, 做咩無啦啦買野比佢, 我都唔知呀, 想law!!! 最後去到, lee 個袋佢又怕女人得滯, 果個又怕普通得滯唔值, 最後竟然係買左個銀包, 真係慳家! 咩都好啦, 最緊要佢開心! 去左嘉成, 個場旺左好多, 而且租金下調, 似乎以上因素已經好有值博空間, 不過我地暫時未有能力住, 希望遲 d 有機會啦, 希望做得住啦! 經過海皇粥, 比芘芘撞到我地拍拖tim, hehe, 見你同一班屋企人一齊, 都唔好意思叫你一齊出去食 tim, 下次啦! 我地去左食燒蠔, 薑蔥炒蟹, 乳鴿, 炒蜆, 仲話出哂名, 又話首創, 唔好食 + 呃秤 + 唔好食, 果隻蟹細到半個人既份量, 佢夠膽收我 $148, 真係冇下次law! | |
| 2009年2月19日 |
星期四
|
|
肥蔡太太制製造驚喜 今晚成班人上左肥蔡屋企, 阿PAT洗開佢老公叫佢唔好番黎住, 我地成班人哩埋響房, 肥蔡收到阿PAT 電話相信都估到佢老婆準備驚喜比佢, 佢一番到黎, 我地一個一個咁走出黎, 佢個樣似乎真係估唔到咁大班人響度WOR, lee 個場面真係好開心, 難得阿PAT咁有心機, 見到佢地一家三口, 真係幸福到爆炸, 生日快樂la, BB 快高長大啦, 你 D 生意越做越大啦! | |
| 2009年2月14日 |
星期六
|
|
簡單的情人節 幾個星期前已經事先聲明, 唔會特別去過情人節, 響做生意既角度, 咁樣比人搵錢真係唔係好值! 去完佐敦做野, 經過花店, "唔該, lee 一扎幾多錢呀, 吓 $380 牙?", "$780呀!" 仲以為 $380 咁平添, $780叫我買 d cost 得10% 都唔夠既殘花, 傻架! 唔好意思, 我個人內裡浪漫之前都要合乎經濟原則, (即係唔係幾浪漫)哈哈! 番到天水圍, 咦~ 價錢, 質量都好合理, 只係比平時約高出 50% 咋, 唔好講咁多即刻比錢, 番到鋪到即刻同隔黎左右"殊~~~~~" 收埋響個倉先, 番到鋪頭當然扮冇事發生啦, 阿瑩眼見平時比人評價不佳的一個又一個男生都有買花送比女朋友, 偏偏眾人眼中大熱的我, 竟然冇買花, 見到佢個樣咁冇心機, 說話又唔溫柔, 我都唔係幾好意思(但係又覺得好得意), 隔黎檔頑皮仔雞丁同佢講"Carman 姐姐, 哥哥買左花比你呀!" 佢回番一句"屎忽花就有!" 估唔到佢嬲到唔信wor, 收檔果時當然好大聲咁"咦.....展......!" 仲有出到黎大家見到佢有花收, 高高, 加加, 阿芬都拍手掌, 真係笑屎我, 哈哈, 我成功la! 簡單咁去左珊瑚堡食晚飯, 講下公, 講下私, 同平常一樣, 都係咁開心! | |
| 2009年1月 | |
|
新年月 事隔多年, Ray文兄同我聯絡la, 雖然唔知將來會如何, 不過多左一個拍檔點都係好事丫, John兄, Dick兄, 咁多位, 我等緊大家歸隊架, 希望大家既力量凝聚, 將來我地可以有一番事業啦! 我, 瑩, 柏林, 羊先生, 小克勤去左霸王山莊食小克勤生日飯 番外家食團年飯, 仲第一次見到大哥個女朋友, 未見到之前, 我地兩個勁估佢女朋友究竟係邊類型呢? 點知錯哂law! 哈哈! 初一, 二都係逗利是開下賭咁啦, 我細佬好勁呀, 用$2買左圍 5, 點知中左, 表哥要陪$300蚊呀, 太勁la! 初三約左阿欣班 fd 食飯, 去左奧海城食, 今年走唔甩la, 終於第一次派利是! 同佢地去左 green box, 馬龍, 細金真係癲架, 真係玩到傻飲到傻, 盡興! 初四肥蔡屋企拜年, 真係唔係幾好意思逗利是, 比人吹番我轉頭叫我出年派利是, 唔知呢? 味咁快掛! Carman 湊B 的純熟技巧, 另大家都一致讚好, 變左一個靚女保母, 夜晚打個邊爐, 熱鬧中渡過! 初五兩個去拍拖, 去天恩搭 van 仔, 15分鐘到左深圳灣口岸, 過關之後搭90號巴士, 幾分鐘就到達世界之窗, 影呀影, 影呀影, 影左好多相呀, 岩架la, 依家儲多 d 相岩架la, hehe! 其實唔係有咩特別好玩, 不過兩個人用BB (個YO WOR)話傾下計, 睇下野, 影下相, 都已經夠好玩啦! 夜晚當然係去水上明珠啦, 我食左成碟水煮牛肉, 番到屋企又痾la, 媽咪我以後唔敢la! | |
| 2008年12月23日 |
星期四
|
|
亮碧思(三)聽講座記 林生, lee 個乜乜人, lee 個物物人, lee d 就係我公司既成功例子....... 你將來既理想生活係點? 你想打死一世工咩? 如果你供養屋企, 或供緊樓, 突然間你有咩事, 冇收入, 你會點? 我強調, 叫你黎唔係叫你打工, lee 個係一門生意...... 我強調, 我唔係 sell 你, 只係話比你聽你要營運你自己既生意既方法...... 你做緊既生意都係一般形式既生意, 要交租, 要睇住每月既生意額, 利潤低, 蝕既風險高...... 我地lee 個生意能夠將風險降到極低, 而利潤經過你既下線倍增, 金額非常可觀...... 阿邊個邊個, 原本佢開緊時裝店, 依家已結業, 專心發展 lee 個事業...... 阿邊個邊個, 之前做沙展, 依家都冇做 lu...... 果 d 所謂既 Multi-Level Marketing (MLM), 甚麼月賺數十萬等, 咪就係傳銷! 精彩既內容我唔講太多la, 只係想講, 只要你清晰 d, 好容易會搵到佢地夾你之間既破綻, 不過佢地凝聚雄心壯志既氣氛, 你會比佢地嚇親架, 總之清醒 d 唔好貪心, 根本就唔會說到你! 講座完左, 最後我都帶唔走我細佬, 唉~~~ | |
