今日返工依然係好忙好忙，其實同平時無咩分別，一樣係成抬野，好似永遠都唔會消失咁，有時會懷疑係咪得罪左人，所以比人落左降頭都唔知。每日對住千篇一律既野，真係有 D洩氣。依間公司依個工作環境，同一樣既工序，不知不覺已經對左六年有多喇﹗真係真係好想轉過第二份工作，比自己可以有個新衝擊新嘗試。

今早我好快完成手頭上面既野，將自己既私人物品收拾，原來係有咁多。我將一D唔要既野掉左，其他既袋好，諗住分批拎返屋企。我唔知點解突然會的起心肝做依 D野，我更加唔知咁做係代表咩，只係想做便做了。之後諗住打封 RESUME，但係好可悲....我唔識打﹗

我有既只係工作經驗，但係學歷根本唔可以同出面既人相比。以我咁，個市場到底仲需唔需好我呢？好多人同我講﹕出面你依根本搵唔番依家依個價....出面搵工仲係好難，仲有好多大學生失業....做生不如做熟....出到去，所有野要重新建立，由頭來過....等等等。

但係我真係好疲倦，好想重組改變一下自己既生活，既然離開未必可以成事，正計劃去旅行，散下心，比自己靜一下，希望會好D啦﹗

祝好

EMILY