Hi!各位朋友

歡迎光臨

2008年5月16日	星期五
新革命 個腦好多野諗, 收左工都停唔到, 別人眼中悶既野, 我覺得幾好玩丫, 前面既路將會接觸新範疇, 新事物, 好高興識到知音人, 借助你既力量能夠縮短唔少路程, 依家 lee 一刻真係有d 緊張, 不過又好興奮! 拍檔, 我地要比心機! 秘密任務 (2) 星期日見啦!

2008年5月15日	星期四
5月之星 放工去左賭場 join Angel, Joey, 同埋幾個同學仔玩, Angel 同 Joey 附附碌碌咁贏左幾次 40 個幣, 有次中左 100, Angel 黎個超級尖叫, 嚇屎人! 之後我, 瑩, Joey, Angel, 阿丁, 萬子, Annie, 慧賢, Carol, 二號, 椰撈, 阿星, 細佬十三人去壽司亭食飯, 好耐冇黎過, 上一次響 lee 間房食飯已經係 2003 年lu, 又覺得自己老左好多! 今晚 order 左勁勁多野食, 豐富呀! 傾下講下食下笑下影下, 就係咁, 過左一個好嘈好熱鬧既晚上! 唔該哂阿 ME 今晚既熱情招待, thanks!

2008年5月14日	星期三
劉菲菲飯局 夜晚去 TST Jimmy's Kitchen 食飯, 劉妃生日快樂! 值得一記既係...今日 Tam 提番我上一次佢聘請我年薪300-500萬果份工, 諗起就真係好笑, 入職既要求係只要我響限定既時間能夠搵到一個有幾千萬身家既男人聚佢, 咁我先有糧出law, =.= ! 我同小玲今日一齊左la, 不過岩岩又冇一齊lu! 繼大家對我的新稱呼 "林周周長"之後, 又多左"謝周周"先生! 晴晴出世la, 竟然同 Fayma 一日生日, 真係好橋! 祝出年大壽既你生日快樂!

2008年5月14日	星期三
土瓜灣結伴早餐倒數 尋日瑩買左件 T, 今日我地一齊著左, 嘩, 好靚好情侶裝呀! 話住 8 點半出門口, 搞搞下都係要 8 點 9 先搞掂, 好彩我不嬲計既數都有找啫, 照樣都係響金加利食, 魚柳西多炒蛋早餐好好食呀! 番到公司...CHOP, 10:26 分, 仲有找tim! 我就拿林番公司立野去個客度, 跟跟下野, 嘩咁大隻強哥......頂~

2008年5月13日	星期二
尋找新事物 朝早一照鏡, 打扮完覺得有信心既話, 次次都會做 d 好討厭既 post, 真係笑屎我, 真係唔夠你黎!今日約左萬子同佢個 fd 去水上明珠, 我登記回鄉咭既 e-channel, 排左好耐, 搞左好耐,嚇屎阿瑩tim! 我地早左幾個鐘到達, 當然周圍行下啦, 好多以前未行過既地方都走入去 8 掛下, 估唔到走入 lee d 地方同一件貨既價錢可以平咁多, 一般都可以搵到 50% 既價錢就可以買到同一樣野, 美容物品, 髮型物品, 衣服鞋襪飾物乜都有, 行到好攰law! 之後就去水上明珠同萬子匯合, 次次都爭既茄子飯, 今次一人叫一個, 唔洗爭! 今次 d 師傅唔掂呀, 一時就按爆你, 一時就摸你, 我同阿瑩不斷都叫"細力 d, 細力 d, 大力 d", 都唔知想點 law =.= , 好彩按腳師傅勁好手勢啫, hehe!

2008年5月12日	星期一
上堂 約左潘老師響屯門一聚, 今日行下傾下, 我學識左好多野la, 唔該哂老師, 現在滿腦子都係數字呀! 同潘老師去左甘味茶屋食飯, 再 Join 埋阿Bell 傾左陣計先走!

2008年5月11日	星期日
媽媽節 年年 lee d 日子條街都迫到傻, 我地班爛賭仔都係決定響屋企大戰就算! 夜晚第一次叫日本野外賣速遞, 嘩...成檯都係野食呀, 媽媽就係咁簡單, 最愛我媽樣樣野都就哂我地, 錫哂我地, 我愛媽媽!

2008年5月8日

星期四

尷尬飯 去完九龍城個客, 時間又咁 fit , 好啦, 比多日驚喜人先! 佢收工前 10 分鐘打比我 A:喂, 點呀, Last 個客完左未呀? C:完左啦, 我走得架la! A:(Yeah! 岩哂) 咁快 D 換衫啦! C:換架la, 你呢? 依家響邊呀? A:我...打緊機 C:響邊打呀 A:(死啦講邊度好呢?)公司附近law (呀...點解我會講公司附近架, 不嬲都講公司樓下家ma, 穿煲tim) C:哦, 做咩仲唔走? A:走架la, 冇野做 hea 陣之ma! C:我一陣去旺角同阿媽阿哥食飯wor, 當係母親節飯wor! A:(噢...)哦, 咁去邊度食呀? (扮冇事) C:去始創後面間餐廳食扒之ma! A:嗯 A:唉...其實我有 d 事發生左呀! C:吓...咩事呀? A:唉, 依家唔方便講, 夜 D 先同你講啦! C:你咩事呀, 你唔好嚇我呀! 快 D 講! A:其實... 我唔覺意黎左土瓜灣之ma! C:Yeah! 好野! 頂.......仲以為你發生咩事! 就係咁, 比人捉左去食個飯law!

2008年5月7日	星期三
交換早餐 今朝同瑩一齊番土瓜灣食早餐, 當然去金加利啦, 仲撞到 Pinky tim! 我叫左個薄牛扒, 佢叫左魚柳餐, 但係佢就食牛扒, 我食魚柳law, 我心諗人地見到真係想同我地講"好心你地掉番轉個餐黎食啦, 眼淵!" hehe! 今朝同左佢番工, 佢一定唔會諗到我夜晚又去接佢既, 去完中環做野, 就過左去等佢, 佢見到我梗係開心屎, 不過阿欣話"都咁多次啦, 唔好扮有驚喜wor!", 咁又係wor, 多得滯人地唔珍惜咪慘! 去食雲吞麵, 我叫師傅比多小小蔥, 點知d 蔥蓋住左成碗麵, 唯有講一句食蔥蔥明law!

2008年5月6日	星期二
秘密任務(1) 今日同阿瑩進行秘密任務, 一切都尚算順利, 要等第 2,3,4 次既任務! 無聊馬拉松又黎la, 潔瑩, 營養早餐, 餐蛋治, 自家制燒餅, 餅夾煉奶, 奶油多, 多士烘底, 底食夾大件, 件件都係我鐘意食, 食得招積, 積及橙餅, 餅麵淋 D, D 腸仔未溶雪, 雪菜火鴨絲蚊米, 米擺得耐會生穀牛, 牛肮腩炆羅白, 白汁雞絲意粉, 粉紅魔幻新地, 地門既什果可以整沙律, 栗子蛋糕好鬼甜, 甜到漏既糖不甩, NUTS 唔要提子, 紫米椰露唔要紫米! 咁都比我影到, hehe!

2008年5月5日	星期一
記錄 去左馬坑涌大快活食腐乳雞, 好咸呀!

2008年5月4日	星期日
開工 番 11:00 放 12:00 趁有時間, 閃出去相聚一刻, 走入女人街食左個意大利菜, 不過都唔知點先為之意大利菜law, =.=, 有人接收工, 心情果然舒暢個 bor!

2008年5月3日	星期六
開工 番 11:00 放 10:00, 無聊對話: A:聽日都要開工呀! C:係牙, 咁番幾點呀? A:番 11:00 放 12:00 C:哦, 咁都好D, 都係一個鐘啫! A:係 11:00am - 12:00pm law 唔該!

2008年5月1日	星期四
開工 客人今日內部請客, 食左好多好多野, 近排工作忙又冇做運動, 淨係食野, 依家成隻豬咁la, 幾時先正常番呀? 老闆真係好, 請埋我同阿瑩食飯, 食左好多鐵板燒呀, 飽飽!

2008年4月29日	星期二
工作週 經過上星期的活動週, 今個星期變番工作週la, 個人都變得緊張, 仲要一個星期就回復正常la! 晚上收到一個 sms "噢", 阿瑩果邊似乎傾唔掂數, 當我知道 lee 個消息, 我心情都緊張起黎, 這感覺應該係 2004 年曾經出現過, 似乎新革命即將開始, 點都好, 我都一定要克服佢!

2008年4月28日	星期一
Happy Hour 響屋企食完 Monday Bunch 之後, 我地去左元朗唱 k, 唱左 4 個鐘呀, 累........ 其實可以 2 點唱到 8 點都得架, 閒日邊個會走去唱 k wor, 係我地咁屎忽痕架咋! 換左張新床褥 lee 幾日真係超好訓, 真係唔應該成日都咁慳呀!

2008年4月27日	星期日
錦田一日遊 今日約左阿榮, 嘉儀, 阿斌, 斌女朋友去影下相, 遊下車河! 今日天色唔太好, 成日都天陰陰, 相就冇乜影到la, 都係周圍行下咁law, 入到去錦田, 原來有個紅磚屋既地方好似市集咁有野買架, 原來咁都可以搵到食個bor, 記低佢先! 之後我地就去左南生圍, 行錯左好多路, 終於響天黑前比我地入到去, 好...下次好天再入黎影過先得! 之後join 埋家豪去街市買埋野, 就去嘉儀屋企BBQ, 唔錯丫, 響個屋苑入面 B, 都真係有另一個 FEEL, 話時話, 近排好似同嘉儀阿斌多左一齊玩, 都幾好丫, 個個都咁客氣, 好似屋企人咁, hehe!

2008年4月26日	星期六
真係好體貼架 要準備黎既兩星期既野, 所以乖乖地留響公司, 今日 d 野做極都未做完, 睇下個鐘, 8點幾la, 自己落街食左個雲吞米油菜, 再番公司繼續做, 做到十點幾, 又累又餓呀, 阿瑩咁遠送外賣上黎比我食, lee d 女朋友去邊度搵丫, 錫哂你!

2008年4月25日	星期五
黃金組合08第一擊 多野做呀, 搞到七點幾先響公司走, 點知番到入屯門依然係我最早law, =.=! 晚飯時間屯門市廣場不嬲都係勁多人架la! 大家都唔想等位, 我就問左句"如果想食果間日本野, 係咪唔洗等就食先???", 陳大小姐話係, 我咪打入去搵熟人law, 點知佢又話其實佢唔想, 啤! 之後去左大姆指食, 嘩...d 野貴左好多wor, d 扒餐八九十蚊一個, 嚇親! 飯後活動就係去 look ling la, 對上一次 look 已經係 3 年前lu, 諗番起當初都係響 lee 度識阿均既, 仲好多回憶tim, 其中一個不得不題既畫面就係陳小玲既 S 步 look ling 法! 好開心呀! 不過我猜輸左, 要送哂全部人上車我先走得, 慘!

2008年4月24日	星期四
答謝飯 本來約左阿欣諗住請佢食飯, 點知佢唔得閒, 得番我同阿瑩撐檯腳, 又好啫, 我地兩個去左食喇沙麵, 點知...唔好食架! 之後去左尖沙咀行下街散下步, 最後上左去公園仔跳左 part 舞先走!

2008年4月23日	星期三
今年的第一次見面 原來同 TA 上一次見已經係上年既事, 以平時聯絡既次數同見面既次數比例真係差好多, 不過依家有女朋友仔, 又真係分唔到咁多時間出黎既, 難得大家有 LEE 個宇宙裂縫, 就約出黎聚下啦! 去左 CPK 食 Pizza, 野食就一般啦, 主要都係叫埋 d 唔好食既野, 未必係間餐廳唔好食既, 下次再黎試過! 我地傾到興高采烈之時, 我收到個電話"不如我過黎搵你丫?" 就響 lee 個冇準備既情況底下食左一餐小尷既飯, 好彩尷左半個鐘之後大家都開始正常番, 最辛苦既都係我, 我一路忍尿忍到屎, 就係費事留番佢地兩個響度, 急到我呢...果篤尿真係柯左分幾鐘, 哈哈!

2008年4月22日	星期二
活動週 今個星期除左星期六會響屋企食之外, 全部都有節目, 好好咁享受一下難得一見既活動週先得!

2008年4月21日	星期一
例假 屎啦, 大耐冇打日記, 有好多精彩野唔就得左tim, 唉! 淨係記得果日睇左舞出真我2, 感覺上麻麻, 上一集好睇 d! 之後去左睇傢俬, 床褥, 終於決定左陳法拉 lee 張la, 仲有床墊送! 夜晚食飽飽冇去街, 享受下家庭樂啦, 睇下金石良緣law, 點知鍾家欣的一幕, 阿瑩的嚎哭, 唔知有冇嚇親大家呢? 佢就係咁架la, 諗起佢個樣就覺得好得意! 點解有隻雀仔唱歌咁大聲架, 望下個鐘先 4 點幾, 兩個響度聽隻雀仔唱歌, 原來隻雀仔每次都唱到同一個旋律架, 好得意呀!