| 2008年12月18日 |
星期四
|
|
亮碧思(二)家庭會議 我地嘗試用家庭會議提供好多例證, 打算進行反洗腦, 可惜一 D 作用都冇, 唯有我答應會跟佢上去佢公司聽講座啦! | |
| 2008年12月7日 |
星期
|
|
亮碧思(一)惡夢開始 十年前中學同學叫我上去聽, 當時好多朋友都入左行, 因為當時互聯網唔夠普及, 但今時今日, 點解仲會有人 lai 野??? 上年一對無知既表弟表妹, 無知既主婦阿姨, 今日竟然係....... 今日從阿媽口中得知阿展比人洗左腦, 入左亮碧思, 佢女朋友佩芝都好嬲, 覺得佢個人性情大變, 嘗試解釋比佢聽啦, 上網搵負面新聞, 身邊朋友做例證, 任何方法都試過, lee 個時候跟本點講都冇用, 佢已經比人徹底洗腦, 唯有暫時叫身邊既人留意住佢再睇下點啦! | |
| 2008年12月 | |
|
聖誕節, 放假月, 我做過 d 咩呢? 聖誕節, 放假月, 我做過 d 咩呢? 我買左好多玩具呀, CCTV, PCL 夾燈, Display 櫃, 連埋 d 貨架, 左搞右搞都唔知搞左幾耐 攞左 d 聖誕咭黎賣, 都賣得幾好丫! 第一次去男裝批發 我, 瑩, 柏林, 羊先生, 小克勤, 婷婷, 去左新星打柏林生日邊爐 我同阿瑩平安夜去左食 日本野, 咁既日子二佰幾落樓都算幾平, 之後咪周圍行, 影下相 去左小玲家聖誕聯歡, 好多人, 好開心呀, 大家一齊玩 pictionary, 好難玩呀, 我唔識畫公仔呀, 下次我一定要復仇既! 諗起果個搜索器, 同埋比堅尼泳衣, 真係笑到我傻! 一家人去圓方 Wildginger 食飯, 阿Tim 真係好鬼識做, 多謝Tim 哥既熱情款待, 好滿足既一餐之後, 一齊走到馬路邊倒數, 迎接 2009! | |
| 2008年11月 | |
|
11月份, 生日月, 我做過 d 咩呢? 生日月, 我做過 d 咩呢? 事隔幾個月要我諗番, 真係零零碎碎, 我記得小克勤, 柏林入左黎睇我同 carman 鋪頭, 我地去左 pizza hut 食飯 我們的小小新鋪簽約la, 新革命開始 Yetta 同我去上壽司食飯, 點知青衣出左事, 收尾又唔洗去做野, 之後仲去左諾士佛臺飲野 同阿菲阿樂最後一次響銀座篤波, 玩足球機lu, 依然都係果句, 一杯野可以坐咁耐玩咁耐, 抵! 我記得11月9日, 係我單日最高生意額既記錄, yeah! 一家人同我祝生日, 多謝阿瑩個靚靚銀包呀! | |
| 2008年10月22日 |
星期三
|
|
"撥"...... 卓嵐入黎鋪頭玩電腦, "撥"...... 跟住阿瑩就即刻捉住卓嵐跑出鋪頭, 卓嵐就指左我話我放屁law! 咁又係既, 係人都唔會諗到一個咁響既屁係一個靚女放架啦, 就係咁...我比人屈左! | |
| 2008年10月21日 |
星期二
|
|
鋪頭不如換個顏色... 今晚幫鋪頭換一換顏色, 執哂 d 貨, 雜物出黎, 成條街都係野呀...... 兩個都唔係好識油油, 一 撻撻又唔均勻, 油油下"呀!!!" 我油出左, 隔一陣又聽到佢"丫頂!!!" 滴到對鞋, 真係好搞笑! 油到肚餓, 買左兩碗幻彩珍珠食, 好味道! 油第二層之前, 又冇風扇, 商場冷氣又停左, 唯有我地兩個揸住鞋盒黎做人肉風扇啦, 諗起都好笑! 最後搞到 3:45pm 先走, 其實真係好累好累, 不過真係好開心呀! | |
| 2008年10月20日 |
星期一
|
|
入貨記 5:30am 鬧鐘響起, 兩個都唔願起身就梗架啦, 再將開眼睛已經 5:50am, 拿拿聲換衫執埋d 野, 煮好三丸米粉加菜心, 等埋阿瑩執番 d 眼耳口鼻, 再食完野都要 6:35am 先出門口, 遲左tim, 死火! 今次既行程多左新相機可以幫我地做記錄, 真係太好la, 越黎越接近完結, 我地就要留下更多回憶! 值得一記既係: 要開相機睇相, 值接按睇相個制就得架la, 作用係可以"慳番度力"la (可以慳番鏡頭彈出黎果度力) 兩個人去到一間批發店, 大家都望住同一對日本 feel 既鞋, 二口同聲講左句"架架地"(咁難撞既對白都撞到, 我地真係夾架) 其中一款鞋將閃石放響鞋既尾部, 稱之為 "lee 對鞋有小小怕醜" | |
| 2008年10月19日 |
星期日
|
|
