今日無心機做野，將D文件放哂入櫃通，再用左半日既時間上網睇資料。 好爽﹗﹗: )

初步決定十二月中到會去北京，自由行，都係自己一個。趁自己唔係咁老，仲行得走得，嘗試下囉﹗

如果我識英文，就緊係想衝出亞洲啦，咁又無理由成世人都只係識去台灣嫁，咪識下投入下祖國既懷抱囉﹗我想去下長城、天安門或者一D舊街巷，響街邊飲荳漿食餃子，走去睇 LIVE BAND SHOW同飲酒。可以真係比自己一個人清靜一下，睇下個世界。 KITMAN 就話北京唔岩我地年紀去。(？)另一個朋友就話擔心我危險，始終都係一個女仔咁話。你呢？你會唔會贊成 / 支持？

我打電話去中旅社問價，因為12月係旺季，所以5日4夜都要成三千幾，諗住再格下價先決定。你有冇好提議？

另外仲有個好大既問題，就係驚公司唔批我大假....可唔可以幫我祈個禱、起個壇或者作個福？

祝好

EMILY