2008年4月18日	星期五
我要睇醫生 今日約左個客做 demo, 天時咁熱當然係著短袖衫啦, 番到公司一陣, 我隻手 d 野又出番哂黎, 好恐怖呀, 於是我就去左公司樓下買件伯伯長袖衫, 我頂...一件咁既衫, 130 蚊! 去到個客度, 我手背都出埋粒粒, 搞到我講野果陣都唔敢做手勢, 激死我! 之後去左睇醫生, 醫生話 lee d 唔似係蚤咬wor, 似係食物敏感, 我諗黎諗去都冇食過 d 乜, 點解呢? 番到屋企, 原來阿媽都中左招! "平時 d 茅根 3 蚊一細札, 今次好抵呀, 2 蚊佢比左勁大札我, 我咪一次過掉落煲蔗水度一齊煲law!" 吓...吓...吓...

2008年4月14日	星期一
黃金咭 上深圳行完街就去出買貨, d 野真係貴左好多, 貴都冇法, 別無選擇, 貴都要買, 好彩電腦野都係貴左10-15%左右jack!之後去左水上明珠 dup bone, 今次仲要左張黃金咭tim, 勁呀!

2008年4月11日	星期五
不在狀態 今日同 Tammy 食生日飯, 去左 TST 間 JIMMY'S Kitchen, 點知去到先知佢裝修, 心諗阿 TAM 一定會好唔開心, 點知佢竟然冇事......好彩! 唔好彩既係我麻煩左 SUNNY 幫手留位比我, 點知轉頭又話唔去, 真係十萬個唔好意思! 去左打邊邊, 我隻手一撻撻呀, 冇笑容冇心情, 一路響度諗, 唔通係因為公司 D 地毯太耐冇洗過搞到有野咬? 究竟點解呢??? 今日阿均都出埋黎, 貞貞個肚好大個 la, Zoe 同阿朱都加入埋, 好熱鬧! 特別要記低既係, 阿沛真係好有心, 行左勁多地方去買個咁好食既蛋糕, 打邊爐都要食西檸雞, 阿姐幫手影大合照係有一手既! 最後因為太痕la, 所以都係早 d 撤退!

2008年4月10日	星期四
成日都唔記得帶野 平時都唔會去 UNO UNO 食飯, 因為 D 野都幾貴, JOEY 又唔記得帶野, 佢過黎我果邊攞野, 就同佢上左去試下啦, 望下個 MENU, 一個 Lunch 約 60 - 100 蚊, 響我 lee 區黎講都算最貴la, 不過食落 d 野真係貴野黎既, 就連個忌廉湯 d 味都唔同架! Joey 申下公司既野啦, 諗諗下我都已經好耐冇接觸 lee d 人事問題la, 我都幫唔到佢 d 乜, 希望佢快 d 搵份好工唔洗再煩啦! 今日等到我個人呆呆地, 可能本身又累又餓啦, 好彩食左串魚蛋頂一頂! 之後去食鹽焗雞, 蒸紅由, 花生豬骨南瓜湯, er...飽飽!

2008年4月7日	星期一
三國之見龍卸甲 今日去左睇三國之見龍卸甲, 睇左影評, d 人彈到一文不值, 雖然我唔對三國既歷史只是一般, 但我覺得套戲除左個名唔應該改做三國之外, 其他既都真係幾好wor, 90%既人都話套戲拍到同歷史差好遠, 破壞哂三國迷眼中的趙子龍, 但其實正史中趙雲比其他四虎既事跡更少tim, 我又覺得既然今次個故事係作既, 迷當進入左編劇既幻想既趙子龍世界law, 導演能夠塑造每一個角色既形象, 真係有驚喜, 最搞笑係唔知咩係三國既阿瑩都話點解狄龍個樣咁似關公既? 其實我覺得每個角式都好, 劉備、關羽、曹操、韓德、曹嬰, 演出既短短幾個畫面都令人深刻, 好耐未試過睇戲睇到過左咁多日仲記得戲中多幕既情節la, 劉華真係好型呀!!!!!! 之後送番阿瑩出旺角, 仲行左一陣先番屋企咁law, 唔知今日套戲有冇悶親呢?

2008年4月4日	星期五
執房 今日紅日, 但我冇懶, 較左 10:00am 鬧鐘起身執房, 咁多年黎真係儲左好多野都唔捨得掉, 今日真係掉左好多, 好多都用照片存入電腦後就掉, 現在只淨番一 d 打開就可以牽起回憶既物件, 諗諗下, 相同文字真係越黎越重要, 朋友同我講, 佢間中就會睇下當年今日自己做過 d 乜, 其實我都有架, 有時都會諗下如果比你番番去以前, 有冇邊件事你會作第二個決定呢? 諗起都幾得意! 執下執下, 嘩...夜晚 12 點lu, 間房變成咁真係好唔慣, 訓唔著tim!

2008年4月3日	星期四
現實就是現實嗎? Tam 見完工, 約左去深水步食飯, 今日既話題係年薪, 唉...我 lee d 讀唔到書, 英文又唔掂既人都係得個嘩字架la, 咁既人工唔會關我事law, 除非......! 今日 lee 個話題正好可以鞭策下自己, 比心機呀! 響屋企上下網無無聊聊第到一些資料, 一個越叻, 越黎越成熟既女性, 同異性既距離會每年遞增, 這個可能是中國人的傳統觀念而造成啦, 似乎要衝過這個心理關口一 d 都唔容易, 無論製造再多的浪漫, 返回現實問題, 一切都變得唔浪漫! 在我眼中, 我的感情又如何呢? 雖然前面的路相信比起別人會難行一點, 不過我又覺得既然思想, 步伐都能一致, 即使要返回現實接受考驗, 都不會比起有能力的人辛苦丫, 一起去建立, 一起去實踐, 平淡的事都變得有趣!

2008年4月2日	星期三
一齊番工紀念日 尋晚見咁夜, 咁梗係唔好走啦, 今朝一早起身送佢番工, 食埋個早餐, 佢 10:29am 打咭, 岩岩好呀! 好榮幸今日劉太過黎搵我食 lunch, 我地去左灣仔食, 岩岩 lee 間唔知咩咩食扒餐廳有下午茶, 兩個食左個下午茶扒餐! 太耐冇見, 太耐冇傾la, 淨係 update 番都唔係咁易傾得哂, 希望搵日又有機會一齊食下啦!

2008年4月1日	星期二
碌 ling 休閒既假期都係響屋企休息一下啦, 見冇乜野做, 走左去仁愛堂碌 ling, 咁耐冇打, 個波淨係識落坑, 操番半個鐘都似番 d 樣, (阿均呀, 好耐冇同你地碌la, 幾時碌呀!!!) 估唔到咁平wor, 65蚊一個鐘, 正! 番到屋企幫阿瑩錄下歌仔, 都玩左兩粒鐘, 最好笑都係果首一人分析多角既可人兒, 笑到肚都攣!

2008年3月31日	星期一
記錄 假期前夕例牌都會接埋阿瑩一齊走, 佢話仲有 20 分鐘左右就走得架la, 點知兩個鐘law! 見佢咁多野未搞掂, 我就叫左外賣, 等佢邊做邊食慳番 d 時間, 十一點半先走得, 等等下仲未有車, 點算呀...好彩都等到尾班車, hehe!

2008年3月30日	星期日
攝影練習 - 柏麗灣 嘉儀同阿榮就黎結婚, 十年愛情長跑將要進入新一個層次, 估唔同佢地咁多年黎都冇乜影相, 於是今日約左我同阿斌幫佢地影下生活照! 今日天陰, 又係一個練習既好機會, 唉, 光得滯又難影, 暗得滯又難影, 真係要多花一番功夫先得! 可能接近三張野 lee 個關口啦, 嘉儀, 小克勤, Melody個個都結婚la, 見到咁多朋友都咁幸福, 真係好羨慕呀!

2008年3月27日	星期四
爆胎 今朝起身換衫, 咦...點解牛仔褲下面咁涼既, 話說上個星期夜媽媽響公園仔跳舞, 點知原來個褲浪爛左兩串, 慘啦, 果日跳完又搭車, 又行去巴士站, 今次乜都冇la, 啊.................................. 衰仔真係好覺眼law, 今日又 Join 一齊跳 JAZZ, 一個跳 POPPING 既野冇啦啦走黎跳 JAZZ, JOEY 仲同我炸型話 人地 D 相就第二日整好哂, 佢 D 相就未有時間, 冇計個 bor, hehe! 今日上堂見到阿瑩都跟得上, 証明尋日練習係有用既, 加上今堂冇左超短裙響度, 大家都精神 d 呀! 十七個人去許留山食野, 食乜野都係其次, 最好笑係 Joey 大叫左一句"大嫂"搞到幾尷尬!

2008年3月26日	星期三
專屬假期 收到劉太個電話問我一唔一齊食飯, 雖然食唔到, 不過我都好開心你搵我! 今日放假但係 d 野未比個客, 起身趕埋 d 野搞到 4 點先行得, 將 coupon 就黎過期, 之後就去左明將食壽司, 今餐埋單價值係 9 蚊, 開心哂! 6:00pm 入翠韻教番阿瑩上堂 d 野, lee 兩個鐘真係比我地用到盡哂, 兩面鏡, 有勁冷氣, 有水機, 仲有涼沖, 你話去邊度搵丫, 再加上淨係得我地兩個, 簡單既練習都變得特別浪漫, hehe! 兩個小時合共 $40, 抵!!!

2008年3月25日	星期二
八公八婆 等埋阿瑩收工, 因為比佢 d 同事見到我成日去搵佢會唔係咁好, 我響佢 20米距離跟左佢兩條街, 收尾比 Kennis 見到笑屎左佢! 之後去左食鯪魚球米, 雲吞麵, 食飽飽一齊番屋企, 講左好多是非, 今晚簡直係大爆料, 其實我都係一個八公, 哈哈!(我講左句:你千祈唔好話比人知wor! 跟住人地串番我一句:咁你依家又話比我知...) 而今晚既結論就係果條友似住自己靚仔, 搞左唔知幾多件, 暫時係我地認識當中最賤既賤男!

2008年3月24日	星期一
人像攝影練習 今日同左兩個靚女去影相, 叫埋雷生一齊去, 我今日遇到既問題係太光都係好難影既, 行動失敗, 好彩有雷生補飛! 佢個衰仔好鬼顯眼law, 又幫人 lee 閂車門, 又無啦啦跟我地去跳舞, 搞到我同 Joey 強烈感覺到, 就連彤彤 Tino 都睇得出...... 出完一身汗去左元朗果間台灣麵食野, 紅燒牛腩麵好好食, 不過唔好飲香芋珍珠(唔好飲仲要加 6 蚊)

2008年3月23日	星期日
媽約我去迪士尼 媽子生日, 我們這一家(加埋家明, 阿芝), 細妹姨一家, 兩個阿姨, 一行十三人去迪士尼玩, 加上有人響迪士尼做, 所以可以免多個人既入場費, 對上一次類似既活動真係唔知幾耐之前la, 雖然尋晚因為夾錢問題有少少野煩, 但今日大家都玩得咁開心, 乜都值番哂啦, 值得一記既係: 1.雞脾 22 蚊一隻, 我食左兩隻再加一條粟米 2.過山車雖然連我 lee 個膽小鬼都覺得唔刺激, 但係畫面真係好靚 3.8個人巴斯鬥高分, 阿倫竟然打爆機, LV7 99999999

2008年3月21日	星期五
比人接既幸福 雖然今日係紅日, 但因為客人今日開將, 所以要去灣仔幫手! lee 個客係做高級日本料理, 為左費事痴飲痴食, 出去茶餐廳食飽左先, Tammy 仲叫我同個客講話出去買野食, 之後個客自然就會請我食...米搞, 咁樣衰(雖然我想)! 嘩...好正呀, 我見到個師傅一路整, 玩哂花式咁, 我真係好想食呀! 平時阿瑩收工一定遲過我, 但客人一開將我就會收得夜, 人地竟然話唔識搭車唔識黎, 我真係有 d 嬲, 嬲一嬲之後就有人接, 真係好架, 唔牙~~~ 我地去左波士頓餐廳食扒, 阿瑩塊肉眼扒好好食呀, 我又簡錯野食la, 大蝦牛柳, 蝦唔大, 牛柳唔林, 不過整體都有 75 分啦! 番到何文田, 吓...我條咁既褲唔好la掛, 好啦好啦, 我地再響公園仔跳左半個鐘, 累屎人! 唔記得左講, 第一次食咁勁勁大粒既士多啤梨, 多哂~~~

2008年3月20日	星期四
班中的怪人 響灣仔幫個新客做野, 搞到 8:00pm 先走, 拿拿聲番公司買左個油雞飯食住做埋 d 野, 師傅真係好, 斬隻雞脾比我, 一路做一路食, 再趕去上堂, 遲左大半個鐘先到, 一去到見到超短裙, 短到係條女有少少曲腳都會見到兩邊面珠 done 個 law, carman 即 yup 我過黎響我耳邊講:我昅左la, 白色架! 笑屎我~ 依家越黎越多學生, 但係都越黎越多怪人 1.上堂著條著左等如冇著既超短裙既人 2.扮哂有心上堂, 次次唔練又話唔識, 拖慢大家進度既人 3.淨係溝女, 仲要係老嫩通殺既人 唉, 諗起上堂果條女個羅由突哂出黎就真係火黎, 正都話丫, 影響情緒! 落左堂我地去搭 VAN 仔之前去買 Q 餅食, 阿瑩已經諗好左"我食芝士辣肉腸 Q 餅啦!", 排左 15 分鐘終於都我地叫la, 阿瑩"唔該我要芝士煙肉腸丫", 女人真係變得快!!!

