能醫不自醫,心病最難醫!!
天醫閣並非甚麼收藏靈丹妙葯之地，反是深藏了老子於心坎下哀痛難當、蕩氣迴腸、欲哭無淚之段段......苦..戀......!!(totol有四段架)
初戀係老子於中二時發生既，女主角娜娜
，雨天！
我地其實早在Ｆ１就識架喇,而且果時同佢都玩得幾埋架，不過鐘意左成年都唔敢同佢講...而今日我決定鼓起勇氣同佢講（但其實身邊有阿妹倍住架）---辰咁早以經番左學校等佢，當佢八點鐘番到學校既時侯，阿妹第一時間推左我埋去，佢見到我，同我輕輕咁講左聲早晨！
「我....唔....」我唔知點講好,又驚嚇親佢!!佢接住問我:「有事搵我呀??」「係..呀..其實....我....」「其實我阿哥鐘意左你,佢話想...」個八妹奔過黎講，但係我點可以要阿妹幫我呀？「我..鐘意.....想同你一齊呀,好...唔好呀??」終於都係講左,但佢好唔明咁:「鐘意同我咩呀??」「佢意思係想同你拍拖!!想你應承佢呀!」個八妹又開聲喇!!我從申話「係呀...」「下!?同我拍拖??」我心諗佢如終於夢初醒喇!!「可以麻?(我捽之唔姪啦!)」「下,a....唔知喎...」
於是阿妹同佢行埋左一邊喇,但講乜我唔知道,斷估唔會戙我掛！過左幾分鐘，我忍唔住走左過去問佢:「.....諗清楚未呀?」「咁如果都有feel既話,咪試下囉!!(阿妹今日居然咁幫我??)」「ae....是但囉...」佢好無凌兩可咁答左一句!「是但即係點呀??」我想佢答鬼清楚D,但係都要人插:「咁咪即係好囉,妖!!」阿妹半帶鬧既語氣,但我點都要多謝佢,因為....就係咁簡單,我既戀愛生涯就掀開左第一頁喇!!
除左落雨之外,果日其實都好平淡,直至放學.......「一齊走好冇呀?」我問,而佢只係嗯左一聲!!大家一齊行,但我個腦居然空白一遍
完全唔知講乜好,直至架車埋站!「11K呀!!」估唔到第一句會係呢句(唉,失敗...)上左車之後,我掉左兩個人既車錢落去,同佢講以經幫埋佢入!坐低左第一件事,佢就強行將D車錢俾番我....「唔使啦,有佢啦....」「唔得...你收番先啦!」「咁我依家同左你一齊麻!係咪,我俾埋你果份都好應該架!!」「係,但車錢還車錢麻!」半推半就之下,我唯有收番佢!
因為佢屋企遠我一條街,所以我都要同左佢番屋企先,再自己行番過黎!去到門口......「我入去喇!」「哦,拜拜!」只係講左短短既兩句,之後我就番屋企喇!!番到屋企,我衫都未換隨即拎起個電話撥俾去,但係.......好嚴重既一個問題--我同佢冇野傾!!!其實我地未行埋之前,成日都一齊出去行街睇戲食飯傾電話架啦!!難道因為一齊左,咁個感覺、態度、反應都要因而變晒?!?!唉,天呀?why
me??我唔想呀,但係....天命難遺,事實終歸事實!!!自從一齊左之後,我每一次打親電話俾佢,心裏面都有一種「好悶、好唔知點、不如收線把啦」既感覺!!唔知佢係咪都一樣呢?但依一個問題冇人、亦都唔會有人答到我,因為.......
唔覺唔覺以經去到第九日!個佈景又番到學校,不過今次轉左做走廊!佢話有野想同我講叫左出去:「我地做番朋友好冇呀??」聽完之後,我心忖呢次仆街喇!我正想講野,但佢好似唔想我講咁:「我都唔覺我地都唔似拍拖既,你自己話係咪先?同埋....sorry呀,我好似好自私...但係,我覺得我地做番friend應該會比較開心囉.....咁你意下如何呀??」「我....」捽之到我開聲喇,聽完之後我都未及整理好我既思緒,但唔知係咪第二同第四條線痴埋左,我個口居然不自主咁飛左兩隻大字出黎:「哦,好呀!」其實.....應該係三隻字至真呀!正當我想收番呢句果時(鈴~~~~~~~)上堂鐘都補多腳俾我.........個天真係咁絕唔俾我番身??(係)我既初戀只係鬼咁短--九日壽命??(冇錯)我淨係想同佢由頭黎過都唔得??(係喎,中晒呀!)
佢講過D野都唔算數既,又話可以做番friend?咁點解每當我行近佢身邊既時候,佢都好似避開我咁既?(雖然我個心唔單只當佢係一個friend咁簡單、依然想一齊番!!)見佢避多幾次,我都知咩事啦!及後知道佢同左另一個男仔一齊
,個男仔無論係身材,口材,家庭都好過我好多好多,咁......我仲可以講D乜先,你地話係咪??再唔捨得都要放棄啦!!
PS:如果你睇到既話,我要講聲唔好意思,因為.....我盜用左你張相!!
呢個就係我既初戀喇!! 