有得留低? 番補頭安排埋 d 野準備聽日番大陸做野, 地方小, 鋪面窄, 每一個可行的方法都嘗試再嘗試, 提升的空間真係唔多, 又或者大鋪會係尋找進步空間的一個可能...... 真係唔捨得放手, 而且經驗及現在既市場定位, 都開始捕捉到, 但尋求更大既改變, 下錯決定, 可能會導致嚴重虧損, 點好呢? Annie 卓嵐悶悶不樂, 同佢地玩下 d 無聊遊戲, 笑到佢兩個傻左, 阿瑩話"喂, 你好耐冇同我玩 lee d 野wor!" 係呀, 諗番起追你果時真係好比心機留意每一樣可以逗你笑既事, 仲要搵身邊既朋又測試一下先出街, 好啦好啦, 同你玩埋 lee 個啦 (原本諗住留番你喊果時先黎 tum 你家ma), 我記得上次 fayma 玩到收唔到聲, 點知道同你玩完之後卓嵐勁笑, 但你只笑左一下, 跟住同我講"如果你追我果時同我玩 lee 個銀紙飄浮遊戲, 我一定會覺得好好笑, 但依家同你一齊, 好笑既野實左太多太多, lee d 都變得小兒科!" ^o^ | |
| 2008年10月16日 |
星期四
|
|
我要爆la! 今日去銀行搞戶口 d野, 同個客戶經理傾左好耐, 其實我好想走, 佢又捉住我唔放, 好急呀, 無啦啦好肚痛, 又要等身份證, 又要等張 card, 我頂唔住la, 等等等, 終於走得, lee 個時候我已經痛到流眼淚, 但要行 6 條街先番到公司, 唔得la, 我要爆la~~~~~~~~~~~ 好彩捱到番去咋, 呀..... 業務要有成績當然係要求變求新, 今日隔離檔玉器小姐搵我傾計, 不段分響佢自己既開鋪經驗, 提議左好多搞笑既意見, 超級市場式鞋店, 外賣式, 視象式, 都係得啖笑! 互動幻想 行到屋企樓下, 阿瑩突然拉我行番轉頭, 我以為有人跌左錢tim, keke, 跟住佢叫我"你望下個月亮幾圓", 我就諗番起我地因為忙於工作, 好多時會幻想"你睇下幾多星星(樓既燈)","你睇下個月亮又圓又大(圓型既街燈)", "d 海風吹埋黎好舒服呀, 你聽下 d 浪聲!(水池)", 好彩有你同我玩咋! | |
| 2008年10月14日 |
星期二
|
|
參加大型活動 今朝一早阿瑩 SMS 我"比啲野你睇丫, 你睇下你身上有 d 野閃閃令架!", 我即刻響個巴士度搵哂銀包, 工事包, 褲袋, 咩都搵唔到, 我打比佢"你唔係送粒石比我掛, 哈哈哈!", 佢"你睇下你左手既手指尾, 係唔係好閃呢! hehe!" 原來尋晚佢襯我訓著左, 幫我查佢新買既指甲油........ 銅鑼灣 Site Meeting 之後番公司, 唔夠訓, 身子弱, 頭痛頭暈發燒, 響公司訓左 3 個鐘先好番 d, 唔該唔好成日病啦! 8:00pm 攞乳豬, join 埋安娜就上去加勒比海 cafe, 上到去, 地方真係唔錯wor, 但除左 lee 樣真係冇樣野得, 服務員態度麻麻, 收費貴, 配套設施不足, 飲品食品質數差, 最好笑係有個金毛四眼仔入黎講幾次" 喂, 你有多左個人wor!" 隔一陣 "喂, 你有多左個人wor!"真係咩引都冇哂! 之後部安娜去朗豪坊換唇膏, 途中傾左好多近日以來發生既事, 係呀...大家都覺得阿瑩個人唔同左好多, 佢由一開初個人冇信心, 冇主見, 到到依家我依家放手比佢做, 真係叻左好多, 佢依家仲....(跟住後面有個人響我耳邊講,"係咩吓?") 阿瑩突然響後面出現law, =.= 講番今晚既開心野, 今晚係阿丁, Carman, 慧賢既生日 party, 27人出席, 好多人呀! Angus 見到隻乳豬, 大聲講"咦, 邊個攞隻乳豬黎咁搞笑呀", 傻眼指數 ** Lenoa 問我"你今晚準備左咩求婚大計?" 驚嚇指數 *** 男仔性格既孟子留左長頭髮之後成個人女人左好多, 咿咿, 耶耶多左好多! 搶眼指數 *** 阿乃表演慾強, 邊唱歌, 邊跳舞, 仲要跳得好大好大動作, 搶眼指數 ***** 唱唱下 K, 阿丁換左隻 CD 換首大家唔識既歌, 仲影印埋歌詞派比大家跟住唱, 傻眼指數 ***** 一次過可以見到咁多人, 樣樣低能野都玩暈, 真係開心呀, 最開心係我又比人讚我好, Carman 又比人讚人靚聲甜, 真係開心! | |
| 2008年10月11日 |
星期六
|
|
行街睇戲 今晚睇保持通話, 定係武俠梁祝呢? 武俠梁祝新 d, 但保持通話影評好似好好咁wor, 最後都係睇保持通話, 套戲冇悶場, 不合理的情節唔太多, 最鍾意古天樂今次扮演一個好純既爸爸, 大 s 都算ok, 幾好幾好! 睇完去百佳入貨, 阿瑩想買一包野食, 佢扮細路扭扭下咁同我講"買比我啦, 買比我啦, 好啦, 買比我啦, 我應承你, 我會食架!" 跟住後面個師奶聽到笑左出黎law! | |
| 2008年10月10日 |
星期五
|
|
