|
Billy Lau Ho-Him's
Home Page |
|
|
2006/04/19 高不勝寒
高 06年04月19日, 恆指 17,300點, 多指 12,450點, 雙雙摸頂. 受惠於年初強勁升幅, 令Billy 四個月既總回報去到前所未有既地步. *1 Billy諗大市亦係時侯回落了.
之前已經不停咁求問, 今日仍然不斷求問, 升左咁多, 我應唔應該放呢? 那段日子, 神卻要我學習 Buy & Hold 這個功課 (單指股票而言). *2
我問神: 「明知跌, 都 Buy & Hold? 咁咪好傻? 點解唔放左先, 賺左先呢?」 不過, Billy最終選擇左順服.
4月19日, 3點前, Billy將手頭上佔 15%既 equity mutual fund轉成 bond fund, 將 equity比重減到 50%, 降低風險. 但將所有股票一律 Buy & Hold, 默默等侯股市下調既來臨. 當時, 亦有位朋友(賺緊錢)問我:「我依家賺左, 應唔應該放?」 我果陣時同佢講:「大市會回, 但唔緊要, 揸住佢. 會升翻.」
低 隨住難以捉摸既美國新任財長伯南克不斷加息, 恆指, 多指, 以致全球股市亦紛紛下調.
呢個係 Billy繼 Nortel, Income Trust加稅疑雲經歷之後既第三個跌市, 為時兩個月. 之前果兩次, 輸既係自己既錢, 今次係媽咪既錢亦係親朋戚友既錢(全部港股). 所以, 內疚感同壓力特別大.
5月, 大市被恐慌性拋售, 第一個支持位 16500點失守, 我個朋友(打和)再致電: 「依家應唔應該放?」 我依然都安慰佢, 叫佢耐心等侯, 唔好因為外圍因素亂左陣腳. 不過, 問心果句, 辛辛苦苦賺番來既錢, 2個月之內少左一截, 唔擔心果個先至唔正常啦!
其實, 我自己都好亂, 時間越長, 大小新聞, 市場分析員, 交流心得既好友淡友朋友, 身邊既聲浪對我既影響就越大. 再睇埋個 account, 令我更加清楚體會到, 投資股票唔係淨係理性分析上既問題. 當你冷眼旁觀, 自然可以固作鎮定, 甚至扮晒屬靈咁笑罵世人貪愛錢財, 落得一身虛空捕風. 唯有主基督耶穌為至寶云云..... 難道全世界所有投資者在輸錢果陣唔開心, 賺錢果陣好開心, 這就是貪愛世界了么? Anyway.....總之唔好太過扮清高 lor.
原來買入同賣出, 升升跌跌, 心理上係有好大既影響. 你明知佢升么, 其實你知, 不過唔敢入, 升番, 又唔甘心入. 你明知佢跌么, 其實你知, 不過唔捨得, 跌左, 你更唔捨得.
6月, 恆指跌到 15,200點(第二個支持位), 跌12%, 多指 10,900點, 亦係跌 12%. 我既朋友(終於入肉)又再致電:「個市跌到好利害, 我諗我放左先.」 當時, 我同佢講:「跌市係外圍因素, 全因為美國加息令資金流出香港, 我地投資既所有公司(股票)仍然好穩健. 中移動(0941)剛剛公佈報績, 客户同盈利增長都超過 20%, 應該守得住 $40! 我 suggest你買既股票s, 係值得揸住佢. 不過, 如果你真係要放, 咁就放 lor.」 我個心諗:「如果你仲有閒錢, 應該倒晒落去.」不過, 冇胆講出口.
我呢個朋友最後蝕左 5%離場, 但佢一離場, 個市就開始反彈.
喜 朋友輸左錢, 呢件事令我好唔開心左好多日.
這事以後, 爹地話港股會跌破 13,800點(第三個支持位), 而加股會跌破 10,000點. 面對不斷下跌既股市, 我係度諗: 「當初 buy & hold既決定係咪錯呢? 點解明知跌, 都要學什么 Buy & Hold? 又管什么用? 」
當時, 神安慰我, 我依家終於體會到: 我願意 buy & hold 匯豐(0005), 中移動(0941), 中人壽(2628)等公司, 因為我睇好佢地有好前景. 所以, 即使我「明知」佢地短期波動反覆, 我亦願意 hold住. 神何嘗唔係咁樣 hold住我嗎? 用佢既愛/性命買贖我之後, 就一直 hold住, hold足廿幾年. 到我 IPO上市(信主)之後, 我先至後知後覺, 在靈命成長升升跌跌, 佢都冇放棄我. 有時你「明知我會跌, 都 Buy & Hold?」 你好傻, 但係我感謝你. 因為你咁傻, 我先至存活至今. 求你叫我爭氣 D, 做好個業績, 同呢位「大股東」有交待? 定還係好似隻 8號仔(電盈)一味玩股民, 自己找著數呢?
如果願意 buy & hold 匯豐(0005), 中移動(0941), 中人壽(2628)等公司, 擺佢入夾萬度, 鎖住廿年. 又會唔會緊緊 buy & hold神, 擺佢入生命, 身心靈同生活裡面呢? 想像一下, 如果我一出世, 就擺 D錢買匯豐(0005), 我依家退得休啦, 仲洗乜等多兩個安息年呢? 我今日, 即使神既「股價」唔見得吸引, 之前升左咁多, 通常都唔敢再追. 我仲會唔會瞓身瞓盡佢. 神願意愛到底, 我又願唔願意追隨到底呢?
樂 6月19日, 多指見底, Billy動用過去兩個月 hold back既所有資金, 以及一切能夠動用既流動/非流動資金, 全面入市. 香港方面, 亦趁低吸納恆生銀行(0011)同港交所(0388). 我同時放消息比爹地同朋友:「如果有多餘錢, 係時侯趁低吸納.」
當個個都係度愁緊, 有冇人會聆聽到神既聲音, 打返開本聖經, 親近下佢呢? 如果連個個人都想靠佢發達既股票, 都冇人想要. 亦難怪神既話語咁難吸引你既心你既眼去注意佢多一眼. 希望呢個想法唔係事實既全部.
昔日, 大衛係戰場, 槍林彈雨既爭戰之中話:
今天, Billy係股海, 波浪洪濤既成交之中講:
*1 媽咪比我托管既投資户口 *2 Billy係一個去 food court買野食, 又或者買 video game玩都會求問神既人, 賣買股票求問神自然係理所當然, 而唔係迷信, 或指望什么未卜先知. *3 希望讀者你唔會覺得我褻瀆, 這大概是我這位主日學老師對詩篇一現代意義解釋, 這亦是其中一個把聖經讀進去的表現. 當然, 如果令你感到不安, 請原諒. 亦懇請各位為我的生命, 我的服侍懇切禱告.
|