19-6-2004 星期六  好眼訓~

番十二點放七點二~

呢個鐘數我叫佢做唔拖唔水~

因為我十點起身麻~

咁打打下機, 一抬頭睇鐘就十一點三~

打機又打得唔夠, 但又要趕住番工!

嘩! 我仲未食lunch架~

咁拿拿淋食野~好在十一點九都出到門~

十二點岩岩到圖書館lu~

今日發現d小朋友好叻架~

佢地知道兒童圖書館d電腦呢~

邊個有故事聽, 邊個有遊戲玩~

拿~ 記住~

"老鼠娶新娘" 係聽故事~

"三隻小豬" 係一號機係聽故事~

但係二號同三號機既"三隻小豬" 係玩架~

今日仲同外籍人仕交談呀我!

佢想知道國泰昨日既飛機航班~

咁我地先去國泰網啦~

點知搵唔到~ 諗左一陣~ 叮!

去香港國際機場個網睇下law~

YES! 有呀~~~~~~~

佢thanks 左我好多次呀!

我都笑得好開心!

可能開始慣圖書館既工作啦~

覺得無之前咁辛苦~

而且仲好得閒~ 成日要搵野做tim~

今日食tea~ 個晴晴話同我猜包剪"dun"~

邊個輸左要去買蛋"tak"~

我梗係唔so佢啦~ 我有二哥哥俾既朱古力食麻~

點知佢居然叫星星買番來wor~

見到星星買到成隻猩猩咁~ (出面好熱!)

都唔想食~ 我俾個位星星坐~

then 我早d開工好過~

不過之後俾個晴晴點我去做野!

衰得佢呀! 佢仲要用佢個林峯樣~

係到好得戚咁戚眉!

真係掛住笑佢都唔記得嬲佢lor!

就放工個陣同館長講左兩句~ 學到不少野~

例如自助借書機既jam紙問題~

同埋自助借書機同counter上磁同掃磁既分別~

今日發生左好多事呀~

仲有一d唔講lu~

因為唔太開心~

係咁啦~