阿瑩生日 08 今早去左尖東做野, 就係 Yetta 公司附近, 咁耐冇見當然係食個 lunch 啦! 大家都有太多野要分享, 成個鐘既 lunch 冇停落黎既時間, 聽到你一件又一件既開心事發生, 我真係覺得好開心, 平時同你分憂就多, 今次聽到咁多開心事, 見你同朋友仔傾電話咁鬼冧, 自己都好似比你條仔冧親, 哈哈! 人越大, 能夠在朋友身上搵個位置真係好難, 多謝你真係放我響心入面, 希望下次見面可以 4 個人一齊食飯就正la, hehe! 今晚近近地響意粉屋食阿瑩既生日飯, 佢今日靚唔靚? 響我心目中日日都靚架啦, 今日除左靚仲多左一份性感tim! 意粉屋個南瓜湯真係好好飲, 其他食物都 ok, 食下傾下影下相, 今日約會既感覺比平時濃烈好多, 可能係近排我地個對話都係鋪頭鋪頭鋪頭啦, 食飽飽周圍行下街, 行左水晶店, 鞋鋪, 時裝, 唔係睇野而係去計人地 d costs, 又打去租務部問租金, 依家諗番真係覺得好夾, 好搞笑! 不開心的事我一一忘記 記住每一天愛你滋味 多一些經歷更加在乎你 似霧與燈路與車自然在一起 *不要問二人何以這麼好 懷疑上帝更好 准我為你活到老 別人如何恨到 這個情人這麼好 為何被我碰到 短處但求忘掉懶得數 當然是懶得好 天知道 如何做到* 不敢講生命已堪稱完美 卻絕對珍惜你我天地 不知該怎樣最好形容你 你是我生命裡的情人和知己 Repeat* Ah 就留在心底 不要問 二人何以這麼好 懷疑上帝更好 准我為你活到老 別人如何恨到 這個情人這麼好 為何被我碰到 短處長處別計數 別人如何做到 一雙一對這麼好 懷疑上帝太好 准我為你活到老 別人如何恨到 這個情人這麼好 為何被我碰到 短處長處別計數 別人如何做到 只想跟你擁抱 | |
| 2008年10月9日 |
星期四
|
|
預祝大作戰 本來諗住訂蛋糕聽日攞, 諗諗下, 聽日收到個蛋糕都冇咩咁開心啫, 反正鋪頭做多幾個月都唔做, 不如...收工果陣我去美心買蛋糕, "小姐你唔好 pack 個蛋糕住, 我轉頭番黎","先生, 你張 card 呀......" 我連card都冇攞即刻走左去搵朱古力黎寫字, 可惜周圍都搵唔到, 全部都只係得 d 硬既朱古力, 於是我就買左一盒百力支, 番到美心, d 人響度望我做緊乜, 勁樣衰, 不過唔砌個字落去, 硬係好似差 dd! 番到商場, 佢打比我我突登唔聽, 去左阿 cat 果度點好哂臘燭, "happy birthday to you, happy birthday to you, happy birthday to 我老婆, happy birthday to you!" 題外話:個蛋糕真係好好食! 過左十二點, 見佢玩 msn 玩得咁開心, 係時候準備禮物la, 我行左出廳攞阿媽個電話打番比自己(因為佢漏左個電話響鋪頭), A:"喂, 嗯嗯嗯, 好, 嗯, 我依家落黎丫!"(扮講電話, 講完之後重要突登放我個電話響佢後面) A:喂, 我要落去比 D 野個 FD 呀, 轉頭番黎架la C:咁夜, 你去邊呀! A:得啦, 好快番架la! C:(著緊火)(見到我冇帶電話就諗個衰佬電話都唔帶, 啫係唔想比我搵到啫, 出煙中!) 我走左出去走廊兩分鐘打番自己手提, 第 2 次先聽, 都算幾乖, hehe A:喂, 我唔記得攞野, 你幫我響個 bag 度搵一搵, 拉鏈入面有舊野, 黑色套包住架! C:你有冇搞錯呀, 咁夜你去邊呀! A:你幫我攞落黎先啦 一入電梯聽到我叫佢, 就響度笑到見牙唔見眼, 哈哈! 之後佢同我講番一行出廳就同我阿媽講" Auntie 我又比林展整古la...!" 最緊要係可以深刻到你既生日, 你開心就得啦! | |
| 2008年10月7日 |
星期二
|
|
等左 lee 一日好耐喇 運輸話今日會送貨黎鋪頭, 食完個麵兩個一齊番鋪頭做野, 諗住做完我就番屋企訓下, 點知今日由開鋪到收鋪一刻都冇停過, 要兩個人先搞掂 d 客, "carman, 你幫一幫 lee 位小姐丫!", "林展, 你幫我攞 9 號比lee 位小姐丫!" 兩個人一齊做野, 真係好好玩, 有幸可以同阿瑩一齊做野, lee d 經歷, 經驗真係好寶貴! 好彩對面鋪 Annie 阿輝今日去左攞貨冇開鋪炸, 我直頭響佢地門口搭住幾箱貨做工作檯先搞得掂, 今日真係太勁la! lee 半年以黎既一切都係冇白費, 真係好有滿足感! | |
| 2008年10月6日 |
星期一
|
|
打破自己的記錄 今日我開鋪, 逢星期一都係最靜既日子, 冇客冇生意, 悶到抽根, 點知今日...嘩! 賣左好多對呀, 好好玩呀, 雖然有段時間大多客, 搞到我個人亂哂, 但係做完哂之後就覺得好過癮, 之後阿瑩去左駁頭髮, "仲有半個鐘就得架la!", 半個鐘啫係個半鐘啦, 點知最後係等左兩個半鐘, 餓死我! 最後阿瑩買左兩碗粥上黎機鋪比我食, 響機鋪食粥真係搞笑! | |
| 2008年10月5日 |
星期日
|
|
