我最大嘅嗜好就係車喇!只要係街見得倒嘅車我都知係幾多年款，幾大cc，幾多匹。不過我得部爛鬼92年三菱Galant詐，仲要係同細佬夾份𠴱隻。點解唔買新車 ? 供車好鬼死辛苦架，又要買全保。不過我都有幾部 Dream Car 架，三菱 Evolution VI 啦， 日產Skyline GTR R34啦，Honda Civic 同 Integra Type R 我都極鍾意，不過買後兩者機會似乎大D，因價錢合理得來又夠快，前兩者太貴喇，再加上是Turbo車，快就好快喇，不過極難保養，耗油量又大，唔啱我!不過以上咁多款車都有一個共通點，就係全部都係高危車種。咩野高危?你試下隨隨便便咁泊喺街度，一陣返黎可能已經影都冇喇 !! 所以呢D車燕梳特別貴架 !
小弟由於工作關係，經常要揸車穿梭各大小路面，見盡唔少攪笑嘢激心嘢，喺呢度我會同大家慢慢分享 ! 詳情請睇小強事件簿啦 !!!
全新 Honda Integra Type R 試車報告