越野雄心 - 西安洛陽7日遊day4
Day 1 → Day 2 → Day 3 → Day 4 → Day 5 → Day 6 → Day 7
關於華山： 華山--為五岳中的西岳，以險聞名天下，有"奇險天下第一山"的稱譽。華山是一座道教名山，亦是全真派的發祥地。山峰有五個，分別是最矮的北峰(云台峰)、東峰(朝陽峰)、最高的南峰(落雁峰)高2169米、西峰(蓮花峰)及中峰(玉女峰)。 華山距西安120公里，坐火車或汽車均可到達。自古華山一條路，但今日已多了一條智取華山路，再加上有"亞洲第一索"之稱的索道落成，今日登上華山已不是難事。 華山山峰四面環崖，路與屋都依壁而建，確實是一處奇險之地，而其中又以長空棧道及鷂子翻身為至險之處，但今日華山己因安全為理由在這兩處地方加了鋼索，並且必須付30元著上安全帶方可進入，這一著，實在令至險之地完全失色。再加上山上古道全舖上了齊齊整整的石階，遊華山，可說如同公園，別無難處了。		(華山導遊圖)
係華山腳既寶蓮燈旅館，一宿無話，晨早8點起身食個早餐，寄存埋行李就施施然咁出發。晨早空清新開朗... 華山，當然係今次行程主打，而家身處其山下，實在有D興奮莫名既感覺，一直以為山上補給困難，三個人，三個背囊，重到死，人地幾個少男少女，一個膠袋就嘻嘻哈哈咁上山去...> < (23/09/06)
(自古華山一條路，上華山先經過玉泉院，再穿過火車路軌，但過程既相都遺失了...> <)	(進入山谷，先經過五龍橋)	(五龍橋全相，都幾有氣勢，我地淨係係度研究，可唔可以行澗入，避開售票處...^^)
(人地當然做好晒防範，多謝入場一百加五元) (入咗場，一條車路，我地比條五龍溪吸咗落去)	(呢條5龍溪，雖為大澗，但只有小瀑)	(澗上既大石都有刻字，好野)
(沿澗一路上都冇乜景，只係中途一塊大石幾好玩，都係返上路行)		(上山條路就係一直沿澗而上)
(石崖)	(鐵杆)	(闊路)
(呢個山谷，稱為華山峪，四周都係巨崖絕壁，真係好有氣勢)		(旁邊既五龍溪間中都有靚景)
(天下第一關--五里關)	(望望周圍，你就知呢個關真係好絕)	(發現一間--驪山老母)
(行行下，又見條澗上面有野玩)	(原來呢到好多石都比人開洞)	(好靚既一個峽谷)
(過石門，冇乜特別)	(但前行一段就發現，河既對岸有野玩)	(講多無謂，即刻過去)
(所有野都依壁而開而鑿，好精彩，仲有條懸空棧道)		(係壁上鑿出黎既一間廟)
(最強都仲係呢間破屋，真係半天吊)	(中途一路都有補給，用山水保持新鮮)	(有D壁玩到，就梗係唔放過)
(上到990M，毛女洞，仲有雪條食)	(毛女洞既餐牌價錢，都仲係好平)	(唔知幾時興起綁紅絲帶)
(越黎越多梯級要上)	(嘩...呢D挑夫真起強呀)	(穿雲門)
(到青柯坪，千幾米都咪話唔攰)		(呢條叫青柯橋，原來D挑夫挑既建材，就係黎呢到修建一間道觀)
青柯坪以後，就係更加直既石級，中段就係回心石，風景好廣闊，上到呢到，仲可以回心轉意，所以地就係呢到食lunch...考慮考慮...^^ 只可惜，呢到影既一點一滴，都隨著我張512消失了...wu wu wu...> <
(回心石之後，就係一條路最精彩之處)	(陡直既石級，千尺幢)	(路分兩條，平衡而垂直咁上石罅)
(臨頂之處，都仲要穿一個石窿)	(千尺幢之後，就係百尺峽)	(呢到有"太華咽"之稱)
(清楚望見西峰，同下面石峽既景色)	(千尺幢就係類似呢D咁既石崖石峽)	(百尺峽上段，攝住兩舊石)
(一舊驚心石，而另一舊就係平心石)	(百尺峽頂，就係呢舊狹窄石)	(西峰崖上面個窿叫水廉洞，以為隕石造成)