放下工作, 休息一下 收鋪即刻起程番大陸鬆一鬆, 雖然落雨, 但係唔把握今晚又唔知要等到幾時la! 專車車左我地去肥仔記食海鮮, 蝦, 蟹, 蠔, 聖子, 大開心la, 只要你唔嫌棄, 你由得我肥落去啦, 我食食食, 我食食食, 爽~~~~~~ 之後去水上明珠, 沖完涼準備去大廳啦, 點知想 alls, 吓...咁咪又要沖多次, 但係唔去又唔得, 因為真係好肚痛呀, 於是我都係再沖多左一次涼, 爽 x 2! 按腳1hrs, body 3hrs, 我唔得la, 我要訓一陣, 爽 x 3! 特別要記低我同服務生既對話 A:唔該, 我地想入房 dup 骨! 服:什麼? A:(疑似國語)麻煩你幫我們安排房間按摩! 服:好的, 等一下! 服:兩位, 房間已經準備好 A:(疑似國語)請問可不可以要一間安靜的房間? 服:按肩的房間? 進房後是可以按肩的! 經理:係唔係想要間靜 D 既房間呀? A:係呀, 唔該哂! Lee 個時候我地兩個都忍唔到, 響個服務生面前狂笑喇! | |
| 2008年10月4日 |
星期六
|
|
準備生日禮物 今日去左沙田做野, 收左工都已經差唔多 5 點, 去沙田市中心周圍行下啦, 好多地方都唔同左, 有部份商場已經重新裝修, 如果要拍下拖, shopping, 行沙田真係夠你玩一日, 我就當然要做正經野啦, 就係買禮物! 去到電器果層睇哂d 價錢就去左百老匯, 因為阿瑩比左 100 蚊現金卷我, 佢下個星期生日, 佢個慳妹從來都冇買過相機, 所以買相機就最實用, Casio Exilim Card EX-S10, 操作簡單, 岩哂佢咁鈍既人, 哈哈! 近排洗左咁多錢, 佢都冇諗過我會買野比佢架la, 到時買對十蚊耳環扮禮物, 等佢嬲左先再送比佢! | |
| 2008年10月2日 |
星期四
|
|
入貨記開始倒數 尋晚都未收到阿輝電話, 我諗佢地都係唔跟我地上去架la, 點知 7點2響上水見到佢地, 4 個一齊開始今日既旅程! 我地有哂經驗當然係準時搭到快車上廣州啦, 今日既工作都算幾順利, 只係同香姿個老闆嘈左太耐, side 左好多時間, 其他既都如願達成, 最後去到間美甲用品買野, 搞笑事又發生la... A:咩黎架? C:洗甲水 A:幾多錢呀? C:$3.5 law A:做咩唔買大支D? C:咁大支都用唔哂啦, 細細支都夠用架la! (我諗個 SIZE 應該係 30ml 左右) 老闆對另一個客講: lee 支 5蚊 C:吓, 5蚊, 咁我唔要 $3.5 lee支la, 要 5 蚊lee 支啦! (我諗果支係500ml 左右) A:吓你又話用唔哂既........ 5蚊就用得哂架拿? 跟住個老闆攞起另一支: lee 支先係 5蚊, 大lee 支要 45蚊! 原來個老闆指得唔好指錯左law C:咁 45蚊咁大支都係用唔哂架la, 我要番 $3.5果支丫 | |
| 2008年9月25日 |
星期四
|
|
照做 我信有命數 我相天無絕人之路 我信我地繼續做一定可以做到 生存就仿似生活響一個戰場 步步為營 拋開懦弱 要學懂堅強 眼前嘅事物 無一樣會係地久天長 你要珍惜每個機會發揮你嘅專長 每個人嘅生命都係一齣唔同嘅戲 點樣係呢個社會裡面做番自己 堅持自己態度 踏著每一步 相信呢條小路始終會通往大路 聽日發生乜嘢事無人會知道 淨係知道呢一刻 我地要企出嚟做 照做 我有我地自己嘅路 照做 我有我地自己態度 失敗唔會使我氣餒 就算前路茫茫亳無頭緒 克服恐懼 勇敢去面對 成功要靠你地雙手自己爭取 你有你哋自己身份 緊守岡位做番好自己本份 就好似軍人 危險任務正在執行 遇到敵人 死梗一樣要奮不顧身 你知道你可以 我知道我可以 照做一定冇事 照做一定冇事 只要你勇於嘗試 只有勇於嘗試 有心一定唔怕遲 所以我哋大家一齊照做 照做 我有我地自己嘅路 照做 我有我地自己態度 | |
| 2008年9月21日 |
星期日
|
|
我地既 Sunday Bunch 星期日當然要如常開鋪啦, 不過兩個懶人慢摸摸搞到 12 點幾先出門口, 好啦今日就悠閒咁食一餐先番工! 北江好野食唔多, 離不開米線, 車仔麵, 茶餐廳咁law, 見有間唔係好日本既日本野, 於是我地決定入去lee 間味太朗試下, 叫左個晚事既 2 人餐食, 當然仲食淨好多野啦, 不過簡唔中一次都係幾爽既...下午要番屋企大執位, 執左 5 個鐘好累呀! | |
| 2008年9月20日 |
星期六
|
|
101010 今朝醒左, 講下近排大家發左 d 咩夢, 我近排就發左個冇啦啦請幾圍朋友食飯, 仲講左句唔該哂大家, 唔知咩事... 阿瑩就睇得管家仔太多, 發夢管家仔攬住佢, 仲錫左一啖tim, 頂...我今晚都要發番個比阿月錫番啖先, 呵! A:喂, 你好似 2010 就 30 la 可? C:頂你牙...係呀... A:咁啫係你既理想就係 2010年10月10日 之前嫁啦 C:咦, 咪啫係 101010 law, 哈哈哈哈 A:係wor, 奧運就 080808, 我地就 101010, 幾好日子wor! | |
| 2008年9月17日 |
星期三
|
|
靜... 今晚瑩要湊阿婷, 又係得我一個, 番到屋企一路睇電視, 玩搖控, 搞到做宣傳易先走去沖涼, 我係咪咁悶呢? 又唔番入房玩電腦, 呆呆下咁就訓覺, 唉! | |
| 2008年9月16日 |
星期二
|
|
