|
Billy Lau Ho-Him's
Home Page |
|
|
2005/09/12 一切從一本書開始
從一本書 05年 8月返港期間, 由於每日都要去廣華探病, 不能走太遠, 去書局 window shopping成為我經常 的「娛樂」節目. 臨走之前三日, 睇中左一本書, 賣 $100港紙, 冇買到. 後來想買返, 但冇機會去番果間書局, 第二間又冇得賣, 唯有空嘆息一番. 返到 Toronto, 發現三聯有貨, 卻賣成 $33加幣仲要加稅, 以當時 6.7算加 7% GST, 書價要 HK$237, 貴過香港兩倍有多. 唔係比唔起, 而係唔甘心比咁多佢賺, 當然唔買啦!!
一個月後, 再返港參加婆婆既葬禮. 這次, 終於如願以償, $100八折, 買到果本書. 估唔到買本書都會一波三折, 古人話:「讀萬卷書不如行萬里路」 而我為左買一本書, 等如行萬里路, 都算過份了.
咁究竟乜野書咁過份, 要攪到<<萬水千山總是情>>咁大陣仗呢? 其實係一本講經濟, 投資, 分析既書 lor. 佢令我對中國/香港既經濟認識唔少, 投資策略同分析力都有所進步. 更重要既係, 佢教曉左我, 買邊類公司/邊隻股票會不斷賺錢, 邊 D冇前途.
講番轉頭, 返香港當然唔係為左買本書 la, 只係順便而矣.
講起投資, 05年之前, 無論係基礎分析定係技術分析都唔係太好, 加上資金有限, 連基本的 diversify都做唔到(至少揸10隻股), 就學人投資. 不過, 靠住神既帶領, 保守同憐憫, 大市連升左三年, Billy 03, 04, 05年以 70% stock & 30% bonds 既比重計算, 平均回報 14.5%. 不過不失, 算係與大市同步咁啦!!
做 05年 review & evaluation既時侯 * , 神 就要 Billy認認真真咁去學 1) 做一個胸懷普世既股市/股票分析員; 2) 係大市升升跌跌之中認織自己既能力同限制; 3) 做一個精打細算的消費者; 4) 研究點樣係錢賺錢既同時, 唔會紙醉金迷, 可以收放自如, 對準神比我的使命
基於這個 evaluation, Billy開始買書學投資.
開始一切 如果話投資股票可以靠一本書所學到既原則/方法, 令賺多多輸少少而風險又低既話, 呢個世界其實大把呢 D書. 不過唔知點解, 每次apply某本書既 theory, 又或者聽電視/講座 D分析員講股, 都即蝕.
於是我發現, 有好多原則s同方法s都係死既, 而人係活既, 有時唔係原則s同方法s出問題, 而係人出問題. 太急, 太貪, 太驚, 太亂, 冇耐性, 冇資金, 冇膽色, 冇信心...... 呢 D野書裡面即使提過, 講過, 鄭重告誡過, 都冇用. 所謂「江山易改, 本性難移」, 好多人即使識好多, 但玩股票係注定(遲早)失敗, 因為勝唔過自己, 勝唔過種種心理因素. <<心裡心理有個謎>>, 應該點解決呢? 點樣可以令自己, 係勝利既時侯唔冲昏頭腦, 係失敗既時侯唔會只係失望沮喪呢?
返香港仲買左另一本書, 係 1970年完成既呂氏譯本 (Lu's version), 一本被譽為最直接翻譯原文既中文聖經譯本.
不時有人問我:「聖經你都讀左咁多次, 再讀有乜用呢?」 前幾日(12/24/06), 成班弟兄去飲茶, 傾起油股. 會計先生話:「油公司分上游(開採), 中游(提煉), 下游(油製成品/化工), 仲有運送同零售, 油價對每一種游公司既影響都唔同......」 我地由油股, 傾到油價, 由油價傾到V6,V8引擎同4C既分別. 兩位Engine老師話:「油係架車裡面不斷燃燒爆破, 推動引擎, 令個車頭行, 一架車省油因為佢用同樣數量既油, 燃燒爆破程度高/次數多而排出的殘渣少云云......」 牧先生問:「咁個車頭咪好興 lor.」 兩位Engine老師就話:「所以車頭要入水 lor, cool down個車頭, 冇水, 個車頭就 burn out......」
有時人都好似架車咁, 會行會走, 有 D爆破力強, 有 D省油, 但冇水就會 burn out. (睇唔睇到係另一回事, 結果係死左都唔知乜事.) 信左主10年, 未 burn out過, 我諗係因為不停讀經之故罷. 自己投資冇跌入萬刦不復的「賭仔」命運, 嬴條針, 輸舊金, 裡面既原因, 可能亦因為讀經之故.
為此, 亦需要感謝神.
* 係 Billy既時間觀入面, 9月先係一年既開始, 這可能同佢係 8月 31日决志, 又或者 9月12日出生有關. 不過為方便起見, financial year依然係 1月至 12月, 但其他一切都以 8月為 cut off day, 包括這個網頁同 Billy既詩歌.
|