百尺峽之後，差不多1600米，上多一段嘩嘩聲既天梯就到聚仙台、臥牛石、擦耳崖、日月崖，呢到就係北峰既交匯點，由於係纜車站頂，人流即時多到塞晒車... 話說阿勇行到呢條梯，聞到陣陣夜香，大叫好臭呀...肥pe聞言就回一句：「邊個係到疴呀...」，阿勇就回：「你聞下」，留長聽後即回：「原來係"李文夏"所為...」，三人大笑連場，不能再行...> <
(過咗北峰，遊人實在太多，要慢慢行)	(影相位都比人霸晒，唯有閃出崖邊)	(終於遇到班同鄉，傾計都開心D)
(望去蒼龍嶺，排晒大隊)	(原來同鄉們都係師範學生，黎到西安讀書， 咁啱係華山遇見，幫你地影既相遺失了，sorry ar...> <)	(進入蒼龍嶺，又要閃邊影相)
(蒼龍嶺雖為險脊，但梯級闊到可以上上落落)	(蒼龍外望)	(蒼龍回望)
(係呢到回望北峰，中間有屋果座，同纜車站，好靚，不過後面好高果座唔係華山)
(回望蒼龍嶺，依然排大隊)	(上到脊頂，有一個石台咀位，睇景一流)	(風景真係好靚，好有氣勢)
(行得慢，咪可以慢慢睇風景lor)	(風景)	(松樹)
(呢到就係1600米既北峰，聚仙台、臥牛石、擦耳崖、日月崖，纜車站各個景點既位置)
蒼龍嶺之後，就去到五雲峰，五雲峰算係一個中轉站，所以我都選擇係到住一晚，價錢係正價六折，我地要三人間好企理，240元。 放低晒D行李，即刻無重上山，輕鬆晒。
(到金鎖關之前，有一堆石景玩)	(一時失手跌落黎，好危險...純粹攪笑)	(望去西峰，真係好削)
(到達金鎖關，真係好多人係到落鎖) (好攪笑，真係整咗一隻巨形金鎖係到)	(山上面勁大風，氣温都跌咗好多) (金鎖關之後四峰就係一個環形咁去)	(當然第一時間就走去長空棧道) (去長空棧道就先經南天門)
(長空棧道係南峰東崖，崖頂有個觀景台) (個個頂峰位置都有華山論劍...)	(就係呢毎觀景台，風景好靚架)	(今時今日玩長空棧道既示範相)
長空棧道--可以話係華山最具代表既地方，係山腳時已經見到呢張相，仲笑佢有冇攪錯，著晒安全帶玩，點知當我地上到黎，正式去到呢個地方，原來已經係規定一定要著，仲要比30元，最慘仲係唔比帶相機落去...簡直荒謬，無論點講都冇例外。 既然係咁，唯有唔玩，實在太冇意思，本來極險之地，變成唔險，去咗等同冇去，30元都無謂浪費...唉...極度遺憾。
(最終呢條棧道只係有一個人玩)	(棧道入口，影張留個念啦)	(我諗最險可能係爬呢條鐵梯落去)
(入口個懸崖勒馬，原來係咁既意思...> <)	(唔玩，趕去華山極頂--南峰)	(一路行，發覺石崖級上有舊有既一D石級係到，而家呢D都係完全擴闊既梯級，冇晒難度)
(上南峰中途既壁崖景觀)	(好精彩)	(終於到極頂，2160米)
(超級大風，唔小心會被吹走)	(一登華山之顛，好野)	(天快黑又凍，落山，山上既受保護松樹)
(就係到同棵樹影相既時候，發現對出絕崖上面有一個洞，而且崖上手寫上"思過崖"，思過崖其實係長空棧道尾，如今呢到竟然有另一個係到，唔理佢真定假，好似好好玩...)	(望見痕跡，以前應該都有長空棧道通過去崖中，而家不見木板，只有一條鐵)
(唔理，利用鐵鍊同鐵柱一條而過)	(一條鐵柱立足，好兇恨呀...)	(崖上既洞尚有兩條鐵鍊可用，攀)
(越爬越高，越爬就越驚，下臨無底架)	(可惜既係，洞內外環境既相己經冇晒)	(好險既地方，崖洞真係就咁開鑿出黎)
(難得三人一張合照)	(返去五雲峰時，順手遊埋西峰)	(陳香劈石救母之處，斧劈石)
回首頁 外地遊歷	(西峰蓮花峰，呢個係蓮花洞) (係呢到D工人住既地方)	返回第一天 (繼續...華山...第5日)