平淡的周年紀念 多左一間鋪頭, 真係少左同你談情說愛, 一周年既今日你要番屋企, 我地都好似忘記左今日係唔係應該慶祝一下, 希望唔好因為近排忙, 就覺得感覺唔夠濃烈啦! 仲有幾個月啫, 比心機啦, 我都會比心機架! | |
| 2008年9月14日 |
星期日
|
|
家好月圓慶中秋 今日番公司跟埋 d 手尾, 做掂哂 d 野就入去掃管笏食飯, 今晚好熱鬧, 好齊人呀! 我今日又做左最遲離開食飯檯既一個人, 唔怪之得兩條牛仔褲唔岩著lu! 食飽飽行出飯廳, 吓...有人響到開緊會, 原來我表妹個男朋友同 d 家長講緊佢地想結婚, 見到佢地比幾個阿姨好似審犯咁, 真係好慘, 表哥即刻同我講, "轉頭就要你架la" 跟住我即刻走番入去睇電視, 冇事冇事! 食飽去黃金行下, 曬月光啦, 我地去左街邊檔搞事, 估下人地既鋪, 貨物成平, 轉流, 行到一間賣扇既鋪頭, 買左兩把中國風既扇, 一舊水呀, 當然我有講價啦, 講到比佢地賺少少啦, 嘿! 今個中秋熱到個人唔想行, 行左一粒鐘就放棄la, 走左去新墟食糖水, 嘩...比起我地 look ling年代真係貴左好多, d 野好似好味左tim wor! 最鍾意聽到果句 "好呀, 你話架!", 個樣特別得意! | |
| 2008年9月12日 |
星期五
|
|
奇怪的番外家感覺 今日阿瑩要番屋企做節, "不如你都黎啦!", 吓, 你同我一齊番黎我咪去law! 就係咁我地就一齊番何文田食飯, 今晚係第一次齊人食飯, 感覺都唔太遠, 可能有個小朋友響度係唔同 d 啦! 真係太好, 今晚我冇一樣餸係唔食架, yeah! 我地邊食邊睇埋家好月圓先番屋企, 當我地行到笠口, 大家都覺得好似番外家咁, 竟然響自己屋企食完飯, 番番入天水圍訓, 哈! | |
| 2008年9月8日 |
星期一
|
|
入貨記 今日 C-LINK 放假, 一早就同瑩番大陸入貨, 大好喇, 準時搭到 8 點鐘班快車, 今日有好多時間比我地慢慢睇, 嘩, 好靚呀, 嘩 Lee 對又好靚, d 銀紙去得好快, 洗到唔係幾夠錢洗tim! 值得一記既, 我地入左一間鋪頭, d boot 好靚, 跟住.... C:就係 LEE 隻 boot 喇! 我:係wor, 好靚! C:幾隻色都靚, 試下先 我:嘩...你睇下, lee 對都好型wor 呆左C: ........... C:果對好似係人地對鞋黎架!(原來有個唔男唔女既人, 試鞋果時除左對鞋響度) 唉...好樣衰呀! 搞掂哂 d 鞋, 去左睇贈品, "lee d 賣唔起價", "lee d cost 太高", 阿瑩既口吻越黎越似樣, 仲記得開初果陣, 為一件貨品去做定價既時候都有好多爭論, 佢又驚 lee 又驚 lo, 依家乜都自己搞掂, 真係叻左好多, 咁當然都要有我 lee 個師傅仔先得啦, 呵呵呵! 上到火車成個人都散哂, 阿媽問我"你唔洗放假既咩?", 其實每次兩個上黎做野, 我都覺得特別好玩, 特別開心, 一齊做野既機會唔係人人都有, 雖然未必會淨番好多次, 但係曾經試過都好開心丫! 我估都仲有兩, 三次機會掛, 下一次一定要好好記低! | |
| 2008年9月6日 |
星期六
|
|
嘉儀結婚la! 7 點鐘我就到左la, 諗住可以見到好多舊同學啦, 點知得阿斌同 Tammy 最早到, 我地咪影下相, 玩下啤咁law, 等下等下, 個個都最後一刻先黎, =.= 話咁快大家都就黎 30 la, 唔知傾計仲同唔同以前呢? Alan 仲係咁鍾意食字, 同爛 gag, 阿斌就講左好多去玩, 去旅行既話題, 家華講講下做野都不忘打機, 模型, 肥蔡夫婦當然講下 BB 啦, 家豪就最靜, 而我...我好似冇乜話題, 但聽下 lee 個講, 又聽下果個講, 隔一陣又大笑一餐, 另到近日成日諗點樣可以生意好 d 既我靜落黎! 大家問到我既工作, 似乎大家都覺得我做既野幾奇怪, 雖然感覺上係困身 d, 但係我始終享受自己的工作, 我唔鍾意淨係接收指令, 我鍾意比指令, 再落手做既感覺, 正! 阿榮嘉儀拍左超過十年拖, 今日終於結婚la! lee 段咁長既時間, 佢地經過好多波折黎到今日, 祝阿榮嘉儀白頭到老, 快 d 生番個 B 啦! | |
| 2008年9月4日 |
星期四
|
|
Joey 生日 Party 預早少少同阿瑩去左香工睇貨, 享受兩個人工作既時間, ^o^ 搞掂之後去左旺角 Green Box 幫 Joey 慶生!我個妹妹又大一歲la, 同往年唔同既, 就係佢加入左單身既行列, 悶左咁耐, 今日一班人去唱 K 祝生日, 見到阿妹帶左新朋友仔黎, 我 Lee 個阿哥都好想八掛下, hehe! 今年祝你快 d 搵到真心錫你既男朋友啦! | |
| 2008年8月19日 |
星期二
|
|
