|
Billy Lau Ho-Him's
Home Page |
|
|
傾睹 - 02/08/07
自從Warden&Steels有左大统華, 一切生活都唔同左, 交通, 購物, 食野...... 不過, 如果我係神, 我既眼目又會唔會淨係放在大统華? 當然唔會.
最近花多左時間留意身邊既人與事, 才發覺逢星期六, 十點幾左右, 屋企對面美堅華基, 總會有架大班旅遊車在等客. 這其實已經 係好幾年風雨不改既事, 有時它們的旅遊車還會駛入我地屋宛等客, 只是我一直冇留意. 不過, 最近還多了泰安旅遊, 而且好似成日都有團, 才上了心. 於是, 我上了大班網頁溜覽, 確定這是往返賭場既專車, 一日竟有四班之多, 而且費用便宜 -> $30, 送番 $20-25泥碼(or現金代用券), 藤攭г搹h人捧場.
大班旅遊 - 成立於 1989年, 本來只是一間經營賭場往返接送既公司, 後來因為租車貴同唔方便, 索性建立自己既車隊同維修部, 實行一條龍. 近年生意越做越大, 攪埋旅遊, 貴賓團, 演唱會等事業. 當行內的永高旅遊, 萬通旅遊都因經營困難而結業, 大班旅遊既生意卻蒸蒸日上. 那些駛入我屋宛裡面接客既, 就係貴賓團, 一班住客包起成架車, 每個星期去賭個痛快......
「賭」的而且確令唔少人如痴如醉, 也不知有多少病態賭徒家破人亡, 可謂禍害不淺, 係一個幾嚴重既社會問題. 然而, 有華人既地方就有唐餐館, 有唐餐館既地方就有賭場賭坊. 只係冇諗過居然自己住既果楝大廈, 會有咁多「大班豪客」.
「賭」波相向 記得03年, 上街反對基本法廿三條既人上百萬, 但反對賭波合法既人只有五萬. 理由係香港人怕廿三條會令佢地冇左言論自由, 但賭波合法化卻能令庫房收入增加, 有經濟效益, 部份收益又會用作慈善用途及關注病態賭徒問題, 又可打擊非法賭波, 何樂而不為云云.......愛賭之人自然舉腳贊成. (究竟有采頭既果場波係咪會好睇 D同投入 D?)
於是我諗: 點解賭會令人痴迷呢? 係因為可以不勞而獲, 可以以少搏大, 刀仔鋸大樹?
不過, 係人都知根據 statistic, 莊家既贏面係大好多, 649(彩票), 吃角子老虎機唔好講, 中獎機會太渺茫, 幾乎係一定輸. 唯一兩種冇咁莊閒懸殊既賭博方式係買大細, 莊家贏面 53%, 閒家 47%, 不過, 鬥既係純運氣(or 或然率). 另一種叫做有 D技術玩吓既係 21點, 因為可以計數, 計莊家爆煲同每鋪投注金額既比重之間既相互關係, 可以話係贏面最高既賭博方式, 不過, 長賭依然亦肯定係輸多過贏.
所以, 係賭塲, 要贏, 而且要贏硬, 只有兩種方法, 我再強調, 以下由 Billy提供既方法係必勝既.
方法就係: 第一, 唔賭; 第二, 係做莊. (廢話!!!)
不過, 唔賭又去賭塲做乜呢? (欣賞, 住同食野 lor, 因為夠平.) 做莊又點做呢? 當然係買賭塲公司既股票 lor. 不過, 買賭塲股, 政府既博彩稅一定唔少, 所以盈利未必好過其他行業既公司, 加上在道/義上, 你願意做「孕育」無數病態賭徒, 間接令人家破人亡公司既小股東嗎? (公道說話係: 唔可以將賭博這個社會問題全部怪責在博彩公司之上, 其他行業亦有害群之馬.)
先「賭」為快 既然理性上係人都知道十賭九輸, 點解仲咁多人一定要先「賭」為快呢?
