|
Billy Lau Ho-Him's
Home Page |
|
|
以賽亞書 6: 1-13 我又聽見主的聲音說: 「我可以差遣誰呢?
誰肯為我們去呢﹖」我說:「我在這裡, 請差遣我!」 我就說: 「主啊, 這到幾時為止呢?」
<<盲頭烏蠅>>是 Billy得救見証的第三個分享 - <<讀經篇>>. 勸人親近神, 愛慕神的話語係 Billy一生的召命. 神的話語沒有一句不帶能力, 靠著神, Billy走過一切困境, 得到數不清的恩典. 這是要顯明神對一切相信的人所賜與的福氣是何等豐富. Billy唔係天生異品, 唔係有特別恩賜, 佢同樣遇到種種困難, 逼迫和批評. 唯一唔同可能係: 佢從來冇因為自己的軟弱而放棄每日親近神的機會.
一天一天 記得第一次接觸聖經, 是幼稚園初班 1984年12月. 老師講路加福音二章牧羊人朝聖的故仔比我地聽. 之後同媽咪在英國之旅中信主. 回港之後, 斷斷續續咁返教會, 返主日學, 加上學校有聖經科, 所以, 對四福音耶穌生平以及舊約一些歷史故事略有認識. 細個果陣, 亦嘗試讀舊約, 不過出唔到埃及; 讀新約, 又永遠睇唔到耶穌復活就「死左 」.
南非是一個基督徒和天主教徒眾多的國家, 不過, 華人教會以我所知要到 94/5年先開始有. 移民南非後, 印象中只參加過兩次查經, 一次係個牧師屋企, 另一次係校園草地. 第一次是跟一位三年班讀商科的師姐 Connie Lau同佢讀神學的女性朋友查約翰福音第三章. (如果冇記錯.) 另一次是跟<<同班同學>> Timothy同埋佢 church班弟兄s 查雅歌第三章. 返到屋企, 唸住自己試下睇下雅歌, 結果當然係完全唔明啦!
97年 8月17日, 移民到加拿大. 31日, 在一個夏令營當中, 照著神同我所立的約, 做了全時間奉獻, 生活奉獻和重新決志的這一個決定. 個講員(傅大衛牧師)係最後一日, 9月1日問有邊個弟兄姊妹讀完一次聖經, 居然只有兩個導師舉手. 於是, 牧師挑戰我地可唔可以兩年讀完一次聖經.
這是一個令人氣忿同感歎的場面. 我地讀大學, 一個學期至少要睇四, 五本 text books, 平心而論, 區區一本千幾頁的聖經兩年內讀完又有幾難呢? 點解會冇人舉手呢? 我既然做左跟從神的決定, 當然要接受挑戰.
我仲記得出唔到埃及, 復活未到而身先「死」這兩個童年陰影. 剛好當時上造就班有位姊妹問阿 Ken一個「看是看見卻不明白, 聽是聽見卻不曉得」的問題, 提高左我讀以賽亞書的興趣. 於是, 就由先知以賽亞書開始讀起. 讀左一個禮拜, 走走停停, 斷斷續續, 讀得十來章. 我發覺如果我唔將本聖經隨身攜帶, 單靠返到屋企, 記得果陣先至打開揭下, 最好也不過如此. (我係一個好心散, 無法專心一事超過半小時的人, 我了解自已的軟弱.) 於是, 我帶埋本聖經返學, 一日流流長, 我知道我一定會有時間躲在 library瞓教同讀書, 如果我將讀經同呢兩樣 activities掛勾, 我應該可以 keep到每日讀經. 用生活去 hold 信仰 accountable, 再用信仰去承載返整個生活. (生活同信仰互為守望係 Billy最重要的神學觀之一.)
靠住呢個方法, 10月 9日, 短短廿日就出左總共六十六章的以賽亞書. 果日, 我係巴士上面揸住個計數機, 發現原來只要每日讀十章聖經, 四個月就讀完一次, 洗乜等一年咁耐?