2008年3月19日	星期三
大陸人真係準時收工呀 番左大陸, 做完哂我地要做既野之後趕去賽格電腦城買野, 點知 6 點鐘準時落閘, 我頂~~~ 唯有下次再上黎啦! 之後就梗係行下食下咁啦, 見冇野做咪入去現代經典度八掛下啦, 傾左個幾鐘先走(個 sales 仲叫人地林太)! 大家都覺得好似好快, 但係其實又唔算快wor, 睇下啫, 睇下都開心丫!

2008年3月17日	星期一
愛情抗體 成日聽人地講用長跑黎形容愛情, 我地應該算係岩岩起步, lee 段日子的確儲蓄起比過去既感情更多深刻回憶, 但平平穩穩過幾年後先嘈一次交, 會唔會更加傷呢? 早幾日我地嘈左個小交, 話時話, 感覺都真係幾好, 阿瑩今日仲講左句"依家大交小交都嘈下, 有左抗體, 第時就咩都唔怕啦!" 哈哈, 又真係講得岩wor! 對於我地兩個黎講, 我真的希望有多一點經歷, 多一點考驗當作磨練, 經得起大小風波先可以完成 lee 個長跑!

2008年3月15日	星期六
記錄 去左金怡叫小菜食飯, 兩個人叫左半隻薑蔥霸皇雞, 粉絲蒸扇貝, 菜心, 清蒸桂花, 例湯, 當然係食唔哂啦, "唔洗怕, 我有帶飯兜", 哈哈, 每次聽到見到我都好想笑, 佢好似叮噹攞個法寶出黎仲要有 d 紅色黃色梅花簡竹咁圍住個飯兜轉轉轉, 然後講句"嘟嘟嘟嘟嘟嘟......神奇飯盒!", 真係好鬼得人鐘意既 Jack!

2008年3月13日	星期四
有趣既賭場 放工約左 Angel 佢地響賭場等, 係呀, 係香港既賭場呀! 其實係一間大型既機鋪, 主要都係玩下一 d 似賭場既遊戲, 我就麻麻地, 玩極都贏唔到, Angel 好勁, 係咁中law, 我今日即刻叫佢 Angel 姐啦!

2008年3月12日	星期三
房間大娜移 今日放假, 可惜人地唔得閒, 都係安坐家中寧靜渡過, 今日最大既貢獻就係幫阿媽間房大移位, 細個最鍾意 lee 個環節, 因為有好多錢執架! hehe

2008年3月9日	星期日
鬧交鬧交鬧交 11:30pm 有個客緊急搵我幫手, 傾左1個鐘, lee 次人地一定等到傻, 個客都未收線佢就打黎, 第一句就鬧我有冇搞錯, 我當然好嬲啦, 一同個客收左線我就打去話左佢一餐, 就係因為咁, 大家嬲左大家一晚, 哈哈, 但諗真 d 其實佢打黎都只係扮惡啫, 因為佢都冇試過咁樣而發惡, 好彩 lee d 對於我地黎講都只係生活既小情趣啫, 總之你記得我最後一個留言個句就得啦!

2008年3月9日

星期日

影相實習@元朗公園 今日約左細囡, 同佢個 fd 練習影相, 原本阿丁, JOEY, 阿彤都得閒比我地影架, 點知阿彤唔出得黎, 可惜! 我地 2:00 PM去左元朗公園, 阿丁今日個造型同 JOEY 差好遠, 因為 JOEY 冇換衫, 所以冇造型, 影左個幾鐘我已經開始累la, 冇計啦, 我果支係定焦鏡, 咁啫係要人肉變焦law! 平時經過元朗公園都入唔到去個塔, 今日終於入到la, 原來lee 個塔叫做百鳥塔，低層闢作鳥舍，高層係觀景塔，可環觀元朗市及天水圍, 個感覺又幾得意! 今日我同細囡都講左一句十中一就得架la, hehe! 5:00pm 入左翠韻同 JOEY, TINO 3 個人繼續練番 D STEP, 仲輪流跳住黎影相, 原來較快左個快門係咁影就得架la, chop chop chop chop chop......, 有 d 都影得幾正架, 番到屋企就真係累屎左, 我右大腿, 左小腿都好痛呀~~~

2008年3月8日

星期六

給你快樂就是我的快樂 今日又係驚喜大行動, 對上一次係上年既 7 月 10 日, 仲係我追緊佢既時候, 咁今日又係咩日子呢? 做咩要制製造驚喜呢? 冇架, 我話比佢聽我約左 Tammy 佢地食飯丫ma, 佢唔會估到我突然殺出既, 響毫無準備之下接收 lee 個驚喜應該會更加開心掛! 去超市行左兩個鐘, 兩個鐘都響個兩三行之間行黎行去, 終於搵到一個豐富既零食組合la, 跟住就要搵一個好大好靚既盒, 22"(W) x 16"(D) x 14"(H) 左右啦, 我響荔枝角行左 4 間都冇, 再由太子行到旺角行多 3 間都冇, 點算呀...... 好彩最後響女人街入面比我搵到我要既野, 番到公司砌好哂之後, 原本想寫野, 不過都唔夠時間喇, 唯有出發啦! 路途中搬到我手都軟, 一去到佢間 SHOP, 就見到 Pinky, Kennis, 岩哂, 入去坐住等, 當佢一行到出黎, 見到佢嚇親果個樣, 再加滴眼淚, 我隻手又唔軟lu!

2008年3月6日	星期四
記錄 顧住去玩, 兩個都好耐冇上 Angus 堂, 今日佢教新野, 而且仲要係好難, 好快, 跳到大家都投哂降, 雖然係咁, 我諗係因為用左小豬既歌, 再加小豬既 step, 大家都好比心機, 難得大家咁齊心, 期待完成後唔知會有咩效果呢?

2008年3月5日

星期三

公廁驚嚇事件 今朝廚師話整個精美早餐我吃, 登登登鄧, 自家製麥當勞蛋, 芝士麵三文治完成喇!!! 開初我聽到用麵黎夾麵包真係有 D 等如點等如, 突然間我諗喜娛樂金魚眼既炒麵三文治包, 哈哈! 下午去左元朗睇 PS.I love u, 幾好睇, 人地仲感動到... 夜晚約左佢個 FD 阿 VIC 食飯, 話好耐冇見, 想聚下, 點知人地阿 VIC 係約我食飯, 唔係約佢食law, (因為 sell 我買基金) 真係啞哂! 最緊張果 part 黎la, 送到佢番屋企, 好急好急, 但又費事入去打搞 Auntie, 咁就忍到去巴士站隔黎個新填地街公廁, lee 個公廁係要上樓梯既, 上到去見到有個人企響度望街, 突然間望左我一眼, 我照入廁所啦, 點知佢跟住我入, 我行左去廁格果邊, 佢繼續跟, 去到廁格果條通道 (即中間一條行, 左右都有廁格, 每邊約有 6 格) 就見到最尾果兩隔左右都有大陸佬行出黎, 我即刻衝入左邊第一格閂門, 今次都死梗la, 冇路走, 仲要有 3 個大陸佬, (再回想一下) 唔怪得岩岩有個男人響出面啦, 原來係睇水, 心諗, 方法得兩個, 一係報警, 一係等到出面有 d 聲, 博有人上黎柯尿, 就即刻衝出去, 於是我響廁所留左 5 分鐘準備要衝出去, 仲同 carman 講定如果我收線之後一分鐘打唔到比我, 你即刻幫我報警 (不過應該比人溶左架la), 好彩一開門衝出去成功離開, 我都唔敢再望入面有咩人喇, 出左面口我同自己講左句"真係嚇死我"

2008年3月4日	星期二
記錄 食完湯飯專門店, 再去食燉蛋, 之後就番屋企, 飲埋龍眼花旗參茶就訓lu! 阿 KEN 整親隻腳, 聽日番唔到工, 希望聽日唔好有 call 啦, 如果唔係又要掉底阿瑩架la!

2008年3月1日	星期六
樂都會麻雀大戰 Terry 冇野做(真係好唔慣叫佢做 Terry 或者梓峰), 我叫埋佢黎一齊打牌, 順便介紹 d 朋友仔比佢識, 平時勁搞難 GAG, 今日見到 Tammy, 阿樂, 佢竟然扮怕醜仔, =.=! 今晚響樂都會打電動麻雀, 由 6:00pm 打到第二朝 4:30am (8:00pm 放左一個鐘飯), 真係誇張! 今日我竟然去到最後一圈先黎慘敗, 包左小玲自摸混對, 唉...... 總結: 浩龍未有斬獲, 阿樂係雞仔皇, Terry 穩守突擊, Tammy 係大贏家, 小玲慘遭滑鐵盧, 我手多多包自摸! 我仲識得整壞壞地既自動麻雀檯tim!

2008年2月29日	星期五
中學同學大集合2 今晚好難得同十幾個中學同學食飯, 自從中學畢業後, 同 d 舊同學好少聯絡la, 各有各工作, 各有各的朋友, 亦因為咁, 中學時代最好的朋友都漸漸疏遠, 今日大家都肯抽時間出黎見見面, 真係好開心呀, 雖然話題變得唔同, 圍繞既都係結婚, 擺酒, 買樓, 生小朋友, 當中還留有不少熟識的語氣, 感覺! 唔知十年後既合照又會係點既呢?

2008年2月25日

專屬假期 - 威尼斯人遊 話說 2 月頭我已經準好澳門威尼斯人酒店既 package, 原本打算今日接佢收工, 之後就同佢講"我book 左位食飯, 帶你去丫", 但係又怕佢遲收工趕唔到班船, 咁就唯有出第二招啦... 早一個星期趁機會攞錢包出黎比錢果時就扮哂有秘密, 仲暗示唔可以比佢睇到, 跟住又將個銀包放響當眼位置再去沖涼, 雖然驚喜分扣減左, 但見到佢咁開心又可以減低當日既風險, 總算冇行錯! 行程 25/2 09:00pm 佐敦地鐵站等, 之後拿拿聲去信德個吉野家買左個牛肉飯同燒雞飯食, 仲加左 $10 有條魚! 去到早左少少, 即刻排後補位, 又比我地負碌上到 (我地差唔多係最後果兩個), 比原定時間早左半個鐘, 上到船一邊食一邊聽番果晚錄果段野, 笑屎我! 25/2 10:30pm 到達澳門碼頭la, 本來諗住咁夜冇專車要搭的士架啦, 點知原來仲有得搭, 真係好彩! 25/2 11:30pm 順利到達酒店, check in 之後要沿住右手邊的電梯上, 經過一個樓底好高既商場通道, 穿過賭場就到酒店房間既升降機大堂, 進入房間, 嘩...真係好大, 好靚wor, 間房有一個廳, 兩人房唔知點解會有兩張梳化, 仲要有兩部電視, 可惜時間已經太夜, 冇乜機會用房間既野, 去買 d 野食就休息啦, 點知周圍 d 野都貴到飛起, 星洲炒米 90 蚊law, 所以最後買左個星巴克既麵包食, 之後就訓 lu! 26/2 9:30am 一早起身就準備影相, 亂影一通, 當中都有 d 影得唔錯架(我覺得), 當然要有個靚 Model 啦, hehe! 影到最後一分鐘先 check out! 26/2 12:30pm 早餐又響星巴克食, 食左兩件三文治, 一杯咖啡, total $104! 之後就入賭場玩la, 記得對上一次已經係 4 年前同 fayma 佢地黎la, 上次好似得小玲 win 錢, 今次唔知我有冇運仔呢? 地方好靚, 每長檯都好寬闊, 荷官服務員有禮, 又好好笑容, 比起上一次真係差好遠! 我地乜都唔識玩, 於是都係玩番最易果樣"骰仔", 阿瑩好好運wor, 佢中左幾鋪, 我就輸左幾鋪, 張檯加籌碼所以冇哂人, 跟住我見搞掂之後都冇人玩, 我咪放左 3 個 50 蚊籌碼落 大, 4 點, 同埋 134 law, 點知 3 格中哂, 有個賭客行埋黎同我地講 "嘩...你咁撚勁既!", 笑屎左我同阿瑩, 真係好運呀, 哈哈! 26/2 4:30pm 行商場, 大運河, 有人扮石像, 有人踩高橋, 有人扮海盜, 有人扮船伕唱歌, 周圍既環境都好舒服, 加上可能係閒日啦, 行街食野都唔會有壓迫感! 26/2 5:30pm Join 埋 Tammy 入新蒲京再玩過, 全程都係睇佢地玩, 佢地兩個好激動呀, 響隔離睇都覺得好過癮, 最後阿 Tam 執到 d, 我地都執到 d, 之後就走人lu! 26/2 7:30pm 買埋杏仁餅牛肉乾, 就去最後一站帆船餐廳食蒲國菜! 26/2 10:00pm 太凍la, 冇去到漁人碼頭, 反而去左碼頭果度瞌陣, 11:00pm 準時回程! 如果冇記錯, 對上一次去澳門已經係 4, 5年前同思敏, fayma 佢地去lu, 今次同上次已經唔同哂, 周圍都係賭場, 周圍都起到好靚, 而最大既唔同就係多左你law!

