|
| |
<<必殺技>>
聖經係神既話語, 係信仰/生活既依歸.
但如果我地唔 start讀經生活, 單係知道佢好重要, 同將讀經生活更合理化同急切化,
都改變唔到我地實際生活中 start唔到/散漫既讀經生活事實.
都市人生活繁忙, 精神緊張, 要即刻有答案而唔肯慢慢聽, 慢慢諗.
呢種心態我絕對體會同理解, 以下係十二句口訣, 盼望能幫助你開始讀經, 令你讀經生活更成功.
-
唔好話:「今日已經太遲,
反正都讀得唔多, 不如聽日先開始讀.」 記住: 0 to 1係無限既進步, 讀一章,
讀一分鐘都比「冇讀」好上無限倍
-
唔好嘗試揾最好既時間親近神.
記住: 最好既時間就係呢一刻, 亦係任何一刻
-
唔好嘗試等自己安靜左先開始親近神. 記住: 你親近神, 自然就會安靜下來
-
心情唔靚, 唔想讀經既時侯,
試下: 即刻打開本聖經讀一兩章, 你未必會 let go得到, 但一定會發覺 relax左,
心情平伏左, 因為讀經可以幫你 shift focus
-
好忙好忙, 唔想讀經既時侯,
試下: 即刻打開本聖經讀一兩章, 對對錶, 原來只係用左五/十分鐘, 然後繼續工作, 你會發覺巳經充左電. 好過飲咖啡
同睇電視, 因為讀經唔會上癮同痴迷
-
得罪左神, 唔想讀經既時侯,
試下: 即刻打開本聖經讀一兩章, 唔洗怕, 神巳經睬番你, 正在對你講說話, 你亦都應該盡快揾番神, 同揾番自己啦,
因為呢個先係消除罪疚感最有效既方法
-
冇記牲, 唔緊要, 最緊要你知道將勤補拙,
讀多D快D就記得. 注意: 讀得多記得多, 而唔係 the other way around, 唔記得就讀少 D只會更唔記得
-
唔明白, 唔緊要, 最緊要你知道將勤補拙,
畫夜思想, 敢問敢思敢答就自然漸漸明. 注意: 讀得多明得多, 而唔係 the other way around, 唔明白就讀少 D只會更唔明白
-
瞓着教, 唔緊要, 最緊要你醒番之後, 唔會feel bad, 繼續讀, 因為係聖靈令你沉睡亦係聖靈令令你甦醒
-
唔好高估自己, 要求讀第一次聖經就會明白, 如果你讀五次而掌握到每卷書既大概, 巳經非常了不起
-
唔好怕自己會驕傲同識小小扮代表, 你越讀得多, 認識神越深, 就自然唔會咁自大, 同咁自卑
-
唔好等, 將本聖經隨身攜帶, 令信仰同生活融和, 試下將讀經同日常生活掛勾(如温書, 搭車,
健身), 一前/一後/一齊咁做, 係最容易/最有效/最持久既方法.
你可以將上面既心得當金句咁背左去, 你可以將十二句口訣代替你果堆籍口s, 令你可以多多讀經.
如果你問我一年要讀幾多次 bible, 我記性唔好, 分析力普通, 所以, 一年三次即一日十章才足夠, 記性同悟性高者可以讀慢 D同少 D.
|