第二夢:女主角Elaine
,時間中四(十月至六月)
呢個女主角即係前一頁既阿妹!我同佢中二先識架....大家番一番到中二先啦唔該
升上中二之後係第一日開課,但係大家都依然只顧著玩,其他乜都唔知.......lunch之後果堂係music,大家都執齊D野過去music
room,我同個friend一齊行 !唔知點解我覺得佢今day好怪,事緣佢跟住前面果兩個女同學,行行下無端端嗌「Elaine!!」而怪就怪在我地應該唔識大家架喎,點解佢會知人地個名既?Elaine應該係聽到架,因為大家差兩個身位左右,不過佢冇應到,咁我個friend愈叫,佢地兩個就愈行得快,我就陪個friend愈行愈急.......大家走到課室門口既時候,elaine突然停低,且好匈咁別過臉來,然後大鬧我個friend:「你好喇下,唔學再叫我個名呀~~~」之後就自己行左入去!我心諗,嘩...人地叫你你唔應咪算囉,講野仲咁串?!頂你個肺呀(咁可能因為我個fiend樣柄啦,咁又真係抵佢俾人插啦,其實加埋粗口會仲掂架!)全部人入齊之後,miss幫我地排位,到我喇到我喇!!.......妖,唔係座Elaine後面咁大整估下麻??但係唔座低仲大擭呀,miss會鬧人麻,唉......好采果日坐佢後面都好安全咁過左一日!!
時間慢慢地過左一個月喇,同全班D人都熟絡得八八九九,咁當然包括一個月之前果個「佢」啦,我同「佢」總算都開始玩、開始講笑、開始......上「公民教授」堂就最開心!點解?阿sir有自己講書,成班就各自各一堆、各自各開Ｐ(Party)囉--而我就同左我生命中既第二個「佢」一堆玩喎,哈!之後梗要變本加厲啦(一前一後坐想,實會吹水架麻!!)玩多幾個月,我同「佢」(仲有一班friend)仲一齊食lunch、行街、唱K.....之後就傾埋電話,仲要日日傾,夜夜傾,無時無刻亦傾,有冇野都照傾..哈哈,死未!!既然咁好傾,咁......咁契埋做兄妹囉!之後,我地亦日日如是,我指既當然係傾電話啦.......
兩年既時間過得好快,唔覺唔覺我地經以傾左兩年電話喇!呢段時間,正值「佢」同另一個佢分左手之後既一段「空白時期」,基於我係佢阿哥所以當然會陪著佢啦!後尾唔知係咪「日久生情」,我地居然互生情愫喎!?!?之後就好自然咁一齊左喇,不過.....我呢個時候舊病復發,不過就冇上次咁嚴重--i
mean 拎著個電話冇野講呀!!後尾總算ok冇問題,唔使悶親佢!同佢一齊既果段時間我過得好開心:果年既聖誕節
我地兩個人於尖咀海旁渡過,過得懶係浪漫;果年既新年我地各自番各自既鄉下,無緣相對;果年既情人節
我地去左睇吳彥祖主演既「知法犯法」,佢送左兩條鏈俾我,我送番一盒親自砲制、搞盡腦汁、別出心裁既心形音樂盒加一隻HelloKitty俾佢;果年既愚人節佢俾我玩得好透,不過大家都好開心;果年我既生日過得好快,完全唔知咩事;果年既.........冇錯,全部都係果年發生架,而家以經不復再喇.....
頭先話我生日過左都唔知咩事係因為果日我地兩個都好少出聲,前所未有咁「靜」--唔知係安靜仰或係寧靜,我覺得好似有D事將會發生,但礙於生日,我唔想胡亂猜測...........過左幾日,已經係六月喇,我忍唔住開口問佢,佢既回答係.........想做番兄妹!OK,我學識尊左重人地既決定!就係咁,我地既身分番番去兩年前做番兄妹,但係時間就冇掉頭,反而依舊來冇影、去冇蹤,佢行佢素,唉.........
而我心裏面唯一留低既,係屬於我地既果首主題曲:天佑愛人!!
