此乃老子於乳臭未乾時幹活的一個客棧

同時亦在此處習得一身異常精煉之內功!!下列眾位「鬼使神差」都是有幸與本天之嬌子一同煉武之眾徙門,就讓小弟一一介紹吧!!!

店長(maneger):彼得(peter叔),緯琦(大V)

保鑣(supervisor):猩猩(saint,丁),卡路(carol女粉腸),湯姐(小湯湯,tong),達(terry)

掌櫃(cashier):緯琪(小V,vicky),吉娣 (kitty),笙(sang,sam),健力(knnny)及為夫(leo,獅子仔)

小二(staff):,妙妙(miu),基(羚羊,kei),艾德(ida),珍妮(jenny),積伕(jeff),琪琪(kiki)

而老夫初出茅廬之時只為一個無名小卒(實為小二)記得為夫早於14,jan,2002便走到此處習藝,屆年二十欠二,大概濟留了年多之時罷!最後終於12,march,2003便於此處辭請了........還記得當天老子於8,jan2002interview,那天是kitty給予我一份form填寫我,填畢後便面試,最後當然十分不幸地踏入這所黑店了.......故事亦步進第一幕了...........

今日係14/1/係我做既第四份工,希望有個新既開始啦(雖然just part-time!!)入到去,carol(樓面女組長,做左七年,收銀位超強,前無古人...."近"呀)俾左套衫我換同埋帶左個(黃色)名牌,聽埋一大堆唔知乜野既廢話之後仲簽埋張賣身契俾公司,其餘既時間,我唔係幫客人收杯碟就係幫客人收杯碟,唉!(不過第一日就暗地裡超到有隻仔叫kenny,佢同我都唔係幾識表達自己架而且成米八幾高--有冇咁高呀??不過條有仔好做得野,曾經係我既目標,雖然點都做唔到,但總算....果頭近啦!)直至第三日.....阿猩(成日話自己係王子--一個好無記性且極重自尊心而又好殺得場既傻子!!)叫我跟湯姐(做左八年喇,雖然年紀大,但心腸一D都唔壞,仲好落力去做每樣野,好尊敬佢)學落單入機喎(仲係速成班3個字炸頂)咁唔知你地食pizza hut既時候有冇超到啦,咁D staff幫你地落完單之後咪會拿拿臨走去部黑色既機面前死篤一排既,係喇係喇,就係佢喇,我就係要學篤呢部咁既廢物喇-唔好睇小佢呀,部死人野雖然黑黑實實炸,但係要玩熟佢都好有難度架,而且又驚入錯喎........好采本大爺有既係天資聰穎既材智,總算可以令佢降服於我,如果唔係咪冇古仔講囉?

唔覺唔覺以經係21/1,雖然以經做左一個禮拜,不過好辛苦呀,但係冇理由衰俾人睇話唔撈架喎!?唉,算,馬死落地行頂硬上........嘩,做左三個禮拜喇,再過幾日就14/2啦喎!死火喇,點好呢,未到一個月可以隨時唔做架喎(又唔使補14日)點好呢,繼續做?定係resign好呢??14/2實旺場死梗喎?!?!?!?!?唉.「鬼叫你窮呀頂硬上」,做就做啦咁多野講..........唔知咩事,未到兩個月就以經同佢地班友仔玩熟左喎,超快呀自己都覺得(時間繼續過喇)咁可能同猩猩玩得熟啦,我剛好做夠三個月果日,佢居然好出奇地,出奇佢會記得我滿三個月喎(都話傳說之"猩"係好冇記性架麻!!!)仲俾埋個(紅色)名牌我換呀(其他旺鋪通常滿左三個月,而且又做得野殺得場既人就會轉架喇!)雖然邊隻色既名牌對我果間pizza hut黎講都分別唔大,但點都好啦,thank you!!

到左27/5係人都知係老夫既生日啦,不過果日老夫冇請假去玩呀,因為我覺得在此所黑店過壽辰亦不失為一個好主意掛?!?!而且同佢地真係真係玩得好開心好開心呀,真係日日返工都願喎!咁果晚收左工之後,佢地成班人就同我去左天馬苑對面果個獅子山上面bbq喎(雖然做左成日野而且以經差唔多十二點)不過好開心既係佢地完全唔介意喎,而且一係唔玩,一玩就玩到第二朝先走添(果晚有saint,kitty,小V,kenny,sam,同埋一班榜上無名既廚房同事出席,真係好多謝好多謝妳地呀!!<---thank you,thank you!!而且亦心感老懷安慰<---好差感動呀!!

第一幕完第二幕

唔覺唔覺以經六月中喇,Peter叔(全鋪最大係佢,好節儉架,份人都唔差)今日問我學唔學做掌櫃喎?諗都唔使諗即刻喪點頭話好喇梗係!!大佬,平時唔係收野就係收野喎,即係點都係收野啦,頂!!!好想搵D新既沖擊架,順便當係學新野囉!!記得sam(女仔黎架--我前妻,,成熟過我,不過......),kitty(好靚女架,同佢又熟喎,而且成日傾心事,我個好紅顏!!)同小V(成熟緊小妹妹,好驚佢俾人"握",另一個心腹--知己就真!)三個都有份教我收 $$ 找 $$ ,初初果個幾禮拜就(T-Set時間)跟小V,之後就跟kitty打夜機,尾後就三個走黎輪Q我,日夜都係咁輪(好采我內功都唔差,咁輪法,內力低D都會搞到變內傷呀陰鬼公公!!!)講到埋數學寫cashier-- report喇喎......跟sam sam跟得最多喎(兩公婆易溝通麻諗住!)點知果時都係成日俾我激到咩咩聲架(sorry,我資質差呀,抱你歉!!!)

講到番工有冇D乜野血淚史呀??有!呢世都唔會忘記呀(簡直係畢生最大既恥辱呀......)我第一次單挑埋夜機,你地估下我短(short,欠)左幾多 $$ ,三佰蚊呀妖!!嘩,果下幾灰呀,不過算啦,都過左去,同埋我覺得cashier trainee短 $$ (short $)係好正常既,問題係多定少!!仲有呀,唔知做乜叉事咁春旺呀,車手都去唔切D 外賣order呀,搞到我要一個人拎"六"個外賣出去送呀,仲要橫風橫雨喎妖(你冇睇錯,我亦都冇打錯呀,係"六"個呀---加)仲要試過兩次呀頂頂!!(犀唔犀利先,不過有車搭既,唔好咁緊張!!)同埋老夫終可輕易完全使命番到黎!!(我死唔去大家係咪好唔開心呢,sorry!我令你地失望添)