思想
<一>
信主八個年頭,
巳經唔記得有幾多日將聖經擱在一旁.
忙, 唔明, 唔記得種種束縛反變成天經地義既「真理」.
我到底知唔知道, 要<<歲月如歌>>,
要<<越信越強>>, 唔係靠忙或者搏命掙扎就得.
「人活著唔係單靠食物, 乃是靠神口裡的一切話.」
有人話「我思故我在」,
計我話「我被愛故我在」.
係呢份愛推開我果道時常自動封閉同自閉既心窗;
係呢份愛叫我係無數軟弱同掙扎過後仍然有力氣;
係呢份愛令我無論悲歡喜
樂, 即使係一個都風雨不改咁堅守.
副
人生係充滿住驚喜同挑戰, 當中,
神係我既邊個? 耶穌又係我既邊個?
耶穌曾經問彼拉多:「你話我係王,
係你自己咁覺得? 定係人地講比你聽?」
神係我既力量, 所愛, 救恩, 寶貝,
居所, 「係你自己咁覺得?
定係人地講比你聽?」
究竟我今日係標竿直往,
背道而馳呢?
神既說話, 神既作為,
我又點樣回應呢?
<二>
身邊耳濡目染既思想太多,
完全接受又或者完全否定都唔健康.
呢種情况之下, 如果我都唔肯晝夜思想神的話語,
唔能夠心意更新, 後果會有幾嚴重呢?
有人話聖經好悶,
一個鐘意讀聖經既人會比人笑佢悶,
Formal又好,
informal也罷,
隨時隨地邊聽邊講卻係神既吩咐.
「你的話是我腳前既燈,
路上既光.」 我總不能因為怕悶怕比人笑而摸黑上路.
見到教會, 團契, 小組,
弟兄姊妹對神話語既態度, 愛慕程度同認識程度,
信左幾耐都好, 大都停留在初信階段,
有太大空間需要亦可以進步.
我唔願意只讀過兩三次bible,
了解十幾個大原則, 幾個所謂基要真理, 同埋幾十個聖經故仔既膚淺境界之下.
我亦唔忍心見到弟兄姊妹係咁,
一知半解有時比唔信既人更加痛苦同悲慘.
但願我能夠「做個無愧既工人, 按凓正意分解真理的道, 蒙神喜悅.」
希望借住呢詩歌同各位同勉,
鼓勵每一個人, 晝夜思想神的話語.