隨筆
十二月二十五日
我洗禮的日子。很高興，我能夠在眾人面前表明我對信仰的立埸。在此感謝各好友對我的祝福和鼓勵。
十二月二十六日
今日好無聊，訓到十二點幾。好想好想返工，又有錢賺，D同事又NICE。好想再坐o係後巷，一邊摺紙袋，一邊同D同事傾計。好想被D客讚我個數碼暴龍包得靚。好掛住貞貞，阿樹，阿霆，TONY 爸爸，達達，成班庶務部o既同事。講真，我真係好怕悶，有o左你地，我先可以有o甘多樂趣。哈哈，不果我都帶俾你地唔少歡樂。
十二月三十日
好開心，今日返Sogo見到Tony爸爸，Gary同Raymond。其實唔返工都有唔返工好o既，起碼可以同大民玩吓web cam，探下爸爸，搵阿line陪我，跳下舞，整下o野食...呢排掛住忙讀書同返工，忽略o左好多人和事，sorry呀﹗尤其係一個好朋友，我估唔到我冇聯絡佢，佢會o甘唔開心。佢對我真係好好，雖然佢冇送任何貴重o野俾我，但我知道佢好重視我與佢之間o既感情，我好多謝佢。佢係我一位好真好純o既朋友，好多謝佢對我o既信任，thank you。谢谢你对我的信任。
一月一日
昨晚在教會練歌。我很喜歡練歌那個過程﹕由走音到唱得動聽，這過程不僅是我一個人的努力，還需要很多朋友的配合，從中我學到的東西很多。
練歌之後，我和阿line去了尖沙咀倒數，我沒有走進文化中心倒數，但我從新聞報導中得知某些青少年塗鴉中心附近的樹木，又亂拋垃圾，覺得很感慨。究竟為什麼香港的青少年沒有公德心，不知是非黑白，不懂尊重自己。是他們的錯？是家長的錯？是誰的錯？無論誰對誰錯，我覺得教育一個人是一件很困難但又要堅持的工作。我認同聖經的話﹕教養孩童，使他到老也不偏離。
新年的凌晨，我和阿line的同學在阿line家渡過。我很享受與他們一起聊天，認識一班新朋友。
一月十二日
依排好凍，懶得郁，所以冇update個網，唔好意思呀。近排好多晚都要跳舞，幾辛苦，跳到d肌肉好痛，希望快d過o左個training啦~~
好搞笑，尋日同tony爸爸成班一齊bbq。去到先知果度有好多唔識o既人。d情侶好鍾意餵黎餵去﹕你一啖豬扒，我一啖金菇...我呢...唔鍾意被人餵，都係自己燒，哈哈。雖然大家同我唔熟，但係都對我好好，好開心。
二月二日
今天是年初二，祝大家好。這幾天都過得很開心，雖然家人不在，可是有很多朋友到來陪我，也許真的委屈了你們，我一廂情願地把我自己喜歡的遊戲加諸你們身上，對不起，我很任性，希望你們不介意，也沒有悶壞吧~~
"三家姐"叫我努力，努力什麼？努力讀書吧，要知道有些東西不可以勉強的，但謝謝你，畢竟我會視你的同學們為我的朋友。將來的事，將來才算吧，我很滿足現狀。你說你把合適的介紹給我，我不知道合不合適，只是....順其自然吧，而且幸福可以在其他層面上爭取的。
最後祝你們像年初二的煙火一樣的璀璨。包括我爸，我媽，我最疼愛的弟，阿line(還有你的家人)，阿筠，Raymond(雖然你不在香港，但很想與你大伙兒過節)，Athena，Carmen，嘉儀，Annie，Cece，Tony爸，Eliz， 達達，還有Charlie，Terrence，阿俊，在很遠很遠的Dorian和佳星，希望你們都快樂，好嗎？