我諗: 「如果以賽亞書咁悶, 咁深, 完全唔明, 完全唔記得都捱得過, 其他書卷都應該冇問題. 只要將同瞓教讀書掛勾這個方法再升級, 梅花間竹咁讀, 既可以親近神, 又唔會荒廢學業, 一年讀三次都應該冇問題.」就咁樣, 11月尾就讀 完先知書. (所以, Billy對先知書係有一份不解的情意結, Billy的人生亦係先有召命, 而後經歷福音大能, 在恩典中神對他的說話同作為, 最後先到智慧文學.) 98年 2月頭, 讀完一次聖經, 6月28日浸禮果陣已經將近讀完第三次. 截至 2000年 5月, 如果冇記錯, 讀左 11次舊約, 14次新約, 之後讀左幾多次, 照住神的命令, 冇再計住, 再計住亦都冇意思.
在這些日子, 神的恩典冇離開過 Billy, Billy仍然每日親近神.
盲頭烏蠅 教牧長執, 組長團長成日叫人要愛慕神的話語, 但係原來當你聽完道之後, 真係咁天真走去行道. 係會遇到前所未有, 歷久常新, 四面八方, 各行各業的喜笑怒罵, 冷嘲熱諷. 對一個「既濟/未濟」, 岩岩信番主的人來說, 衝激係大, 亦係無所適從的.
「咁唔好, 讀得咁快明唔明自己讀 D乜嫁?」 「咁唔好, 查經, 研經都好重要, 一味讀唔 work.」 「咁唔好, 聽道故然緊要, 但係行道都好重要.」 「咁唔好, 讀經冇應用就係頭腦知識.」 「咁唔好, 這是法利賽人同文士的方法.」
但神用箴言安慰我:「不要照愚昧人的愚妄話回答他, 恐怕你與他一樣.」
時間可以証明一切, 事實勝於雄辯, 狠狠批評過後, 隨之而來係數不盡的稱讚: 「你好叻, 你有讀經恩賜, 不過...我冇.」 「你好叻, 你鐘意讀書, 不過....我唔鐘意.」 「你好叻, 你好記性, 不過....我就唔得.」 「你好叻, 你分析力强, 不過....我驚解錯經.」 「你好叻, 你呢個方法好 work, 不過....我唔 work.」
但神用箴言提醒我:「要照愚昧人的愚妄話回答他, 免得他自以為有智慧.」
Billy 讀經觀係 under另一套 system, create 衝突係在所難免. 透過咁, 神讓Billy學識點樣同唔同意見的人相處, 更加明白同諒解他人. 當然, Billy的讀經方法唔係絕對同唯一的方法, 弟兄姊妹只不過將佢地認為對我最好的建議告之/將佢地由心的稱讚表達.
我以前唔明, 依家我懂了. 點解讀完一次經會咁難? 97年去 retreat 果班哥哥姐姐連一次聖經都讀唔完, 兩年之後, 又有幾多人讀完呢? 點解我地對神的認識, 完左<<浸禮>>同<<造就>>就 開始停滯不前? 點解我地好愛主, 好叻事奉, 但係對聖經就永遠只知道幾個大原則, 幾個基要信仰, 同埋幾十段聽慣聽熟的經文? 更慘係, 點解有咁多問題, 我地都仲可以當冇問題?
從前有六匹駿馬, 由於原來所住的山谷缺乏糧草, 於是一齊去揾另一個可以安居樂業更美的家鄉. 當佢地去到一個岔叉路口時, 六匹馬唔知行邊條路好, 於是就開高峯會議, 就行邊條路最好不停咁 discuss. 就係呢個時侯, 一隻跛鱉經過. 跛鱉同駿馬講, 佢要去二三千里以外, 山明水秀, 流奶乳蜜的樂土. 駿馬就譏笑佢, 一匹千里馬三日就可以去到, 但係跛子又如何能走三千里路呢, 你唔係<<白日夢之戀>>, 就一定係<<思覺失調>>. 跛鱉就話:「正因為我知道自已係個跛子, 所以我先要加倍努力. 只要我朝住呢個方向每日咁爬, 終有一日會到, 即或不然, 我都會走到生命最後的一刻, 我冇時間再聽你地講道, 我要行道, 我要趕路, 再見!」 三年之後, 跛鱉終於爬到樂土, 但果六匹馬仍在岔叉路口爭個不休, 最後死在曠野, 入唔到迦南, 守在空墳, 見唔到復活的主在生活中. (取自<<成語動畫廊>>第八冊, 跛鱉千里的故事.)