2008年2月24日
安迪煮食 DIY 我味皇不嬲都用自己既方法煮 D 怪野出黎滿足自己, 今次亦唔例外, 我地今日會教大家煮一個"炒炸雞辣醬海鮮芝士雞肉炒蜆穀粉", 先介少一下材料: 蜆穀粉少許 海鮮 (蟹柳) 少許 芝士 (腸) 少許 雞肉 (腸) 少許 蔥少許 黑椒少許 麻油少許 蒜鹽少許 炸雞辣醬 6 包 (上次 KFC 食淨果 D 醬) 煮法: 用清水加熱煮蜆穀粉 8-10 分鐘, 將所有材料切切切切, 跟住落鑊炒埋一碟, 今日既 lee 味"炒炸雞辣醬海鮮芝士雞肉炒蜆穀粉"就完成la, 記得抹碟!

2008年2月23日

SHOW ON STAGE 今朝一個客既電話打亂哂今日既行程, 時間緊迫, 唯有分頭行事啦! 阿瑩先同我去攞番哂 D 零件, 之後佢番屋企變身, 我番公司整完野, 再番屯門, 再番公司, 再去 ELEMENTS, 橫風橫雨law 唔該, 我把"姐"反左幾次, 又同大家失散左, d 飛又唔響我度, 點算呀!!!!!! 好彩及時集合, 大家著好雨衣, 整好哂 d 衫褲就進入會場la! HEY YO~ SHOW ON STAGE 到達 26 行我地坐既位置, 依然係有雨, 又大風, 我地用左 15 分鐘先包好哂 D 袋, 最後黎個 SHOW 前既彩訪, 震耳欲聾既叫聲, 開 SHOW 喇! 06:50pm 天氣: 凍, 橫風橫雨 距離演唱會還有 1 小時, 阿瑩去左九龍站買野食, Joey 同 One Home People 班人一齊幫手派歌詞, 我岩岩趕到去會場 A9 閘, 混亂中... 07:10pm 天氣: 風時大時細, 雨開始減弱 我個電話不停響, 阿瑩: "喂, 我岩岩買完野食, Lee 邊封左唔俾行呀, 前面要上架專車, 我都唔知架車去邊架!" Joey: "你響邊呀, 我見唔到 A9 閘, lee 邊唔比行, 我依家都唔知點過黎!" 07:30pm 天氣: 風時大時細, 中級雨量 "好彩見到你咋!" 終於我見到阿瑩喇! 多左個人擔"姐", 終於有時間著雨衣, 不過我個身同個袋都好濕喇, 我地趁有時間再黎幾個自拍作留念! 07:40pm 天氣: 微風, 細雨 有人好大聲咁叫 "ANDY 響唔響度, 有冇 ANDY?" 終於齊哂可以進入會場la, 入場其間我地勁攞免費雨衣 6 件! 08:00pm 天氣: 間中幾滴雨 包好哂 d 袋, 仲有雨衣多, 比埋隔黎果兩個朋友仔, 我地仲一齊影相tim! 黎一個開 SHOW 前既彩訪, 演唱會開始了! 今晚 SHOW ON STAGE 做型正, 編排緊湊, 豬哥又識搞氣氛, 又搞笑, 由開場到完場, 全部人都企哂上張櫈度, 無論平飛貴飛, 所有觀眾都 HIGH 爆, 完 SHOW 之後仲要係 8,9 成人全部人死都唔肯走, lur 到人地工作人員出黎講野, 可惜最後 lur 唔到! lee 個係我第一次睇到 high 爆既 show, 希望會快 d 有第二次既演出啦!

2008年2月22日
突如其來的假期 上午 remote 做完野, 下午第一站去左屯門市中心跟埋 d 野, 再去置樂, 搞掂之後就開始假期la, 食住響街邊小食黎行街, 咦...咁既鐘數撞到阿榮響度買 game, 又會咁得閒既! 行下家俬店, 比人捉住左係咁 sell, 拿 lee 張床褥係連鎖彈簧, 你訓響度個感覺就會咁咁咁架, lee 張床褥係獨立彈簧, 個感覺又唔同個 bor, 就係咁...我地玩左個幾兩個鐘, hehe! 番屋企食下飯一齊洗下碗, 開始要諗定聽日同下個星期一既行程la, 早 d 休息, 叉爆電留番聽日用先!

2008年2月21日
緊急調動 ring ring ring "喂, 我聽日突然間放假呀!", 吓......咁突然! 我就將 d 野換轉哂黎做, 夜晚去埋中環兩個客度先走, 搞掂哂都成 9 點lu, 今日識左另一個鬼仔, 好有耐性, 好 nice 呀! 響蘭桂芳見到有人拍戲, 行多兩步又見到 d 明星仔, 話時話, 我好少 lee 個鐘數會響度出現, 所以有少少大鄉里tim! 約左阿瑩銅鑼灣等, 見到佢響 SOGO 門口條柱度, 我就兜去佢後面...... 有冇嚇親先? 叮...今晚晚飯由銀仔決定我地去壽司亭食, 諗住探下朋友, 點知一個二個都收哂工, 好彩小敏幫我打個電話比 SHOP, 唔該哂! 好耐都冇食過牛肉刺身, 煱燒烏冬, 芥汁牛柳, 點解 D 質量差左架, 有點失望! 食完癲拿大家都唔想行la, 決定番屋企抖下, 吓...咁都可以當眼罩, 勁!

2008年2月18日
新味軒的強仔 今日起身番工, 突然間想變身, 結果我接人收工果時睇到人地個反應就知度真係有新鮮感! 咁耐冇食新味軒, 黎番 lee 間定情茶餐廳先, 食飽飽見到隻小小強響個玻璃門度行黎行去, 我地響度作故仔, 睇住佢由新之城行到去百老匯, 再響百老匯行到去家樂, 真係好無聊, 哈哈! 之後去左隔黎海記食糖水, 個芝麻糊靚唔靚呢? 真係特別好食架! 今日我地又多左樣野玩...朗誦腔, keke!

2008年2月17日	02:20am
為感性的你打氣! 如果不是電影人, 不是熱愛電影的話, 一個人看電影試一次便足夠, 大概是為了觸摸孤獨的感覺, 自然自語的感覺, 當然你可以看作自得其樂, 但走入這氣氛, 這旋渦, 令一向帶給朋友暖心的你, 變得冷, 你可以嚮往一個人的自由, 享受一個人獨立的感覺, 但請不要把一個人的孤獨感變成習慣, 希望往後的日子可以看到你更多正能量的 MSN INFO! 祝生活愉快!

2008年2月15日

中學同學大集合1 今日冇番工, 一訓醒就好想 BOOK 場出番身汗, 但又係我條懶蟲law, 於是響屋企食媽子整既好好味芋頭糕同年糕醫肚, 喉嚨唔係幾掂所以唔敢煎, 蒸出黎既糕一樣咁好食, 一邊睇 C+偵探一邊食, 不過唔好睇既... 訓多左一轉先出去, 執定哂衫預備食完飯去跳, 始終咁耐冇見, 一定得個悶字, 唯有食完飯即閃! 去到金田日本料理門口見到大家la, 有阿智, 阿智兩個仔, 阿榮, 嘉儀, 阿斌, 梓鋒, 家華, 汝亮, 詠欣, 阿豐, 阿豐女朋友, 食飯下次都係唔好黎 lee 度la, 食野就真係 ok, 不過傾計就唔好la, 今晚同大家都傾左好多, 最估唔到係我一路唔敢同家華講野, 因為我怕佢係番工, 進修果 d 悶人, 點知今日先發覺完來唔係架! 上左嘉儀屋企玩, 打麻雀, 打 wii, 阿斌阿亮都玩相機, 今晚個感覺好好呀, 大家好似仲留有兒時既貪玩性格, 有 d 似番番去讀書時代一齊玩既感覺, 突然間好想有多一點既聚會tim! 嘉儀: 唔知你仲有冇睇我個版既呢? 真係好想多謝你熱情既招待, 夜mama 下次唔好送我地la! 見到你地依家咁幸福, 真係好開心呀!

2008年2月15日

唔好玩啦! 今日去到個客度做野, 平時同個收銀都有兩句既, 但今日發生左件標冷汗事件, 收銀小姐:HI, 你黎整機拿? 電腦維修人: (我點一點頭) 收銀小姐:人地 HI 你, 你做咩唔應人wor, 唔彩你呀! 電腦維修人: (=.=!) 吓, 我同你點頭wor, 你睇唔到咩, 咁我依家 hi 番你啦! 收銀小姐:哼...... 電腦維修人:經理, 整好la, 仲有冇其他野要我幫手? 經理:冇啦, 你睇下收銀小姐有冇野要你幫手! 收銀小姐:冇啦, 人地都唔彩人, 邊咁叫人地幫手丫! 收銀小姐:你咁衰, 下次唔搵你la, 我搵阿 KEN! 電腦維修人:(我又心諗, lee 條女咩事呀, 平時都唔係咁個wor, 今日食左咩屎!) 電腦維修人:唔好咁講啦, 有咩要幫你跟, 我幫你整埋先走啦! 來回幾個小問題之後, 我準備走人, 點知...... 收銀小姐:咦, 你整完之後去邊呀, 係咪要番公司呀, 你公司響邊架? 電腦維修人:都 6 點la, 我收工架la! 收銀小姐:吓, 乜你咁衰既, 咁早都唔番公司, 咁下次整完野過黎接我收工! 電腦維修人:(嚇到我連屎都標埋出黎)er... 唔好玩啦, 你收咁夜, 哈哈哈! =.= 收銀小姐:我收早果時咪得law! 電腦維修人:唔知仲有冇野要幫你整呢? 收銀小姐:冇喇, 啊...不如你搵日上我屋企幫我整電腦丫! 電腦維修人:hahahahahaha, 唔好玩啦, hahahaha, hahahahaha, 如果冇野我就走先la, hahahahaha! 走果時真係唔敢望番轉頭law!

2008年2月14日
非一般的情人, 非一般的情人節 沒有訂檯, 沒有花, 沒有禮物的情人節, 我們到了這間 ME TOO 餐廳吃晚飯, 一天工作過後, 沒有多餘的氣力談情說愛, 簡單的見面便已足夠, 充足的休息把精神留待我們的專屬假期吧!

2008年2月13日

舞林大會 Party 今日班長阿丁約左大家到尖咀 Neway 玩, 雖然有 d 人冇黎, 但我地加埋都有 16 人, 好熱鬧! 首先要講既係 Samuel 好唱得, 原來佢簡中要幫手出 show 表演架, 唔怪得咁勁啦, 另外有個新朋友仔唱得好似 JANICE, 都好好聽呀, 個個都咁勁, 好彩我地都有個唱得架 jack! 講番新朋友仔先, 黎左一個樣子連女仔都話好靚好可愛既女孩子, 當然今晚佢亦成為左焦點啦! 食到咁上下, 唱到差唔多, 進入主要項目, 我地分左 3 組玩超級無敵馬拉松, 第一回合 Angel 勇不可擋, 對住兩個師兄亦不甘示弱, 最後以小小爆冷入圍! 第二回合我用左一個教過 Joey 既簡單 4 拍, 點知大家搞唔掂, 所以我都順利過關, 最後就由我地果組勝出la! 成晚既焦點就響兩個扮唔識跳既阿妹, 同馬面度, 3 個人既演出睇到大家呆哂, 有嚇呆, 有笑呆, 總豁黎講今晚真係好好玩, 最後重有人手動扮 disco 燈黎唱 X 派對tim, 正!