記得17歲果年曾經有過玩 21點輸清光既經驗, 一晚輸左五百萬(大富翁錢紙)比班 friend. 我諗當時係輸左幾鋪, 唔甘心, 想翻本, 於是博命加注, 加上自持自己識計數, 但點計都鬥唔過世界上最公平既或然率( or 手風唔順)同時因為急而冇好理性咁計數, 結果越陷越深, 不能自扙. 從這個經驗之中, 我想好賭係因為: 1) 以少搏大既心促使人賭; 2) 一份自持叫人長賭不休; 3) 輸左咁甘心, 結果越輸越多, 越賭越大注
賭自己錢都罷, 問大耳癃借就一完死, 因為利息太高, 一定還唔起, 結果周街問人「托水」, 最後家破人亡兼神憎鬼厭, 但好多人到左果個地步依然天真地相信:「耶穌是主.」當然唔係, 係「有賭未為輸」 *1
安全「賭」嶼 提起賭, 好自然諗起澳門. 自從特首何厚華先生上任以來, 獲一致好評. 記得回歸之前腥風血雨, 一上台就擺平左. 加上何先分餅仔能力極高, 上任之後令葡國, 中方, 港人, 澳門本土人, 內地移民, 三大賭牌人, 傳媒既朋友, 各社團既兄弟 etc etc 個個開心. 在開放賭牌之後, 經濟就好似火箭咁上, SARS令香港人心惶惶, 澳門一於冇有怕, 繼續上, 申報個案只有一單, 對比起隔離果位董伯伯董建華先生, 淨係陶大花園隔離既都幾百人啦, 仲要叫人出來講「冇係市區撒播」, 「洗手, 洗手」等名句, 何厚華先生明顯好好多.
到06年, 澳門博彩業己經勁過拉斯維加斯, 政府儲備由回歸時幾億, 變成幾十億, 樓市 倍增, 股 票 double, 加到但仲有升值潛力果度巴閉嘛!
不過, 對我來講, 澳門感覺上始終是一個從開阜以來都靠黄, 賭, 毒促進經濟繁榮既「賭」嶼. 好好地一個民風純樸既城市, 點解近年變成左一個所有大學生走去爭做荷官既都市呢? 當一眾分析員/時事評論員對澳門既欣欣向榮律律樂道既時侯, 澳門人既將來又會係點呢?
神啊! 你既工作係乜呢? 究竟澳門仲有幾多人係未向「巴力」低頭呢? 當我地宣告耶路撒冷係聖地, 係屬於神, Warden & Steels呢? 係屬於大统華? 大多市? 如果我依然相信, 全地既主權屬於神, 點解我仲會見到大班同泰安既車隊? 我又應該點禱告呢? 又應該點改變現狀呢? 至於澳門? 為要更了解當地情况, 神叫 Billy 5月返港澳一趟:
聖靈:「你要 5月返港, 在中港澳三地走走看看聽聽. 因為耶和華既眼目鑒察全地. 你不用為機票費心, 我叫得你去就會為你打點一切.」 Billy:「主啊! 多謝你, 你向來恩待你既僕人. 既然係咁, 求你准了僕人一個請求.....」 聖靈:「牛在禾場上唔可以封住佢個嘴, 說罷!」 Billy:「求主在 5月底, 令加紙由依家 $6.63升到 $6.85以上, 只要加紙高過$6.85, 機票錢就不用神你為我費心.」 聖靈:「不然, 機票錢我會在另一處給你, 那 FX Gain就當是香港的洗費, 不過, 5月我唔准你買野, 這就是我同你所立既約, 你如果唔聽話, 機票錢同匯率既 promise, 就算兌現左我都有方法收番, 也不過是十日罷! 忍忍手啦!! 除此之外, 你愛用幾多錢都唔緊要.」*2
盼望 Billy 能夠一生信靠順服, 那怕/即使有時神既旨意在人看來有多唔合理.