箴言叫我地追求智慧到一個地步要好似追求一個心儀對像, 追女仔咁追法, 膽大, 心細, 面皮厚, 死纏爛打, 死性不改...... 當人對神展開激烈而力排眾議的追求, 也許係身邊的人難以理解同接受. 但你心目中的白馬王子, 又或者係女神, 係永遠都追唔到, 因為你太投鼠忌器, 太捉襟見肘, 太唔得自然, 即係唔夠放. 可惜是: 後者往往就係我地對神話語的態度, 我地驚驚青青, 自我控訴, 將神話語關入至聖所裡面"供奉", 用幔子將你同神隔開. 平日只會在外面「瞻仰音容」, 唯有一年一次 retreat, 由牧師帶我地入去光顧蹓覽一番.
讀經係咪真係咁難呢? 定還是你有太多無謂的顧慮呢?
希伯來書話我地活在恩典之下, 不在律法之下. 所以只管坦然無懼來到施恩寶座前, 為要得憐恤, 蒙恩惠, 作隨時的幫助. 點解到今日我地仍然怕悶, 怕難, 怕冇記性, 怕唔明, 怕解錯, 怕驕傲, 怕冇應用, 我地乜都怕, 唯獨唔怕神, 唯獨唔怕白白的恩典? 點解到今日我地仍然要伏在律法之下, 唔肯活在恩典之下呢?
我都會悶, 會善忘, 會唔明, 會解錯, 會驕傲, 但係我懼怕神, 懼怕徒受恩典, 所以我就可以坦然無懼, 因為愛裡沒有懼怕. 好多人好似匹千里馬咁, 愛主, 事奉同處事都好叻, 但差一步, 差一里路. 只要肯讀多 D經就可以令生命燃燒得更燦爛, 更長久.
Billy 只係一隻肯不停咁爬的跛鱉, 如果跛鱉最終可以去到樂土, 千里馬更加可以. 如果你一定要話Billy係一隻肯行的千里馬, 而你先至係果隻跛鱉, 你冇用, 你唔惦, 你係果個得一千蚊的僕人... 咁你就要更加努力, Billy努力, 你要比 Billy更加努力. 謙卑係一種生命的認知, 而唔係拒絕神的籍口, 否則就係假冒為善的人, 唔親近神永遠都冇籍口. 你要事奉得更勁, 更愛主, 唔可以冇真理. 因為真理係動力, 信, 望, 愛的來源, 係生命的 base.
每一次遇到各式其式的批評同意見, 我都會問神, 冇人 agree, 冇人同行的情况底下, 我係咪錯呢? 應唔應該繼續呢? 點解讀經會成為我的羞辱? 成為我的笑柄呢? 但係神用約書亞記鼓勵我:
我好似一隻<<盲頭烏蠅>>咁衝, 但係神保守我, 叫我的生命成為一個信息, 叫人見到我就諗起讀經. 為要顯明神的一切恩典, 祝福與豐盛在一切恒心敬愛佢, 定意親近佢的人原沒有分別. 那份「愛何等大, 恩何等深」係 Billy, 同樣係你可以經歷到, 當然你有選擇權. 但係, 呢個係生死禍福的决擇, 係事奉的 base, 係順從神的第一步亦係最後一步, 我地都識揀嫁.
在這些日子, 神的恩典冇離開過 Billy, Billy也沒有放棄親近神.
不要離 靠住神的恩典, 當 Billy勝過個人的軟弱以及各種聲浪, 仍然堅持到底, 竭力追求時, 神就讓 Billy接受更大的考驗. 99年 3/4月, 當大學 C.C.F. 職員會為下年度計劃 program, 當教會團契職員的靈修關顧, 以及Retreat sub-com handbook同靈修經文的製作, 四個事奉加埋, 真是疲於奔命, 每日讀經指數在考試之後, 跌到落谷底, 居然有幾日每日讀經章數只有一兩章, 太忙啦!!