2008年2月11日

當我們宅一塊 愛過來 當我們宅一塊 就算沒有豪宅 屋屋屋屋 滿滿愛 親過來 讓我們宅一塊 跟你窩著棉被浪漫過冬 幸福的宅 無時無刻對幸福的期待 (why) 有時你無理取鬧的可愛姿態 (吼~) 每天我的心臟都快跳出來 (噗通) 不知你有沒有感受我的眼神煞到愛 (YO) 完美型男遇上可愛宅女就被打敗 搞不懂你還會教狗狗12連拍 (喀擦) 你說你的生活 拒絕無賴 跟耍賴 只想找個真愛 真愛 請你別再懷疑我的心意 我只想要跟你宅一起做甚麼都可以 看個幾片 DVD 打個wii (OH Everybody love in house) Lady Lady 憂鬱拿去貼牆壁把我的愛放在你心底 (READY) 跟我愛一起! 跟我宅一起! 每一天都Happy! 如果你期待愛 生活愉快跟我幸福百分百 我也可以很宅 就為了愛 你也別大驚小怪 快把愛說出來 OH~ 愛過來 當我們宅一塊 就算沒有豪宅 屋屋屋屋 滿滿愛 親過來 讓我們宅一塊 跟你窩著棉被浪漫過冬 幸福的宅

2008年2月11日
我們宅一塊 (4) 早晨呀! 今早起身就要準備食材, 先準備忌廉, 貝殼粉, 醃牛肉, 醬汁, 搞掂之後就開始我地既拍攝! 兩個都唔識煮野食, 估唔到整出黎係咁好食, 特別係黑椒牛柳絲炒貝殼粉, 真係唔係讚自己, 係真係好食, 呵呵! 洗埋 d 碗, 睇下碟, 慢吞吞又 4 點, 那那聲出去拜年, 再一齊食飯, 今晚發現左完來 Auntie 好鍾意食帶子刺身, 仲同我一齊勁響度研究邊碟大粒 D, 個 PIZZA 來到, 我地呃阿婷上面果 D 木魚花係蟲蟲, 嚇到佢唔係好敢食, hehe! 之後趕番落尖沙咀 Join Tammy 佢地, 今晚出席既人唔係太多, 全都係熱門出席人士! 今晚既話題依然都係愛迪生事件, 最好笑既係 Tammy 買左件羽絨比人話佢唔識野, 跟住佢講左一句"我天真, 我蠢, 我會努力工作同埋會積極面對我既人生!"

2008年2月10日
我們宅一塊 (3) 佢個鼻抵受唔住咁凍既天氣, 唯有帶住個口罩啦, 哈哈! 個樣好似柯柏文呀, 我仲忍唔住因應唔同既情況幫佢改左唔同既花名, 就係 Aliment, Osman, 柯柏文! 下午 NDS 大戰一番, 勁煲奧運會既藍球, 阿展太勁, 成日都 5百幾, 冇得玩!晚飯後去公園散步, 再去超市買食材準備明早玩 COOKING MAMA 真人 SHOW, 番屋企睇埋千杯不醉, 講下 d 無聊野, 休閒的一天! 雖然每天都只是簡簡單單的日常生活, 但這淡淡的味道令我深刻每一個細節, 我不要麻的, 辣的, 刺激的, 我愛上那淡淡的, 每當輕閉雙眼都能細嚐的那份綿綿感覺!

2008年2月9日
我們宅一塊 (2) 下午湊埋婷婷去睇長江七號, 肥豬婷平時食咁多野, 嘩...真係好重呀, 抱到我兩隻手都冇哂力, 趕頭趕命去到戲院, 原來唔係 5 點 4, 原來係 5 點 40 分, 梳尼梳尼! 第一次 3 人行, 湊住一個咁乖咁叻既細路女真係好開心既, 我喜歡小朋友嗎? 我一向都喜歡, 由其是阿婷 lee d 我會更加喜歡, 但永遠都係睇同玩就好, 養同教就難law! 番到屋企齊哂人食飯, JOEY 響公司攞左 D 靚羊架番黎, 鹽燒羊架好好食呀, 估唔到阿妹 D 廚藝叻左咁多! 食飽之後又黎開賭, 阿展係咁 black jack 我, 仲要鋪鋪買廿, 三十蚊, 差d 比佢做瓜左, 好彩今日要咩牌有咩牌, 次次叫親 3 邊, 都一定叫到, 係間中頂爆law!

2008年2月8日
我們宅一塊 (1) 年初二, 上左瑩屋企諗住拜年, 但屋企人夾唔到時間, 唔緊要啦, 見冇野做佢播左餅帶比我睇, 咦...Lee 個邊個黎架, 唔會係你下馬? 吓...成個明星咁wor, 唱得跳得, 唔係真係你黎架下馬? 真係比佢嚇左我一跳, 原來你表演果陣好有吸引力, 超正! 響屋企 hea 完就出發同佢 d 朋友仔食飯, 新朋友阿 MON 要湊B女, 我地咪幫手推 BB 車law, 點知比大家笑tim, 仲話比個機會我地實習下, =.= ! 今晚去左食 pizza hut, 有人冇得食大蝦沙律, 比我睇到個衰樣, hehe! 試左新果個芥辣醬 pizza, d 味好似章魚小丸子, 味道一般! 食飽後影合照, 回家去!

2008年2月7日

鼠年的年初一 新年快樂, 恭喜發財, 快 d 祝我生意興隆啦, 或者祝我康富來都得, 健康財富滾滾來! 大年初一例必到大舅屋企拜年, 今年亦唔例外, 齊哂人之後大家傾下計熱鬧一番, 今年仲多左個幾個月大既小寶寶, 好肥好多肉呀, 兩個面珠既肉好似就跌出黎咁, 玩完阿 B 就要進行下一個節目 --- 打麻雀, 開左兩台, 分別係全沖同圍沖兩台, 我地用 5 個鐘打完 16 圈, 隔黎果台先打得 10 圈, 好彩冇坐錯台 jack, 雖然係快, 但我出左一鋪 10 番, 一鋪包自摸 6 番, 輸屎人! 阿姨帶左佢印度朋友整既正宗咖喱小食比我地試, 我食左好多呀, 食到咀都爛, 但係真係好食到唔停得口! 番到天水圍城, 好凍好凍, 我地入哂阿豆間房開埋暖爐, 嘩...好暖呀! 學阿 JIN 話齋"新年流流咪又係逗下利是, 飲吓茶打幾圈唔係嘅咪鋤 D", 今晚 D 十三張真係串, 揸左幾次同花順, 3 條頭, 擺條啤滔夫睇真 D 原來又報到, 勁呀!

2008年2月6日

年三十晚 今日係年三十, 公司急既野都做哂la, 留番下個星期先做! 以前公司有得收早, 一定會趕頭趕命要準時走人, 但依家放左工都好多時唔想走住, 於是我響公司執下野聽下電話, 搞到 6 點先走, 入到去大舅屋企真係好........凍! 今晚既話題圍繞住今晚既餸, 豬肉貴左, 冇得養雞所以冇新鮮雞, d 花膠 8 佰幾蚊斤, 同埋重頭戲係十幾人當中, 只有我細佬條脷分得出邊隻冬菇係貴野, 厭尖食神果然係厭尖食神! 話時話, 以前自己養果 d 雞真係好好食, 對上一次就係唔比養家禽, 局住一獲過分哂大舅果廿幾隻雞, 搞到成個星期日日都食雞, 以後都唔會再有咁肥既雞食lu! 矛盾達人想去維園行花市, 但係又唔想迫, 於是轉去旺角啦, 唉!佢又覺得維園有氣氛d, 最後我都知唔洗突登去諗解決方案架, 因為你越幫佢諗就會越矛盾, 你唔幫佢諗佢就自己會解決, 拿拿拿, 都話架啦, 最後都冇行花市law! 其實兩個人去邊都一樣咁開心啫! 值得一記既係... 1.買左一件平都嚇親人價值 98 蚊既大褸 (暖笠笠, 暖笠笠) 2.食魚蛋粉找多左廿幾蚊比我! (yeah!yeah! 真係橫財就手呀!) 3.新年不如整指甲啦, 放咁多日假可以靚幾日wor, 不過拆果時好鬼麻煩個播, 但係新年又想靚wor, 不過依家咁多人排隊, 都係唔好la! (十五分鐘之後) 依家冇人排和, 不如都係整啦, 整咩色好呢, 咩色好呢? 唉! 自己隻手都唔靚, 都係唔整la, 慳番! =.= 4.塞車塞得好勁, 佢響小巴左邊單人位, 我陪佢傾住計行左一條街, 哈哈!

2008年2月3日
JIN 超勁 rapper!!! 之前都有聽過歐陽靖既歌, 睇過佢 YOUTUBE 既片, lee 兩日搵到佢 ABC 果隻碟, 聽到我上哂癮, yo! 歐陽靖(Jin Au-Yeung)1982年6月4日,被稱為Jin, Jin tha MC, The Emcee, 100 Grand Jin是一位美籍華人說唱歌手。他是第一位登上唱片榜的亞裔美國人。佢既 rap 同香港既 rapper 比即刻聽到個分別, 好勁呀!

2008年2月1日

尋寶 睇左幾日la, 都唔岩心水, 今日入左 agnes b, 兩個 sales 勁落咀頭, 你知啦, 我都唔識 lee d 野既, 咩叫款咩叫靚料, 我都唔識家ma, 於是我急 call 阿 TA 幫我入廁所同我 3G 幫下眼, 既然 3 個女仔都話lee 個好, 好啦好啦, 就決定 lee 個啦! 做好哂 d 野, 番公司 Join 埋阿熙食飯, 去食小金井, 食左好多野, 兩個男人米鬼響條街度爭埋單啦, 日後繼續幫我手就得啦! 最衰阿瑩趕唔到過黎啦, 我仲有半條魚未食架, side 哂! 同佢食小小野之後就番公司, 跟住...... A:不如同你玩個遊戲丫, 你唔好望先... C:好呀! A:依家公司熄哂燈, 你只可以用個電話既光搵下一 D 唔見得光既野, 搵到就係你架la! C:咩黎架? 咁黑...點搵呀! 見到佢響個唔見得光既禮物度行黎行去, 真係勁好笑! A:你小心呀, 米撞爛哂公司 d 野! C:咦...咁大個既, 嘩...嘩...好靚呀, 金色既, 咩黎架? A:自己睇啦! 佢睇到之後就用震音黎叫左我個暱稱一聲 ~ ~ ~ ~ ~

2008年1月31日
服務承諾 響公司磨時間, 磨到 8 點諗住過去同佢食飯, 點知銅鑼灣出左事, 雖然今日唔係我收 call, 為左服務既質數, 我即時過去跟, connect server error, 全部機都用唔到, 唯有啟動後備功能啦, 要大家頂左半個鐘, 好彩都唔係太難搞, 真係唔洗唔該我lei, 整個刺身船黎食下就得架la, 哈哈! 搞掂搭番 116 過去, 一落車已經有人響度食風食到飽哂, 辛苦哂! 今晚去左新味軒既前身"唔記得叫咩名"餐廳度食, 兩個小菜都係甜既, 唯一正既就係 d 味精湯好好飲! 今日我第一次帶冷帽, 覺得好似好樣衰, 個頭太大, 帶到好怪!

2008年1月30日
團年飯 08 今晚食團年飯, 未夠鐘 4 個人去左諾士佛台飲杯野黎個熱身先, 值得一記既係, 我係難gag 皇同埋小美兒問"你會黎接我家ma!"我答"你估我會唔會丫拿?" keke! 熱身之後就去妹記大排檔, 等齊人la, 勝!!! lee 間大排檔飲酒係用碗黎飲架, 薑蔥屈蠔, 椒鹽魷魚咀, 唔知咩雞, 幾好食丫, 多謝每位 65 蚊! 劉妃好有心思整左禮物送比大家, Tammy 就買左 d 手鐲女仕們, 連阿瑩都有份, thanks! 今日對我黎講深刻的是... 大家都響度討論藝人照片, 謝寶寶就黎出世, 大家幫手改名, 芘芘個 look 咁樣都幾好丫, 思敏一年去三次旅行, 幸福小女人! 之後我冇去食糖水, 攞番 d 相比阿瑩, 同阿婷玩左成晚, 再打多轉邊爐tim!

