好喇,終於講到last喇,就收工喇!!
last既女主角叫Fonnie
,時間暑假
等我介紹下最後可以入選既呢位佳麗先啦,佢係我前妻既小學同學,但兩者就有好極端既性格、總之好唔同啦!今集既女主角好讀得書架,佢今年F.7,我同佢都好驚呀,不過我驚既野係驚今年會拖垮左佢......自知影響一定有架喇,but希望唔會有十分大既影響啦,俾心機呀!!!
最後呢篇將會好難落字呀,因為你做左我內子冇耐,我亦都學緊點樣至會做到最體貼既夫君喎!唯有講句大家一齊Add Oil啦,哈!同你識左年幾,冇諗過會同你一齊架!!或者可以一齊係我既福氣都唔定!?之前都講過啦--有緣+有份+Timing=一齊,呢條工式係要咁先可以產生化學作用架,知不過又唔會爆炸咁「誇莊」既!
識你咁耐,前半段既日子唔知算唔算係浪費左呢?因為果段日子我地都好少傾計、好少溝通,就算係傾都要隔住一塊超易碎既玻璃黎傳話,意思係只會用ICQ傾計呀!!而且亦都冇一齊出黎遊逛閒聊、共膳耍樂過!!講真我自問了解你真係唔夠深架,so我依家要狂發力呀,如果唔係我驚追唔番D進度呀(唔好行咁快
,記住等埋我呀,唔該晒-->
!!)
記得第一次同你出街,我真係萬分萬分之驚(冇錯,係十分之驚乘一千倍),驚你會怕左我呢個咁陌生既賤人、驚你會唔出聲、驚你會悶親、驚你會.......真係好驚!!好采,見到面之後我一切驚驚既野冇一樣發生過,幾好呀、嚇死我呀!!事實上我果日其實都有少許不知所措架,我唯有不停講野引你笑
啦......好彩個氣氛我都可以控制得到,不至於講完都唔覺好笑,如果唔係就真係"大檸樂"呀!!
果晚,我依然懶係有風度咁送你番歸,好不幸地......你隻傻婆居然唔記得指點我回歸既正確路線喎!!頂,好采你個partner仔我呀、話晒都稱得上係一個強者,如果唔係我咪當堂"企左享度"!(SORRY呀!!)我諗你一定會講呢句架喇,不過唔使講喇,我一定唔會嬲你既,試問我又點捨得呢!?而且果晚我只係用左75分鐘多D呢個咁極速既時間番歸添,我諗對一個完全唔識路既人黎講,依個時間都唔算分過份下?
後來、即係而家,話晒都有情人終成眷屬喇,但好唔好彩,唔好彩係因為同你住得遠,我地好少時間、好少機會可以見面......不過唔緊要啦,有機會既話我會好好珍惜架,唯願"少見多掛"啦!!你都要俾心機呀(我諗只有你先知點解我講呢句!唏唏,呢個佢地唔明架喇!!)
唔知點解好鍾意為每段情安排一首主題曲,例牌果樣野:感激我遇見!!
