越野雄心 - 西安洛陽7日遊day2
Day 1 → Day 2 → Day 3 → Day 4 → Day 5 → Day 6 → Day 7
零晨西安坐5粒鐘火車到洛陽，雖然係硬臥，不過訓得3個鐘左右，5點左右去到洛陽，天都未光行出火車站，三條友漫無目的咁行，好在有人搭訕：「住唔住旅館呀...」，「幾多錢呀...」，「計你平些120元...」，「一個人呀...」，「一間房...」，「遠唔遠架...」，「就係隔離，去睇睇，唔滿意可以唔要...」，去啦。火車站隔離行兩分鐘就到，叫『人和賓館』，三人間連廁所150住到明天中午12點，環境舒適企理，即住，攪掂。 (21/09/06)
一上房立刻訓覺，明知去少林寺既交通麻煩，所以臨訓book咗個day tour，話就淨係交通費30，睇書都明知day tour多數會昆水...8點未夠就比人call醒...出發... (由於好大煙霞《聽講D煙霞係因為農民燒田而造成...> <》，個大陽好靚，果然，話明去少林寺，無啦啦車我地去-唐三藏既出生地...> <，咁就收你20元入場費...冇野好玩，咪玩樓梯lor...> <)		(都比咗錢，係咁咦都要走轉)
(慈恩堂，好破舊...)	(唐僧像...)	(廢話少說，快D去少林寺啦，嵩山...)
點知途中又話要買套票，要165元不過都預咗架啦，去到嵩山範圍，沿路都見到好多(私辦既)少林武術學校，又真係好多學生，不過佢地竟然係到練西洋拳同打泰拳...> <
(嵩山首站-鬆人書院，又係速行一轉) (早早返出黎去搵野食，仲發現旁邊有條澗玩)	(裡面一塊塊石碑，真係悲...) (但吸引既只係出面個嵩山，可惜太遠...)	(不過D碑都幾好玩...)
(最具歷史既大唐碑，唐朝既野)	(比大唐碑仲加古老既柏樹...)	(呢棵更加老，漢朝-將軍柏)
(果真天下第一...)	(唔知做乜，加插中國四大始祖)	(轉眼，第二站-永泰寺...) (建於北魏，紀念永泰公主出家...)
(終於都入正題啦，少林寺)	(好大既主題公園，一入場就係睇表演)	(表演級既少林功夫，當然精彩...)
(不過黎少林寺，唔係相睇呢D商業表演...) (可惜...只係主題公園一個...)	(唯有自己練武一番...)	(練成亨功木上飄...)
(仲有大力金剛膞...)	(真真正正入少林寺啦...)	(竟然係到見到阿成個造像...)
(仲有水箭龜既歷史造形...)	(少林寺...真係一間寺...呀...)	(冇人練武，唔見十八銅人...)
(樣樣野都新束束，全部都係防制品...) (好鬼死失望...呀...)	(只有呢個爛鬼銅鐘...睇下有冇金鐘罩秘笈先)	(還好，隔離既塔林保持完整)
(可惜既係我影咗好多相都冇晒...> <) (同埋，D樹生得好多好高，遮住晒個氣勢)	(臨走終於都見到武術學院既學生練武) (但影相都比人趕...> <)	(離開少林寺返洛陽，途中經一經白馬寺) (又係寺...唔入去啦，只係出面行街)
回首頁	原本對少林寺都唔係好大期望，但點知真係唔期望都一樣失望，去，又真係唔值，唔去，但個名又太響，真係雞肋。 返到洛陽，食咗個晚飯，即刻去火車站買聽日下午去華山既車票，本來想買下午4:00左右既車次，點知得番1:30一班，返賓館考慮一陣，都係買喇，同肥pe一齊行去買票，工作完成返賓館，點知拷極門都冇人應，阿勇去咗邊...原來條友訓著咗...> <	-->第三日 返回第一天 外地遊歷