感謝 跟我差不多背景的男孩子都有一大串的東西再背後, 感情生活當然被受限制, 雖然你每次都表現出毫不在意的樣子, 但在我心中確實有很多的壓力! 要向你說聲對不起, 不能給你什麼什麼, 你竟然對我說"傻瓜, 對對情侶都有 lee d 問題架啦, 只要同你一齊就得架la!", 心中有好多句感謝, 希望每當我信心動搖時, 你都會再次講 lee 句話啦! | |
| 2008年8月18日 |
星期一
|
|
入貨 唔知第幾次入貨la, 淨係知道好累好累! | |
| 2008年8月13日 |
星期三
|
|
第一次走入 Studio 阿豬同我地夾左幾次都夾唔到時間, 大半年後既今日終於響今晚決定獻出我們的第一次! Carman 帶左 5 套衫, 3 對鞋, 我都冇手攞相機lu, 今日我做左 Carman 既保母, 買哂麥當勞, 等埋兩個化妝師就出發! 到左 Studio, 阿豬 set 燈, Carman 就食野, 兩個化妝師準備中! 化好妝la, 開始影相, 但因為太多野都唔識, 某些事項跟本冇事前準備, 好彩靚靚 model 加埋我 lee 個 post 指導員再加上攝影師阿豬, 當然都有 d 合格既相啦, 最搞笑係我教擺 post, 佢地叫我示範law, =.= 仲要我行出去比人影, 好樣衰呀, 笑屎人! 多謝 Laurence 既指點, 多謝所有工作人員, 今日實在太好玩, 可惜係我冇帶機, 希望黎緊會再有機會影多次啦! Carman 話要對住我先發揮到, 又讚我觀察同吸收能力強, 真係幾鬼開心呀! 今日雖然唔可以好浪漫咁送禮物比你, 但今晚既經驗好深, 相信亦都深深咁刻劃響你同我個腦入面, 請你好好記住 08 年的 8 月 13 日! (雖然唔係有幾名貴, 但係我真係覺得幾靚!) | |
| 2008年8月12日 |
星期二
|
|
萬分感激 就黎一週年紀念la, 當然要準備份禮物仔比老婆仔啦, lee 幾個星期去左唔同既地方睇我心目中的小禮物, 麻煩哂 Fayma, Tammy 幫手比左咁多資料我, 特別係 Tammy, 我收到之後都覺得好靚好靚好靚呀, 多謝 Tammy 既幫忙, Thanks! | |
| 2008年8月9-11日 |
星期六,日,一
|
|
大割價清貨 3 天 開當已經兩個月la, 斷碼, 著得唔舒服, 顏色太 over, 冇人掂, 質量差既鞋已經積左好多, 所以 lee 3 日做特價黎清貨! 鋪外既宣傳, 鋪內既價錢牌, 架上面既擺位, 一切都準備好, 我就負責夾客入黎, Carman 就負責夾客買多 d, 我一見到離遠既客準備由分叉路轉彎, 我就好似 bossini, Giordano 果 D 清貨咁大叫, Lee 幾日爆場爆到傻, 見到咁既場面真係開心, 當中有 d 客真係好麻煩, 勁大力掉 d 鞋落地, 唔岩 size 又要死塞隻腳入隻鞋度, 著住隻鞋行黎行去行到污糟哂之後又唔買, 隻腳一拔出黎果陣咸香味勁到暈, 叫完人平 d 最後平左比佢又唔買, 半價既 4-50蚊鞋仲要同你講幾蚊價, lee 3 日真係見到好多學到好多! 當中最開心當然係我同 Carman 一人一句夾到個客越買越多果陣最開心啦, 一次過買 4 對果時真係爽屎, lee 3 日真係太好玩la! 星期一 11 號, 瑩媽, 阿婷入左黎天水圍, 我同瑩就同埋佢地一齊去飲茶, 飲完茶博埋最後一日, 今日估唔到咁鬼靜, 好彩 9 點幾阿寶彈左兩個客過黎, wow...一人買兩對, Yeah! 為 lee 次清貨劃上完美既句號! 依家成個架 d 野都唔同哂, 聽日又係新開始, 加油! | |
| 2008年8月9日 |
星期六
|
|
情侶襪 好得意既襪呀, 520, 530 | |
| 2008年8月5日 |
星期二
|
|
秘密任務 同阿瑩講話約左人傾野, 其實收工約左 Tammy 小姐有 d 重要野要傾, 當然係請教下佢一 d 專業野啦, 個幾鐘之後任務完成, 真係麻煩哂, 雖然到依家都唔識分咩野係靚, 咩野係唔靚, 不過我覺得靚就得啦, "遠見"個名就麻麻, 不過真係好靚, 唔錯唔錯! | |
| 2008年8月4日 |
星期一
|
|
一起跑 今日放假, 尋日就已經買定今朝早場"盜墓3"既飛, 嘩...好多人呀, 好彩我地 d 位都唔算太差, 希望阿爸阿媽唔會睇得太辛苦啦, 成套戲都幾好睇, 30蚊真係抵! 跟住阿瑩番左鋪頭, 我就偷懶, 自己一個去左打機, 好耐都冇打過la, 用左幾蚊打左5 個鐘, 爽! 之後梗係番鋪頭一齊收工啦! 多年來, 間中去跑步 keep fit 都只是自己一個人, 今年一個大轉變, 多了你陪我一起跑, 漫長的路程都變得輕鬆, 期間就想起一起跑背後的意思, 代表著一起的梳洗, 一起的買菜, 一起的看劇集, 重要是一起開的小店, 一起解決面前的問題, 一起減肥, 一起跑到最後! | |
| 2008年8月3日 |
星期日
|
|
小遊戲2 都唔記得玩咩lu, 只係記得輸左要比人影張相咁law! 好彩今次我都有贏jack, 呵! | |
| 2008年8月2日 |
星期六
|
|