2008年1月28日

矛盾之達人 一個在旺角街頭無聊情侶的對話: C:咦...原來 lee 度有間 greenbox 和! A:係呀, 不嬲都有架啦! A:點呀?今日想食咩呀? C:食日本野啦! 我都無所謂, 不如你話事丫! C:都係唔好la, 壽司凍冰冰! A:咁你會唔會話想食d 咩菜先? C:你簡丫 行行下, 我見到一間土耳其餐廳, 想入去試, 但見到佢 D 眼神我就知佢唔多想! A:不如我地今晚都係食日本野啦! C:好丫, 咁食日本野啦! (=.=) A:如果 lee 條街食日本野, A 店同 B 店就會比較抵 A:LEE 間好唔好? C:下 lee 間好似唔多企理! A:咁一係去另一間啦, 都 OK 架! C發脾氣:你唔想食咪食平野law! 我唔想食 lee d 日本野! A:附近都係 lee d 級數既日本野law! 咁你想食邊間? C:er... A:間間都係咁上下個bor, 一係去番別記, 果度 d 經理一定好好服待 C:算啦, 唔洗咁遠啦, 瓊華是旦一間la! A嬲:如果要好 service, 唔係別記, 就壽記架啦, d 經理識我丫ma! C:算啦, 唔洗啦...... A嬲:唔咩洗 jack, 行啦, 怕左你呀! 去到瓊華, 等緊電梯既時間...... C:咦...乜 lee 度有 neway 架咩? A:huh, 講咁耐其實個心就係想去唱k! C:唔係呀, 我問下之ma! A:唔怪之得一開始就睇 Greenbox d 野啦, 扮咩丫你, 行啦! C:hehehehe............. =.=

2008年1月27日
陪與分期 阿展叫我陪佢去睇電話, 睇到咁上下, 佢同我講原來我今晚既作用係出黎幫佢做現金平價免息分期, 啫係我比現金, 部機就會平d, 然後佢分期比番我, =.=!

2008年1月26日
嘉儀的新居 嘉儀搬左新屋, 約左今晚去嘉儀屋企打邊爐, 間屋乜都齊哂, 廚房略為細左 dd, 整體黎講兩個人住地方好夠用, 簡簡單單真係唔錯, 個會所先勁, 靚到呢...... 發展商為左吸引多 d 人黎睇樓, 有免費 starsbucks 飲, 我地 5 個都唔執輸! 我真係想飲多杯架, 哈哈! 數數下都唔知幾耐冇見過la, 今晚聚會都真係好難得, 肥蔡攞左好多結婚相比我地睇, 嘩...真係好靚, 好有心機, 好有心思, 識你咁耐估唔到你原來係咁有心思既人! d 結婚好靚, 阿嫂話婚紗鋪叫佢地做代言人, 如果去到鋪頭會見到佢地 d 相, 嘩...勁... d 相真係好有 feel! 今晚既話題係擺酒, 影相, 同埋擺酒影相, 見到佢地咁開心, 真係好可惜當時我唔在場, 唯有睇片 補數啦! 今晚既聚會令我個腦諗左好多野, 唔知前面會有乜野新奇既事會比我遇到呢?

2008年1月24日
天寒地凍做運動 今晚得 9 度, 但係又唔想響屋企無無聊聊, 於是就同 Joey 兩個人去左翠韻, 兩個人真係好 free, 用左大半個鐘黎拉根, 我d 根拉極都係咁緊, 雖然係 9 度, 但係我地跳到出哂汗呀, 跳左兩個鐘, 兩個都散哂! 跳完打比人地, 點知...人地燥底, 咁小事都嬲唔似佢平時既性格, 睇黎係有人惹到佢啦! 我醒目仔黎家ma, 當然被過哂 d 危險位啦, 加上大家認為我果 d 唔好笑既爛 gag, 好多時都響 lee 個時候用得到, 真係袋住幾個傍身, 有事都唔會頭痕!

2008年1月23日
安迪老師 今日約左做 training, 早半個鐘上到 head office 準備 d野, 吓...點解有部 DV? 唔會係要黎拍我掛...... 原來佢地上拍低方便將來可以用黎參考, 好彩我唔洗入鏡! 講左 3 個半鐘, 口水乾la, 講講下仲要兩個老闆坐埋響度一齊聽, 咁悶既 training 有咩好聽呢? 搞掂就緊係秘密咁等埋阿 TA 啦, 邊行邊傾, 陪左佢去馬沙買野, 原來有酬勞架, 就係好味馬沙餅一包, 多謝哂! 因為真係好好味!

2008年1月22日

激光, 光子, 彩光 今日我地再去水上明珠, 有經驗之後成個過程都順暢左好多, 好笑既係響休息廳岩岩睇左一套好無聊既搞笑港產片, "淺吻, 深吻, 咬吻, 唔知咩吻......" 笑屎左我! dup完緊係去搵野食啦, 搭地鐵去老街, 出閘果時我...我用八達通law, =.= 叫左你唔好聊我講野架law, 勁樣衰! 食烤土豆, 麻辣炸雞翼, 烤肉餅, 我個喉嚨頂唔住la! 今次去多左一個新奇既地方, 就係美容批發廣場, 睇到好多未見過既野, 哦...原來 lee 個係光子, 哦...原來 lee 個又係光子, 光子要黎做咩架? 光子可以減肥, 光子可以嫩膚 光子嫩膚 光子嫩膚屬于激光美容的範疇，是在激光技術基礎上發展的一項新技術。光子即強力脈沖光，和傳統激光的單色光不同，它採用全光譜光線，等于是各種激光的組合，可以同時解決臉上的多種問題，彌補了激光治療的不足。另外皮膚可以對七色光譜有選擇的吸收，發射出的光束只對色素 團起作用，對正常的皮膚組織沒有任何的傷害。 光子嫩膚整個療程通常由５次組成，每次大約需２０分鍾。過程快捷、簡單，一次性同時治療整個面部瑕疵。 光子較溫和，能量比較低且安全性高，屬非侵入性療法，治療完後不會留下任何疤痕，不須恢復期，每次治療後可以立即恢復正常生活和工作，是目前理想的科學美容方法。 臨床證明，光子嫩膚可以使消費者保持2-3年的效果。在國外，不少女性都會根據自己皮膚的情況選擇光子療程，每隔3個月左右治療一次，作為皮膚保健的的長期手段。 因為年齡和長期紫外線輻射等外部環境的原因，25歲之後，皮膚表面就會出現許多瑕疵，也會出現不同程度的老化，光子技術可以幫助消費者解決這兩個方面的皮膚問題。 就係咁, 今日上左一堂初階美容理論課程!

2008年1月21日
冇穿耳帶耳環 今日時間太緊迫la, 趕唔切去土瓜環, 所以就去左大家既中間位"黃埔"食飯, 食上海菜, 唔好嫌我煩唔好嫌我婆仔啦, 不嬲都要計下點先最底架ma, 我lee d 叫精打細算! 番到屋企林太留左一大煲雞湯比我地, 飽到呢...... "咦...咩黎架?" 無啦啦見到 d 銀色野響檯度, 跟住仲帶左上隻 耳度扮耳環, 完來係細佬開左對新襪果 d 銀色夾, keke!

2008年1月19日
對你說... 每次我望真你, 平平淡淡之中抱你雙手都興奮, 一天過後有你抱緊, 有你縱壞已忘記辛苦, 多得你的深愛, 這最動人的愛! 今日約左響美孚等, 之後去左青衣行下, 行之前入左 KFC 醫飽個肚先, 我地兩個人加埋都係叫左 3 件雞, 但我地兩個用左 6 包辣醬, 臨走都仲攞多 3 包, 兩個食醬怪, 真係好誇張! 之後響青衣城出面個海濱公園行下, 坐響度傾到十二點, 當晚真係好凍, 好彩兩個人一齊先咁暖咋!

2008年1月18日
對上一次的羊腩煲 今日既兩個 Job 都好有滿足感, 最正就係我用 d 唔係英文既英文同個蘭桂坊鬼仔傾左個幾鐘, 個鬼仔幾型仔, 又大隻, d 中文粗口仲...wow wow!!! 最正係佢肯比錢law, 所以今日心情特別好! 夜晚同阿瑩去食羊腩煲, 黎la黎la, 點解咁大煲既, =.= 再叫左肥牛同埋菜, 兩個人自成 一角, 睇下電視, 又偷聽後面張檯講野, 食到d 人都走哂我地都未走, 勁! 記得上一次食已經係好耐之前同阿均, Fayma, Vincent 食la, 一年又一年, 大家既感情收響個心入面, 要約齊人, 要好似當年咁出黎食一個飯 ,玩一次, 睇黎真係唔容易! 睇番自己, 以前在我身邊緊守崗位的人, 一個一個咁變, 我最重要的, 重視的, 可唔可以一個都唔變? 我在幾位心中的位置又有變嗎? 如果真係變, 係因為我這年紀的關係嗎?

2008年1月15日
大陸入貨記 3 年幾前曾經番過大陸入貨, 今日終於要上去補給, 行到腳仔軟, 好彩都比我地搵到好價錢既正野, d 人見到我地買咁多野, 又幫手搬, 又幫手搵的士, 之後番公司途中, 個客打黎, 我揸住個電話, 隻手勁震到, 好彩個客冇話收得唔好jack! 雖然好累, 膊頭又痛, 不過番到公司執到滿哂又好鬼開心, 辛苦D 都值得既! 夜晚幫個客跟埋 D 野, 瑩佢黎見下我wor, 真係好架! 噢...9:30有多先去到思敏個生日飯局, 其實我...真係好累! 今日比意大利搶哂風頭啦, 下次可唔可以教我意大利吹呀?

2008年1月14日
第一個專屬假期 早晨呀......上次你煮比我食, 今次我煮啦! 兩個人食 3 個人份量, 都唔明你點解唔肥! 喂...今日我地去邊好呢? 不如...突然間兩個人殺左 上大陸既, 去到有好似八兩金既人黎左接我地去水上明珠, 各自卒完老泥之後休息廳集合, 幫我按腳果個都幾靚仔, 咩話...同你換? 你就想 la! 兩個師傅為左搞下氣氛, 竟然話我 23 歲, 你 21 歲, 我就似啫, 你就... 一邊 dup, 一邊聽番一d 代表我地兩個感情轉變既歌, 正! 埋單la, 吓...3 個鐘既按摩, 加兩碟炒野, 飲品連生果, 每人唔洗 130 蚊, 真係要學 fayma 講句, 好滿足呀! 烤土豆, 唔知咩肉包, 好好食架!

2008年1月13日
尋找最愛的相處模式 今日阿瑩收得晏左, 我響五十嵐買左個豬扒飯佢食, 食飽一齊睇埋茶煲阿四, 跟住就講下大家既野, 分享下, 傾到訓覺, 真係好, lee d 就係我最愛既簡單生活!

2008年1月13日
一講錢就冇意思 幾個月都冇試過響碟翠聚集la, 唔敢叫太多人, 最後都有十幾人, 真係熱鬧, 多謝大家既比面, 最唔好意思就係有人想搵錢, 唉, 搞到失左個 意義......此終都係我地幾個翠韻既兄弟姊妹會開心d!

2008年1月12日
豬老師的影展 同 TAMMY, 小玲, 浩龍去左豬 SIR 個影展, 見到豬 SIR 同打打果份熱誠, 覺得佢地真係好難得, 好合拍, 我呢? 我 LEE D 小人物, 小角色可 以有咩抱負呢? 真係好佩服佢地! 嘉敏過左黎搵我, 佢企響個門口心大心細咁, 終於入黎見下大家, 似乎又冇想像中咁緊張wor, keke! 我地 4 個去左唱 k, 唱左唔夠 15 分鐘, 我就唱到喉嚨痛, 唯有觀戰啦, 下次要再唱過先得, 仲要係勁大班人果隻!

2008年1月8日
又會咁岩既 尋日同阿瑩食完飯, 佢梗係以為我今日唔會黎, 當然唔會比佢估到啦! 去佢公司搵佢, 點知瑩媽媽同阿婷去左搵佢食飯, 心諗"都唔知走好定一齊食好!" 佢黎遠見到我果個開心樣我都係頂唔住, 於是我地又多左個機會一齊食飯, 值得一記既係, 離遠見到我興奮到大叫我名, 上海鋪好燶既豆漿, 抱阿婷好重, 咩左瑩行好遠路, 再加上我地 3 個拖住一齊行! 之後有石春路, 公園扮阿伯!

2008年1月7日
面試 x 2 今日雖然休息, 見順路就番公司做埋些少野先去美孚! 早左半個鐘我已經搵定位la, 梗係啦, 話哂今日第一次見係要做得好 d! 如果要我自己 比分, 今日都應該有 8 分, 幾好幾好! 上到去阿麗屋企, 兩個等緊"關秀眉", 我就同兩個小朋友玩啦, 玩玩下, 佢地兩個當左我係遊樂場果 d 野, 響我個身上面爬上爬落, 仲要係兩個同一時間果下先大獲, 同佢地玩左兩個鐘, 仲累過番工, 不過見兩個細路咁鍾意同我玩都幾開心既! 夜晚再去另一個飯局, 好彩大家對我都幾好, 叫做又過一關啦, 今日 D 笑容搞到我個面部肌肉好累呀!

