暑假又黎喇,呢期多左好多"生力軍"
呀,"更表"前所未有咁多人呀(成廿幾個喎)!!期中有:
miu
miu(佢係我媽媽黎架,而且好靚添,一D都唔老呀,反而好後生喎!!仲當正我同kenny係佢親生仔添,不過我地成日都百厭唔聽佢話,搞到佢好勞氣呀,真係有少少唔好意思呀!!)
羚羊基(好聽話肯做野不過功力有待提升,喂...P記以後靠你喇!--當佢聽到人地叫"羊"佢就會叫"咩"架,十分野笑!!同埋..."羚羊"其實係粗口黎架,自己諗諗啦!!)
jenny(好讀得書,有呢個妹深感既自豪又自卑,但最終俾奸仔達所害,而且成日唔聽我電話--聽到未呀--覆我呀死婆!!)
jeff(我曾經拙合過佢同jenny架,係個好妹夫好兄弟,而且好睇我頭,激好乳豬四寶飯!最終都係因奸仔達而...仲俾賤達達明搶埋jenny添......下場異常慘淡!!)
ida(又係讀得書果堆!而老子亦好開心,因為佢係第一個話鍾意我而我又知既靚女,可惜...我兩有緣無份,只好怨天啦.....但講真,你見得場面少,要磨練下呀,唔係都好易俾人"握",知冇??)
琪琪(一個好開郎好玩得既女仔,不過衰貪玩,玩到有工都唔返,仲成日要我幫手度橋搵借口黎請假喎--唉....鬼叫同你friend咩,無計啦!!不過呢......後生女要玩好玩喇,希望妳第時會生生性性啦!!)
有左呢班生力軍之後,成個場當堂旺晒,不過唔係多左客,而係多左好多個員工喎!但係果時都好開心架,番工都多D人倍啦,仲可以一邊做野一邊吹水喎,"正"架!!!可惜.....全部都做唔長,暑假期間經以走左好多個,九月之後仲得番幾丁友添..............
第二幕完
第三幕
到左十月尾,我因為搵到份正職,所以一個星期大約做三四晚啦!!咁果時猩猩都好好人,知我朝早要番工,咁夜晚我返到去佢都只係俾D門面功夫既野俾我做,同埋如非必要佢都唔會叫我去送外賣架(好采果時個場都好靜,都係太唔旺炸!!)我就咁樣早一份晚一份,早一份晚一份維持左三個月既時間.......直至聖誕節我終於都頂唔順,遲左份正職番黎全職做part-time...可惜我番到黎果時以經係月尾
,殺唔到個聖誕呀(做左年幾,成班友一齊殺左咁多個場,居然趕唔切番黎殺聖誕呀,另一個遺憾呀.......)好彩25號果晚都有番到黎交換禮物,D禮物全部都擺左入衣櫃到呀(好多好多呀,哈哈哈哈..............超開心!!)
到左二月份雖然係新年,之但係公司一D都唔旺呀(年年都係咁架喇!!)咁大年初一就好笑喇,公司叫晒全部人開工,但係多人得濟又冇野喎,點算好呢??咁阿猩就屎忽痕叫我同kenny仔去洗樓喇(意思即係叫我地去派傳單,不過係上樓逐家遂住戶掉入去果隻!!)換番便服拎埋D傳單之後,我同健力就起行喇(但係問心,我地兩隻鬼靈精梗係唔會咁乖走去派啦!)離開工司之後,我地兩個就商量去邊度玩好喇,最後都係決定落網吧玩Diablo!結果一玩就玩左四個幾鐘,一D都冇派過呀,D野??咪掉晒去囉,帶返工司想死咩,咁做埋夜晚咪收工囉!!第二日開工當然都係冇野做啦,番去咪又係吹水多,不過第三日就慘喇,「赤口」麻!D人梗係今日先黎食野啦,果日全日都好Q旺呀,做到想死咁濟,不過成班一齊殺場就好開心,呢句問心架!!
第三幕完
第四幕
點知事隔一個月,我竟然因為一D好少好少、好無聊好無聊既野resign左喎!!唉...其實.......我到依家我都仲未捨得pizza hut架,我依然好掛著裏面既人、裏面既每一樣野(無論係碟定係櫃,總知乜都掛著啦~~~~~~~)
唔好以為故仔已經完呀,呢個故事係唔會有Ending架,因為我個人雖然走左,但係個心並未走喎,我久唔久就會番去搵佢地吹水架。過年過節仲會驚佢地唔夠人,番去free-labour幫佢地送外賣添,走左咁耐,我諗都free過兩、三次俾佢架(母親節、父親節梗會啦,實旺既!!)傻唔傻先?--其實我又冇所謂既,上身換番件衫炸麻,咪當扮電單車手同幫下D舊同事囉(我做過知道會好Q旺架麻)又可以懷念下以前既日子喎,何樂而不為先!!!好喇,睇住咁多先啦,得閒又會updata架喇,久唔久上黎超超啦!!see you........
從新開始!!--->
回內堂納息一下吧!!--->