舞哂脂肪 你睇佢背影幾瘦, 不過今日阿瑩都加入戰團, 點解加入? 梗係......! 今晚先知原來佢真係好扭得, 仲響度扮妙極 MEGA DANCE 比我睇, 笑屎人! 做完運動雖然有 D 肚餓, 但係都要訓la, 點知佢話想食麵, 拿拿拿, 我唔食架, 你自己食啦! 之後食左一半就識我食, 又話要肥就一齊肥, 唉, 就係咁我就被迫食埋果一半law! =.= | |
| 2008年8月1日 |
星期五
|
|
多野做既後遺症 近排多野做, 冇去玩, 啫係食訓番工, 同埋食訓番工, 一上磅.....嘩!!! 又肥番十幾磅, 唉! 即時開始落街跑步, 我諗係太耐冇跑既關係, 只係跑左幾步路就 he he 聲, 唔得...我要 keep 番先得! | |
| 2008年7月31日 |
星期四
|
|
愛情機率 如果愛情要分階段的話應該點分呢? 1.相識, 2.產生好感, 3.追求, 4.相戀, 5.熱戀, 6.婚姻, 7.家庭, 8.相愛到老, 有好多人認識新的他/她, 直覺就是他/她, 可能只符合頭 3 個階段, 到第 4 階段便告終, 亦有認識很久的朋友在 6,7 階段是很美滿, 只可惜沒有勇氣開始前面的階段! 每一階段都不只 49 個變化, 那麼兩個人能夠走過所有階段到老, 似乎就等如中了一次六合彩頭獎, 回想起我和她不像別的情侶有一個特別的相識, 只是平平淡淡的, 但喜歡每一個難忘的過程, 現在已經中了 5 個號碼, 希望接下來的 3 個號碼會相繼在我們的人生旅途上出現! | |
| 2008年7月20日 |
星期一
|
|
小遊戲1 輸左比人劃公仔, 我輸左要比人劃之外, 番屋企前仲要整高個衫袖, huh! | |
| 2008年7月19日 |
星期日
|
|
我的小明星 收左鋪去屯門同阿沛祝生日, 過到去, 大家話散場law, 啞左...... 點解可以咁唔決斷, 點解可以咁唔交帶, 咁冇責任, 唉! 我就係一個唔鍾意"立 q" 既人, 於是就梗係兩公婆去左唱 K 啦, 淨係聽, 淨係睇, 就已經夠, 真係有點歌星的風範, 諗番起上次佢響公司表演, 佢同班 Dancer 邊唱邊跳, 真係好勁呀! | |
| 2008年7月5日 |
星期六
|
|
撐檯腳 收左工去試下鋪頭附近間小菜餐廳先, 33蚊一個小菜, 有飯有野飲仲要有油菜, 諗住咁既價錢食飽就算啦, 估唔到賣相味道一d 都唔差, 好抵食! lee 個幾兩個月都好似冇放過假, 忙左咁多日, 不如去拍下拖睇場戲啦! Hancock-街頭超人, 個故事真係好得意, 唔淨係得畫面, 有故事, 又幾好笑, 個女主角又搞笑, 最可惜係佢好似要鋪路做下一集, 尾段真係弱 d, 不過整體都幾好既! 諗番起入場前坐響戲院 bar 櫈度傾左陣計, 近排個腦真係分唔到身出黎做其他野, 只係做野, 連聽你講心事既機會都少左, 希望快 d setup好哂 d 野, 到時就會多番時間架la, lee 段時間辛苦你la! | |
| 2008年7月4日 |
星期五
|
|
黃金飯局 - 阿均生日飯 阿均生日, 當然黎個黃金飯局, 因為大家既收工時間不一, 所以我叫大家收左工就去我鋪頭集合, Tammy 6點幾就黎到, 要佢睇住我地做野真係唔好意思, 點知 Tam 幫我手做左工廠妹, 流水式作業真係好有效率, 真係唔該哂工廠妹! 8 點幾大家到齊la, 大家都參觀過, 係呀, 我近來咪就係忙緊鋪頭既野law! 劉妃, 陳妃, 陳仔, 阿均, 我, 阿瑩齊人之後就去 pizza hut 食扭扭批, 今次算係第一次正式帶阿瑩出黎食飯, 傾傾下, 佢同 Tammy 淨係講女人野law, Fayma 竟然加入唔到, 咁我地 4 個咪講係 d 男人野law, 呵! 唔知講開乜, 阿瑩話搽左果d 呢...冇知覺果 D 呢? 哦...原來係麻醉藥, 笑屎人咩! 食完腸仔包, 就去銀座老地方飲番杯咁啦! 途經公園, 果隻飛仔強搞到 fayma 洗出直角假身, 同埋阿瑩既女高音尖叫聲, 唔好意思, 有冇震親大家耳膜呢? 我地四個繼續到酒店飲野, 先黎一個足球機比賽, 原來可以咁好玩, 玩到出汗, 之後再黎多一 round 飛標, 再加埋黃金合照, 今晚真係好開心, hehe! | |
| 2008年6月13日 |
星期五
|
|
我們的小店 這三個月真的很忙, 忙得沒有精力去記錄這段時間的緊張既經過, 現在就憑記憶寫低零碎片段先! 不段的資料搜集, 多個星期沒有假放, 幾多晚兩點收工, 到到今日我們的小店開始營業la, 店名"Wing+Ying"即係"WYing, 零售唔係一個簡單既行業, 不過就算只係三個月就做唔住都好, lee 個經驗都係非常難得, 最開心係兩個人由開始時意志不堅定到現在走同一方向, 令大家加深認識, 一切都係值得既! | |
| 【把本站設成首頁吧!!】 【將本站加到我的最愛】 |
|
Andy的信箱
andy1127@netvigator.com 歡迎來信喔!!!
Copyright© 2000 Andy's HomePage
All Right Reserved |