2008年1月5日
康復後的轉變 為左配合我地既假期, 今日開始, 逢星期六都要番工la, 自己一個響公司特別集中到精神, 計埋 d 數, 入埋 menu, 仲有時間搞埋自己部電腦, 自己一個食 lunch 都係買個飯盒算數, 我張檯好亂, 又係時候執下張檯! 老豆生日, 一家人一齊打邊爐, 你話我懶又好, 求其又好, 簡簡單單可以齊齊整整咁響屋企食, 唔係幾好咩? 打麻雀打到天昏地暗, 似乎都係 同屋企人會打得快 d 搞笑 d! 今年係老豆好番之後既第一個生日, 似乎康復後的確令佢豁達左 d, 係架, lee 個都係我成日提醒自己既野黎架 , 當然叻既人就係要具備一份執著啦, 但生活得開心既人就要必備一份豁達wor, 我都係做番一個唔叻既人算啦!

2008年1月3日
切 我個鼻敏感越來越嚴重, 唔知有冇野可以舒緩下既呢? 真係想切左佢出黎, 今日就係因為佢, 搞到我響個客面前係咁 felee 啡ne, 仲要睇左 290 蚊醫生, @,@

2008年1月1日
2008熱鬧的序幕 阿姨佢地黎哂打邊爐, 表弟表妹帶哂男女朋友黎, 今晚 16 人一齊食, 好驚呀! 唔知係唔係預料黎緊既時間都會咁熱鬧呢? 係就好la!

2007年12月31日

完美的句號 食完早餐開始我地今日既節目la, 去左銀座睇蜜蜂電影, 入到場見到兩個小朋友, 一個大隻 d, 一個細粒d, 兩個都咩住個背囊, 好似阿笨與阿占呀~ 佢地開唔到支氣水, "不如姐姐幫你開丫?" 阿瑩開完之後, 好細聲咁同我講想食佢一粒爆谷law =.=! 講番套戲先, 幾好笑, d動畫正, 配音都幾好, 鄭融把聲姣得滯, 整體比想像中好, 值得一睇, 最正就係響停機坪起飛果一part! 之後就去左行傢俬鋪, 比左好多想像空間大家, 幾得意丫! 番屋企食埋飯先出去, 嘩...咁多送食唔哂tim, 岩哂佢帶飯啦, 栗子雞, 魚香茄子, 菜菜菜, 最後果盒送係兩個人食都有多! 出到尖咀周圍既情況都惡劣, lee 度又唔行得果度又唔行得, 仲有唔夠一個鐘就倒數la, 好彩阿丁叫我地上中港城上面jack, 個位置估唔到咁正, 好似好耐都冇倒數, 所以心情特別興奮, 見到國金 d 煙花一層層咁上, "Happy New Year!" 為我既驚險又精彩既 2007 年劃上句號! 更因為今年發生在我身上的事, 令我改變更多, 令我更加比心機儲蓄起會一個階段的經歷, 回憶!

2007年12月30日
齊齊整整打邊爐 林巴林媽, 祖兒家明, 阿展阿芝, 我同阿瑩, 今晚係真真正正既齊人呀, 4 pair 一齊打邊爐, 熱鬧氣氛中在凍冰冰既晚上打邊爐, lee 個係歷史性既時刻要好好記低!

2007年12月29日
蛋糕外賣速遞 黃珍珍壞左機, 4 點幾就跟好, 今日好彩阿 KEN 幫手去葵芳做野jack, 如果唔係就又排都唔洗走! 見咁早咪做下外賣仔law, 木康, 同綠茶蛋糕個樣都應該幾好食, 叫左阿欣唔好叫佢架啦, huh!

2007年12月27日
聖誕聯歡 2007 阿丁約左成班跳舞同學仔去 life cafe 玩, 嘩...估唔到有廿幾人呀! 黎左兩個魔術師, 表演好多得意野比我地睇, 之後又玩下 d 大圍既 game, Angus 仲買左 4 份禮物送比勝出既組別! 講番個 game, 玩法係用 step 黎玩超級無敵馬拉松, 班女仔平日唔 SHOW QUALI, 今晚為左贏, 博得大家既歡呼聲! 玩完又係時候番屋企, 值得一記既係...最搞笑係送左佢上車, 一背住佢就電話響, 吓...兩點幾邊個打黎呀? 原來係安娜果條八婆, 唔關我事架, 唔係我講架, keke!

2007年12月26日
嚇親小豬tim 比林祖兒同彤彤捉左我陪佢地去將軍奧睇小豬, 十點幾就出左門口la, 幾廿歲人仲去簽唱會既感覺真係幾得意, 我地個位置唔算差, 不過佢地 兩個咁細粒就慘d, 開始越黎越多人, 中港台黎計真係冇乜邊個歌手可以夠佢咁多 fans, 見佢地兩個又睇唔到又影唔到相, 跟住 JOEY 坐左上 我膊頭度, 全場最高呀, 仲嚇親小豬, 真係正! 至於阿彤, 比佢叫到 DANCESOUL 既人出黎影相, 佢地兩個個衰樣開心到呢~~~ 開心完, 我地三 個去左公園仔影相, 佢地兩個加埋影左幾百張, 之後等埋 carman 一齊去左食上海野, 仲拍左"食盡香港"第三集tim!

2007年12月25日
想... 我落左街練影相, 時間已經係晚上既十點三, 咁岩我又未換番衫, 咁岩我又想...咁岩佢又想...之後出左去搵佢, 咦~剪短左頭髮, 新形象幾得 意! 同安娜一齊行街, 安娜唔知係唔係抵受唔住所以走左, hehe! 之後我地上左尖東樓上既公園仔跳舞, 望到海, 又有燈飾睇, 如果有套晚裝, 同禮服, 一定好浪漫!

2007年12月24日
兩個人去左倒數 所有大圍活動都 cancel 哂! 今年實行過 2 人世界, 簡簡單單去食軒食左個飯就開始我地既旅程! 第一站我地就去到佐敦柯士甸道, 周圍都好 熱鬧, 有人玩樂器, 有人唱聖詩, 感受完街上既氣氛接近十一點, 我地沿住彌敦道往碼頭方向行左去廣東道, 有好多歌手助慶, 警察開始左封 右封, 我地攝下攝下越黎越前呀! 最後攝左入廣東道太陽廣場個凹位等倒數, 踏入十二點, 天橋上面既工作人員開始做野, 嘩...落雪呀, 周圍 都係, 我地就係響白雪廣東道渡過 2007 年既聖誕節! 最後要記低既係科學館既樓梯!

2007年12月21日
鬆啲依池瀨 今晚同阿 TA 睇艾粒, 聽佢地就多, 平時響公司都係較佢地黎過日晨, 仲要響佢地身上學左唔少搞笑野tim, 今次第一次睇, 心情特別興奮, 成 個 show 都好好笑, 190 蚊真係幾底睇, JIM JIM, 盧撈, 出年見啦! 之後去左食一間冇客既泰國菜食飯, D野食冇毒, 又冇壞, 幾好食丫! 再 去打陣機先走, 點知今晚激嬲左人, 兩點鐘仲訓唔著, 又咩好擔心wor, 又唔會比人食左既!

2007年12月20日
又會咁岩既 番到公司做埋 d 手尾就趕左去紅磡開會, 唉, 又要重新做過哂la, 始終都係自己做會安心 d! 同 d 老闆傾好哂 d 野, 趕頭趕命好彩 6 點幾都番到屯門, 咦咦, 前面個人既背影咁熟既, 原來我同 angel 同一個站上車, 同一班車, 落車先見到佢, 又會咁岩既, 哈! 去到個客度就食野, 1 個鍋 4 碟壽司, 食到我好飽! 新將頭 3 日既氣勢真係好勁, 有 30-40人響出面排隊, 勁! 臨走又賣多條鹽燒靖魚食, 依家個肚腩越黎越大la!

2007年12月17-18日
You & Me 難忘的假期!

2007年12月16日
小男人週記 買左 420 蚊小男人週記既飛, 坐第 3 行, 整體黎講...悶悶悶! 去左九龍城打冷, 由細到大我 d 屋企人都叫蒸鵝片, 點知今日佢地話"吓...咩黎架?"先發覺叫錯左, 但神奇地每次咁叫, 人地都會比我個 bor, 尷尷尬尬咁tim! 我同寶既事雖然過左好耐, 但其實如果你笑我嘔得幾樣衰, 笑我個樣幾搞笑, 一d 問題都冇, 但如果係......我真係覺得好唔開心, 如果你屋企人過左身, 你老公同你離左婚, 你被男朋友拋棄, 當你情緒激動做出一 d 別人眼中可笑的事, 5 年 10 年後可以用來作開玩笑嗎?

2007年12月15日
mix 歌 幫阿彤啦啦隊 mix 首歌, 雖然花左唔少時間, 但 mix 到佢地滿意我都覺得好開心, 阿彤啦啦隊仲得第二名, good! 阿關今日終於出現la, 我地又慢慢開始人齊番, 今日值得一記既係, 我地開始有新既 step, 阿彤今日教左我台灣妹 9 連拍, 仲影左張串燒人頭相!

2007年12月14日
柏林生日飯 07 一到年尾, 又係我地相聚既時刻, 今年亦都唔例外約左婷, 嘉怡, 柏林, 響荃灣食飯, 點知我去錯左地方, 真係樣衰! 話題講到柏林學校既搞笑事, 嘉怡將進入人生另一階段, 婷婷同老公之間既趣事, 而我......佢地諗緊點樣擺酒, 雖然依家講應該係太早, 不過佢地講得咁好笑, 我都忍唔住講埋一份, 如果婚宴太反傳統會嚇親人嗎? 嘉怡既禮物永遠都係咁有心思, 個月曆好靚, 真係要跟佢學野! 雖然我果份唔係咩野心思禮物, 但希望你都會鍾意啦! 今年最開心既係, 大家都生活都好, 希望每一年都聽到你地既分享!

2007年12月12日
嚇親 一個人入左間意大利食材店買左杯雪糕, 聽住歌坐左個半鐘, 依家既時間已經係 9:30pm, 目標人物出現, 立刻與目標人物保持十米距離, 發送 sms "唉~如果可以...就好喇!", 目標人物去左櫃員機提款, 我已經擺好姿勢埋伏響當眼位置... 之後既野自己估啦!

2007年12月11日
黃金組合飯 今晚響甘屯跟埋 d 手尾, 同阿 KEN 一齊走, 去到時代 JOIN 埋 Tammy, 哎呀, 應該介紹比佢識丫ma, 下次啦下次啦! 同左阿均, 阿沛, Tammy, Fayma 佢地去何福堂大排檔食飯, 有個哥仔好搞笑, 勁吹埋 d 無聊水, 我 lee 個無聊人當然會同佢鬥無聊啦! 我地今晚其中一個話題就係聖誕既節目, 仲諗好左個節目名叫做"平安聖誕齊君頌", lee 個名真係一流呀, 又一個回歸十年, 24號見啦!

2007年12月8日

頂我唔順! 今日又要番公司la, 公司就係我第 2 個屋企, 做埋 d 野去左買魚蛋, 腸仔, 珍珠奶邊行邊食, 點解一路行會見到咁多人著住同一件衫架, 好驚law! 番到屋企食飽飽收到個好好笑既電話... A: 你好!源美創造, 有咩可以幫到你? C: 啊冇...我想 BOOK 時間做 FACIAL 之ma! A: 小姐你點稱呼? C: 關 A: 啊...關太你好, 唔知你想 BOOK 邊個時間呢? C: 我係關小姐, 或者你叫我林太啦! 另外我要 BOOK 番阿展榮美容師個播! A: 林太咁你做邊一 part 架, 做唔做 body? C: 好丫, 咁你幫我 BOOK 做 body 啦! A: 咁因為我本身做面部同手部護理, 做機都 OK, 但係如果 BODY 要搵番 BODY 師先得! C: 但係我搵開你wor, 咁你幫我做 FACIAL 先啦! A: ok 冇問題! 係呢, 近排唔見你老公既? C: 係呀, 佢公司好忙, 近排好少黎接我! A: 哦...係law, 之前你老公成日都黎接黎家ma! C: 係law, 佢冇咁忙應該會識做架la! A: 嘩...咁你老公都幾好個 bor, hehe A: check 番個時間幫你 BOOK 17 號 O 唔 OK? C: 唔得呀, 果日唔得閒, 約左我老公! A: 咁夜晚得唔得呢? C: 唔得呀, 果晚我同老公入奶奶度食飯 A: 哈...哈...哈...哈... "lee 個時候我已經笑到講唔到落去"

2007年12月6日
回復正常中... 老豆出左院, 生活慢慢開始回復正常, 今日當然有上堂啦, 上堂前同萬子, 嘉敏去情牽一線食野, 做咩萬子全程都 dup 低頭架, 我地又唔係談心, 搞到咁尷! 今堂會完左首歌, 全部人都著黑色衫加軍褲, 幾好睇wor! 最後拍片大家一齊跳, 大家都跳得好勁, 不過我就... =.=

2007年12月5日
出院la!!! 在醫院個多月的日子終於結束, 由初期的深切治療病房轉到加護病房, 再轉到次一級的病房, 再轉到康復大樓的病房, 最初收到醫生不段帶給我地既壞消息, 抱住將失去的心情過日子, 腦中好多好多如果... 好慶幸老豆子夠命硬, 最記得情況依然差的時候佢仲成日講笑, "如果我有咩西瓜豆卜, 你地幫我照顧阿媽!" 醫生問佢咩事入黎, 佢答"禽獸", 真係笑屎我! 能夠好得番真係要感謝上天, 辛苦老豆, 辛苦阿娘la, 希望今次 lee 關係最後一關啦, 唔好再考驗我地la!