係 Billy的靈修神學觀裡面, 係唔認同追求「感覺上帝存在」這種經驗. Billy追求認識神, 追求係生活當中經歷存在的上帝, 以及與衪同感一靈, 但唔係追求「感覺上帝存在」. 因為 Billy覺得上帝存在(同在)係用信心去接受, 無論你感唔感覺到. 就正如我爹地係屋企行來行去, 我唔需要去 feel佢既存在, 但如果佢出左街, feel到 feel唔到佢都唔會係度. 但我會知道, 會去揾佢, 揾唔到就會 call佢. 地上的父如此, 天上的父我唔 敢講一定係咁, 但至少呢個係我對聖經靈修神學同上帝同在的客觀理解同主觀經驗. (我地住係多倫多, 而唔係哥林多, 神秘的三層天經驗係可遇, 卻不必追求, 保羅話佢更喜歡誇自己的軟弱, 同埋存在的上帝的恩典. 林後 12:1-2, 9)
4日30日, 就係 C.C.F. retreat的第一日, 我經歷到生命當中第一次, 亦係至今唯一一次, 唯一一日經歷到神的「離開」. (如果「離開」呢個詞令你接受唔到, 就用「掩面不看」罷!)
這是我以前係香港, 係南非, 係加拿大都未試過的恐怖經歷, 再難的事, 再多的工作量我可以應付, 只要我親近神, 依靠神, 當然唔係叫你霸晒 D野做, 但係果一日卻恐懼戰兢, 跪係度不停震, 因為事奉忙亂而求神赦免:
這事以後, 神向忙亂的 Billy回轉, Billy就回轉. 不過, 係果次經歷裡面, 神要我明白到親近佢比起完成一件事工更加緊要. 利未記講祭祀, 祭祀係代表人對神既順服同親近, 但祭祀本身唔可以取代順服同親近, 否則人就仍然活在律法之下, 不是恩典. 祭祀本身唔能夠除罪, 同樣事奉唔係基督徒的贖罪券, 相反, 祭祀同事奉本身係一份恩典. 離開恩典, 順服同親近, 事奉就不蒙悅納. 雖然, 神同樣可以令呢種事奉去成就祂的旨意, 去大大的使用不順服的人, 但傳福音給別人, 自己反被棄絕又何苦呢? 我跟不少人分享過這段經歷, 可惜許多人急於銲衛真理, 堅持神唔會離開人, 而無法理解神<<狠心愛我>>果份苦心, 果份濃情蜜意. 佢怕我將來做更大的事工, 更多的「祭祀」而 burn out, 又或者變左一個法利賽式的事工狂, 所以才出此「下策」. (神的離開唔係冇可能, 如果唔係點解以西結書用12章篇幅去講神的離開呢? Anyway...唔好離開恩典, 走返轉頭.)
在這些日子, 神的恩典冇離開過 Billy, Billy也沒有放棄親近神.
狠心愛我 這事以後, 神將有關 C.C.F. 將來要發生的事告訴 Billy. Billy知道了, 就甚懼怕, 把一切藏在心裡, 要知道事情的發展如何. 由他在任 C.C.F. 職員的期間到畢業離開校園之前, Billy常在祈禱會中勸告愛神, 忠心服事神的弟兄姊妹:
有好多人 burn out幾年都仲未爬番起身; 亦有人好似不倒翁咁卅倍, 六十倍, 百倍成長, 令身邊的人越發感謝神. 這是要証明「我們得救是本乎恩, 也因著信; 這並不是出於自己, 乃是神所賜的; 也不是出於行為, 免得有人自誇.」 離開恩典, 係龍係蛇, 睇得見定睇唔見, 都係高危; 但我仍然相信神有恩典, 無論你係 係乜野光境.
在這些日子, 神的恩典冇離開過 Billy, Billy也沒有放棄親近神.
終身學習 照住神的吩付咁親近佢, Billy第四年學業同事奉更加繁重, 唔單止冇 burn out, 擔子反而更加輕省, 生命反而更豐盛. 不過, 又係時侯接受另一個考驗啦!
恩典太美麗 呢篇紀念冊的十五篇分享的第八篇, 如果計見證分享, 這算是最後一篇了. 整套紀念冊每一篇都以「恩典」為題, 將神在 Billy身上的作為, 神在 Billy身上的說話, 以及Billy的回應詩歌作結束.
文章感覺上係輕鬆同俏皮, 其實從結構到選文, 題材到用字都經過心思熟慮, 嚴緊非常. 不過, 如果令你覺得我係度 show off, 覺得我好驕傲, 就請你為我代禱罷! 因為我永遠唔排除呢個可能, 所以我唔亦 judge自己, 只求赦免.
神差遣我叫我一生成為一個信息, 叫人愛慕神的話語, 熱烈地追求:
|