西歪東「賭」 這事以後, Billy一直去想, 澳門政府在賭博這個社會問題上做過乜? 當地基督徒又點回應呢? 或者呢 D都要親身去到, 才會了解真實情况, 又可能只係 Billy諗得太多, 其實一 D問題都冇?
(以下是 Billy異想天開的宏觀分析, 未必係 solution所在.)
從宏觀而論, 博彩已經成為澳門旅遊的特色同經濟的命脈( 7成庫房收入, 過半就業人口), 以及社會民間的意識型態. 但凡一樣野變左意識型態都好難攪. 單靠竭力傳福音似乎係冇可能改變整個社會既意識型態, 不如從另一個角度去睇, 或者會找到出路:
鈴聲物語 正當 Billy一臉無奈既時侯, 那風靈又再吹頌:
聖靈:「小朋友, 香港以前係邊個统治? 經濟大權又係邊個財團手上?」 Billy:「英國 lor, 財團? 我諗係怡和洋行.」 聖靈:「咁點解香港政權同經濟大權會落入外國政府同財團手上?」 Billy:「因為鴉片同鴉片戰爭 lor.」 聖靈:「也就是說, 百多年前, 由道光年間到民國初期, 近一百年光境, 中國整個國家以致所有人民都落在鴉片既轄制之下, 國庫空虛, 欠人一身債, 但依家點? 香港政權同經濟大權又係邊度? 怡和又去左邊度?」*3
上帝係歷史舞台既導演, 叫我地有信心, 唔會灰心, 但願神既旨意成全.
Billy: 「主啊! 我想換手機, 數碼相機同電腦, 可以嗎?」 聖靈:「今年手緊就無謂用錢, 用得就繼續用, 下年先再傾呢個問題.」
盼望 Billy 能夠一生信靠順服, 那怕/即使有時神既旨意在人看來有多唔合理.
*1 「九出十三歸」可能大家都聽過, 不過點解以及借既人同還既人背後既心態係乜就未必咁多基督徒知. 九出十三歸即係借 $10蚊, 但只係比 $9你, 卻要你還 $13蚊 (像的士起鏢咁, 三日內還), 之後每遲一日加 10%利息. 還既人其實心知肚明這是個非常冒險既決定, 但既然借左, 要翻本就一定起碼落注 $6.5. (因為 1賠 1先還到 $13蚊) 而借比人果個其實都係為求財, 唔係要下下燒人全家, 所以最希望見到 D賭仔贏下輸下. 隨住財務公司呢一行競爭激烈(因為賭仔可以碌 card or line of credit), 依家真係「九出十三歸」其實唔多, 人家還唔起咪仲煩, 仲要揾人去追數. *2 在Billy同神對話之後, Billy睇好華能國際 (0902/HNP) 06年業績, 故增持該公司股票, 4月 3日, 華能國際業績較去年增長 24%, 好過預期, 並透露將會在 08年招股, 消息傳出後, 股票狂升 15%. 賺左張機票錢番來, 由於美元下跌, 加元升上 7個月以來高位, 令 Billy 在賺左股票溢價之餘, 匯率再賺一重, 單係增持部份, 進帳 $2,400 (08年將為此納大約$150稅). 其實, 二千蚊唔算得什么, 唔值得煞有介事咁去講, 不過, 因為 Billy係呢件事上經歷神, 所以就連 MSN都用 <<4 月 3>> 9:02 all in Wa La Wa La做 nick name去為華能打氣, 由 3月尾一值到4月尾. 當然, 這個 nick name亦語帶雙關地在清明節記念已故既婆婆. *3 怡和因為怕 97同埋經營不善, 旗下既和黃比左李超人, 九倉同會德豐比左船王, 最後自己走左去新加坡, 鴉片同鴉片戰爭亦成為左歷史. 依家香港歸中國统治, 經濟大權?? 在匯豐還是在超人呢? 我諗真正既揸 fit人係胡銱濤先生同温家寶先生, 因為佢手上揸住太多巨無霸, 三電, 三行, 三油, 三保十二間公司市值都 10兆. 匯豐? 行埋一邊啦 !!
|