2007年12月4日
好回味 今日嘉敏第一次煮野比我食, 有忌廉磨菇鏍絲粉同埋好甜既奇異果椰果甜品, 佢響度搞到我專心唔到tim, 好啦好啦, 今日收早 d 同佢去左唱 k, 4:30pm 唱到 8:00pm, 食埋野都係 120 蚊! 之後 Join 埋安娜去情牽一線, 我地兩個望到 d 野一齊笑, 跟住比安娜 "妖" 左一下, 哈哈! 去睇佢地上堂, 嘩...個新學生幾靚仔wor, 搞到我同佢對望左幾野! 嘉敏知我累, 送左我去搭車, 煎ten 姣鮮虎啊!

2007年12月2日

"打打豬豬" 十星級的家 一早起身去醫院睇老豆, 依家既進度應該好快出得院, 真係太好! 老豆話尋晚去沖涼, 沖完之後點解唔見左 under 既, 大獲...搵黎搵去都搵唔到, 唯有走番去自己張床度搵啦, 都係冇..., 點知其實自己著住左law =.= 收到劉妃個電話, 無啦啦比人燒親, 無辜! 之後出發去 "打打豬豬" 十星級的家, 嘩...好大! 嘩...好靚! 嘩...好幸福啊! 今日入黎既主題係 3 打, 打機, 打牌, 打邊爐, 我就梗係黎搵豬老前輩學影相啦, 多謝豬老前輩! 大家打機打到好興奮, 唔知我個人係咪有咩問題呢? 依家除左仲會打拳皇, 同馬仔機消磨時間之外, 對打機好似唔係咁有興趣咁, 反而睇佢地打先係最好笑! 你地班女人仔, 唔好成日串我笑我啦, 技術我都知係差架la, 不過會比心機既! 夜晚打邊爐, 食到我好飽! 而今晚最值得記低既係, ZOE 唔肯比人幫手, 自己一個做哂, 招呼周到! 豬老師細心教導, 又成熟, 又有風度! 小玲係一個問題少婦! Vincent 今日同我講既對話係從未講過, 應該係因為生活開始轉變! 而我......我腦入面開始轉動, 似乎新既人生旅程又會即將開始, 好緊張! Vincent 車埋我去何文田, 唔該哂! 同嘉敏在商場傾計, 行超市, 突然間佢話不如上佢屋企坐陣, 於是今晚就第一次見家長, 心情真係有 d 緊張, 諗好哂對白, 點知未有機會用, 下次啦, 下次啦!

2007年12月1日
有耐性都冇用 煩law...... 上午個客就打黎勁 lur 我下午過去 standby, 唉~ 企左響度 6 個鐘, 又唔係有野做都唔放人, 冇計! 夜晚都冇心機過去元朗搵明爺佢地la, 番屋企訓下好過! 本來星期一將會同新 partner 去學拉丁, 但最後都推左, 遲 d 得閒要學番先得!

2007年11月29日
超級壽司生日蛋糕 落堂之後一齊去左 LIFE CAFE 幫我同阿MO 祝生日, 多謝 Angel 既禮物, 多謝丁丁整既超級壽司蛋糕 (好味到暈), 多謝哂咁多位出席既同學仔同 ANGUS!

2007年11月28日
窩心的生日飯 約左 TA 響尖東水池等, 兩個人響度玩捉衣欣, huh! 晚餐既地點係位於尖東麼地道尖沙咀中心既 Outback Steakhouse, 人唔太多, 好舒服, 服務方面, 勤快有禮, 唔錯! 講番 d 野食, 香脆薯條混芝士芝士唔夠多, 豬肋骨同燒雞味道好好, 黑糖麵包都唔錯, 其實如果你唔計熱氣同埋肥既話, 味 道方面都真係唔錯! TA 攞左份禮物出黎比我, 當時我真係好想鬧佢做咩咁 SIDE 錢, 我打開張咭, 睇完之後想好老土咁講聲多謝, 不過以我地平時既對話(平時係用5字真言黎溝通既), 我知佢實唔會當我係認真, 當我好享受今晚認真既對話之時, 蛋糕已送到我面前, 我真係唔知講乜好, 好多個好多個多謝放左響個心度, 加佢一句"得架la, 我同你在心中啦!" 如果我係女, 真係比你冧死! 多謝你給我一個窩心暖心既生日!

2007年11月27日
生日情人節 每年生日我都會放假一天, 以為可以訓晏 d, 點知一朝早個麻煩客就打黎傾左勁耐, 嘉敏打比我又話佢未得要晏 d, 當時真係有 d 燥, 響屋企做野做到炆炆地, "叮噹" 一開門就係個屎八婆, 原來佢一早就問左 Joey 攞地址, 仲買哂早餐比我食(仲要買埋阿媽果份,識do wor), 想殺屎人咩! 今日影左好多相, 係我地影相入門既第一堂, 雖然冇技術可言, 但好彩都有 d 影得唔錯!(因為數碼年代可以勁影) 其他既開心野已經寫左入個心度la, 唔響 lee 度打la!

2007年11月26日
ALL 嬲 生日飯 成班人同我, 阿樂, 謝生去左荃灣稻香祝生日, 為左半隻雞同一隻雞既問題, 比劉小姐醒左野, 我知架la, 我知道你同佢既感情深厚, 唔會再比你同佢分開架la! 多謝大家今晚安排既飯局 + ALL 嬲(Ambrose,LOK,LAM) 蛋糕! 之後去歌德飲杯野就回家去Lu!

2007年11月25日
出血後的新活動 今日睇完老豆襯有時間就番公司幫 d 客清埋 d 野, 去深水步買 mon, 去尖東跟 call, 番公司執埋 d 野, 搞掂之後我自己一個去左旺角行左 3 個鐘, 終於我買左 Canon 400D, Sales 哥哥叫我試機, 我好坦白咁同佢講我唔識, 好彩個薯薯哥哥好有心機咁教我, good! 唔該哂豬 SIR 同艾美兒提供既意見, 依家又多左樣新既活動la!

2007年11月24日
帶帽幾好丫 約左 DFD 去左翠韻, 明爺一見到我就話我轉左新 LOOK, 我自己都幾 LIKE, 今日得 4 個, 冇計啦, 阿彤, 阿關都要練習, 好耐冇試過齊哂人la, 睇黎都要過埋個 12 月先有機會齊人lu! 我去到醫院, 大家都覺得我今日有 d 唔同, 番到屋企除左頂帽, 個頭真係好好笑!

2007年11月23日
一年一聚 柏林嘉怡同我食生日飯, 去左屯門市廣場既茶軒, 見到柏林真係好想問...點解你個樣唔會大既? 至於嘉怡同我應該係正常 d 囉! 雖然一年見三次, 但因為我同嘉怡的生日相隔太遠, 所以話題似乎多到講唔完一樣! 多謝嘉怡每次給我的心意心思, 好靚又好好笑, 多謝柏林給的的禮物, 好實用呀! 淨係每年能夠 keep 住 lee 個日子見面, 傾下講下, 我就已經好開心好滿足, 多謝兩個老朋友!(識左17年la, 真係好老下la!)

2007年11月22日	零晨時份
唔洗驚, 我響度! 知道佢唔開心, 因為各方面的壓力令佢忍唔住喊, 仲喊到屎左, 佢媽突然間攞起個電話好惡咁問我同佢講乜野, 我真係嚇親, 好彩都冇咩誤會! 放鬆 d 啦, 我響度家ma!

2007年11月20日
陪伴左右 嘉敏過左黎同我食 lunch, 間野個餐好大份, d 咖哩好甜, 淨係用汁撈飯都唔洗食送la, 所以我比哂 d 魚佢食! 番到公司, 我做野, 佢上網, 好彩佢唔怕悶jack, 如果可以多 d 係咁就好la! 同 fayma, 阿均食米線, 食飽上左佢屋企飲野, 今晚我地飲住朱古力奶黎傾心事, 菲菲比心機, lee 一場仗就算輸都要輸得型先得!

2007年11月18日
記錄 今日又去左買野, 衫褲鞋, 唔得la, 唔可以洗咁多錢, 買埋今日啦! 聽日先算........ 老豆乖啦, 唔好咁長氣啦, 捱多一陣就出得院架la

2007年11月17日
買相機念頭 我同 JOEY 去左屯門市廣場行街, shopping 完一輪, 唔知點解走左去睇相機, 仲打比 zoe 問相機既野, 我好有衝動想買呀~~~ 夜晚接左嘉敏之後去左TST食 M 記, 熱氣爆瘡law! C食前:個包好似好好食咁wor C食左一淡之後:都係你果個好食d! A:咁我同你換啦, 我想食你果個 C:唔洗啦, 我食lee 個得架la, 不過你果個真係好食 d, lee 個冇味既! 我同佢對換左個包, 點知佢一淡都唔留比我...... A:又話唔洗換, 又食哂 C:真係唔洗換架, 不過真係冇味丫ma, keke!

2007年11月15日
如果... 得我同媽響廳傾計, 阿媽問我, 阿仔如果你未同 popo 分開, 你估你地今日會唔會結左婚丫拿? 或者啦, 不過冇人會知, 依家生活得開心咪得law!

2007年11月11日
新星火鍋 睇完老豆, 8點幾出左去搵嘉敏, 我地番公司留下間新星打邊爐, 9:00pm 後有優惠, 好多人呀! d 辣椒10 蚊碟, 於是我攞左隔黎檯碟辣椒law, 蚌同蝦都好新鮮, 好好食呀! 兩個人食到 12 點先走, 飽!

2007年11月9日
恭喜謝生謝太 去左飲謝生謝太既喜宴, 見到佢地咁士read士read, 真係恨屎隔黎! 幾老土都一定要祝你地白頭偕老, 快d 生番個 baby啦! 今晚值得一記既係坐位既安排, 最得意係 fayma 果邊law, 有留意既人自然會明白架la, 哈哈! 嘉敏黎左搵我見我一面, 最後我都忍唔住, 岩岩食完個翅早走左去搵佢, 再去食活壽司, 麻麻地, 板前好食d! 坐左響後樓梯傾計, 亦都可以用談心黎形容, keke! 唔知點解大家都幾廿歲人, 對住佢真係好...緊張, 自己都覺得好得意! 相信唔會響其他人身上找到!

2007年11月8日
病情稍有好轉 今朝冇番工去左睇老豆, 轉左床 good, 每日有一 dd 進步就好好架la! 勁勁勁耐冇上過 angus 堂今日出左去上堂, 有好多人都好似知道左我地既野, 有人話我地成日對望, 咁都比人發現tim, 不過唔緊要啦, 我地唔理la, 做番平時既自己law!

2007年11月6日
記錄 去完荃灣綠楊, 入左上水接輝表哥, 再入屯門醫院一齊睇老爸, 今日都依然係混亂, 腦中既野都亂哂, 唉~

2007年11月5日
又嬲又笑 去左紅磡見客, 順利, 之後拿拿聲搭的士去油麻地接人, 我好鍾意離遠望, 見到佢打比我我又唔聽電話, 嬲嬲地果時望到我再笑番果個樣, (你個心應該想問:點解你會響度既?) 呵呵! 去左大快活食牛鍋皇, 麻麻地, 之後番左公司, 咦...好搞笑既面包超人wor, thanks! 我偷偷地... 應該唔覺既! 食飽再去番花園街行, 在簡又簡, 其實我都係一個 8 婆仔黎架!

2007年11月4日
記錄 終於有得做運動la, 都唔知幾耐冇郁過, 今日有得郁, 又可以見下啲 fd, 太好la!!! 多謝大家既關心, Thanks!

2007年11月2日
記錄 鯉景灣個客有 call, 嘩...咁遠, 好彩唔係大獲野咋 ,做完都 5點幾先番到公司, 跟住入去睇下老豆就番屋企, 比心機呀!

上一頁下一頁

【把本站設成首頁吧!!】 【將本站加到我的最愛】

Andy的信箱 andy1127@netvigator.com 歡迎來信喔!!! Copyright© 2000 Andy's HomePage All Right Reserved